Durga Apaduddharaka Stotram

ශ්රී දුර්ගා ආපදුද්ධාරක ස්තෝත්රම්

ශ්ලොක 1

නමස්තේ ශරණ්යේ ශිවේ සානුකම්පේ

නමස්තේ ජගද්ව්යාපිකේ විශ්වරූපේ .

නමස්තේ ජගද්වන්ද්යපාදාරවින්දේ

නමස්තේ ජගත්තාරිණි ත්රාහි දුර්ගේ .. 1 ..

නමස්තේ ජගච්චින්ත්යමානස්වරූපේ

නමස්තේ මහායෝගිවිජ්ඤානරූපේ .

නමස්තේ නමස්තේ සදානන්දරූපේ

නමස්තේ ජගත්තාරිණි ත්රාහි දුර්ගේ .. 2 ..

අනාථස්ය දීනස්ය තෘෂ්ණාතුරස්ය

භයාර්තස්ය භීතස්ය බද්ධස්ය ජන්තෝඃ .

ත්වමේකා ගතිර්දේවි නිස්තාරකර්ත්රී

නමස්තේ ජගත්තාරිණි ත්රාහි දුර්ගේ .. 3 ..

අරණ්යේ රණේ දාරුණේ ශත්රුමධ්යේ-

(අ)නලේ සාගරේ ප්රාන්තරේ රාජගේහේ .

ත්වමේකා ගතිර්දේවි නිස්තාරනෞකා

නමස්තේ ජගත්තාරිණි ත්රාහි දුර්ගේ .. 4 ..

අපාරේ මහාදුස්තරේ(අ)ත්යන්තඝෝරේ

විපත්සාගරේ මජ්ජතාං දේහභාජාම් .

ත්වමේකා ගතිර්දේවි නිස්තාරහේතු-

ර්නමස්තේ ජගත්තාරිණි ත්රාහි දුර්ගේ .. 5 ..

නමශ්චණ්ඩිකේ චණ්ඩදුර්දණ්ඩලීලා-

සමුත්ඛණ්ඩිතා ඛණ්ඩිතා(අ)ශේෂශත්රෝඃ .

ත්වමේකා ගතිර්දේවි නිස්තාරබීජං

නමස්තේ ජගත්තාරිණි ත්රාහි දුර්ගේ .. 6 ..

ත්වමේකා සදාරාධිතා සත්යවාදි-

න්යනේකාඛිලා ක්රෝධනා ක්රෝධනිෂ්ඨා .

ඉඩා පිඞ්ගලා ත්වං සුෂුම්නා ච නාඩී

නමස්තේ ජගත්තාරිණි ත්රාහි දුර්ගේ .. 7 ..

නමෝ දේවි දුර්ගේ ශිවේ භීමනාදේ

සදාසර්වසිද්ධිප්රදාතෘස්වරූපේ .

විභූතිඃ ශචී කාලරාත්රිඃ සතී ත්වං

නමස්තේ ජගත්තාරිණි ත්රාහි දුර්ගේ .. 8 ..

ශරණමසි සුරාණාං සිද්ධවිද්යාධරාණාං

මුනිමනුජපශූනාං දස්යුභිස්ත්රාසිතානාං

නෘපතිගෘහගතානාං ව්යාධිභිඃ පීඩිතානාම් .

ත්වමසි ශරණමේකා දේවි දුර්ගේ ප්රසීද .. 9 ..

ඉදං ස්තෝත්රං මයා ප්රෝක්තමාපදුද්ධාරහේතුකම් .

ත්රිසන්ධ්යමේකසන්ධ්යං වා පඨනාද්ඝෝරසඞ්කටාත් .. 10 ..

මුච්යතේ නාත්ර සන්දේහෝ භුවි ස්වර්ගේ රසාතලේ .

සර්වං වා ශ්ලෝකමේකං වා යඃ පඨේද්භක්තිමාන්සදා .. 11 ..

ස සර්වං දුෂ්කෘතං ත්යක්ත්වා ප්රාප්නෝති පරමං පදම් .

පඨනාදස්ය දේවේශි කිං න සිද්ධ්යති භූතලේ .

ස්තවරාජමිදං දේවි සඞ්ක්ෂේපාත්කථිතං මයා .. 12

ඉති ශ්රී සිද්ධේශ්වරීතන්ත්රේ පරමශිවෝක්ත ශ්රී දුර්ගා ආපදුද්ධාර ස්තෝත්රම් .