Durga Kavacham (Brahmanda Puranam)

දුර්ගා කවචම් (බ්රහ්මාණ්ඩ පුරාණම්)

ශ්ලොක 1

නාරායණ උවාච .

ඕං දුර්ගේති චතුර්ථ්යන්තඃ ස්වාහාන්තෝ මේ ශිරෝ(අ)වතු .

මන්ත්රඃ ෂඩක්ෂරෝ(අ)යං ච භක්තානාං කල්පපාදපඃ .. 1 ..

විචාරෝ නාස්ති වේදේෂු ග්රහණේ(අ)ස්ය මනෝර්මුනේ .

මන්ත්රග්රහණමාත්රේණ විෂ්ණුතුල්යෝ භවේන්නරඃ .. 2 ..

මම වක්ත්රං සදා පාතු ඕං දුර්ගායෛ නමෝ(අ)න්තතඃ .

ඕං දුර්ගේ රක්ෂයති ච කණ්ඨං පාතු සදා මම .. 3 ..

ඕං හ්රීං ශ්රීමිති මන්ත්රෝ(අ)යං ස්කන්ධං පාතු නිරන්තරම් .

හ්රීං ශ්රීං ක්ලීමිති පෘෂ්ඨං ච පාතු මේ සර්වතඃ සදා .. 4 ..

හ්රීං මේ වක්ෂඃස්ථලං පාතු හස්තං ශ්රීමිති සන්තතම් .

ශ්රීං හ්රීං ක්ලීං පාතු සර්වාඞ්ගං ස්වප්නේ ජාගරණේ තථා .. 5 ..

ප්රාච්යාං මාං ප්රකෘතිඃ පාතුඃ පාතු වහ්නෞ ච චණ්ඩිකා .

දක්ෂිණේ භද්රකාලී ච නෛරෘත්යාං ච මහේශ්වරී .. 6 ..

වාරුණ්යාං පාතු වාරාහී වායව්යාං සර්වමඞ්ගලා .

උත්තරේ වෛෂ්ණවී පාතු තථෛශාන්යාං ශිවප්රියා .. 7 ..

ජලේ ස්ථලේ චාන්තරික්ෂේ පාතු මාං ජගදම්බිකා .

ඉති තේ කථිතං වත්ස කවචං ච සුදුර්ලභම් .. 8 ..

යස්මෛ කස්මෛ න දාතව්යං ප්රවක්තව්යං න කස්යචිත් .

ගුරුමභ්යර්ච්ය විධිවද්වස්ත්රාලඞ්කාරචන්දනෛඃ .

කවචං ධාරයේද්යස්තු සෝ(අ)පි විෂ්ණුර්න සංශයඃ .. 9 ..

ඉති ශ්රීබ්රහ්මවෛවර්තේ මහාපුරාණේ ප්රකෘතිඛණ්ඩේ නාරදනාරායණසංවාදේ දුර්ගෝපාඛ්යානේ සප්තෂෂ්ටිතමෝ(අ)ධ්යායේ බ්රහ්මාණ්ඩමෝහනං නාම ශ්රී දුර්ගා කවචම් .