Gayatri Kavacham

gAyatrI kavacam

zloka 1

nArada uvAca

svAmin sarvajagannAdha saMzayo'sti mama prabho

catuSaSTi kalAbhijJa pAtakA dyogavidvara

mucyate kena puNyena brahmarUpaH kathaM bhavet

dehazca devatArUpo mantra rUpo vizeSataH

karmata cchrotu micchAmi nyAsaM ca vidhipUrvakam

RSi zchando'dhi daivaJca dhyAnaM ca vidhiva tprabho

nArAyaNa uvAca

asytekaM paramaM guhyaM gAyatrI kavacaM tathA

paThanA ddhAraNA nmartya ssarvapApaiH pramucyate

sarvAGkAmAnavApnoti devI rUpazca jAyate

gAyattrI kavacasyAsya brahmaviSNumahezvarAH

RSayo RgyajussAmAtharva cchandAMsi nArada

brahmarUpA devatoktA gAyatrI paramA kalA

tadbIjaM bharga ityeSA zakti ruktA manISibhiH

kIlakaJca dhiyaH proktaM mokSArdhe viniyojanam

caturbhirhRdayaM proktaM tribhi rvarNai zzira ssmRtam

caturbhissyAcchikhA pazcAttribhistu kavacaM ssmutam

caturbhi rnetra muddhiSTaM caturbhissyAttadasrtakam

atha dhyAnaM pravakSyAmi sAdhakAbhISTadAyakam

muktA vidruma hemanIla dhavala cchAyairmukhai strIkSaNaiH

yuktAmindu nibaddha ratna makuTAM tatvArdha varNAtmikAm |

gAyattrIM varadAbhayAM kuzakazAzzubhraM kapAlaM gadAM

zaGkhaM cakra mathAravinda yugalaM hastairvahantIM bhaje ||

gAyattrI pUrvataH pAtu sAvitrI pAtu dakSiNe

brahma sandhyAtu me pazcAduttarAyAM sarasvatI

pArvatI me dizaM rAkSe tpAvakIM jalazAyinI

yAtUdhAnIM dizaM rakSe dyAtudhAnabhayaGkarI

pAvamAnIM dizaM rakSetpavamAna vilAsinI

dizaM raudrIJca me pAtu rudrANI rudra rUpiNI

UrdhvaM brahmANI me rakSe dadhastA dvaiSNavI tathA

evaM daza dizo rakSe tsarvAGgaM bhuvanezvarI

tatpadaM pAtu me pAdau jaGghe me savituHpadam

vareNyaM kaTi dezetu nAbhiM bharga stathaivaca

devasya me taddhRdayaM dhImahIti ca gallayoH

dhiyaH padaM ca me netre yaH padaM me lalATakam

naH padaM pAtu me mUrdhni zikhAyAM me pracodayAt

tatpadaM pAtu mUrdhAnaM sakAraH pAtu phAlakam

cakSuSItu vikArArNo tukArastu kapolayoH

nAsApuTaM vakArArNo rakArastu mukhe tathA

NikAra Urdhva moSThantu yakArastvadharoSThakam

Asyamadhye bhakArArNo gokAra zcubuke tathA

dekAraH kaNTha dezetu vakAra sskandha dezakam

syakAro dakSiNaM hastaM dhIkAro vAma hastakam

makAro hRdayaM rakSeddhikAra udare tathA

dhikAro nAbhi dezetu yokArastu kaTiM tathA

guhyaM rakSatu yokAra UrU dvau naH padAkSaram

prakAro jAnunI rakSe cchokAro jaGgha dezakam

dakAraM gulpha dezetu yAkAraH padayugmakam

takAra vyaJjanaM caiva sarvAGge me sadAvatu

idantu kavacaM divyaM bAdhA zata vinAzanam

catuSSaSTi kalA vidyAdAyakaM mokSakArakam

mucyate sarva pApebhyaH paraM brahmAdhigacchati

paThanA cchravaNA dvApi go sahasra phalaM labhet

zrI devIbhAgavatAntargata gAyattrI kavacaM sampUrNaM