గఙ్గా స్తోత్రమ్

గఙ్గా స్తోత్రమ్

శ్లోక 1

దేవి! సురేశ్వరి! భగవతి! గఙ్గే త్రిభువనతారిణి తరలతరఙ్గే ।

శఙ్కరమౌలివిహారిణి విమలే మమ మతిరాస్తాం తవ పదకమలే

శ్లోక 2

భాగీరథిసుఖదాయిని మాతస్తవ జలమహిమా నిగమే ఖ్యాతః ।

నాహం జానే తవ మహిమానం పాహి కృపామయి మామజ్ఞానమ్

॥ 1 ॥

శ్లోక 3

హరిపదపాద్యతరఙ్గిణి గఙ్గే హిమవిధుముక్తాధవలతరఙ్గే ।

దూరీకురు మమ దుష్కృతిభారం కురు కృపయా భవసాగరపారమ్

॥ 2 ॥

శ్లోక 4

తవ జలమమలం యేన నిపీతం పరమపదం ఖలు తేన గృహీతమ్ ।

మాతర్గఙ్గే త్వయి యో భక్తః కిల తం ద్రష్టుం న యమః శక్తః

॥ 3 ॥

శ్లోక 5

పతితోద్ధారిణి జాహ్నవి గఙ్గే ఖణ్డిత గిరివరమణ్డిత భఙ్గే ।

భీష్మజనని హే మునివరకన్యే పతితనివారిణి త్రిభువన ధన్యే

॥ 4 ॥

శ్లోక 6

కల్పలతామివ ఫలదాం లోకే ప్రణమతి యస్త్వాం న పతతి శోకే ।

పారావారవిహారిణి గఙ్గే విముఖయువతి కృతతరలాపాఙ్గే

॥ 5 ॥

శ్లోక 7

తవ చేన్మాతః స్రోతః స్నాతః పునరపి జఠరే సోపి న జాతః ।

నరకనివారిణి జాహ్నవి గఙ్గే కలుషవినాశిని మహిమోత్తుఙ్గే

॥ 6 ॥

శ్లోక 8

పునరసదఙ్గే పుణ్యతరఙ్గే జయ జయ జాహ్నవి కరుణాపాఙ్గే ।

ఇన్ద్రముకుటమణిరాజితచరణే సుఖదే శుభదే భృత్యశరణ్యే

॥ 7 ॥

శ్లోక 9

రోగం శోకం తాపం పాపం హర మే భగవతి కుమతికలాపమ్ ।

త్రిభువనసారే వసుధాహారే త్వమసి గతిర్మమ ఖలు సంసారే

॥ 8 ॥

శ్లోక 10

అలకానన్దే పరమానన్దే కురు కరుణామయి కాతరవన్ద్యే ।

తవ తటనికటే యస్య నివాసః ఖలు వైకుణ్ఠే తస్య నివాసః

॥ 9 ॥

శ్లోక 11

వరమిహ నీరే కమఠో మీనః కిం వా తీరే శరటః క్షీణః ।

అథవాశ్వపచో మలినో దీనస్తవ న హి దూరే నృపతికులీనః

॥ 10 ॥

శ్లోక 12

భో భువనేశ్వరి పుణ్యే ధన్యే దేవి ద్రవమయి మునివరకన్యే ।

గఙ్గాస్తవమిమమమలం నిత్యం పఠతి నరో యః స జయతి సత్యమ్

॥ 11 ॥

శ్లోక 13

యేషాం హృదయే గఙ్గా భక్తిస్తేషాం భవతి సదా సుఖముక్తిః ।

మధురాకన్తా పఞ్ఝటికాభిః పరమానన్దకలితలలితాభిః

॥ 12 ॥

శ్లోక 14

గఙ్గాస్తోత్రమిదం భవసారం వాఞ్ఛితఫలదం విమలం సారమ్ ।

శఙ్కరసేవక శఙ్కర రచితం పఠతి సుఖీః తవ ఇతి చ సమాప్తః

॥ 13 ॥

శ్లోక 15