Durga Apaduddharaka Stotram

shrI durgA ApaduddhAraka stotram

shloka 1

namaste sharaNye shive sAnukampe

namaste jagadvyApike vishvarUpe |

namaste jagadvandyapAdAravinde

namaste jagattAriNi trAhi durge || 1 ||

namaste jagachchintyamAnasvarUpe

namaste mahAyogivij~nAnarUpe |

namaste namaste sadAnandarUpe

namaste jagattAriNi trAhi durge || 2 ||

anAthasya dInasya tRRiShNAturasya

bhayArtasya bhItasya baddhasya jantoH |

tvamekA gatirdevi nistArakartrI

namaste jagattAriNi trAhi durge || 3 ||

araNye raNe dAruNe shatrumadhye-

.anale sAgare prAntare rAjagehe |

tvamekA gatirdevi nistAranaukA

namaste jagattAriNi trAhi durge || 4 ||

apAre mahAdustare.atyantaghore

vipatsAgare majjatAM dehabhAjAm |

tvamekA gatirdevi nistArahetu-

rnamaste jagattAriNi trAhi durge || 5 ||

namashchaNDike chaNDadurdaNDalIlA-

samutkhaNDitA khaNDitA.asheShashatroH |

tvamekA gatirdevi nistArabIjaM

namaste jagattAriNi trAhi durge || 6 ||

tvamekA sadArAdhitA satyavAdi-

nyanekAkhilA krodhanA krodhaniShThA |

iDA pi~NgalA tvaM suShumnA cha nADI

namaste jagattAriNi trAhi durge || 7 ||

namo devi durge shive bhImanAde

sadAsarvasiddhipradAtRRisvarUpe |

vibhUtiH shachI kAlarAtriH satI tvaM

namaste jagattAriNi trAhi durge || 8 ||

sharaNamasi surANAM siddhavidyAdharANAM

munimanujapashUnAM dasyubhistrAsitAnAM

nRRipatigRRihagatAnAM vyAdhibhiH pIDitAnAm |

tvamasi sharaNamekA devi durge prasIda || 9 ||

idaM stotraM mayA proktamApaduddhArahetukam |

trisandhyamekasandhyaM vA paThanAdghorasa~NkaTAt || 10 ||

muchyate nAtra sandeho bhuvi svarge rasAtale |

sarvaM vA shlokamekaM vA yaH paThedbhaktimAnsadA || 11 ||

sa sarvaM duShkRRitaM tyaktvA prApnoti paramaM padam |

paThanAdasya deveshi kiM na siddhyati bhUtale |

stavarAjamidaM devi sa~NkShepAtkathitaM mayA || 12

iti shrI siddheshvarItantre paramashivokta shrI durgA ApaduddhAra stotram |