Dwadasa Jyotirlinga Stotram

dvAdasha jyotirli~Nga stotram

shloka 1

laghu stotram

saurAShTre somanAdha~ncha shrIshaile mallikArjunam |

ujjayinyAM mahAkAlaM o~NkAretvamAmaleshvaram ||

parlyAM vaidyanAdhancha DhAkinyAM bhIma shaNkaram |

setubandhetu rAmeshaM nAgeshaM dArukAvane ||

vAraNAshyAntu vishveshaM trayambakaM gautamItaTe |

himAlayetu kedAraM ghRRiShNeshantu vishAlake ||

etAni jyotirli~NgAni sAyaM prAtaH paThennaraH |

sapta janma kRRitaM pApaM smaraNena vinashyati ||

sampUrNa stotram

saurAShTradeshe vishade.atiramye jyotirmayaM chandrakalAvataMsam |

bhaktapradAnAya kRRipAvatIrNaM taM somanAthaM sharaNaM prapadye || 1 ||

shrIshailashRRiNge vividhaprasaNge sheShAdrishRRi~Nge.api sadA vasantam |

tamarjunaM mallikapUrvamenaM namAmi saMsArasamudrasetum || 2 ||

avantikAyAM vihitAvatAraM muktipradAnAya cha sajjanAnAm |

akAlamRRityoH parirakShaNArthaM vande mahAkAlamahAsuresham || 3 ||

kAverikAnarmadayoH pavitre samAgame sajjanatAraNAya |

sadaiva mAndhAtRRipure vasantaM o~NkAramIshaM shivamekamIDe || 4 ||

pUrvottare prajvalikAnidhAne sadA vasaM taM girijAsametam |

surAsurArAdhitapAdapadmaM shrIvaidyanAthaM tamahaM namAmi || 5 ||

yaM DAkinishAkinikAsamAje niShevyamANaM pishitAshanaishcha |

sadaiva bhImAdipadaprasiddhaM taM sha~NkaraM bhaktahitaM namAmi || 6 ||

shrItAmraparNIjalarAshiyoge nibadhya setuM vishikhairasa~NkhyaiH |

shrIrAmachandreNa samarpitaM taM rAmeshvarAkhyaM niyataM namAmi || 7 ||

yAmye sadaNge nagare.atiramye vibhUShitANgaM vividhaishcha bhogaiH |

sadbhaktimuktipradamIshamekaM shrInAganAthaM sharaNaM prapadye || 8 ||

sAnandamAnandavane vasantaM AnandakandaM hatapApabRRindam |

vArANasInAthamanAthanAthaM shrIvishvanAthaM sharaNaM prapadye || 9 ||

sahyAdrishIrShe vimale vasantaM godAvaritIrapavitradeshe |

yaddarshanAt pAtakaM pAshu nAshaM prayAti taM tryambakamIshamIDe || 10 ||

mahAdripArshve cha taTe ramantaM sampUjyamAnaM satataM munIndraiH |

surAsurairyakSha mahoragADhyaiH kedAramIshaM shivamekamIDe || 11 ||

ilApure ramyavishAlake.asmin samullasantaM cha jagadvareNyam |

vande mahodAratarasvabhAvaM ghRRiShNeshvarAkhyaM sharaNaM prapadye || 12 ||

jyotirmayadvAdashali~NgakAnAM shivAtmanAM proktamidaM krameNa |

stotraM paThitvA manujo.atibhaktyA phalaM tadAlokya nijaM bhajechcha ||