ഗോ സൂക്തമ്

ഗോ സൂക്തമ്

ശ്ലോക 1

(ഋ.6.28.1)

ആ ഗാവോ॑ അഗ്മന്നു॒ത ഭ॒ദ്രമ॑ക്ര॒ന്ത്സീദ॑ന്തു ഗോ॒ഷ്ഠേ ര॒ണയ॑ന്ത്വ॒സ്മേ ।

പ്ര॒ജാവ॑തീഃ പുരു॒രുപാ॑ ഇ॒ഹ സ്യു॒രിന്ദ്രാ॑യ പൂ॒ര്വീരു॒ഷസോ॒ ദുഹാ॑നാഃ ॥ 1

ഇന്ദ്രോ॒ യജ്വ॑നേ പൃണ॒തേ ച॑ ശിക്ഷ॒ത്യുപേദ്ദ॑ദാതി॒ ന സ്വ-മ്മാ॑ഷുയതി ।

ഭൂയോ॑ഭൂയോ ര॒യിമിദ॑സ്യ വ॒ര്ധയ॒ന്നഭി॑ന്നേ ഖി॒ല്യേ നി ദ॑ധാതി ദേവ॒യുമ് ॥ 2

ന താ ന॑ശന്തി॒ ന ദ॑ഭാതി॒ തസ്ക॑രോ॒ നാസാ॑മാമി॒ത്രോ വ്യഥി॒രാ ദ॑ധര്​ഷതി ।

ദേ॒വാംശ്ച॒ യാഭി॒ര്യജ॑തേ॒ ദദാ॑തി ച॒ ജ്യോഗിത്താഭിഃ॑ സചതേ॒ ഗോപ॑തി-സ്സ॒ഹ ॥ 3

ന താ അര്വാ॑ രേ॒ണുക॑കാടോ അശ്നുതേ॒ ന സം॑സ്കൃത॒ത്രമുപ॑ യന്തി॒ താ അ॒ഭി ।

ഉ॒രു॒ഗാ॒യമഭ॑യ॒-ന്തസ്യ॒ താ അനു॒ ഗാവോ॒ മര്ത॑സ്യ॒ വി ച॑രന്തി॒ യജ്വ॑നഃ ॥ 4

ഗാവോ॒ ഭഗോ॒ ഗാവ॒ ഇന്ദ്രോ॑ മ അച്ഛാ॒-ന്ഗാവ॒-സ്സോമ॑സ്യ പ്രഥ॒മസ്യ॑ ഭ॒ക്ഷഃ ।

ഇ॒മാ യാ ഗാവ॒-സ്സ ജ॑നാസ॒ ഇന്ദ്ര॑ ഇ॒ച്ഛാമീദ്ധൃ॒ദാ മന॑സാ ചി॒ദിന്ദ്ര॑മ് ॥ 5

യൂ॒യ-ങ്ഗാ॑വോ മേദയഥാ കൃ॒ശ-ഞ്ചി॑ദശ്രീ॒ര-ഞ്ചി॑ത്കൃണുഥാ സു॒പ്രതീ॑കമ് ।

ഭ॒ദ്ര-ങ്ഗൃ॒ഹ-ങ്കൃ॑ണുഥ ഭദ്രവാചോ ബൃ॒ഹദ്വോ॒ വയ॑ ഉച്യതേ സ॒ഭാസു॑ ॥ 6

പ്ര॒ജാവ॑തീ-സ്സൂ॒യവ॑സം രി॒ശന്തീഃ॑ ശു॒ദ്ധാ അ॒പ-സ്സു॑പ്രപാ॒ണേ പിബ॑ന്തീഃ ।

മാ വഃ॑ സ്തേ॒ന ഈ॑ശത॒ മാഘശം॑സഃ॒ പരി॑ വോ ഹേ॒തി രു॒ദ്രസ്യ॑ വൃജ്യാഃ ॥ 7

ഉപേ॒ദമു॑പ॒പര്ച॑നമാ॒സു ഗോഷൂപ॑ പൃച്യതാമ് ।

ഉപ॑ ഋഷ॒ഭസ്യ॒ രേത॒സ്യുപേ॑ന്ദ്ര॒ തവ॑ വീ॒ര്യേ॑ ॥ 8

ഓം ശാന്തി॒-ശ്ശാന്തി॒-ശ്ശാന്തിഃ॑ ॥