Ganapati Atharva Sheersham

ଶ୍ରୀ ଗଣପତି ଅଥର୍ଵ ଷୀର୍ଷମ୍ (ଗଣପତ୍ଯଥର୍ଵଷୀର୍ଷୋପନିଷତ୍)

ଶ୍ଲୋକ 1

ଓ-ମ୍ଭ॒ଦ୍ର-ଙ୍କର୍ଣେ॑ଭି-ଶ୍ଶୃଣୁ॒ଯାମ॑ ଦେଵାଃ ।

ଭ॒ଦ୍ର-ମ୍ପ॑ଶ୍ଯେମା॒କ୍ଷଭି॒ର୍ଯଜ॑ତ୍ରାଃ ।

ସ୍ଥି॒ରୈରଙ୍ଗୈ᳚ସ୍ତୁଷ୍ଠୁ॒ଵାଗ୍ଂ ସ॑ସ୍ତ॒ନୂଭିଃ॑ ।

ଵ୍ଯଶେ॑ମ ଦେ॒ଵହି॑ତଂ॒-ଯଁଦାଯୁଃ॑ ।

ସ୍ଵ॒ସ୍ତି ନ॒ ଇନ୍ଦ୍ରୋ॑ ଵୃ॒ଦ୍ଧଶ୍ର॑ଵାଃ ।

ସ୍ଵ॒ସ୍ତି ନଃ॑ ପୂ॒ଷା ଵି॒ଶ୍ଵଵେ॑ଦାଃ ।

ସ୍ଵ॒ସ୍ତି ନ॒ସ୍ତାର୍କ୍ଷ୍ଯୋ॒ ଅରି॑ଷ୍ଟନେମିଃ ।

ସ୍ଵ॒ସ୍ତି ନୋ॒ ବୃହ॒ସ୍ପତି॑ର୍ଦଧାତୁ ॥

ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥

ଓ-ନ୍ନମ॑ସ୍ତେ ଗ॒ଣପ॑ତଯେ ।

ତ୍ଵମେ॒ଵ ପ୍ର॒ତ୍ଯକ୍ଷ॒-ନ୍ତତ୍ତ୍ଵ॑ମସି ।

ତ୍ଵମେ॒ଵ କେ॒ଵଲ॒-ଙ୍କର୍ତା॑-ଽସି ।

ତ୍ଵମେ॒ଵ କେ॒ଵଲଂ॒ ହର୍ତା॑-ଽସି ।

ତ୍ଵମେ॒ଵ କେ॒ଵଲ॒-ନ୍ଧର୍ତା॑-ଽସି ।

ତ୍ଵମେଵ ସର୍ଵ-ଙ୍ଖଲ୍ଵିଦ॑-ମ୍ବ୍ରହ୍ମା॒ସି ।

ତ୍ଵଂ ସାକ୍ଷାଦାତ୍ମା॑-ଽସି ନି॒ତ୍ଯମ୍

ଶ୍ଲୋକ 2

ଋ॑ତଂ-ଵଁ॒ଚ୍ମି । ସ॑ତ୍ଯଂ-ଵଁ॒ଚ୍ମି

॥ 1 ॥

ଶ୍ଲୋକ 3

ଅ॒ଵ ତ୍ଵ॒-ମ୍ମାମ୍ । ଅଵ॑ ଵ॒କ୍ତାରମ୍᳚ ।

ଅଵ॑ ଶ୍ରୋ॒ତାରମ୍᳚ । ଅଵ॑ ଦା॒ତାରମ୍᳚ । ଅଵ॑ ଧା॒ତାରମ୍᳚ ।

ଅଵାନୂଚାନମ॑ଵ ଶି॒ଷ୍ଯମ୍ । ଅଵ॑ ପ॒ଶ୍ଚାତ୍ତା᳚ତ୍ ।

