Ganga Ashtakam
Ganga Ashtakam
ଗଙ୍ଗାଷ୍ଟକଂ
ଶ୍ଲୋକ 1
ଭଗଵତି ତଵ ତୀରେ ନୀରମାତ୍ରାଶନୋଽହମ୍
ଵିଗତଵିଷଯତୃଷ୍ଣଃ କୃଷ୍ଣମାରାଧଯାମି ।
ସକଲ କଲୁଷଭଙ୍ଗେ ସ୍ଵର୍ଗସୋପାନସଙ୍ଗେ
ତରଲତରତରଙ୍ଗେ ଦେଵି ଗଙ୍ଗେ ପ୍ରସୀଦ
ଶ୍ଲୋକ 2
ଭଗଵତି ଭଵଲୀଲା ମୌଲିମାଲେ ତଵାମ୍ଭଃ
କଣମଣୁପରିମାଣଂ ପ୍ରାଣିନୋ ଯେ ସ୍ପୃଶନ୍ତି ।
ଅମରନଗରନାରୀ ଚାମର ଗ୍ରାହିଣୀନାଂ
ଵିଗତ କଲିକଲଙ୍କାତଙ୍କମଙ୍କେ ଲୁଠନ୍ତି
॥ 1 ॥
ଶ୍ଲୋକ 3
ବ୍ରହ୍ମାଣ୍ଡଂ ଖଣ୍ଡଯନ୍ତୀ ହରଶିରସି ଜଟାଵଲ୍ଲିମୁଲ୍ଲାସଯନ୍ତୀ
ସ୍ଵର୍ଲୋକାଦାପତନ୍ତୀ କନକଗିରିଗୁହାଗଣ୍ଡଶୈଲାତ୍ ସ୍ଖଲନ୍ତୀ ।
କ୍ଷୋଣୀପୃଷ୍ଠେ ଲୁଠନ୍ତୀ ଦୁରିତଚଯଚମୂର୍ନିର୍ଭରଂ ଭର୍ତ୍ସଯନ୍ତୀ
ପାଥୋଧିଂ ପୂରଯନ୍ତୀ ସୁରନଗରସରିତ୍ପାଵନୀ ନଃ ପୁନାତୁ
॥ 2 ॥
ଶ୍ଲୋକ 4
ମଜ୍ଜନ୍ମାତଙ୍ଗ କୁମ୍ଭଚ୍ଯୁତ ମଦମଦିରାମୋଦମତ୍ତାଲିଜାଲଂ
ସ୍ନାନୈଃ ସିଦ୍ଧାଙ୍ଗନାନାଂ କୁଚଯୁଗ ଵିଲସତ୍କୁଙ୍କୁମାସଙ୍ଗପିଙ୍ଗମ୍ ।
ସାଯଂ ପ୍ରାତର୍ମୁନୀନାଂ କୁଶକୁସୁମଚଯୈଶ୍ଛିନ୍ନତୀରସ୍ଥନୀରଂ
ପାଯାନ୍ନୋ ଗାଙ୍ଗମମ୍ଭଃ କରିକଲଭ କରାକ୍ରାନ୍ତ ରଙ୍ଗସ୍ତରଙ୍ଗମ୍
॥ 3 ॥
ଶ୍ଲୋକ 5
ଆଦାଵାଦି ପିତାମହସ୍ଯ ନିଯମ ଵ୍ଯାପାର ପାତ୍ରେ ଜଲଂ
ପଶ୍ଚାତ୍ପନ୍ନଗଶାଯିନୋ ଭଗଵତଃ ପାଦୋଦକଂ ପାଵନମ୍ ।
ଭୂଯଃ ଶମ୍ଭୁଜଟାଵିଭୂଷଣ ମଣିର୍ଜହ୍ନୋର୍ମହର୍ଷେରିଯଂ
