Gayatri Kavacham
Gayatri Kavacham
ଗାଯତ୍ରୀ କଵଚମ୍
ଶ୍ଲୋକ 1
ନାରଦ ଉଵାଚ
ସ୍ଵାମିନ୍ ସର୍ଵଜଗନ୍ନାଧ ସଂଶଯୋଽସ୍ତି ମମ ପ୍ରଭୋ
ଚତୁଷଷ୍ଟି କଲାଭିଜ୍ଞ ପାତକା ଦ୍ଯୋଗଵିଦ୍ଵର
ମୁଚ୍ଯତେ କେନ ପୁଣ୍ଯେନ ବ୍ରହ୍ମରୂପଃ କଥଂ ଭଵେତ୍
ଦେହଶ୍ଚ ଦେଵତାରୂପୋ ମନ୍ତ୍ର ରୂପୋ ଵିଶେଷତଃ
କର୍ମତ ଚ୍ଛ୍ରୋତୁ ମିଚ୍ଛାମି ନ୍ଯାସଂ ଚ ଵିଧିପୂର୍ଵକମ୍
ଋଷି ଶ୍ଛନ୍ଦୋଽଧି ଦୈଵଞ୍ଚ ଧ୍ଯାନଂ ଚ ଵିଧିଵ ତ୍ପ୍ରଭୋ
ନାରାଯଣ ଉଵାଚ
ଅସ୍ଯ୍ତେକଂ ପରମଂ ଗୁହ୍ଯଂ ଗାଯତ୍ରୀ କଵଚଂ ତଥା
ପଠନା ଦ୍ଧାରଣା ନ୍ମର୍ତ୍ଯ ସ୍ସର୍ଵପାପୈଃ ପ୍ରମୁଚ୍ଯତେ
ସର୍ଵାଙ୍କାମାନଵାପ୍ନୋତି ଦେଵୀ ରୂପଶ୍ଚ ଜାଯତେ
ଗାଯତ୍ତ୍ରୀ କଵଚସ୍ଯାସ୍ଯ ବ୍ରହ୍ମଵିଷ୍ଣୁମହେଶ୍ଵରାଃ
ଋଷଯୋ ଋଗ୍ଯଜୁସ୍ସାମାଥର୍ଵ ଚ୍ଛନ୍ଦାଂସି ନାରଦ
ବ୍ରହ୍ମରୂପା ଦେଵତୋକ୍ତା ଗାଯତ୍ରୀ ପରମା କଲା
ତଦ୍ବୀଜଂ ଭର୍ଗ ଇତ୍ଯେଷା ଶକ୍ତି ରୁକ୍ତା ମନୀଷିଭିଃ
କୀଲକଞ୍ଚ ଧିଯଃ ପ୍ରୋକ୍ତଂ ମୋକ୍ଷାର୍ଧେ ଵିନିଯୋଜନମ୍
ଚତୁର୍ଭିର୍ହୃଦଯଂ ପ୍ରୋକ୍ତଂ ତ୍ରିଭି ର୍ଵର୍ଣୈ ଶ୍ଶିର ସ୍ସ୍ମୃତମ୍
ଚତୁର୍ଭିସ୍ସ୍ଯାଚ୍ଛିଖା ପଶ୍ଚାତ୍ତ୍ରିଭିସ୍ତୁ କଵଚଂ ସ୍ସ୍ମୁତମ୍
ଚତୁର୍ଭି ର୍ନେତ୍ର ମୁଦ୍ଧିଷ୍ଟଂ ଚତୁର୍ଭିସ୍ସ୍ଯାତ୍ତଦସ୍ର୍ତକମ୍
ଅଥ ଧ୍ଯାନଂ ପ୍ରଵକ୍ଷ୍ଯାମି ସାଧକାଭୀଷ୍ଟଦାଯକମ୍
ମୁକ୍ତା ଵିଦ୍ରୁମ ହେମନୀଲ ଧଵଲ ଚ୍ଛାଯୈର୍ମୁଖୈ ସ୍ତ୍ରୀକ୍ଷଣୈଃ
ଯୁକ୍ତାମିନ୍ଦୁ ନିବଦ୍ଧ ରତ୍ନ ମକୁଟାଂ ତତ୍ଵାର୍ଧ ଵର୍ଣାତ୍ମିକାମ୍ ।
ଗାଯତ୍ତ୍ରୀଂ ଵରଦାଭଯାଂ କୁଶକଶାଶ୍ଶୁଭ୍ରଂ କପାଲଂ ଗଦାଂ
ଶଙ୍ଖଂ ଚକ୍ର ମଥାରଵିନ୍ଦ ଯୁଗଲଂ ହସ୍ତୈର୍ଵହନ୍ତୀଂ ଭଜେ ॥
ଗାଯତ୍ତ୍ରୀ ପୂର୍ଵତଃ ପାତୁ ସାଵିତ୍ରୀ ପାତୁ ଦକ୍ଷିଣେ
ବ୍ରହ୍ମ ସନ୍ଧ୍ଯାତୁ ମେ ପଶ୍ଚାଦୁତ୍ତରାଯାଂ ସରସ୍ଵତୀ
