Dhanyashtakam

dhanyAShTakam

shloka 1

(praharShaNIvRRittam -)

tajj~nAnaM prashamakaraM yadindriyANAM

tajj~neyaM yadupaniShatsu nishchitArtham |

te dhanyA bhuvi paramArthanishchitehAH

sheShAstu bhramanilaye paribhramantaH || 1||

(vasantatilakAvRRittam -)

Adau vijitya viShayAnmadamoharAga-

dveShAdishatrugaNamAhRRitayogarAjyAH |

j~nAtvA mataM samanubhUyaparAtmavidyA-

kAntAsukhaM vanagRRihe vicharanti dhanyAH || 2||

tyaktvA gRRihe ratimadhogatihetubhUtAm

AtmechChayopaniShadartharasaM pibantaH |

vItaspRRihA viShayabhogapade viraktA

dhanyAshcharanti vijaneShu viraktasa~NgAH || 3||

tyaktvA mamAhamiti bandhakare pade dve

mAnAvamAnasadRRishAH samadarshinashcha |

kartAramanyamavagamya tadarpitAni

kurvanti karmaparipAkaphalAni dhanyAH || 4||

tyaktvIShaNAtrayamavekShitamokShamargA

bhaikShAmRRitena parikalpitadehayAtrAH |

jyotiH parAtparataraM paramAtmasanjnaM

dhanyA dvijArahasi hRRidyavalokayanti || 5||

nAsanna sanna sadasanna mahasannachANu

na strI pumAnna cha napuMsakamekabIjam |

yairbrahma tatsamamupAsitamekachittaiH

dhanyA virejurittarebhavapAshabaddhAH || 6||

ajnAnapaNkaparimagnamapetasAraM

duHkhAlayaM maraNajanmajarAvasaktam |

saMsArabandhanamanityamavekShya dhanyA

j~nAnAsinA tadavashIrya vinishchayanti || 7||

shAntairananyamatibhirmadhurasvabhAvaiH

ekatvanishchitamanobhirapetamohaiH |

sAkaM vaneShu vijitAtmapadasvarupaM

tadvastu samyaganishaM vimRRishanti dhanyAH || 8||

(mAlinIvRRittam -)

ahimiva janayogaM sarvadA varjayedyaH

kuNapamiva sunArIM tyaktukAmo virAgI |

viShamiva viShayAnyo manyamAno durantAn

jayati paramahaMso muktibhAvaM sameti || 9||

(shArdUlavikrIDitavRRittam -)

sampUrNaM jagadeva nandanavanaM sarve.api kalpadrumA

gA~NgaM vari samastavArinivahaH puNyAH samastAH kriyAH |

vAchaH prAkRRitasaMskRRitAH shrutishirovArANasI medinI

sarvAvasthitirasya vastuviShayA dRRiShTe parabrahmaNi || 10||

|| iti shrImad sha~NkarAchAryavirachitaM dhanyAShTakaM samAptam ||