Dwadasa Jyotirlinga Stotram

dvAdaza jyotirliGga stotram

zloka 1

laghu stotram

saurASTre somanAdhaJca zrIzaile mallikArjunam |

ujjayinyAM mahAkAlaM oGkAretvamAmalezvaram ||

parlyAM vaidyanAdhaJca DhAkinyAM bhIma zaGkaram |

setubandhetu rAmezaM nAgezaM dArukAvane ||

vAraNAzyAntu vizvezaM trayambakaM gautamItaTe |

himAlayetu kedAraM ghRSNezantu vizAlake ||

etAni jyotirliGgAni sAyaM prAtaH paThennaraH |

sapta janma kRtaM pApaM smaraNena vinazyati ||

sampUrNa stotram

saurASTradeze vizade'tiramye jyotirmayaM candrakalAvataMsam |

bhaktapradAnAya kRpAvatIrNaM taM somanAthaM zaraNaM prapadye || 1 ||

zrIzailazRGge vividhaprasaGge zeSAdrizRGge'pi sadA vasantam |

tamarjunaM mallikapUrvamenaM namAmi saMsArasamudrasetum || 2 ||

avantikAyAM vihitAvatAraM muktipradAnAya ca sajjanAnAm |

akAlamRtyoH parirakSaNArthaM vande mahAkAlamahAsurezam || 3 ||

kAverikAnarmadayoH pavitre samAgame sajjanatAraNAya |

sadaiva mAndhAtRpure vasantaM oGkAramIzaM zivamekamIDe || 4 ||

pUrvottare prajvalikAnidhAne sadA vasaM taM girijAsametam |

surAsurArAdhitapAdapadmaM zrIvaidyanAthaM tamahaM namAmi || 5 ||

yaM DAkinizAkinikAsamAje niSevyamANaM pizitAzanaizca |

sadaiva bhImAdipadaprasiddhaM taM zaGkaraM bhaktahitaM namAmi || 6 ||

zrItAmraparNIjalarAziyoge nibadhya setuM vizikhairasaGkhyaiH |

zrIrAmacandreNa samarpitaM taM rAmezvarAkhyaM niyataM namAmi || 7 ||

yAmye sadaGge nagare'tiramye vibhUSitAGgaM vividhaizca bhogaiH |

sadbhaktimuktipradamIzamekaM zrInAganAthaM zaraNaM prapadye || 8 ||

sAnandamAnandavane vasantaM AnandakandaM hatapApabRndam |

vArANasInAthamanAthanAthaM zrIvizvanAthaM zaraNaM prapadye || 9 ||

sahyAdrizIrSe vimale vasantaM godAvaritIrapavitradeze |

yaddarzanAt pAtakaM pAzu nAzaM prayAti taM tryambakamIzamIDe || 10 ||

mahAdripArzve ca taTe ramantaM sampUjyamAnaM satataM munIndraiH |

surAsurairyakSa mahoragADhyaiH kedAramIzaM zivamekamIDe || 11 ||

ilApure ramyavizAlake'smin samullasantaM ca jagadvareNyam |

vande mahodAratarasvabhAvaM ghRSNezvarAkhyaM zaraNaM prapadye || 12 ||

jyotirmayadvAdazaliGgakAnAM zivAtmanAM proktamidaM krameNa |

stotraM paThitvA manujo'tibhaktyA phalaM tadAlokya nijaM bhajecca ||