ଅଵ॑ ପୁ॒ରସ୍ତା᳚ତ୍ । ଅଵୋତ୍ତ॒ରାତ୍ତା᳚ତ୍ ।

ଅଵ॑ ଦ॒କ୍ଷିଣାତ୍ତା᳚ତ୍ । ଅଵ॑ ଚୋ॒ର୍ଧ୍ଵାତ୍ତା᳚ତ୍ ।

ଅଵାଧ॒ରାତ୍ତା᳚ତ୍ । ସର୍ଵତୋ ମା-ମ୍ପାହି ପାହି॑ ସମ॒ନ୍ତାତ୍

॥ 2 ॥

ଶ୍ଲୋକ 4

ତ୍ଵଂ-ଵାଁଙ୍ମଯ॑ସ୍ତ୍ଵ-ଞ୍ଚିନ୍ମ॒ଯଃ ।

ତ୍ଵମାନନ୍ଦମଯ॑ସ୍ତ୍ଵ-ମ୍ବ୍ରହ୍ମ॒ମଯଃ ।

ତ୍ଵଂ ସଚ୍ଚିଦାନନ୍ଦା-ଽଦ୍ଵି॑ତୀଯୋ॒-ଽସି ।

ତ୍ଵ-ମ୍ପ୍ର॒ତ୍ଯକ୍ଷ॒-ମ୍ବ୍ରହ୍ମା॑ସି ।

ତ୍ଵ-ଞ୍ଜ୍ଞାନମଯୋ ଵିଜ୍ଞାନ॑ମଯୋ॒-ଽସି

॥ 3 ॥

ଶ୍ଲୋକ 5

ସର୍ଵ-ଞ୍ଜଗଦିଦ-ନ୍ତ୍ଵ॑ତ୍ତୋ ଜା॒ଯତେ ।

ସର୍ଵ-ଞ୍ଜଗଦିଦ-ନ୍ତ୍ଵ॑ତ୍ତସ୍ତି॒ଷ୍ଠତି ।

ସର୍ଵ-ଞ୍ଜଗଦିଦ-ନ୍ତ୍ଵଯି ଲଯ॑ମେଷ୍ଯ॒ତି ।

ସର୍ଵ-ଞ୍ଜଗଦିଦ-ନ୍ତ୍ଵଯି॑ ପ୍ରତ୍ଯେ॒ତି ।

ତ୍ଵ-ମ୍ଭୂମିରାପୋ-ଽନଲୋ-ଽନି॑ଲୋ ନ॒ଭଃ ।

ତ୍ଵ-ଞ୍ଚତ୍ଵାରି ଵା᳚କ୍ପଦା॒ନି

॥ 4 ॥

ଶ୍ଲୋକ 6

ତ୍ଵ-ଙ୍ଗୁ॒ଣତ୍ର॑ଯାତୀ॒ତଃ । ତ୍ଵଂ ଅଵସ୍ଥାତ୍ର॑ଯାତୀ॒ତଃ ।

ତ୍ଵ-ନ୍ଦେ॒ହତ୍ର॑ଯାତୀ॒ତଃ । ତ୍ଵ-ଙ୍କା॒ଲତ୍ର॑ଯାତୀ॒ତଃ ।

ତ୍ଵ-ମ୍ମୂଲାଧାରସ୍ଥିତୋ॑-ଽସି ନି॒ତ୍ଯମ୍ । ତ୍ଵଂ ଶକ୍ତିତ୍ର॑ଯାତ୍ମ॒କଃ ।

ତ୍ଵାଂ-ଯୋଁଗିନୋ ଧ୍ଯାଯ॑ନ୍ତି ନି॒ତ୍ଯମ୍ ।

ତ୍ଵ-ମ୍ବ୍ରହ୍ମା ତ୍ଵଂ-ଵିଁଷ୍ଣୁସ୍ତ୍ଵଂ ରୁଦ୍ରସ୍ତ୍ଵମିନ୍ଦ୍ରସ୍ତ୍ଵମଗ୍ନିସ୍ତ୍ଵଂ-ଵାଁଯୁସ୍ତ୍ଵଂ ସୂର୍ଯସ୍ତ୍ଵ-ଞ୍ଚନ୍ଦ୍ରମାସ୍ତ୍ଵ-ମ୍ବ୍ରହ୍ମ॒ ଭୂର୍ଭୁଵ॒-ସ୍ସ୍ଵରୋମ୍

