ગો સૂક્તમ્

ગો સૂક્તમ્

શ્લોક 1

(ઋ.6.28.1)

આ ગાવો॑ અગ્મન્નુ॒ત ભ॒દ્રમ॑ક્ર॒ન્ત્સીદ॑ન્તુ ગો॒ષ્ઠે ર॒ણય॑ન્ત્વ॒સ્મે ।

પ્ર॒જાવ॑તીઃ પુરુ॒રુપા॑ ઇ॒હ સ્યુ॒રિન્દ્રા॑ય પૂ॒ર્વીરુ॒ષસો॒ દુહા॑નાઃ ॥ 1

ઇન્દ્રો॒ યજ્વ॑ને પૃણ॒તે ચ॑ શિક્ષ॒ત્યુપેદ્દ॑દાતિ॒ ન સ્વ-મ્મા॑ષુયતિ ।

ભૂયો॑ભૂયો ર॒યિમિદ॑સ્ય વ॒ર્ધય॒ન્નભિ॑ન્ને ખિ॒લ્યે નિ દ॑ધાતિ દેવ॒યુમ્ ॥ 2

ન તા ન॑શન્તિ॒ ન દ॑ભાતિ॒ તસ્ક॑રો॒ નાસા॑મામિ॒ત્રો વ્યથિ॒રા દ॑ધર્​ષતિ ।

દે॒વાંશ્ચ॒ યાભિ॒ર્યજ॑તે॒ દદા॑તિ ચ॒ જ્યોગિત્તાભિઃ॑ સચતે॒ ગોપ॑તિ-સ્સ॒હ ॥ 3

ન તા અર્વા॑ રે॒ણુક॑કાટો અશ્નુતે॒ ન સં॑સ્કૃત॒ત્રમુપ॑ યન્તિ॒ તા અ॒ભિ ।

ઉ॒રુ॒ગા॒યમભ॑ય॒-ન્તસ્ય॒ તા અનુ॒ ગાવો॒ મર્ત॑સ્ય॒ વિ ચ॑રન્તિ॒ યજ્વ॑નઃ ॥ 4

ગાવો॒ ભગો॒ ગાવ॒ ઇન્દ્રો॑ મ અચ્છા॒-ન્ગાવ॒-સ્સોમ॑સ્ય પ્રથ॒મસ્ય॑ ભ॒ક્ષઃ ।

ઇ॒મા યા ગાવ॒-સ્સ જ॑નાસ॒ ઇન્દ્ર॑ ઇ॒ચ્છામીદ્ધૃ॒દા મન॑સા ચિ॒દિન્દ્ર॑મ્ ॥ 5

યૂ॒ય-ઙ્ગા॑વો મેદયથા કૃ॒શ-ઞ્ચિ॑દશ્રી॒ર-ઞ્ચિ॑ત્કૃણુથા સુ॒પ્રતી॑કમ્ ।

ભ॒દ્ર-ઙ્ગૃ॒હ-ઙ્કૃ॑ણુથ ભદ્રવાચો બૃ॒હદ્વો॒ વય॑ ઉચ્યતે સ॒ભાસુ॑ ॥ 6

પ્ર॒જાવ॑તી-સ્સૂ॒યવ॑સં રિ॒શન્તીઃ॑ શુ॒દ્ધા અ॒પ-સ્સુ॑પ્રપા॒ણે પિબ॑ન્તીઃ ।

મા વઃ॑ સ્તે॒ન ઈ॑શત॒ માઘશં॑સઃ॒ પરિ॑ વો હે॒તિ રુ॒દ્રસ્ય॑ વૃજ્યાઃ ॥ 7

ઉપે॒દમુ॑પ॒પર્ચ॑નમા॒સુ ગોષૂપ॑ પૃચ્યતામ્ ।

ઉપ॑ ઋષ॒ભસ્ય॒ રેત॒સ્યુપે॑ન્દ્ર॒ તવ॑ વી॒ર્યે॑ ॥ 8

ૐ શાન્તિ॒-શ્શાન્તિ॒-શ્શાન્તિઃ॑ ॥