Ganapati Atharva Sheersham
Ganapati Atharva Sheersham
Ganapati Atharva Sheersham
śrī gaṇapati atharva ṣīrṣam (gaṇapatyatharvaṣīrṣopaniṣat)
Śloka 1
o-mbha॒dra-ṅkarṇḙbhi-śśṛṇu॒yāma̭ devāḥ |
bha॒dra-mpa̭śyemā॒kṣabhi॒ryaja̭trāḥ |
sthi॒rairaṅgai᳚stuṣṭhu॒vāgṃ sa̭sta॒nūbhiḥ̭ |
vyaśḙma de॒vahi̭taṃ॒-ya~dāyuḥ̭ |
sva॒sti na॒ indro̭ vṛ॒ddhaśra̭vāḥ |
sva॒sti naḥ̭ pū॒ṣā vi॒śvavḙdāḥ |
sva॒sti na॒stārkṣyo॒ ari̭ṣṭanemiḥ |
sva॒sti no॒ bṛha॒spati̭rdadhātu ||
oṃ śānti॒-śśānti॒-śśāntiḥ̭ ||
o-nnama̭ste ga॒ṇapa̭taye |
tvame॒va pra॒tyakṣa॒-ntattva̭masi |
tvame॒va ke॒vala॒-ṅkartā̭-'si |
tvame॒va ke॒valaṃ॒ hartā̭-'si |
tvame॒va ke॒vala॒-ndhartā̭-'si |
tvameva sarva-ṅkhalvida̭-mbrahmā॒si |
tvaṃ sākṣādātmā̭-'si ni॒tyam || 1 ||
ṛ̭taṃ-va॒cmi | sa̭tyaṃ-va॒cmi || 2 ||
a॒va tva॒-mmām | ava̭ va॒ktāram᳚ |
ava̭ śro॒tāram᳚ | ava̭ dā॒tāram᳚ | ava̭ dhā॒tāram᳚ |
avānūcānama̭va śi॒ṣyam | ava̭ pa॒ścāttā᳚t |
ava̭ pu॒rastā᳚t | avotta॒rāttā᳚t |
ava̭ da॒kṣiṇāttā᳚t | ava̭ co॒rdhvāttā᳚t |
avādha॒rāttā᳚t | sarvato mā-mpāhi pāhi̭ sama॒ntāt || 3 ||
tvaṃ-vā~ṅmaya̭stva-ñcinma॒yaḥ |
tvamānandamaya̭stva-mbrahma॒mayaḥ |
tvaṃ saccidānandā-'dvi̭tīyo॒-'si |
tva-mpra॒tyakṣa॒-mbrahmā̭si |
tva-ñjñānamayo vijñāna̭mayo॒-'si || 4 ||
sarva-ñjagadida-ntva̭tto jā॒yate |
sarva-ñjagadida-ntva̭ttasti॒ṣṭhati |
sarva-ñjagadida-ntvayi laya̭meṣya॒ti |
sarva-ñjagadida-ntvayi̭ pratye॒ti |
tva-mbhūmirāpo-'nalo-'ni̭lo na॒bhaḥ |
tva-ñcatvāri vā᳚kpadā॒ni || 5 ||
tva-ṅgu॒ṇatra̭yātī॒taḥ | tvaṃ avasthātra̭yātī॒taḥ |
tva-nde॒hatra̭yātī॒taḥ | tva-ṅkā॒latra̭yātī॒taḥ |
tva-mmūlādhārasthito̭-'si ni॒tyam | tvaṃ śaktitra̭yātma॒kaḥ |
tvāṃ-yo~gino dhyāya̭nti ni॒tyam |
tva-mbrahmā tvaṃ-viṣṇustvaṃ rudrastvamindrastvamagnistvaṃ-vāyustvaṃ sūryastva-ñcandramāstva-mbrahma॒ bhūrbhuva॒-ssvarom || 6 ||
ga॒ṇādiṃ᳚ pūrva̭muccā॒rya॒ va॒rṇādīṃ᳚ stadana॒ntaram |
anusvāraḥ pa̭rata॒raḥ | ardhe᳚ndula॒sitam |
tārḙṇa ṛ॒ddham | etattava manṷsvarū॒pam |
gakāraḥ pū᳚rvarū॒pam | akāro madhya̭marū॒pam |
anusvāraścā᳚ntyarū॒pam | bindurutta̭rarū॒pam |
nādaḥ̭ sandhā॒nam | sagṃhi̭tā sa॒ndhiḥ |
saiṣā gaṇḙśavi॒dyā | gaṇa̭ka ṛ॒ṣiḥ |
nicṛdgāya̭trīccha॒ndaḥ | śrī mahāgaṇapati̭rdevatā |
o-ṅga-ṅga॒ṇapa̭taye namaḥ || 7 ||
ekada॒ntāya̭ vi॒dmahḙ vakratu॒ṇḍāya̭ dhīmahi |