॥ 5 ॥

ଶ୍ଲୋକ 7

ଗ॒ଣାଦିଂ᳚ ପୂର୍ଵ॑ମୁଚ୍ଚା॒ର୍ଯ॒ ଵ॒ର୍ଣାଦୀଂ᳚ ସ୍ତଦନ॒ନ୍ତରମ୍ ।

ଅନୁସ୍ଵାରଃ ପ॑ରତ॒ରଃ । ଅର୍ଧେ᳚ନ୍ଦୁଲ॒ସିତମ୍ ।

ତାରେ॑ଣ ଋ॒ଦ୍ଧମ୍ । ଏତତ୍ତଵ ମନୁ॑ସ୍ଵରୂ॒ପମ୍ ।

ଗକାରଃ ପୂ᳚ର୍ଵରୂ॒ପମ୍ । ଅକାରୋ ମଧ୍ଯ॑ମରୂ॒ପମ୍ ।

ଅନୁସ୍ଵାରଶ୍ଚା᳚ନ୍ତ୍ଯରୂ॒ପମ୍ । ବିନ୍ଦୁରୁତ୍ତ॑ରରୂ॒ପମ୍ ।

ନାଦଃ॑ ସନ୍ଧା॒ନମ୍ । ସଗ୍ଂହି॑ତା ସ॒ନ୍ଧିଃ ।

ସୈଷା ଗଣେ॑ଶଵି॒ଦ୍ଯା । ଗଣ॑କ ଋ॒ଷିଃ ।

ନିଚୃଦ୍ଗାଯ॑ତ୍ରୀଚ୍ଛ॒ନ୍ଦଃ । ଶ୍ରୀ ମହାଗଣପତି॑ର୍ଦେଵତା ।

ଓ-ଙ୍ଗ-ଙ୍ଗ॒ଣପ॑ତଯେ ନମଃ

॥ 6 ॥

ଶ୍ଲୋକ 8

ଏକଦ॒ନ୍ତାଯ॑ ଵି॒ଦ୍ମହେ॑ ଵକ୍ରତୁ॒ଣ୍ଡାଯ॑ ଧୀମହି ।

ତନ୍ନୋ॑ ଦନ୍ତିଃ ପ୍ରଚୋ॒ଦଯା᳚ତ୍

॥ 7 ॥

ଶ୍ଲୋକ 9

ଏକଦ॒ନ୍ତ-ଞ୍ଚ॑ତୁର୍​ହ॒ସ୍ତ॒-ମ୍ପା॒ଶମ॑ଙ୍କୁଶ॒ଧାରି॑ଣମ୍ ।

ରଦ॑-ଞ୍ଚ॒ ଵର॑ଦଂ ହ॒ସ୍ତୈ॒ର୍ବି॒ଭ୍ରାଣ॑-ମ୍ମୂଷ॒କଧ୍ଵ॑ଜମ୍ ।

ରକ୍ତଂ॑-ଲଁ॒ମ୍ବୋଦ॑ରଂ ଶୂ॒ର୍ପ॒କର୍ଣକଂ॑ ରକ୍ତ॒ଵାସ॑ସମ୍ ।

ରକ୍ତ॑ଗ॒ନ୍ଧାନୁ॑ଲିପ୍ତା॒ଙ୍ଗଂ॒ ର॒କ୍ତପୁ॑ଷ୍ପୈ-ସ୍ସୁ॒ପୂଜି॑ତମ୍ ।

ଭକ୍ତା॑ନୁ॒କମ୍ପି॑ନ-ନ୍ଦେ॒ଵ॒-ଞ୍ଜ॒ଗତ୍କା॑ରଣ॒ମଚ୍ଯୁ॑ତମ୍ ।

ଆଵି॑ର୍ଭୂ॒ତ-ଞ୍ଚ॑ ସୃ॒ଷ୍ଟ୍ଯା॒ଦୌ॒ ପ୍ର॒କୃତେଃ᳚ ପୁରୁ॒ଷାତ୍ପ॑ରମ୍ ।

ଏଵ॑-ନ୍ଧ୍ଯା॒ଯତି॑ ଯୋ ନି॒ତ୍ଯଂ॒ ସ॒ ଯୋଗୀ॑ ଯୋଗି॒ନାଂ-ଵଁ॑ରଃ

॥ 8 ॥

ଶ୍ଲୋକ 10

ନମୋ ଵ୍ରାତପତଯେ ନମୋ ଗଣପତଯେ ନମଃ ପ୍ରମଥପତଯେ ନମସ୍ତେ-ଽସ୍ତୁ ଲମ୍ବୋଦରାଯୈକଦନ୍ତାଯ ଵିଘ୍ନଵିନାଶିନେ ଶିଵସୁତାଯ ଶ୍ରୀଵରଦମୂର୍ତଯେ॒ ନମଃ

