Durga Kavacham

ଦୁର୍ଗା କଵଚମ୍

ଶ୍ଲୋକ 1

ଈଶ୍ଵର ଉଵାଚ ।

ଶୃଣୁ ଦେଵି ପ୍ରଵକ୍ଷ୍ଯାମି କଵଚଂ ସର୍ଵସିଦ୍ଧିଦମ୍ ।

ପଠିତ୍ଵା ପାଠଯିତ୍ଵା ଚ ନରୋ ମୁଚ୍ଯେତ ସଙ୍କଟାତ୍

ଶ୍ଲୋକ 2

ଅଜ୍ଞାତ୍ଵା କଵଚଂ ଦେଵି ଦୁର୍ଗାମନ୍ତ୍ରଂ ଚ ଯୋ ଜପେତ୍ ।

ନ ଚାପ୍ନୋତି ଫଲଂ ତସ୍ଯ ପରଂ ଚ ନରକଂ ଵ୍ରଜେତ୍

॥ 1 ॥

ଶ୍ଲୋକ 3

ଉମାଦେଵୀ ଶିରଃ ପାତୁ ଲଲାଟେ ଶୂଲଧାରିଣୀ ।

ଚକ୍ଷୁଷୀ ଖେଚରୀ ପାତୁ କର୍ଣୌ ଚତ୍ଵରଵାସିନୀ

॥ 2 ॥

ଶ୍ଲୋକ 4

ସୁଗନ୍ଧା ନାସିକଂ ପାତୁ ଵଦନଂ ସର୍ଵଧାରିଣୀ ।

ଜିହ୍ଵାଂ ଚ ଚଣ୍ଡିକାଦେଵୀ ଗ୍ରୀଵାଂ ସୌଭଦ୍ରିକା ତଥା

॥ 3 ॥

ଶ୍ଲୋକ 5

ଅଶୋକଵାସିନୀ ଚେତୋ ଦ୍ଵୌ ବାହୂ ଵଜ୍ରଧାରିଣୀ ।

ହୃଦଯଂ ଲଲିତାଦେଵୀ ଉଦରଂ ସିଂହଵାହିନୀ

॥ 4 ॥

ଶ୍ଲୋକ 6

କଟିଂ ଭଗଵତୀ ଦେଵୀ ଦ୍ଵାଵୂରୂ ଵିନ୍ଧ୍ଯଵାସିନୀ ।

ମହାବଲା ଚ ଜଙ୍ଘେ ଦ୍ଵେ ପାଦୌ ଭୂତଲଵାସିନୀ

॥ 5 ॥

ଶ୍ଲୋକ 7

ଏଵଂ ସ୍ଥିତାଽସି ଦେଵି ତ୍ଵଂ ତ୍ରୈଲୋକ୍ଯେ ରକ୍ଷଣାତ୍ମିକା ।

ରକ୍ଷ ମାଂ ସର୍ଵଗାତ୍ରେଷୁ ଦୁର୍ଗେ ଦେଵି ନମୋଽସ୍ତୁ ତେ

॥ 6 ॥

ଶ୍ଲୋକ 8

ଇତି କୁବ୍ଜିକାତନ୍ତ୍ରୋକ୍ତଂ ଶ୍ରୀ ଦୁର୍ଗା କଵଚମ୍ ।