Dwadasa Arya Stuti

ද්වාදශ ආර්ය ස්තුති

ශ්ලොක 1

උද්යන්නද්යවිවස්වානාරෝහන්නුත්තරාං දිවං දේවඃ .

හෘද්රෝගං මම සූර්යෝ හරිමාණං චා(අ)(අ)ශු නාශයතු .. 1 ..

නිමිෂාර්ධේනෛකේන ද්වේ ච ශතේ ද්වේ සහස්රේ ද්වේ .

ක්රමමාණ යෝජනානාං නමෝ(අ)ස්තු තේ නලිනනාථාය .. 2 ..

කර්මජ්ඤානඛදශකං මනශ්ච ජීව ඉති විශ්වසර්ගාය .

ද්වාදශධා යෝ විචරති ස ද්වාදශමූර්තිරස්තු මෝදාය .. 3 ..

ත්වං හි යජූඍක්සාමඃ ත්වමාගමස්ත්වං වෂට්කාරඃ .

ත්වං විශ්වං ත්වං හංසඃ ත්වං භානෝ පරමහංසශ්ච .. 4 ..

ශිවරූපාත් ජ්ඤානමහං ත්වත්තෝ මුක්තිං ජනාර්දනාකාරාත් .

ශිඛිරූපාදෛශ්වර්යං ත්වත්තශ්චාරෝග්යමිච්ඡාමි .. 5 ..

ත්වචි දෝෂා දෘශි දෝෂාඃ හෘදි දෝෂා යේ(අ)ඛිලේන්ද්රියජදෝෂාඃ .

තාන් පූෂා හතදෝෂඃ කිඤ්චිද්රෝෂාග්නිනා දහතු .. 6 ..

ධර්මාර්ථකාමමෝක්ෂප්රතිරෝධානුග්රතාපවේගකරාන් .

බන්දීකෘතේන්ද්රියගණාන් ගදාන් විඛණ්ඩයතු චණ්ඩාංශුඃ .. 7 ..

යේන විනේදං තිමිරං ජගදේත්ය ග්රසති චරමචරමඛිලම් .

ධෘතබෝධං තං නලිනීභර්තාරං හර්තාරමාපදාමීඩේ .. 8 ..

යස්ය සහස්රාභීශෝරභීශු ලේශෝ හිමාංශුබිම්බගතඃ .

භාසයති නක්තමඛිලං භේදයතු විපද්ගණානරුණඃ .. 9 ..

තිමිරමිව නේත්රතිමිරං පටලමිවා(අ)ශේෂරෝගපටලං නඃ .

කාශමිවාධිනිකායං කාලපිතා රෝගයුක්තතාං හරතාත් .. 10 ..

වාතාශ්මරීගදාර්ශස්ත්වග්දෝෂමහෝදරප්රමේහාංශ්ච .

ග්රහණීභගන්ධරාඛ්යා මහතීස්ත්වං මේ රුජෝ හංසි .. 11 ..

ත්වං මාතා ත්වං ශරණං ත්වං ධාතා ත්වං ධනං ත්වමාචාර්යඃ .

ත්වං ත්රාතා ත්වං හර්තා විපදාමර්ක ප්රසීද මම භානෝ .. 12 ..

ඉත්යාර්යාද්වාදශකං සාම්බස්ය පුරෝ නභඃස්ථලාත්පතිතම් .

පඨතාං භාග්යසමෘද්ධිඃ සමස්තරෝගක්ෂයශ්ච ස්යාත් .. 13 ..

ඉති ශ්රීසාම්බකෘතද්වාදශාර්යාසූර්යස්තුතිඃ .