Dwadasa Arya Stuti

দ্বাদশ আর্য স্তুতি

শ্লোক 1

উদ্যন্নদ্যবিবস্বানারোহন্নুত্তরাং দিবং দেবঃ ।

হৃদ্রোগং মম সূর্যো হরিমাণং চাঽঽশু নাশযতু

শ্লোক 2

নিমিষার্ধেনৈকেন দ্বে চ শতে দ্বে সহস্রে দ্বে ।

ক্রমমাণ যোজনানাং নমোঽস্তু তে নলিননাথায

॥ 1 ॥

শ্লোক 3

কর্মজ্ঞানখদশকং মনশ্চ জীব ইতি বিশ্বসর্গায ।

দ্বাদশধা যো বিচরতি স দ্বাদশমূর্তিরস্তু মোদায

॥ 2 ॥

শ্লোক 4

ত্বং হি যজূঋক্সামঃ ত্বমাগমস্ত্বং বষট্কারঃ ।

ত্বং বিশ্বং ত্বং হংসঃ ত্বং ভানো পরমহংসশ্চ

॥ 3 ॥

শ্লোক 5

শিবরূপাত্ জ্ঞানমহং ত্বত্তো মুক্তিং জনার্দনাকারাত্ ।

শিখিরূপাদৈশ্বর্যং ত্বত্তশ্চারোগ্যমিচ্ছামি

॥ 4 ॥

শ্লোক 6

ত্বচি দোষা দৃশি দোষাঃ হৃদি দোষা যেঽখিলেন্দ্রিযজদোষাঃ ।

তান্ পূষা হতদোষঃ কিঞ্চিদ্রোষাগ্নিনা দহতু

॥ 5 ॥

শ্লোক 7

ধর্মার্থকামমোক্ষপ্রতিরোধানুগ্রতাপবেগকরান্ ।

বন্দীকৃতেন্দ্রিযগণান্ গদান্ বিখণ্ডযতু চণ্ডাংশুঃ

॥ 6 ॥

শ্লোক 8

যেন বিনেদং তিমিরং জগদেত্য গ্রসতি চরমচরমখিলম্ ।

ধৃতবোধং তং নলিনীভর্তারং হর্তারমাপদামীডে

॥ 7 ॥

শ্লোক 9

যস্য সহস্রাভীশোরভীশু লেশো হিমাংশুবিম্বগতঃ ।

ভাসযতি নক্তমখিলং ভেদযতু বিপদ্গণানরুণঃ

॥ 8 ॥

শ্লোক 10

তিমিরমিব নেত্রতিমিরং পটলমিবাঽশেষরোগপটলং নঃ ।

কাশমিবাধিনিকাযং কালপিতা রোগযুক্ততাং হরতাত্

॥ 9 ॥

শ্লোক 11

বাতাশ্মরীগদার্শস্ত্বগ্দোষমহোদরপ্রমেহাংশ্চ ।

গ্রহণীভগন্ধরাখ্যা মহতীস্ত্বং মে রুজো হংসি

॥ 10 ॥

শ্লোক 12

ত্বং মাতা ত্বং শরণং ত্বং ধাতা ত্বং ধনং ত্বমাচার্যঃ ।

ত্বং ত্রাতা ত্বং হর্তা বিপদামর্ক প্রসীদ মম ভানো

॥ 11 ॥

শ্লোক 13

ইত্যার্যাদ্বাদশকং সাম্বস্য পুরো নভঃস্থলাত্পতিতম্ ।

পঠতাং ভাগ্যসমৃদ্ধিঃ সমস্তরোগক্ষযশ্চ স্যাত্

॥ 12 ॥

শ্লোক 14

ইতি শ্রীসাম্বকৃতদ্বাদশার্যাসূর্যস্তুতিঃ ।