Go Suktam

go sUktam

zloka 1

(R.6.28.1)

A gAvo॑ agmannu॒ta bha॒drama॑kra॒ntsIda॑ntu go॒SThe ra॒Naya॑ntva॒sme |

pra॒jAva॑tIH puru॒rupA॑ i॒ha syu॒rindrA॑ya pU॒rvIru॒Saso॒ duhA॑nAH || 1

indro॒ yajva॑ne pRNa॒te ca॑ zikSa॒tyupedda॑dAti॒ na sva-mmA॑Suyati |

bhUyo॑bhUyo ra॒yimida॑sya va॒rdhaya॒nnabhi॑nne khi॒lye ni da॑dhAti deva॒yum || 2

na tA na॑zanti॒ na da॑bhAti॒ taska॑ro॒ nAsA॑mAmi॒tro vyathi॒rA da॑dhar​Sati |

de॒vAMzca॒ yAbhi॒ryaja॑te॒ dadA॑ti ca॒ jyogittAbhiH॑ sacate॒ gopa॑ti-ssa॒ha || 3

na tA arvA॑ re॒Nuka॑kATo aznute॒ na saM॑skRta॒tramupa॑ yanti॒ tA a॒bhi |

u॒ru॒gA॒yamabha॑ya॒-ntasya॒ tA anu॒ gAvo॒ marta॑sya॒ vi ca॑ranti॒ yajva॑naH || 4

gAvo॒ bhago॒ gAva॒ indro॑ ma acchA॒-ngAva॒-ssoma॑sya pratha॒masya॑ bha॒kSaH |

i॒mA yA gAva॒-ssa ja॑nAsa॒ indra॑ i॒cchAmIddhR॒dA mana॑sA ci॒dindra॑m || 5

yU॒ya-GgA॑vo medayathA kR॒za-Jci॑dazrI॒ra-Jci॑tkRNuthA su॒pratI॑kam |

bha॒dra-GgR॒ha-GkR॑Nutha bhadravAco bR॒hadvo॒ vaya॑ ucyate sa॒bhAsu॑ || 6

pra॒jAva॑tI-ssU॒yava॑saM ri॒zantIH॑ zu॒ddhA a॒pa-ssu॑prapA॒Ne piba॑ntIH |

mA vaH॑ ste॒na I॑zata॒ mAghazaM॑saH॒ pari॑ vo he॒ti ru॒drasya॑ vRjyAH || 7

upe॒damu॑pa॒parca॑namA॒su goSUpa॑ pRcyatAm |

upa॑ RSa॒bhasya॒ reta॒syupe॑ndra॒ tava॑ vI॒rye॑ || 8

OM zAnti॒-zzAnti॒-zzAntiH॑ ||