Durga Apaduddharaka Stotram

zrI durgA ApaduddhAraka stotram

zloka 1

namaste zaraNye zive sAnukampe

namaste jagadvyApike vizvarUpe |

namaste jagadvandyapAdAravinde

namaste jagattAriNi trAhi durge || 1 ||

namaste jagaccintyamAnasvarUpe

namaste mahAyogivijJAnarUpe |

namaste namaste sadAnandarUpe

namaste jagattAriNi trAhi durge || 2 ||

anAthasya dInasya tRSNAturasya

bhayArtasya bhItasya baddhasya jantoH |

tvamekA gatirdevi nistArakartrI

namaste jagattAriNi trAhi durge || 3 ||

araNye raNe dAruNe zatrumadhye-

'nale sAgare prAntare rAjagehe |

tvamekA gatirdevi nistAranaukA

namaste jagattAriNi trAhi durge || 4 ||

apAre mahAdustare'tyantaghore

vipatsAgare majjatAM dehabhAjAm |

tvamekA gatirdevi nistArahetu-

rnamaste jagattAriNi trAhi durge || 5 ||

namazcaNDike caNDadurdaNDalIlA-

samutkhaNDitA khaNDitA'zeSazatroH |

tvamekA gatirdevi nistArabIjaM

namaste jagattAriNi trAhi durge || 6 ||

tvamekA sadArAdhitA satyavAdi-

nyanekAkhilA krodhanA krodhaniSThA |

iDA piGgalA tvaM suSumnA ca nADI

namaste jagattAriNi trAhi durge || 7 ||

namo devi durge zive bhImanAde

sadAsarvasiddhipradAtRsvarUpe |

vibhUtiH zacI kAlarAtriH satI tvaM

namaste jagattAriNi trAhi durge || 8 ||

zaraNamasi surANAM siddhavidyAdharANAM

munimanujapazUnAM dasyubhistrAsitAnAM

nRpatigRhagatAnAM vyAdhibhiH pIDitAnAm |

tvamasi zaraNamekA devi durge prasIda || 9 ||

idaM stotraM mayA proktamApaduddhArahetukam |

trisandhyamekasandhyaM vA paThanAdghorasaGkaTAt || 10 ||

mucyate nAtra sandeho bhuvi svarge rasAtale |

sarvaM vA zlokamekaM vA yaH paThedbhaktimAnsadA || 11 ||

sa sarvaM duSkRtaM tyaktvA prApnoti paramaM padam |

paThanAdasya devezi kiM na siddhyati bhUtale |

stavarAjamidaM devi saGkSepAtkathitaM mayA || 12

iti zrI siddhezvarItantre paramazivokta zrI durgA ApaduddhAra stotram |