Dhanyashtakam

ধন্যাষ্টকম্

শ্লোক 1

(প্রহর্ষণীবৃত্তম্ -)

তজ্জ্ঞানং প্রশমকরং যদিন্দ্রিযাণাং

তজ্জ্ঞেযং যদুপনিষত্সু নিশ্চিতার্থম্ ।

তে ধন্যা ভুবি পরমার্থনিশ্চিতেহাঃ

শেষাস্তু ভ্রমনিলযে পরিভ্রমন্তঃ

শ্লোক 2

(বসন্ততিলকাবৃত্তম্ -)

আদৌ বিজিত্য বিষযান্মদমোহরাগ-

দ্বেষাদিশত্রুগণমাহৃতযোগরাজ্যাঃ ।

জ্ঞাত্বা মতং সমনুভূযপরাত্মবিদ্যা-

কান্তাসুখং বনগৃহে বিচরন্তি ধন্যাঃ

॥ 1॥

শ্লোক 3

ত্যক্ত্বা গৃহে রতিমধোগতিহেতুভূতাম্

আত্মেচ্ছযোপনিষদর্থরসং পিবন্তঃ ।

বীতস্পৃহা বিষযভোগপদে বিরক্তা

ধন্যাশ্চরন্তি বিজনেষু বিরক্তসঙ্গাঃ

॥ 2॥

শ্লোক 4

ত্যক্ত্বা মমাহমিতি বন্ধকরে পদে দ্বে

মানাবমানসদৃশাঃ সমদর্শিনশ্চ ।

কর্তারমন্যমবগম্য তদর্পিতানি

কুর্বন্তি কর্মপরিপাকফলানি ধন্যাঃ

॥ 3॥

শ্লোক 5

ত্যক্ত্বীষণাত্রযমবেক্ষিতমোক্ষমর্গা

ভৈক্ষামৃতেন পরিকল্পিতদেহযাত্রাঃ ।

জ্যোতিঃ পরাত্পরতরং পরমাত্মসঞ্জ্ঞং

ধন্যা দ্বিজারহসি হৃদ্যবলোকযন্তি

॥ 4॥

শ্লোক 6

নাসন্ন সন্ন সদসন্ন মহসন্নচাণু

ন স্ত্রী পুমান্ন চ নপুংসকমেকবীজম্ ।

যৈর্ব্রহ্ম তত্সমমুপাসিতমেকচিত্তৈঃ

ধন্যা বিরেজুরিত্তরেভবপাশবদ্ধাঃ

॥ 5॥

শ্লোক 7

অজ্ঞানপঙ্কপরিমগ্নমপেতসারং

দুঃখালযং মরণজন্মজরাবসক্তম্ ।

সংসারবন্ধনমনিত্যমবেক্ষ্য ধন্যা

জ্ঞানাসিনা তদবশীর্য বিনিশ্চযন্তি

॥ 6॥

শ্লোক 8

শান্তৈরনন্যমতিভির্মধুরস্বভাবৈঃ

একত্বনিশ্চিতমনোভিরপেতমোহৈঃ ।

সাকং বনেষু বিজিতাত্মপদস্বরুপং

তদ্বস্তু সম্যগনিশং বিমৃশন্তি ধন্যাঃ

॥ 7॥

শ্লোক 9

(মালিনীবৃত্তম্ -)

অহিমিব জনযোগং সর্বদা বর্জযেদ্যঃ

কুণপমিব সুনারীং ত্যক্তুকামো বিরাগী ।

বিষমিব বিষযান্যো মন্যমানো দুরন্তান্

জযতি পরমহংসো মুক্তিভাবং সমেতি

॥ 8॥

শ্লোক 10

(শার্দূলবিক্রীডিতবৃত্তম্ -)

সম্পূর্ণং জগদেব নন্দনবনং সর্বেঽপি কল্পদ্রুমা

গাঙ্গং বরি সমস্তবারিনিবহঃ পুণ্যাঃ সমস্তাঃ ক্রিযাঃ ।

বাচঃ প্রাকৃতসংস্কৃতাঃ শ্রুতিশিরোবারাণসী মেদিনী

সর্বাবস্থিতিরস্য বস্তুবিষযা দৃষ্টে পরব্রহ্মণি

॥ 9॥

শ্লোক 11

॥ ইতি শ্রীমদ্ শঙ্করাচার্যবিরচিতং ধন্যাষ্টকং সমাপ্তম্ ॥