Gayatri Kavacham

ගායත්රී කවචම්

ශ්ලොක 1

නාරද උවාච

ස්වාමින් සර්වජගන්නාධ සංශයෝ(අ)ස්ති මම ප්රභෝ

චතුෂෂ්ටි කලාභිජ්ඤ පාතකා ද්යෝගවිද්වර

මුච්යතේ කේන පුණ්යේන බ්රහ්මරූපඃ කථං භවේත්

දේහශ්ච දේවතාරූපෝ මන්ත්ර රූපෝ විශේෂතඃ

කර්මත ච්ඡ්රෝතු මිච්ඡාමි න්යාසං ච විධිපූර්වකම්

ඍෂි ශ්ඡන්දෝ(අ)ධි දෛවඤ්ච ධ්යානං ච විධිව ත්ප්රභෝ

නාරායණ උවාච

අස්ය්තේකං පරමං ගුහ්යං ගායත්රී කවචං තථා

පඨනා ද්ධාරණා න්මර්ත්ය ස්සර්වපාපෛඃ ප්රමුච්යතේ

සර්වාඞ්කාමානවාප්නෝති දේවී රූපශ්ච ජායතේ

ගායත්ත්රී කවචස්යාස්ය බ්රහ්මවිෂ්ණුමහේශ්වරාඃ

ඍෂයෝ ඍග්යජුස්සාමාථර්ව ච්ඡන්දාංසි නාරද

බ්රහ්මරූපා දේවතෝක්තා ගායත්රී පරමා කලා

තද්බීජං භර්ග ඉත්යේෂා ශක්ති රුක්තා මනීෂිභිඃ

කීලකඤ්ච ධියඃ ප්රෝක්තං මෝක්ෂාර්ධේ විනියෝජනම්

චතුර්භිර්හෘදයං ප්රෝක්තං ත්රිභි ර්වර්ණෛ ශ්ශිර ස්ස්මෘතම්

චතුර්භිස්ස්යාච්ඡිඛා පශ්චාත්ත්රිභිස්තු කවචං ස්ස්මුතම්

චතුර්භි ර්නේත්ර මුද්ධිෂ්ටං චතුර්භිස්ස්යාත්තදස්ර්තකම්

අථ ධ්යානං ප්රවක්ෂ්යාමි සාධකාභීෂ්ටදායකම්

මුක්තා විද්රුම හේමනීල ධවල ච්ඡායෛර්මුඛෛ ස්ත්රීක්ෂණෛඃ

යුක්තාමින්දු නිබද්ධ රත්න මකුටාං තත්වාර්ධ වර්ණාත්මිකාම් .

ගායත්ත්රීං වරදාභයාං කුශකශාශ්ශුභ්රං කපාලං ගදාං

ශඞ්ඛං චක්ර මථාරවින්ද යුගලං හස්තෛර්වහන්තීං භජේ ..

ගායත්ත්රී පූර්වතඃ පාතු සාවිත්රී පාතු දක්ෂිණේ

බ්රහ්ම සන්ධ්යාතු මේ පශ්චාදුත්තරායාං සරස්වතී

පාර්වතී මේ දිශං රාක්ෂේ ත්පාවකීං ජලශායිනී

යාතූධානීං දිශං රක්ෂේ ද්යාතුධානභයඞ්කරී

පාවමානීං දිශං රක්ෂේත්පවමාන විලාසිනී

දිශං රෞද්රීඤ්ච මේ පාතු රුද්රාණී රුද්ර රූපිණී

ඌර්ධ්වං බ්රහ්මාණී මේ රක්ෂේ දධස්තා ද්වෛෂ්ණවී තථා

ඒවං දශ දිශෝ රක්ෂේ ත්සර්වාඞ්ගං භුවනේශ්වරී

තත්පදං පාතු මේ පාදෞ ජඞ්ඝේ මේ සවිතුඃපදම්

වරේණ්යං කටි දේශේතු නාභිං භර්ග ස්තථෛවච

දේවස්ය මේ තද්ධෘදයං ධීමහීති ච ගල්ලයෝඃ

ධියඃ පදං ච මේ නේත්රේ යඃ පදං මේ ලලාටකම්

නඃ පදං පාතු මේ මූර්ධ්නි ශිඛායාං මේ ප්රචෝදයාත්

තත්පදං පාතු මූර්ධානං සකාරඃ පාතු ඵාලකම්

චක්ෂුෂීතු විකාරාර්ණෝ තුකාරස්තු කපෝලයෝඃ

නාසාපුටං වකාරාර්ණෝ රකාරස්තු මුඛේ තථා

ණිකාර ඌර්ධ්ව මෝෂ්ඨන්තු යකාරස්ත්වධරෝෂ්ඨකම්

ආස්යමධ්යේ භකාරාර්ණෝ ගෝකාර ශ්චුබුකේ තථා

දේකාරඃ කණ්ඨ දේශේතු වකාර ස්ස්කන්ධ දේශකම්

ස්යකාරෝ දක්ෂිණං හස්තං ධීකාරෝ වාම හස්තකම්

මකාරෝ හෘදයං රක්ෂේද්ධිකාර උදරේ තථා

ධිකාරෝ නාභි දේශේතු යෝකාරස්තු කටිං තථා

ගුහ්යං රක්ෂතු යෝකාර ඌරූ ද්වෞ නඃ පදාක්ෂරම්

ප්රකාරෝ ජානුනී රක්ෂේ ච්ඡෝකාරෝ ජඞ්ඝ දේශකම්

දකාරං ගුල්ඵ දේශේතු යාකාරඃ පදයුග්මකම්

තකාර ව්යඤ්ජනං චෛව සර්වාඞ්ගේ මේ සදාවතු

ඉදන්තු කවචං දිව්යං බාධා ශත විනාශනම්

චතුෂ්ෂෂ්ටි කලා විද්යාදායකං මෝක්ෂකාරකම්

මුච්යතේ සර්ව පාපේභ්යඃ පරං බ්රහ්මාධිගච්ඡති

පඨනා ච්ඡ්රවණා ද්වාපි ගෝ සහස්ර ඵලං ලභේත්

ශ්රී දේවීභාගවතාන්තර්ගත ගායත්ත්රී කවචං සම්පූර්ණං