Ganga Stotram

gaGgA stotram

zloka 1

devi! surezvari! bhagavati! gaGge tribhuvanatAriNi taralataraGge |

zaGkaramaulivihAriNi vimale mama matirAstAM tava padakamale || 1 ||

bhAgIrathisukhadAyini mAtastava jalamahimA nigame khyAtaH |

nAhaM jAne tava mahimAnaM pAhi kRpAmayi mAmajJAnam || 2 ||

haripadapAdyataraGgiNi gaGge himavidhumuktAdhavalataraGge |

dUrIkuru mama duSkRtibhAraM kuru kRpayA bhavasAgarapAram || 3 ||

tava jalamamalaM yena nipItaM paramapadaM khalu tena gRhItam |

mAtargaGge tvayi yo bhaktaH kila taM draSTuM na yamaH zaktaH || 4 ||

patitoddhAriNi jAhnavi gaGge khaNDita girivaramaNDita bhaGge |

bhISmajanani he munivarakanye patitanivAriNi tribhuvana dhanye || 5 ||

kalpalatAmiva phaladAM loke praNamati yastvAM na patati zoke |

pArAvAravihAriNi gaGge vimukhayuvati kRtataralApAGge || 6 ||

tava cenmAtaH srotaH snAtaH punarapi jaThare sopi na jAtaH |

narakanivAriNi jAhnavi gaGge kaluSavinAzini mahimottuGge || 7 ||

punarasadaGge puNyataraGge jaya jaya jAhnavi karuNApAGge |

indramukuTamaNirAjitacaraNe sukhade zubhade bhRtyazaraNye || 8 ||

rogaM zokaM tApaM pApaM hara me bhagavati kumatikalApam |

tribhuvanasAre vasudhAhAre tvamasi gatirmama khalu saMsAre || 9 ||

alakAnande paramAnande kuru karuNAmayi kAtaravandye |

tava taTanikaTe yasya nivAsaH khalu vaikuNThe tasya nivAsaH || 10 ||

varamiha nIre kamaTho mInaH kiM vA tIre zaraTaH kSINaH |

athavAzvapaco malino dInastava na hi dUre nRpatikulInaH || 11 ||

bho bhuvanezvari puNye dhanye devi dravamayi munivarakanye |

gaGgAstavamimamamalaM nityaM paThati naro yaH sa jayati satyam || 12 ||

yeSAM hRdaye gaGgA bhaktisteSAM bhavati sadA sukhamuktiH |

madhurAkantA paJjhaTikAbhiH paramAnandakalitalalitAbhiH || 13 ||

gaGgAstotramidaM bhavasAraM vAJchitaphaladaM vimalaM sAram |

zaGkarasevaka zaGkara racitaM paThati sukhIH tava iti ca samAptaH || 14 ||