Devi Mahatmyam Durga Saptasati Chapter 8

ଦେଵୀ ମାହାତ୍ମ୍ଯଂ ଦୁର୍ଗା ସପ୍ତଶତି ଅଷ୍ଟମୋଽଧ୍ଯାଯଃ

ଶ୍ଲୋକ 1

ରକ୍ତବୀଜଵଧୋ ନାମ ଅଷ୍ଟମୋଧ୍ଯାଯ ॥

ଧ୍ଯାନଂ

ଅରୁଣାଂ କରୁଣା ତରଙ୍ଗିତାକ୍ଷୀଂ ଧୃତପାଶାଙ୍କୁଶ ପୁଷ୍ପବାଣଚାପାମ୍ ।

ଅଣିମାଧିଭିରାଵୃତାଂ ମଯୂଖୈ ରହମିତ୍ଯେଵ ଵିଭାଵଯେ ଭଵାନୀମ୍ ॥

ଋଷିରୁଵାଚ

ଶ୍ଲୋକ 2

ଚଣ୍ଡେ ଚ ନିହତେ ଦୈତ୍ଯେ ମୁଣ୍ଡେ ଚ ଵିନିପାତିତେ ।

ବହୁଲେଷୁ ଚ ସୈନ୍ଯେଷୁ କ୍ଷଯିତେଷ୍ଵସୁରେଶ୍ଵରଃ

॥1॥

ଶ୍ଲୋକ 3

ତତଃ କୋପପରାଧୀନଚେତାଃ ଶୁମ୍ଭଃ ପ୍ରତାପଵାନ୍ ।

ଉଦ୍ଯୋଗଂ ସର୍ଵ ସୈନ୍ଯାନାଂ ଦୈତ୍ଯାନାମାଦିଦେଶ ହ

॥ 2 ॥

ଶ୍ଲୋକ 4

ଅଦ୍ଯ ସର୍ଵ ବଲୈର୍ଦୈତ୍ଯାଃ ଷଡଶୀତିରୁଦାଯୁଧାଃ ।

କମ୍ବୂନାଂ ଚତୁରଶୀତିର୍ନିର୍ଯାନ୍ତୁ ସ୍ଵବଲୈର୍ଵୃତାଃ

॥3॥

ଶ୍ଲୋକ 5

କୋଟିଵୀର୍ଯାଣି ପଞ୍ଚାଶଦସୁରାଣାଂ କୁଲାନି ଵୈ ।

ଶତଂ କୁଲାନି ଧୌମ୍ରାଣାଂ ନିର୍ଗଚ୍ଛନ୍ତୁ ମମାଜ୍ଞଯା

॥4॥

ଶ୍ଲୋକ 6

କାଲକା ଦୌର୍ହୃଦା ମୌର୍ଵାଃ କାଲିକେଯାସ୍ତଥାସୁରାଃ ।

ଯୁଦ୍ଧାଯ ସଜ୍ଜା ନିର୍ଯାନ୍ତୁ ଆଜ୍ଞଯା ତ୍ଵରିତା ମମ

॥5॥

ଶ୍ଲୋକ 7

ଇତ୍ଯାଜ୍ଞାପ୍ଯାସୁରାପତିଃ ଶୁମ୍ଭୋ ଭୈରଵଶାସନଃ ।

ନିର୍ଜଗାମ ମହାସୈନ୍ଯସହସ୍ତ୍ରୈର୍ଭହୁଭିର୍ଵୃତଃ

॥6॥

ଶ୍ଲୋକ 8

ଆଯାନ୍ତଂ ଚଣ୍ଡିକା ଦୃଷ୍ଟ୍ଵା ତତ୍ସୈନ୍ଯମତିଭୀଷଣମ୍ ।

ଜ୍ଯାସ୍ଵନୈଃ ପୂରଯାମାସ ଧରଣୀଗଗନାନ୍ତରମ୍

॥7॥

ଶ୍ଲୋକ 9

ତତଃସିଂହॊ ମହାନାଦମତୀଵ କୃତଵାନ୍ନୃପ ।

ଘଣ୍ଟାସ୍ଵନେନ ତାନ୍ନାଦାନମ୍ବିକା ଚୋପବୃଂହଯତ୍

॥8॥

ଶ୍ଲୋକ 10

ଧନୁର୍ଜ୍ଯାସିଂହଘଣ୍ଟାନାଂ ନାଦାପୂରିତଦିଙ୍ମୁଖା ।

