Dhanyashtakam

ଧନ୍ଯାଷ୍ଟକମ୍

ଶ୍ଲୋକ 1

(ପ୍ରହର୍ଷଣୀଵୃତ୍ତମ୍ -)

ତଜ୍ଜ୍ଞାନଂ ପ୍ରଶମକରଂ ଯଦିନ୍ଦ୍ରିଯାଣାଂ

ତଜ୍ଜ୍ଞେଯଂ ଯଦୁପନିଷତ୍ସୁ ନିଶ୍ଚିତାର୍ଥମ୍ ।

ତେ ଧନ୍ଯା ଭୁଵି ପରମାର୍ଥନିଶ୍ଚିତେହାଃ

ଶେଷାସ୍ତୁ ଭ୍ରମନିଲଯେ ପରିଭ୍ରମନ୍ତଃ

ଶ୍ଲୋକ 2

(ଵସନ୍ତତିଲକାଵୃତ୍ତମ୍ -)

ଆଦୌ ଵିଜିତ୍ଯ ଵିଷଯାନ୍ମଦମୋହରାଗ-

ଦ୍ଵେଷାଦିଶତ୍ରୁଗଣମାହୃତଯୋଗରାଜ୍ଯାଃ ।

ଜ୍ଞାତ୍ଵା ମତଂ ସମନୁଭୂଯପରାତ୍ମଵିଦ୍ଯା-

କାନ୍ତାସୁଖଂ ଵନଗୃହେ ଵିଚରନ୍ତି ଧନ୍ଯାଃ

॥ 1॥

ଶ୍ଲୋକ 3

ତ୍ଯକ୍ତ୍ଵା ଗୃହେ ରତିମଧୋଗତିହେତୁଭୂତାମ୍

ଆତ୍ମେଚ୍ଛଯୋପନିଷଦର୍ଥରସଂ ପିବନ୍ତଃ ।

ଵୀତସ୍ପୃହା ଵିଷଯଭୋଗପଦେ ଵିରକ୍ତା

ଧନ୍ଯାଶ୍ଚରନ୍ତି ଵିଜନେଷୁ ଵିରକ୍ତସଙ୍ଗାଃ

॥ 2॥

ଶ୍ଲୋକ 4

ତ୍ଯକ୍ତ୍ଵା ମମାହମିତି ବନ୍ଧକରେ ପଦେ ଦ୍ଵେ

ମାନାଵମାନସଦୃଶାଃ ସମଦର୍ଶିନଶ୍ଚ ।

କର୍ତାରମନ୍ଯମଵଗମ୍ଯ ତଦର୍ପିତାନି

କୁର୍ଵନ୍ତି କର୍ମପରିପାକଫଲାନି ଧନ୍ଯାଃ

॥ 3॥

ଶ୍ଲୋକ 5

ତ୍ଯକ୍ତ୍ଵୀଷଣାତ୍ରଯମଵେକ୍ଷିତମୋକ୍ଷମର୍ଗା

ଭୈକ୍ଷାମୃତେନ ପରିକଲ୍ପିତଦେହଯାତ୍ରାଃ ।

ଜ୍ଯୋତିଃ ପରାତ୍ପରତରଂ ପରମାତ୍ମସଞ୍ଜ୍ଞଂ

ଧନ୍ଯା ଦ୍ଵିଜାରହସି ହୃଦ୍ଯଵଲୋକଯନ୍ତି

॥ 4॥

ଶ୍ଲୋକ 6

ନାସନ୍ନ ସନ୍ନ ସଦସନ୍ନ ମହସନ୍ନଚାଣୁ

ନ ସ୍ତ୍ରୀ ପୁମାନ୍ନ ଚ ନପୁଂସକମେକବୀଜମ୍ ।

ଯୈର୍ବ୍ରହ୍ମ ତତ୍ସମମୁପାସିତମେକଚିତ୍ତୈଃ

ଧନ୍ଯା ଵିରେଜୁରିତ୍ତରେଭଵପାଶବଦ୍ଧାଃ

॥ 5॥

ଶ୍ଲୋକ 7

ଅଜ୍ଞାନପଙ୍କପରିମଗ୍ନମପେତସାରଂ

ଦୁଃଖାଲଯଂ ମରଣଜନ୍ମଜରାଵସକ୍ତମ୍ ।

ସଂସାରବନ୍ଧନମନିତ୍ଯମଵେକ୍ଷ୍ଯ ଧନ୍ଯା

ଜ୍ଞାନାସିନା ତଦଵଶୀର୍ଯ ଵିନିଶ୍ଚଯନ୍ତି

॥ 6॥

ଶ୍ଲୋକ 8

ଶାନ୍ତୈରନନ୍ଯମତିଭିର୍ମଧୁରସ୍ଵଭାଵୈଃ

ଏକତ୍ଵନିଶ୍ଚିତମନୋଭିରପେତମୋହୈଃ ।

ସାକଂ ଵନେଷୁ ଵିଜିତାତ୍ମପଦସ୍ଵରୁପଂ

ତଦ୍ଵସ୍ତୁ ସମ୍ଯଗନିଶଂ ଵିମୃଶନ୍ତି ଧନ୍ଯାଃ

॥ 7॥

ଶ୍ଲୋକ 9

(ମାଲିନୀଵୃତ୍ତମ୍ -)

ଅହିମିଵ ଜନଯୋଗଂ ସର୍ଵଦା ଵର୍ଜଯେଦ୍ଯଃ

କୁଣପମିଵ ସୁନାରୀଂ ତ୍ଯକ୍ତୁକାମୋ ଵିରାଗୀ ।

ଵିଷମିଵ ଵିଷଯାନ୍ଯୋ ମନ୍ଯମାନୋ ଦୁରନ୍ତାନ୍

ଜଯତି ପରମହଂସୋ ମୁକ୍ତିଭାଵଂ ସମେତି

॥ 8॥

ଶ୍ଲୋକ 10

(ଶାର୍ଦୂଲଵିକ୍ରୀଡିତଵୃତ୍ତମ୍ -)

ସମ୍ପୂର୍ଣଂ ଜଗଦେଵ ନନ୍ଦନଵନଂ ସର୍ଵେଽପି କଲ୍ପଦ୍ରୁମା

ଗାଙ୍ଗଂ ଵରି ସମସ୍ତଵାରିନିଵହଃ ପୁଣ୍ଯାଃ ସମସ୍ତାଃ କ୍ରିଯାଃ ।

ଵାଚଃ ପ୍ରାକୃତସଂସ୍କୃତାଃ ଶ୍ରୁତିଶିରୋଵାରାଣସୀ ମେଦିନୀ

ସର୍ଵାଵସ୍ଥିତିରସ୍ଯ ଵସ୍ତୁଵିଷଯା ଦୃଷ୍ଟେ ପରବ୍ରହ୍ମଣି

॥ 9॥

ଶ୍ଲୋକ 11

॥ ଇତି ଶ୍ରୀମଦ୍ ଶଙ୍କରାଚାର୍ଯଵିରଚିତଂ ଧନ୍ଯାଷ୍ଟକଂ ସମାପ୍ତମ୍ ॥