Gayatri Kavacham

gāyatrī kavacam

Śloka 1

nārada uvāca

svāmin sarvajagannādha saṃśayo'sti mama prabho

catuṣaṣṭi kalābhijña pātakā dyogavidvara

mucyate kena puṇyena brahmarūpaḥ kathaṃ bhavet

dehaśca devatārūpo mantra rūpo viśeṣataḥ

karmata cchrotu micchāmi nyāsaṃ ca vidhipūrvakam

ṛṣi śchando'dhi daivañca dhyānaṃ ca vidhiva tprabho

nārāyaṇa uvāca

asytekaṃ paramaṃ guhyaṃ gāyatrī kavacaṃ tathā

paṭhanā ddhāraṇā nmartya ssarvapāpaiḥ pramucyate

sarvāṅkāmānavāpnoti devī rūpaśca jāyate

gāyattrī kavacasyāsya brahmaviṣṇumaheśvarāḥ

ṛṣayo ṛgyajussāmātharva cchandāṃsi nārada

brahmarūpā devatoktā gāyatrī paramā kalā

tadbījaṃ bharga ityeṣā śakti ruktā manīṣibhiḥ

kīlakañca dhiyaḥ proktaṃ mokṣārdhe viniyojanam

caturbhirhṛdayaṃ proktaṃ tribhi rvarṇai śśira ssmṛtam

caturbhissyācchikhā paścāttribhistu kavacaṃ ssmutam

caturbhi rnetra muddhiṣṭaṃ caturbhissyāttadasrtakam

atha dhyānaṃ pravakṣyāmi sādhakābhīṣṭadāyakam

muktā vidruma hemanīla dhavala cchāyairmukhai strīkṣaṇaiḥ

yuktāmindu nibaddha ratna makuṭāṃ tatvārdha varṇātmikām |

gāyattrīṃ varadābhayāṃ kuśakaśāśśubhraṃ kapālaṃ gadāṃ

śaṅkhaṃ cakra mathāravinda yugalaṃ hastairvahantīṃ bhaje ||

gāyattrī pūrvataḥ pātu sāvitrī pātu dakṣiṇe

brahma sandhyātu me paścāduttarāyāṃ sarasvatī

pārvatī me diśaṃ rākṣe tpāvakīṃ jalaśāyinī

yātūdhānīṃ diśaṃ rakṣe dyātudhānabhayaṅkarī

pāvamānīṃ diśaṃ rakṣetpavamāna vilāsinī

diśaṃ raudrīñca me pātu rudrāṇī rudra rūpiṇī

ūrdhvaṃ brahmāṇī me rakṣe dadhastā dvaiṣṇavī tathā

evaṃ daśa diśo rakṣe tsarvāṅgaṃ bhuvaneśvarī

tatpadaṃ pātu me pādau jaṅghe me savituḥpadam

vareṇyaṃ kaṭi deśetu nābhiṃ bharga stathaivaca

devasya me taddhṛdayaṃ dhīmahīti ca gallayoḥ

dhiyaḥ padaṃ ca me netre yaḥ padaṃ me lalāṭakam

naḥ padaṃ pātu me mūrdhni śikhāyāṃ me pracodayāt

tatpadaṃ pātu mūrdhānaṃ sakāraḥ pātu phālakam

cakṣuṣītu vikārārṇo tukārastu kapolayoḥ

nāsāpuṭaṃ vakārārṇo rakārastu mukhe tathā

ṇikāra ūrdhva moṣṭhantu yakārastvadharoṣṭhakam

āsyamadhye bhakārārṇo gokāra ścubuke tathā

dekāraḥ kaṇṭha deśetu vakāra sskandha deśakam

syakāro dakṣiṇaṃ hastaṃ dhīkāro vāma hastakam

makāro hṛdayaṃ rakṣeddhikāra udare tathā

dhikāro nābhi deśetu yokārastu kaṭiṃ tathā

guhyaṃ rakṣatu yokāra ūrū dvau naḥ padākṣaram

prakāro jānunī rakṣe cchokāro jaṅgha deśakam

dakāraṃ gulpha deśetu yākāraḥ padayugmakam

takāra vyañjanaṃ caiva sarvāṅge me sadāvatu

idantu kavacaṃ divyaṃ bādhā śata vināśanam

catuṣṣaṣṭi kalā vidyādāyakaṃ mokṣakārakam

mucyate sarva pāpebhyaḥ paraṃ brahmādhigacchati

paṭhanā cchravaṇā dvāpi go sahasra phalaṃ labhet

śrī devībhāgavatāntargata gāyattrī kavacaṃ sampūrṇaṃ