Go Suktam

ଗୋ ସୂକ୍ତମ୍

ଶ୍ଲୋକ 1

(ଋ.6.28.1)

ଆ ଗାଵୋ॑ ଅଗ୍ମନ୍ନୁ॒ତ ଭ॒ଦ୍ରମ॑କ୍ର॒ନ୍ତ୍ସୀଦ॑ନ୍ତୁ ଗୋ॒ଷ୍ଠେ ର॒ଣଯ॑ନ୍ତ୍ଵ॒ସ୍ମେ ।

ପ୍ର॒ଜାଵ॑ତୀଃ ପୁରୁ॒ରୁପା॑ ଇ॒ହ ସ୍ଯୁ॒ରିନ୍ଦ୍ରା॑ଯ ପୂ॒ର୍ଵୀରୁ॒ଷସୋ॒ ଦୁହା॑ନାଃ ॥ 1

ଇନ୍ଦ୍ରୋ॒ ଯଜ୍ଵ॑ନେ ପୃଣ॒ତେ ଚ॑ ଶିକ୍ଷ॒ତ୍ଯୁପେଦ୍ଦ॑ଦାତି॒ ନ ସ୍ଵ-ମ୍ମା॑ଷୁଯତି ।

ଭୂଯୋ॑ଭୂଯୋ ର॒ଯିମିଦ॑ସ୍ଯ ଵ॒ର୍ଧଯ॒ନ୍ନଭି॑ନ୍ନେ ଖି॒ଲ୍ଯେ ନି ଦ॑ଧାତି ଦେଵ॒ଯୁମ୍ ॥ 2

ନ ତା ନ॑ଶନ୍ତି॒ ନ ଦ॑ଭାତି॒ ତସ୍କ॑ରୋ॒ ନାସା॑ମାମି॒ତ୍ରୋ ଵ୍ଯଥି॒ରା ଦ॑ଧର୍​ଷତି ।

ଦେ॒ଵାଂଶ୍ଚ॒ ଯାଭି॒ର୍ଯଜ॑ତେ॒ ଦଦା॑ତି ଚ॒ ଜ୍ଯୋଗିତ୍ତାଭିଃ॑ ସଚତେ॒ ଗୋପ॑ତି-ସ୍ସ॒ହ ॥ 3

ନ ତା ଅର୍ଵା॑ ରେ॒ଣୁକ॑କାଟୋ ଅଶ୍ନୁତେ॒ ନ ସଂ॑ସ୍କୃତ॒ତ୍ରମୁପ॑ ଯନ୍ତି॒ ତା ଅ॒ଭି ।

ଉ॒ରୁ॒ଗା॒ଯମଭ॑ଯ॒-ନ୍ତସ୍ଯ॒ ତା ଅନୁ॒ ଗାଵୋ॒ ମର୍ତ॑ସ୍ଯ॒ ଵି ଚ॑ରନ୍ତି॒ ଯଜ୍ଵ॑ନଃ ॥ 4

ଗାଵୋ॒ ଭଗୋ॒ ଗାଵ॒ ଇନ୍ଦ୍ରୋ॑ ମ ଅଚ୍ଛା॒-ନ୍ଗାଵ॒-ସ୍ସୋମ॑ସ୍ଯ ପ୍ରଥ॒ମସ୍ଯ॑ ଭ॒କ୍ଷଃ ।

ଇ॒ମା ଯା ଗାଵ॒-ସ୍ସ ଜ॑ନାସ॒ ଇନ୍ଦ୍ର॑ ଇ॒ଚ୍ଛାମୀଦ୍ଧୃ॒ଦା ମନ॑ସା ଚି॒ଦିନ୍ଦ୍ର॑ମ୍ ॥ 5

ଯୂ॒ଯ-ଙ୍ଗା॑ଵୋ ମେଦଯଥା କୃ॒ଶ-ଞ୍ଚି॑ଦଶ୍ରୀ॒ର-ଞ୍ଚି॑ତ୍କୃଣୁଥା ସୁ॒ପ୍ରତୀ॑କମ୍ ।

ଭ॒ଦ୍ର-ଙ୍ଗୃ॒ହ-ଙ୍କୃ॑ଣୁଥ ଭଦ୍ରଵାଚୋ ବୃ॒ହଦ୍ଵୋ॒ ଵଯ॑ ଉଚ୍ଯତେ ସ॒ଭାସୁ॑ ॥ 6

ପ୍ର॒ଜାଵ॑ତୀ-ସ୍ସୂ॒ଯଵ॑ସଂ ରି॒ଶନ୍ତୀଃ॑ ଶୁ॒ଦ୍ଧା ଅ॒ପ-ସ୍ସୁ॑ପ୍ରପା॒ଣେ ପିବ॑ନ୍ତୀଃ ।

ମା ଵଃ॑ ସ୍ତେ॒ନ ଈ॑ଶତ॒ ମାଘଶଂ॑ସଃ॒ ପରି॑ ଵୋ ହେ॒ତି ରୁ॒ଦ୍ରସ୍ଯ॑ ଵୃଜ୍ଯାଃ ॥ 7

ଉପେ॒ଦମୁ॑ପ॒ପର୍ଚ॑ନମା॒ସୁ ଗୋଷୂପ॑ ପୃଚ୍ଯତାମ୍ ।

ଉପ॑ ଋଷ॒ଭସ୍ଯ॒ ରେତ॒ସ୍ଯୁପେ॑ନ୍ଦ୍ର॒ ତଵ॑ ଵୀ॒ର୍ଯେ॑ ॥ 8

ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