Dwadasa Jyotirlinga Stotram

ଦ୍ଵାଦଶ ଜ୍ଯୋତିର୍ଲିଙ୍ଗ ସ୍ତୋତ୍ରମ୍

ଶ୍ଲୋକ 1

ଲଘୁ ସ୍ତୋତ୍ରମ୍

ସୌରାଷ୍ଟ୍ରେ ସୋମନାଧଞ୍ଚ ଶ୍ରୀଶୈଲେ ମଲ୍ଲିକାର୍ଜୁନମ୍ ।

ଉଜ୍ଜଯିନ୍ଯାଂ ମହାକାଲଂ ଓଙ୍କାରେତ୍ଵମାମଲେଶ୍ଵରମ୍ ॥

ପର୍ଲ୍ଯାଂ ଵୈଦ୍ଯନାଧଞ୍ଚ ଢାକିନ୍ଯାଂ ଭୀମ ଶଙ୍କରମ୍ ।

ସେତୁବନ୍ଧେତୁ ରାମେଶଂ ନାଗେଶଂ ଦାରୁକାଵନେ ॥

ଵାରଣାଶ୍ଯାନ୍ତୁ ଵିଶ୍ଵେଶଂ ତ୍ରଯମ୍ବକଂ ଗୌତମୀତଟେ ।

ହିମାଲଯେତୁ କେଦାରଂ ଘୃଷ୍ଣେଶନ୍ତୁ ଵିଶାଲକେ ॥

ଏତାନି ଜ୍ଯୋତିର୍ଲିଙ୍ଗାନି ସାଯଂ ପ୍ରାତଃ ପଠେନ୍ନରଃ ।

ସପ୍ତ ଜନ୍ମ କୃତଂ ପାପଂ ସ୍ମରଣେନ ଵିନଶ୍ଯତି ॥

ସମ୍ପୂର୍ଣ ସ୍ତୋତ୍ରମ୍

ସୌରାଷ୍ଟ୍ରଦେଶେ ଵିଶଦେଽତିରମ୍ଯେ ଜ୍ଯୋତିର୍ମଯଂ ଚନ୍ଦ୍ରକଲାଵତଂସମ୍ ।

ଭକ୍ତପ୍ରଦାନାଯ କୃପାଵତୀର୍ଣଂ ତଂ ସୋମନାଥଂ ଶରଣଂ ପ୍ରପଦ୍ଯେ

ଶ୍ଲୋକ 2

ଶ୍ରୀଶୈଲଶୃଙ୍ଗେ ଵିଵିଧପ୍ରସଙ୍ଗେ ଶେଷାଦ୍ରିଶୃଙ୍ଗେଽପି ସଦା ଵସନ୍ତମ୍ ।

ତମର୍ଜୁନଂ ମଲ୍ଲିକପୂର୍ଵମେନଂ ନମାମି ସଂସାରସମୁଦ୍ରସେତୁମ୍

॥ 1 ॥

ଶ୍ଲୋକ 3

ଅଵନ୍ତିକାଯାଂ ଵିହିତାଵତାରଂ ମୁକ୍ତିପ୍ରଦାନାଯ ଚ ସଜ୍ଜନାନାମ୍ ।

ଅକାଲମୃତ୍ଯୋଃ ପରିରକ୍ଷଣାର୍ଥଂ ଵନ୍ଦେ ମହାକାଲମହାସୁରେଶମ୍

॥ 2 ॥

ଶ୍ଲୋକ 4

କାଵେରିକାନର୍ମଦଯୋଃ ପଵିତ୍ରେ ସମାଗମେ ସଜ୍ଜନତାରଣାଯ ।

ସଦୈଵ ମାନ୍ଧାତୃପୁରେ ଵସନ୍ତଂ ଓଙ୍କାରମୀଶଂ ଶିଵମେକମୀଡେ

॥ 3 ॥

ଶ୍ଲୋକ 5

ପୂର୍ଵୋତ୍ତରେ ପ୍ରଜ୍ଵଲିକାନିଧାନେ ସଦା ଵସଂ ତଂ ଗିରିଜାସମେତମ୍ ।

ସୁରାସୁରାରାଧିତପାଦପଦ୍ମଂ ଶ୍ରୀଵୈଦ୍ଯନାଥଂ ତମହଂ ନମାମି