ନିନାଦୈର୍ଭୀଷଣୈଃ କାଲୀ ଜିଗ୍ଯେ ଵିସ୍ତାରିତାନନା

॥9॥

ଶ୍ଲୋକ 11

ତଂ ନିନାଦମୁପଶ୍ରୁତ୍ଯ ଦୈତ୍ଯ ସୈନ୍ଯୈଶ୍ଚତୁର୍ଦିଶମ୍ ।

ଦେଵୀ ସିଂହସ୍ତଥା କାଲୀ ସରୋଷୈଃ ପରିଵାରିତାଃ

॥10॥

ଶ୍ଲୋକ 12

ଏତସ୍ମିନ୍ନନ୍ତରେ ଭୂପ ଵିନାଶାଯ ସୁରଦ୍ଵିଷାମ୍ ।

ଭଵାଯାମରସିଂହନାମତିଵୀର୍ଯବଲାନ୍ଵିତାଃ

॥11॥

ଶ୍ଲୋକ 13

ବ୍ରହ୍ମେଶଗୁହଵିଷ୍ଣୂନାଂ ତଥେନ୍ଦ୍ରସ୍ଯ ଚ ଶକ୍ତଯଃ ।

ଶରୀରେଭ୍ଯୋଵିନିଷ୍କ୍ରମ୍ଯ ତଦ୍ରୂପୈଶ୍ଚଣ୍ଡିକାଂ ଯଯୁଃ

॥12॥

ଶ୍ଲୋକ 14

ଯସ୍ଯ ଦେଵସ୍ଯ ଯଦ୍ରୂପଂ ଯଥା ଭୂଷଣଵାହନମ୍ ।

ତଦ୍ଵଦେଵ ହି ତଚ୍ଚକ୍ତିରସୁରାନ୍ଯୋଦ୍ଧୁମାଯମୌ

॥13॥

ଶ୍ଲୋକ 15

ହଂସଯୁକ୍ତଵିମାନାଗ୍ରେ ସାକ୍ଷସୂତ୍ରକ ମଣ୍ଡଲୁଃ ।

ଆଯାତା ବ୍ରହ୍ମଣଃ ଶକ୍ତିବ୍ରହ୍ମାଣୀ ତ୍ଯଭିଧୀଯତେ

॥14॥

ଶ୍ଲୋକ 16

ମହେଶ୍ଵରୀ ଵୃଷାରୂଢା ତ୍ରିଶୂଲଵରଧାରିଣୀ ।

ମହାହିଵଲଯା ପ୍ରାପ୍ତାଚନ୍ଦ୍ରରେଖାଵିଭୂଷଣା

॥15॥

ଶ୍ଲୋକ 17

କୌମାରୀ ଶକ୍ତିହସ୍ତା ଚ ମଯୂରଵରଵାହନା ।

ଯୋଦ୍ଧୁମଭ୍ଯାଯଯୌ ଦୈତ୍ଯାନମ୍ବିକା ଗୁହରୂପିଣୀ

॥16॥

ଶ୍ଲୋକ 18

ତଥୈଵ ଵୈଷ୍ଣଵୀ ଶକ୍ତିର୍ଗରୁଡୋପରି ସଂସ୍ଥିତା ।

ଶଙ୍ଖଚକ୍ରଗଧାଶାଙ୍ଖର୍ ଖଡ୍ଗହସ୍ତାଭ୍ଯୁପାଯଯୌ

॥17॥

ଶ୍ଲୋକ 19

ଯଜ୍ଞଵାରାହମତୁଲଂ ରୂପଂ ଯା ଭିଭ୍ରତୋ ହରେଃ ।

ଶକ୍ତିଃ ସାପ୍ଯାଯଯୌ ତତ୍ର ଵାରାହୀଂ ବିଭ୍ରତୀ ତନୁମ୍

॥18॥

ଶ୍ଲୋକ 20

ନାରସିଂହୀ ନୃସିଂହସ୍ଯ ବିଭ୍ରତୀ ସଦୃଶଂ ଵପୁଃ ।

ପ୍ରାପ୍ତା ତତ୍ର ସଟାକ୍ଷେପକ୍ଷିପ୍ତନକ୍ଷତ୍ର ସଂହତିଃ

॥19॥

ଶ୍ଲୋକ 21

ଵଜ୍ର ହସ୍ତା ତଥୈଵୈନ୍ଦ୍ରୀ ଗଜରାଜୋ ପରିସ୍ଥିତା ।

