Durga Kavacham (Brahmanda Puranam)

durgA kavacham (brahmANDa purANam)

shloka 1

nArAyaNa uvAcha |

OM durgeti chaturthyantaH svAhAnto me shiro.avatu |

mantraH ShaDakSharo.ayaM cha bhaktAnAM kalpapAdapaH || 1 ||

vichAro nAsti vedeShu grahaNe.asya manormune |

mantragrahaNamAtreNa viShNutulyo bhavennaraH || 2 ||

mama vaktraM sadA pAtu OM durgAyai namo.antataH |

OM durge rakShayati cha kaNThaM pAtu sadA mama || 3 ||

OM hrIM shrImiti mantro.ayaM skandhaM pAtu nirantaram |

hrIM shrIM klImiti pRRiShThaM cha pAtu me sarvataH sadA || 4 ||

hrIM me vakShaHsthalaM pAtu hastaM shrImiti santatam |

shrIM hrIM klIM pAtu sarvA~NgaM svapne jAgaraNe tathA || 5 ||

prAchyAM mAM prakRRitiH pAtuH pAtu vahnau cha chaNDikA |

dakShiNe bhadrakAlI cha nairRRityAM cha maheshvarI || 6 ||

vAruNyAM pAtu vArAhI vAyavyAM sarvama~NgalA |

uttare vaiShNavI pAtu tathaishAnyAM shivapriyA || 7 ||

jale sthale chAntarikShe pAtu mAM jagadambikA |

iti te kathitaM vatsa kavachaM cha sudurlabham || 8 ||

yasmai kasmai na dAtavyaM pravaktavyaM na kasyachit |

gurumabhyarchya vidhivadvastrAla~NkArachandanaiH |

kavachaM dhArayedyastu so.api viShNurna saMshayaH || 9 ||

iti shrIbrahmavaivarte mahApurANe prakRRitikhaNDe nAradanArAyaNasaMvAde durgopAkhyAne saptaShaShTitamo.adhyAye brahmANDamohanaM nAma shrI durgA kavacham |