Dwadasa Arya Stuti

dvAdaza Arya stuti

zloka 1

udyannadyavivasvAnArohannuttarAM divaM devaH |

hRdrogaM mama sUryo harimANaM cA''zu nAzayatu || 1 ||

nimiSArdhenaikena dve ca zate dve sahasre dve |

kramamANa yojanAnAM namo'stu te nalinanAthAya || 2 ||

karmajJAnakhadazakaM manazca jIva iti vizvasargAya |

dvAdazadhA yo vicarati sa dvAdazamUrtirastu modAya || 3 ||

tvaM hi yajURksAmaH tvamAgamastvaM vaSaTkAraH |

tvaM vizvaM tvaM haMsaH tvaM bhAno paramahaMsazca || 4 ||

zivarUpAt jJAnamahaM tvatto muktiM janArdanAkArAt |

zikhirUpAdaizvaryaM tvattazcArogyamicchAmi || 5 ||

tvaci doSA dRzi doSAH hRdi doSA ye'khilendriyajadoSAH |

tAn pUSA hatadoSaH kiJcidroSAgninA dahatu || 6 ||

dharmArthakAmamokSapratirodhAnugratApavegakarAn |

bandIkRtendriyagaNAn gadAn vikhaNDayatu caNDAMzuH || 7 ||

yena vinedaM timiraM jagadetya grasati caramacaramakhilam |

dhRtabodhaM taM nalinIbhartAraM hartAramApadAmIDe || 8 ||

yasya sahasrAbhIzorabhIzu lezo himAMzubimbagataH |

bhAsayati naktamakhilaM bhedayatu vipadgaNAnaruNaH || 9 ||

timiramiva netratimiraM paTalamivA'zeSarogapaTalaM naH |

kAzamivAdhinikAyaM kAlapitA rogayuktatAM haratAt || 10 ||

vAtAzmarIgadArzastvagdoSamahodarapramehAMzca |

grahaNIbhagandharAkhyA mahatIstvaM me rujo haMsi || 11 ||

tvaM mAtA tvaM zaraNaM tvaM dhAtA tvaM dhanaM tvamAcAryaH |

tvaM trAtA tvaM hartA vipadAmarka prasIda mama bhAno || 12 ||

ityAryAdvAdazakaM sAmbasya puro nabhaHsthalAtpatitam |

paThatAM bhAgyasamRddhiH samastarogakSayazca syAt || 13 ||

iti zrIsAmbakRtadvAdazAryAsUryastutiH |