Dwadasa Arya Stuti

dvAdasha Arya stuti

shloka 1

udyannadyavivasvAnArohannuttarAM divaM devaH |

hRRidrogaM mama sUryo harimANaM chA.a.ashu nAshayatu || 1 ||

nimiShArdhenaikena dve cha shate dve sahasre dve |

kramamANa yojanAnAM namo.astu te nalinanAthAya || 2 ||

karmaj~nAnakhadashakaM manashcha jIva iti vishvasargAya |

dvAdashadhA yo vicharati sa dvAdashamUrtirastu modAya || 3 ||

tvaM hi yajURRiksAmaH tvamAgamastvaM vaShaTkAraH |

tvaM vishvaM tvaM haMsaH tvaM bhAno paramahaMsashcha || 4 ||

shivarUpAt j~nAnamahaM tvatto muktiM janArdanAkArAt |

shikhirUpAdaishvaryaM tvattashchArogyamichChAmi || 5 ||

tvachi doShA dRRishi doShAH hRRidi doShA ye.akhilendriyajadoShAH |

tAn pUShA hatadoShaH ki~nchidroShAgninA dahatu || 6 ||

dharmArthakAmamokShapratirodhAnugratApavegakarAn |

bandIkRRitendriyagaNAn gadAn vikhaNDayatu chaNDAMshuH || 7 ||

yena vinedaM timiraM jagadetya grasati charamacharamakhilam |

dhRRitabodhaM taM nalinIbhartAraM hartAramApadAmIDe || 8 ||

yasya sahasrAbhIshorabhIshu lesho himAMshubimbagataH |

bhAsayati naktamakhilaM bhedayatu vipadgaNAnaruNaH || 9 ||

timiramiva netratimiraM paTalamivA.asheSharogapaTalaM naH |

kAshamivAdhinikAyaM kAlapitA rogayuktatAM haratAt || 10 ||

vAtAshmarIgadArshastvagdoShamahodarapramehAMshcha |

grahaNIbhagandharAkhyA mahatIstvaM me rujo haMsi || 11 ||

tvaM mAtA tvaM sharaNaM tvaM dhAtA tvaM dhanaM tvamAchAryaH |

tvaM trAtA tvaM hartA vipadAmarka prasIda mama bhAno || 12 ||

ityAryAdvAdashakaM sAmbasya puro nabhaHsthalAtpatitam |

paThatAM bhAgyasamRRiddhiH samastarogakShayashcha syAt || 13 ||

iti shrIsAmbakRRitadvAdashAryAsUryastutiH |