tanno̭ dantiḥ praco॒dayā᳚t || 8 ||
ekada॒nta-ñca̭turha॒sta॒-mpā॒śama̭ṅkuśa॒dhāri̭ṇam |
rada̭-ñca॒ vara̭daṃ ha॒stai॒rbi॒bhrāṇa̭-mmūṣa॒kadhva̭jam |
raktaṃ̭-la~॒mboda̭raṃ śū॒rpa॒karṇakaṃ̭ rakta॒vāsa̭sam |
rakta̭ga॒ndhānṷliptā॒ṅgaṃ॒ ra॒ktapṷṣpai-ssu॒pūji̭tam |
bhaktā̭nu॒kampi̭na-nde॒va॒-ñja॒gatkā̭raṇa॒macyṷtam |
āvi̭rbhū॒ta-ñca̭ sṛ॒ṣṭyā॒dau॒ pra॒kṛteḥ᳚ puru॒ṣātpa̭ram |
eva̭-ndhyā॒yati̭ yo ni॒tyaṃ॒ sa॒ yogī̭ yogi॒nāṃ-va~̭raḥ || 9 ||
namo vrātapataye namo gaṇapataye namaḥ pramathapataye namaste-'stu lambodarāyaikadantāya vighnavināśine śivasutāya śrīvaradamūrtaye॒ namaḥ || 10 ||
etadatharvaśīrṣaṃ-yo~-'dhī॒te | sa brahmabhūyā̭ya ka॒lpate |
sa sarvavighnai᳚rna bā॒dhyate | sa sarvata-ssukha̭medha॒te |
sa pañcamahāpāpā᳚-tpramu॒cyate | sā॒yama̭dhīyā॒no॒ divasakṛta-mpāpa̭-nnāśa॒yati |
prā॒tara̭dhīyā॒no॒ rātrikṛta-mpāpa̭-nnāśa॒yati |
sāya-mprātaḥ pra̭yuñjā॒no॒ pāpo-'pā̭po bha॒vati |
sarvatrādhīyāno-'pavi̭ghno bhavati | dharmārthakāmamokṣa̭-ñca vi॒ndati |
idamatharvaśīrṣamaśiṣyāya̭ na de॒yam | yo yadi mo̭hād dā॒syati sa pāpī̭yā-nbha॒vati |
sahasrāvartanādyaṃ-ya~-ṅkāma̭madhī॒te | ta-ntamanḙna sā॒dhayet || 11 ||
anena gaṇapatima̭bhiṣi॒ñcati | sa vā᳚gmī bha॒vati |
caturthyāmana̭śnan ja॒pati sa vidyā̭vā-nbha॒vati |
ityatharva̭ṇavā॒kyam | brahmādyā॒cara̭ṇaṃ-vi~॒dyānna bibheti kadā̭cane॒ti || 12 ||
yo dūrvāṅkṷrairya॒jati sa vaiśravaṇopa̭mo bha॒vati |
yo lā̭jairya॒jati sa yaśo̭vā-nbha॒vati | sa medhā̭vā-nbha॒vati |
yo modakasahasrḙṇa ya॒jati sa vāñchitaphalama̭vāpno॒ti |
ya-ssājya sami̭dbhirya॒jati sa sarvaṃ-labhate sa sa̭rvaṃ-la॒bhate || 13 ||
aṣṭau brāhmaṇān samyag grā̭hayi॒tvā sūryavarca̭svī bha॒vati |
sūryagrahe ma̭hāna॒dyā-mpratimāsannidhau vā ja॒ptvā siddhama̭ntro bha॒vati |
mahāvighnā᳚-tpramu॒cyate | mahādoṣā᳚-tpramu॒cyate |
mahāpāpā᳚-tpramu॒cyate | [mahāpratyavāyā᳚-tpramu॒cyate | ]
sa sarva̭vidbhavati sa sarva̭vidbha॒vati |
ya ḙvaṃ-ve~॒da | ityṷpa॒niṣa̭t || 14 ||
o-mbha॒dra-ṅkarṇḙbhi-śśṛṇu॒yāma̭ devāḥ |
bha॒dra-mpa̭śyemā॒kṣabhi॒ryaja̭trāḥ |
sthi॒rairaṅgai᳚stuṣṭhu॒vāgṃ sa̭sta॒nūbhiḥ̭ |
vyaśḙma de॒vahi̭taṃ॒-ya~dāyuḥ̭ |
sva॒sti na॒ indro̭ vṛ॒ddhaśra̭vāḥ |
sva॒sti naḥ̭ pū॒ṣā vi॒śvavḙdāḥ |
sva॒sti na॒stārkṣyo॒ ari̭ṣṭanemiḥ |
sva॒sti no॒ bṛha॒spati̭rdadhātu ||
oṃ śānti॒-śśānti॒-śśāntiḥ̭ ||