॥ 4 ॥

ଶ୍ଲୋକ 6

ଯଂ ଡାକିନିଶାକିନିକାସମାଜେ ନିଷେଵ୍ଯମାଣଂ ପିଶିତାଶନୈଶ୍ଚ ।

ସଦୈଵ ଭୀମାଦିପଦପ୍ରସିଦ୍ଧଂ ତଂ ଶଙ୍କରଂ ଭକ୍ତହିତଂ ନମାମି

॥ 5 ॥

ଶ୍ଲୋକ 7

ଶ୍ରୀତାମ୍ରପର୍ଣୀଜଲରାଶିଯୋଗେ ନିବଧ୍ଯ ସେତୁଂ ଵିଶିଖୈରସଙ୍ଖ୍ଯୈଃ ।

ଶ୍ରୀରାମଚନ୍ଦ୍ରେଣ ସମର୍ପିତଂ ତଂ ରାମେଶ୍ଵରାଖ୍ଯଂ ନିଯତଂ ନମାମି

॥ 6 ॥

ଶ୍ଲୋକ 8

ଯାମ୍ଯେ ସଦଙ୍ଗେ ନଗରେଽତିରମ୍ଯେ ଵିଭୂଷିତାଙ୍ଗଂ ଵିଵିଧୈଶ୍ଚ ଭୋଗୈଃ ।

ସଦ୍ଭକ୍ତିମୁକ୍ତିପ୍ରଦମୀଶମେକଂ ଶ୍ରୀନାଗନାଥଂ ଶରଣଂ ପ୍ରପଦ୍ଯେ

॥ 7 ॥

ଶ୍ଲୋକ 9

ସାନନ୍ଦମାନନ୍ଦଵନେ ଵସନ୍ତଂ ଆନନ୍ଦକନ୍ଦଂ ହତପାପବୃନ୍ଦମ୍ ।

ଵାରାଣସୀନାଥମନାଥନାଥଂ ଶ୍ରୀଵିଶ୍ଵନାଥଂ ଶରଣଂ ପ୍ରପଦ୍ଯେ

॥ 8 ॥

ଶ୍ଲୋକ 10

ସହ୍ଯାଦ୍ରିଶୀର୍ଷେ ଵିମଲେ ଵସନ୍ତଂ ଗୋଦାଵରିତୀରପଵିତ୍ରଦେଶେ ।

ଯଦ୍ଦର୍ଶନାତ୍ ପାତକଂ ପାଶୁ ନାଶଂ ପ୍ରଯାତି ତଂ ତ୍ର୍ଯମ୍ବକମୀଶମୀଡେ

॥ 9 ॥

ଶ୍ଲୋକ 11

ମହାଦ୍ରିପାର୍ଶ୍ଵେ ଚ ତଟେ ରମନ୍ତଂ ସମ୍ପୂଜ୍ଯମାନଂ ସତତଂ ମୁନୀନ୍ଦ୍ରୈଃ ।

ସୁରାସୁରୈର୍ଯକ୍ଷ ମହୋରଗାଢ୍ଯୈଃ କେଦାରମୀଶଂ ଶିଵମେକମୀଡେ

॥ 10 ॥

ଶ୍ଲୋକ 12

ଇଲାପୁରେ ରମ୍ଯଵିଶାଲକେଽସ୍ମିନ୍ ସମୁଲ୍ଲସନ୍ତଂ ଚ ଜଗଦ୍ଵରେଣ୍ଯମ୍ ।

ଵନ୍ଦେ ମହୋଦାରତରସ୍ଵଭାଵଂ ଘୃଷ୍ଣେଶ୍ଵରାଖ୍ଯଂ ଶରଣଂ ପ୍ରପଦ୍ଯେ

॥ 11 ॥

ଶ୍ଲୋକ 13

ଜ୍ଯୋତିର୍ମଯଦ୍ଵାଦଶଲିଙ୍ଗକାନାଂ ଶିଵାତ୍ମନାଂ ପ୍ରୋକ୍ତମିଦଂ କ୍ରମେଣ ।

ସ୍ତୋତ୍ରଂ ପଠିତ୍ଵା ମନୁଜୋଽତିଭକ୍ତ୍ଯା ଫଲଂ ତଦାଲୋକ୍ଯ ନିଜଂ ଭଜେଚ୍ଚ ॥