ପାର୍ଵତୀ ମେ ଦିଶଂ ରାକ୍ଷେ ତ୍ପାଵକୀଂ ଜଲଶାଯିନୀ
ଯାତୂଧାନୀଂ ଦିଶଂ ରକ୍ଷେ ଦ୍ଯାତୁଧାନଭଯଙ୍କରୀ
ପାଵମାନୀଂ ଦିଶଂ ରକ୍ଷେତ୍ପଵମାନ ଵିଲାସିନୀ
ଦିଶଂ ରୌଦ୍ରୀଞ୍ଚ ମେ ପାତୁ ରୁଦ୍ରାଣୀ ରୁଦ୍ର ରୂପିଣୀ
ଊର୍ଧ୍ଵଂ ବ୍ରହ୍ମାଣୀ ମେ ରକ୍ଷେ ଦଧସ୍ତା ଦ୍ଵୈଷ୍ଣଵୀ ତଥା
ଏଵଂ ଦଶ ଦିଶୋ ରକ୍ଷେ ତ୍ସର୍ଵାଙ୍ଗଂ ଭୁଵନେଶ୍ଵରୀ
ତତ୍ପଦଂ ପାତୁ ମେ ପାଦୌ ଜଙ୍ଘେ ମେ ସଵିତୁଃପଦମ୍
ଵରେଣ୍ଯଂ କଟି ଦେଶେତୁ ନାଭିଂ ଭର୍ଗ ସ୍ତଥୈଵଚ
ଦେଵସ୍ଯ ମେ ତଦ୍ଧୃଦଯଂ ଧୀମହୀତି ଚ ଗଲ୍ଲଯୋଃ
ଧିଯଃ ପଦଂ ଚ ମେ ନେତ୍ରେ ଯଃ ପଦଂ ମେ ଲଲାଟକମ୍
ନଃ ପଦଂ ପାତୁ ମେ ମୂର୍ଧ୍ନି ଶିଖାଯାଂ ମେ ପ୍ରଚୋଦଯାତ୍
ତତ୍ପଦଂ ପାତୁ ମୂର୍ଧାନଂ ସକାରଃ ପାତୁ ଫାଲକମ୍
ଚକ୍ଷୁଷୀତୁ ଵିକାରାର୍ଣୋ ତୁକାରସ୍ତୁ କପୋଲଯୋଃ
ନାସାପୁଟଂ ଵକାରାର୍ଣୋ ରକାରସ୍ତୁ ମୁଖେ ତଥା
ଣିକାର ଊର୍ଧ୍ଵ ମୋଷ୍ଠନ୍ତୁ ଯକାରସ୍ତ୍ଵଧରୋଷ୍ଠକମ୍
ଆସ୍ଯମଧ୍ଯେ ଭକାରାର୍ଣୋ ଗୋକାର ଶ୍ଚୁବୁକେ ତଥା
ଦେକାରଃ କଣ୍ଠ ଦେଶେତୁ ଵକାର ସ୍ସ୍କନ୍ଧ ଦେଶକମ୍
ସ୍ଯକାରୋ ଦକ୍ଷିଣଂ ହସ୍ତଂ ଧୀକାରୋ ଵାମ ହସ୍ତକମ୍
ମକାରୋ ହୃଦଯଂ ରକ୍ଷେଦ୍ଧିକାର ଉଦରେ ତଥା
ଧିକାରୋ ନାଭି ଦେଶେତୁ ଯୋକାରସ୍ତୁ କଟିଂ ତଥା
ଗୁହ୍ଯଂ ରକ୍ଷତୁ ଯୋକାର ଊରୂ ଦ୍ଵୌ ନଃ ପଦାକ୍ଷରମ୍
ପ୍ରକାରୋ ଜାନୁନୀ ରକ୍ଷେ ଚ୍ଛୋକାରୋ ଜଙ୍ଘ ଦେଶକମ୍
ଦକାରଂ ଗୁଲ୍ଫ ଦେଶେତୁ ଯାକାରଃ ପଦଯୁଗ୍ମକମ୍
ତକାର ଵ୍ଯଞ୍ଜନଂ ଚୈଵ ସର୍ଵାଙ୍ଗେ ମେ ସଦାଵତୁ
ଇଦନ୍ତୁ କଵଚଂ ଦିଵ୍ଯଂ ବାଧା ଶତ ଵିନାଶନମ୍
ଚତୁଷ୍ଷଷ୍ଟି କଲା ଵିଦ୍ଯାଦାଯକଂ ମୋକ୍ଷକାରକମ୍
ମୁଚ୍ଯତେ ସର୍ଵ ପାପେଭ୍ଯଃ ପରଂ ବ୍ରହ୍ମାଧିଗଚ୍ଛତି
ପଠନା ଚ୍ଛ୍ରଵଣା ଦ୍ଵାପି ଗୋ ସହସ୍ର ଫଲଂ ଲଭେତ୍
ଶ୍ରୀ ଦେଵୀଭାଗଵତାନ୍ତର୍ଗତ ଗାଯତ୍ତ୍ରୀ କଵଚଂ ସମ୍ପୂର୍ଣଂ