Dwadasa Jyotirlinga Stotram
Dwadasa Jyotirlinga Stotram
দ্বাদশ জ্যোতির্লিঙ্গ স্তোত্রম্
শ্লোক 1
লঘু স্তোত্রম্
সৌরাষ্ট্রে সোমনাধঞ্চ শ্রীশৈলে মল্লিকার্জুনম্ ।
উজ্জযিন্যাং মহাকালং ওঙ্কারেত্বমামলেশ্বরম্ ॥
পর্ল্যাং বৈদ্যনাধঞ্চ ঢাকিন্যাং ভীম শঙ্করম্ ।
সেতুবন্ধেতু রামেশং নাগেশং দারুকাবনে ॥
বারণাশ্যান্তু বিশ্বেশং ত্রযম্বকং গৌতমীতটে ।
হিমালযেতু কেদারং ঘৃষ্ণেশন্তু বিশালকে ॥
এতানি জ্যোতির্লিঙ্গানি সাযং প্রাতঃ পঠেন্নরঃ ।
সপ্ত জন্ম কৃতং পাপং স্মরণেন বিনশ্যতি ॥
সম্পূর্ণ স্তোত্রম্
সৌরাষ্ট্রদেশে বিশদেঽতিরম্যে জ্যোতির্মযং চন্দ্রকলাবতংসম্ ।
ভক্তপ্রদানায কৃপাবতীর্ণং তং সোমনাথং শরণং প্রপদ্যে
শ্লোক 2
শ্রীশৈলশৃঙ্গে বিবিধপ্রসঙ্গে শেষাদ্রিশৃঙ্গেঽপি সদা বসন্তম্ ।
তমর্জুনং মল্লিকপূর্বমেনং নমামি সংসারসমুদ্রসেতুম্
॥ 1 ॥
শ্লোক 3
অবন্তিকাযাং বিহিতাবতারং মুক্তিপ্রদানায চ সজ্জনানাম্ ।
অকালমৃত্যোঃ পরিরক্ষণার্থং বন্দে মহাকালমহাসুরেশম্
॥ 2 ॥
শ্লোক 4
কাবেরিকানর্মদযোঃ পবিত্রে সমাগমে সজ্জনতারণায ।
সদৈব মান্ধাতৃপুরে বসন্তং ওঙ্কারমীশং শিবমেকমীডে
॥ 3 ॥
শ্লোক 5
পূর্বোত্তরে প্রজ্বলিকানিধানে সদা বসং তং গিরিজাসমেতম্ ।
সুরাসুরারাধিতপাদপদ্মং শ্রীবৈদ্যনাথং তমহং নমামি
॥ 4 ॥
শ্লোক 6
যং ডাকিনিশাকিনিকাসমাজে নিষেব্যমাণং পিশিতাশনৈশ্চ ।
সদৈব ভীমাদিপদপ্রসিদ্ধং তং শঙ্করং ভক্তহিতং নমামি
॥ 5 ॥
শ্লোক 7
শ্রীতাম্রপর্ণীজলরাশিযোগে নিবধ্য সেতুং বিশিখৈরসঙ্খ্যৈঃ ।
শ্রীরামচন্দ্রেণ সমর্পিতং তং রামেশ্বরাখ্যং নিযতং নমামি
॥ 6 ॥
শ্লোক 8
যাম্যে সদঙ্গে নগরেঽতিরম্যে বিভূষিতাঙ্গং বিবিধৈশ্চ ভোগৈঃ ।
সদ্ভক্তিমুক্তিপ্রদমীশমেকং শ্রীনাগনাথং শরণং প্রপদ্যে
॥ 7 ॥
শ্লোক 9
সানন্দমানন্দবনে বসন্তং আনন্দকন্দং হতপাপবৃন্দম্ ।
বারাণসীনাথমনাথনাথং শ্রীবিশ্বনাথং শরণং প্রপদ্যে
॥ 8 ॥
শ্লোক 10
সহ্যাদ্রিশীর্ষে বিমলে বসন্তং গোদাবরিতীরপবিত্রদেশে ।
যদ্দর্শনাত্ পাতকং পাশু নাশং প্রযাতি তং ত্র্যম্বকমীশমীডে
॥ 9 ॥
শ্লোক 11
মহাদ্রিপার্শ্বে চ তটে রমন্তং সম্পূজ্যমানং সততং মুনীন্দ্রৈঃ ।
সুরাসুরৈর্যক্ষ মহোরগাঢ্যৈঃ কেদারমীশং শিবমেকমীডে
॥ 10 ॥
শ্লোক 12
ইলাপুরে রম্যবিশালকেঽস্মিন্ সমুল্লসন্তং চ জগদ্বরেণ্যম্ ।
বন্দে মহোদারতরস্বভাবং ঘৃষ্ণেশ্বরাখ্যং শরণং প্রপদ্যে
॥ 11 ॥
শ্লোক 13
জ্যোতির্মযদ্বাদশলিঙ্গকানাং শিবাত্মনাং প্রোক্তমিদং ক্রমেণ ।
স্তোত্রং পঠিত্বা মনুজোঽতিভক্ত্যা ফলং তদালোক্য নিজং ভজেচ্চ ॥