Ganga Ashtakam

ga~NgAShTakaM

shloka 1

bhagavati tava tIre nIramAtrAshano.aham

vigataviShayatRRiShNaH kRRiShNamArAdhayAmi |

sakala kaluShabhaNge svargasopAnasaNge

taralatarataraNge devi gaNge prasIda || 1 ||

bhagavati bhavalIlA maulimAle tavAmbhaH

kaNamaNuparimANaM prANino ye spRRishanti |

amaranagaranArI chAmara grAhiNInAM

vigata kalikalaNkAtaNkama~Nke luThanti || 2 ||

brahmANDaM khaNDayantI harashirasi jaTAvallimullAsayantI

svarlokAdApatantI kanakagiriguhAgaNDashailAt skhalantI |

kShoNIpRRiShThe luThantI duritachayachamUrnirbharaM bhartsayantI

pAthodhiM pUrayantI suranagarasaritpAvanI naH punAtu || 3 ||

majjanmAta~Nga kumbhachyuta madamadirAmodamattAlijAlaM

snAnaiH siddhANganAnAM kuchayuga vilasatkuNkumAsaNgapiNgam |

sAyaM prAtarmunInAM kushakusumachayaishChinnatIrasthanIraM

pAyAnno gANgamambhaH karikalabha karAkrAnta raNgastara~Ngam || 4 ||

AdAvAdi pitAmahasya niyama vyApAra pAtre jalaM

pashchAtpannagashAyino bhagavataH pAdodakaM pAvanam |

bhUyaH shambhujaTAvibhUShaNa maNirjahnormaharSheriyaM

kanyA kalmaShanAshinI bhagavatI bhAgIrathI dRRishyate || 5 ||

shailendrAdavatAriNI nijajale majjajjanottAriNI

pArAvAravihAriNI bhavabhayashreNI samutsAriNI |

sheShA~NgairanukAriNI harashirovallIdalAkAriNI

kAshIprAntavihAriNI vijayate ga~NgA manohAriNI || 6 ||

kuto vIchirvIchistava yadi gatA lochanapathaM

tvamApItA pItAmbarapuravAsaM vitarasi |

tvadutsaNge gaNge patati yadi kAyastanubhRRitAM

tadA mAtaH shAntakratavapadalAbho.apyatilaghuH || 7 ||

ga~Nge trailokyasAre sakalasuravadhUdhautavistIrNatoye

pUrNabrahmasvarUpe haricharaNarajohAriNi svargamArge |

prAyashchitaM yadi syAttava jalakaNikA brahmahatyAdi pApe

kastvAM stotuM samarthaH trijagadaghahare devi ga~Nge prasIda || 8 ||

mAtarjAhnavI shambhusaNgamilite maulau nidhAyAnjaliM

tvattIre vapuSho.avasAnasamaye nArAyaNA~Nghridvayam |

sAnandaM smarato bhaviShyati mama prANaprayANotsave

bhUyAdbhaktiravichyutA hariharAdvaitAtmikA shAshvatI || 9 ||

ga~NgAShTakamidaM puNyaM yaH paThetprayato naraH |

sarvapApavinirmukto viShNulokaM sa gachChati || 10 ||