গো সূক্তম্

গো সূক্তম্

শ্লোক 1

(ঋ.6.28.1)

আ গাবো॑ অগ্মন্নু॒ত ভ॒দ্রম॑ক্র॒ন্ত্সীদ॑ন্তু গো॒ষ্ঠে র॒ণয॑ন্ত্ব॒স্মে ।

প্র॒জাব॑তীঃ পুরু॒রুপা॑ ই॒হ স্যু॒রিন্দ্রা॑য পূ॒র্বীরু॒ষসো॒ দুহা॑নাঃ ॥ 1

ইন্দ্রো॒ যজ্ব॑নে পৃণ॒তে চ॑ শিক্ষ॒ত্যুপেদ্দ॑দাতি॒ ন স্ব-ম্মা॑ষুযতি ।

ভূযো॑ভূযো র॒যিমিদ॑স্য ব॒র্ধয॒ন্নভি॑ন্নে খি॒ল্যে নি দ॑ধাতি দেব॒যুম্ ॥ 2

ন তা ন॑শন্তি॒ ন দ॑ভাতি॒ তস্ক॑রো॒ নাসা॑মামি॒ত্রো ব্যথি॒রা দ॑ধর্​ষতি ।

দে॒বাংশ্চ॒ যাভি॒র্যজ॑তে॒ দদা॑তি চ॒ জ্যোগিত্তাভিঃ॑ সচতে॒ গোপ॑তি-স্স॒হ ॥ 3

ন তা অর্বা॑ রে॒ণুক॑কাটো অশ্নুতে॒ ন সং॑স্কৃত॒ত্রমুপ॑ যন্তি॒ তা অ॒ভি ।

উ॒রু॒গা॒যমভ॑য॒-ন্তস্য॒ তা অনু॒ গাবো॒ মর্ত॑স্য॒ বি চ॑রন্তি॒ যজ্ব॑নঃ ॥ 4

গাবো॒ ভগো॒ গাব॒ ইন্দ্রো॑ ম অচ্ছা॒-ন্গাব॒-স্সোম॑স্য প্রথ॒মস্য॑ ভ॒ক্ষঃ ।

ই॒মা যা গাব॒-স্স জ॑নাস॒ ইন্দ্র॑ ই॒চ্ছামীদ্ধৃ॒দা মন॑সা চি॒দিন্দ্র॑ম্ ॥ 5

যূ॒য-ঙ্গা॑বো মেদযথা কৃ॒শ-ঞ্চি॑দশ্রী॒র-ঞ্চি॑ত্কৃণুথা সু॒প্রতী॑কম্ ।

ভ॒দ্র-ঙ্গৃ॒হ-ঙ্কৃ॑ণুথ ভদ্রবাচো বৃ॒হদ্বো॒ বয॑ উচ্যতে স॒ভাসু॑ ॥ 6

প্র॒জাব॑তী-স্সূ॒যব॑সং রি॒শন্তীঃ॑ শু॒দ্ধা অ॒প-স্সু॑প্রপা॒ণে পিব॑ন্তীঃ ।

মা বঃ॑ স্তে॒ন ঈ॑শত॒ মাঘশং॑সঃ॒ পরি॑ বো হে॒তি রু॒দ্রস্য॑ বৃজ্যাঃ ॥ 7

উপে॒দমু॑প॒পর্চ॑নমা॒সু গোষূপ॑ পৃচ্যতাম্ ।

উপ॑ ঋষ॒ভস্য॒ রেত॒স্যুপে॑ন্দ্র॒ তব॑ বী॒র্যে॑ ॥ 8

ওঁ শান্তি॒-শ্শান্তি॒-শ্শান্তিঃ॑ ॥