॥ 9 ॥

ଶ୍ଲୋକ 11

ଏତଦଥର୍ଵଶୀର୍​ଷଂ-ଯୋଁ-ଽଧୀ॒ତେ । ସ ବ୍ରହ୍ମଭୂଯା॑ଯ କ॒ଲ୍ପତେ ।

ସ ସର୍ଵଵିଘ୍ନୈ᳚ର୍ନ ବା॒ଧ୍ଯତେ । ସ ସର୍ଵତ-ସ୍ସୁଖ॑ମେଧ॒ତେ ।

ସ ପଞ୍ଚମହାପାପା᳚-ତ୍ପ୍ରମୁ॒ଚ୍ଯତେ । ସା॒ଯମ॑ଧୀଯା॒ନୋ॒ ଦିଵସକୃତ-ମ୍ପାପ॑-ନ୍ନାଶ॒ଯତି ।

ପ୍ରା॒ତର॑ଧୀଯା॒ନୋ॒ ରାତ୍ରିକୃତ-ମ୍ପାପ॑-ନ୍ନାଶ॒ଯତି ।

ସାଯ-ମ୍ପ୍ରାତଃ ପ୍ର॑ଯୁଞ୍ଜା॒ନୋ॒ ପାପୋ-ଽପା॑ପୋ ଭ॒ଵତି ।

ସର୍ଵତ୍ରାଧୀଯାନୋ-ଽପଵି॑ଘ୍ନୋ ଭଵତି । ଧର୍ମାର୍ଥକାମମୋକ୍ଷ॑-ଞ୍ଚ ଵି॒ନ୍ଦତି ।

ଇଦମଥର୍ଵଶୀର୍​ଷମଶିଷ୍ଯାଯ॑ ନ ଦେ॒ଯମ୍ । ଯୋ ଯଦି ମୋ॑ହାଦ୍ ଦା॒ସ୍ଯତି ସ ପାପୀ॑ଯା-ନ୍ଭ॒ଵତି ।

ସହସ୍ରାଵର୍ତନାଦ୍ଯଂ-ଯଁ-ଙ୍କାମ॑ମଧୀ॒ତେ । ତ-ନ୍ତମନେ॑ନ ସା॒ଧଯେତ୍

॥ 10 ॥

ଶ୍ଲୋକ 12

ଅନେନ ଗଣପତିମ॑ଭିଷି॒ଞ୍ଚତି । ସ ଵା᳚ଗ୍ମୀ ଭ॒ଵତି ।

ଚତୁର୍ଥ୍ଯାମନ॑ଶ୍ନନ୍ ଜ॒ପତି ସ ଵିଦ୍ଯା॑ଵା-ନ୍ଭ॒ଵତି ।

ଇତ୍ଯଥର୍ଵ॑ଣଵା॒କ୍ଯମ୍ । ବ୍ରହ୍ମାଦ୍ଯା॒ଚର॑ଣଂ-ଵିଁ॒ଦ୍ଯାନ୍ନ ବିଭେତି କଦା॑ଚନେ॒ତି

॥ 11 ॥

ଶ୍ଲୋକ 13

ଯୋ ଦୂର୍ଵାଙ୍କୁ॑ରୈର୍ଯ॒ଜତି ସ ଵୈଶ୍ରଵଣୋପ॑ମୋ ଭ॒ଵତି ।

ଯୋ ଲା॑ଜୈର୍ଯ॒ଜତି ସ ଯଶୋ॑ଵା-ନ୍ଭ॒ଵତି । ସ ମେଧା॑ଵା-ନ୍ଭ॒ଵତି ।

