Ganga Stotram

ga~NgA stotram

shloka 1

devi! sureshvari! bhagavati! gaNge tribhuvanatAriNi taralataraNge |

sha~NkaramaulivihAriNi vimale mama matirAstAM tava padakamale || 1 ||

bhAgIrathisukhadAyini mAtastava jalamahimA nigame khyAtaH |

nAhaM jAne tava mahimAnaM pAhi kRRipAmayi mAmaj~nAnam || 2 ||

haripadapAdyataraNgiNi gaNge himavidhumuktAdhavalatara~Nge |

dUrIkuru mama duShkRRitibhAraM kuru kRRipayA bhavasAgarapAram || 3 ||

tava jalamamalaM yena nipItaM paramapadaM khalu tena gRRihItam |

mAtarga~Nge tvayi yo bhaktaH kila taM draShTuM na yamaH shaktaH || 4 ||

patitoddhAriNi jAhnavi gaNge khaNDita girivaramaNDita bhaNge |

bhIShmajanani he munivarakanye patitanivAriNi tribhuvana dhanye || 5 ||

kalpalatAmiva phaladAM loke praNamati yastvAM na patati shoke |

pArAvAravihAriNi gaNge vimukhayuvati kRRitataralApANge || 6 ||

tava chenmAtaH srotaH snAtaH punarapi jaThare sopi na jAtaH |

narakanivAriNi jAhnavi gaNge kaluShavinAshini mahimottuNge || 7 ||

punarasadaNge puNyataraNge jaya jaya jAhnavi karuNApA~Nge |

indramukuTamaNirAjitacharaNe sukhade shubhade bhRRityasharaNye || 8 ||

rogaM shokaM tApaM pApaM hara me bhagavati kumatikalApam |

tribhuvanasAre vasudhAhAre tvamasi gatirmama khalu saMsAre || 9 ||

alakAnande paramAnande kuru karuNAmayi kAtaravandye |

tava taTanikaTe yasya nivAsaH khalu vaikuNThe tasya nivAsaH || 10 ||

varamiha nIre kamaTho mInaH kiM vA tIre sharaTaH kShINaH |

athavAshvapacho malino dInastava na hi dUre nRRipatikulInaH || 11 ||

bho bhuvaneshvari puNye dhanye devi dravamayi munivarakanye |

ga~NgAstavamimamamalaM nityaM paThati naro yaH sa jayati satyam || 12 ||

yeShAM hRRidaye ga~NgA bhaktisteShAM bhavati sadA sukhamuktiH |

madhurAkantA pa~njhaTikAbhiH paramAnandakalitalalitAbhiH || 13 ||

gaNgAstotramidaM bhavasAraM vAnChitaphaladaM vimalaM sAram |

shaNkarasevaka shaNkara rachitaM paThati sukhIH tava iti cha samAptaH || 14 ||