କନ୍ଯା କଲ୍ମଷନାଶିନୀ ଭଗଵତୀ ଭାଗୀରଥୀ ଦୃଶ୍ଯତେ
॥ 4 ॥
ଶ୍ଲୋକ 6
ଶୈଲେନ୍ଦ୍ରାଦଵତାରିଣୀ ନିଜଜଲେ ମଜ୍ଜଜ୍ଜନୋତ୍ତାରିଣୀ
ପାରାଵାରଵିହାରିଣୀ ଭଵଭଯଶ୍ରେଣୀ ସମୁତ୍ସାରିଣୀ ।
ଶେଷାଙ୍ଗୈରନୁକାରିଣୀ ହରଶିରୋଵଲ୍ଲୀଦଲାକାରିଣୀ
କାଶୀପ୍ରାନ୍ତଵିହାରିଣୀ ଵିଜଯତେ ଗଙ୍ଗା ମନୋହାରିଣୀ
॥ 5 ॥
ଶ୍ଲୋକ 7
କୁତୋ ଵୀଚିର୍ଵୀଚିସ୍ତଵ ଯଦି ଗତା ଲୋଚନପଥଂ
ତ୍ଵମାପୀତା ପୀତାମ୍ବରପୁରଵାସଂ ଵିତରସି ।
ତ୍ଵଦୁତ୍ସଙ୍ଗେ ଗଙ୍ଗେ ପତତି ଯଦି କାଯସ୍ତନୁଭୃତାଂ
ତଦା ମାତଃ ଶାନ୍ତକ୍ରତଵପଦଲାଭୋଽପ୍ଯତିଲଘୁଃ
॥ 6 ॥
ଶ୍ଲୋକ 8
ଗଙ୍ଗେ ତ୍ରୈଲୋକ୍ଯସାରେ ସକଲସୁରଵଧୂଧୌତଵିସ୍ତୀର୍ଣତୋଯେ
ପୂର୍ଣବ୍ରହ୍ମସ୍ଵରୂପେ ହରିଚରଣରଜୋହାରିଣି ସ୍ଵର୍ଗମାର୍ଗେ ।
ପ୍ରାଯଶ୍ଚିତଂ ଯଦି ସ୍ଯାତ୍ତଵ ଜଲକଣିକା ବ୍ରହ୍ମହତ୍ଯାଦି ପାପେ
କସ୍ତ୍ଵାଂ ସ୍ତୋତୁଂ ସମର୍ଥଃ ତ୍ରିଜଗଦଘହରେ ଦେଵି ଗଙ୍ଗେ ପ୍ରସୀଦ
॥ 7 ॥
ଶ୍ଲୋକ 9
ମାତର୍ଜାହ୍ନଵୀ ଶମ୍ଭୁସଙ୍ଗମିଲିତେ ମୌଲୌ ନିଧାଯାଞ୍ଜଲିଂ
ତ୍ଵତ୍ତୀରେ ଵପୁଷୋଽଵସାନସମଯେ ନାରାଯଣାଙ୍ଘ୍ରିଦ୍ଵଯମ୍ ।
ସାନନ୍ଦଂ ସ୍ମରତୋ ଭଵିଷ୍ଯତି ମମ ପ୍ରାଣପ୍ରଯାଣୋତ୍ସଵେ
ଭୂଯାଦ୍ଭକ୍ତିରଵିଚ୍ଯୁତା ହରିହରାଦ୍ଵୈତାତ୍ମିକା ଶାଶ୍ଵତୀ
॥ 8 ॥
ଶ୍ଲୋକ 10
ଗଙ୍ଗାଷ୍ଟକମିଦଂ ପୁଣ୍ଯଂ ଯଃ ପଠେତ୍ପ୍ରଯତୋ ନରଃ ।
ସର୍ଵପାପଵିନିର୍ମୁକ୍ତୋ ଵିଷ୍ଣୁଲୋକଂ ସ ଗଚ୍ଛତି
॥ 9 ॥