ଯୋ ମୋଦକସହସ୍ରେ॑ଣ ଯ॒ଜତି ସ ଵାଞ୍ଛିତଫଲମ॑ଵାପ୍ନୋ॒ତି ।

ଯ-ସ୍ସାଜ୍ଯ ସମି॑ଦ୍ଭିର୍ଯ॒ଜତି ସ ସର୍ଵଂ-ଲଁଭତେ ସ ସ॑ର୍ଵଂ-ଲଁ॒ଭତେ

॥ 12 ॥

ଶ୍ଲୋକ 14

ଅଷ୍ଟୌ ବ୍ରାହ୍ମଣାନ୍ ସମ୍ଯଗ୍ ଗ୍ରା॑ହଯି॒ତ୍ଵା ସୂର୍ଯଵର୍ଚ॑ସ୍ଵୀ ଭ॒ଵତି ।

ସୂର୍ଯଗ୍ରହେ ମ॑ହାନ॒ଦ୍ଯା-ମ୍ପ୍ରତିମାସନ୍ନିଧୌ ଵା ଜ॒ପ୍ତ୍ଵା ସିଦ୍ଧମ॑ନ୍ତ୍ରୋ ଭ॒ଵତି ।

ମହାଵିଘ୍ନା᳚-ତ୍ପ୍ରମୁ॒ଚ୍ଯତେ । ମହାଦୋଷା᳚-ତ୍ପ୍ରମୁ॒ଚ୍ଯତେ ।

ମହାପାପା᳚-ତ୍ପ୍ରମୁ॒ଚ୍ଯତେ । [ମହାପ୍ରତ୍ଯଵାଯା᳚-ତ୍ପ୍ରମୁ॒ଚ୍ଯତେ । ]

ସ ସର୍ଵ॑ଵିଦ୍ଭଵତି ସ ସର୍ଵ॑ଵିଦ୍ଭ॒ଵତି ।

ଯ ଏ॑ଵଂ-ଵେଁ॒ଦ । ଇତ୍ଯୁ॑ପ॒ନିଷ॑ତ୍

॥ 13 ॥

ଶ୍ଲୋକ 15

ଓ-ମ୍ଭ॒ଦ୍ର-ଙ୍କର୍ଣେ॑ଭି-ଶ୍ଶୃଣୁ॒ଯାମ॑ ଦେଵାଃ ।

ଭ॒ଦ୍ର-ମ୍ପ॑ଶ୍ଯେମା॒କ୍ଷଭି॒ର୍ଯଜ॑ତ୍ରାଃ ।

ସ୍ଥି॒ରୈରଙ୍ଗୈ᳚ସ୍ତୁଷ୍ଠୁ॒ଵାଗ୍ଂ ସ॑ସ୍ତ॒ନୂଭିଃ॑ ।

ଵ୍ଯଶେ॑ମ ଦେ॒ଵହି॑ତଂ॒-ଯଁଦାଯୁଃ॑ ।

ସ୍ଵ॒ସ୍ତି ନ॒ ଇନ୍ଦ୍ରୋ॑ ଵୃ॒ଦ୍ଧଶ୍ର॑ଵାଃ ।

ସ୍ଵ॒ସ୍ତି ନଃ॑ ପୂ॒ଷା ଵି॒ଶ୍ଵଵେ॑ଦାଃ ।

ସ୍ଵ॒ସ୍ତି ନ॒ସ୍ତାର୍କ୍ଷ୍ଯୋ॒ ଅରି॑ଷ୍ଟନେମିଃ ।

ସ୍ଵ॒ସ୍ତି ନୋ॒ ବୃହ॒ସ୍ପତି॑ର୍ଦଧାତୁ ॥

ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