ପ୍ରାପ୍ତା ସହସ୍ର ନଯନା ଯଥା ଶକ୍ରସ୍ତଥୈଵ ସା

॥20॥

ଶ୍ଲୋକ 22

ତତଃ ପରିଵୃତ୍ତସ୍ତାଭିରୀଶାନୋ ଦେଵ ଶକ୍ତିଭିଃ ।

ହନ୍ଯନ୍ତାମସୁରାଃ ଶୀଘ୍ରଂ ମମ ପ୍ରୀତ୍ଯାହ ଚଣ୍ଡିକାଂ

॥21॥

ଶ୍ଲୋକ 23

ତତୋ ଦେଵୀ ଶରୀରାତ୍ତୁ ଵିନିଷ୍କ୍ରାନ୍ତାତିଭୀଷଣା ।

ଚଣ୍ଡିକା ଶକ୍ତିରତ୍ଯୁଗ୍ରା ଶିଵାଶତନିନାଦିନୀ

॥22॥

ଶ୍ଲୋକ 24

ସା ଚାହ ଧୂମ୍ରଜଟିଲଂ ଈଶାନମପରାଜିତା ।

ଦୂତତ୍ଵଂ ଗଚ୍ଛ ଭଗଵନ୍ ପାର୍ଶ୍ଵଂ ଶୁମ୍ଭନିଶୁମ୍ଭଯୋଃ

॥23॥

ଶ୍ଲୋକ 25

ବ୍ରୂହି ଶୁମ୍ଭଂ ନିଶୁମ୍ଭଂ ଚ ଦାନଵାଵତିଗର୍ଵିତୌ ।

ଯେ ଚାନ୍ଯେ ଦାନଵାସ୍ତତ୍ର ଯୁଦ୍ଧାଯ ସମୁପସ୍ଥିତାଃ

॥24॥

ଶ୍ଲୋକ 26

ତ୍ରୈଲୋକ୍ଯମିନ୍ଦ୍ରୋ ଲଭତାଂ ଦେଵାଃ ସନ୍ତୁ ହଵିର୍ଭୁଜଃ ।

ଯୂଯଂ ପ୍ରଯାତ ପାତାଲଂ ଯଦି ଜୀଵିତୁମିଚ୍ଛଥ

॥25॥

ଶ୍ଲୋକ 27

ବଲାଵଲେପାଦଥ ଚେଦ୍ଭଵନ୍ତୋ ଯୁଦ୍ଧକାଙ୍କ୍ଷିଣଃ ।

ତଦା ଗଚ୍ଛତ ତୃପ୍ଯନ୍ତୁ ମଚ୍ଛିଵାଃ ପିଶିତେନ ଵଃ

॥26॥

ଶ୍ଲୋକ 28

ଯତୋ ନିଯୁକ୍ତୋ ଦୌତ୍ଯେନ ତଯା ଦେଵ୍ଯା ଶିଵଃ ସ୍ଵଯମ୍ ।

ଶିଵଦୂତୀତି ଲୋକେଽସ୍ମିଂସ୍ତତଃ ସା ଖ୍ଯାତି ମାଗତା

॥27॥

ଶ୍ଲୋକ 29

ତେଽପି ଶ୍ରୁତ୍ଵା ଵଚୋ ଦେଵ୍ଯାଃ ଶର୍ଵାଖ୍ଯାତଂ ମହାସୁରାଃ ।

ଅମର୍ଷାପୂରିତା ଜଗ୍ମୁର୍ଯତ୍ର କାତ୍ଯାଯନୀ ସ୍ଥିତା

॥28॥

ଶ୍ଲୋକ 30

ତତଃ ପ୍ରଥମମେଵାଗ୍ରେ ଶରଶକ୍ତ୍ଯୃଷ୍ଟିଵୃଷ୍ଟିଭିଃ ।

ଵଵର୍ଷୁରୁଦ୍ଧତାମର୍ଷାଃ ସ୍ତାଂ ଦେଵୀମମରାରଯଃ

॥29॥

ଶ୍ଲୋକ 31

ସା ଚ ତାନ୍ ପ୍ରହିତାନ୍ ବାଣାନ୍ ଞ୍ଛୂଲଶକ୍ତିପରଶ୍ଵଧାନ୍ ।

ଚିଚ୍ଛେଦ ଲୀଲଯାଧ୍ମାତଧନୁର୍ମୁକ୍ତୈର୍ମହେଷୁଭିଃ

॥30॥

ଶ୍ଲୋକ 32

ତସ୍ଯାଗ୍ରତସ୍ତଥା କାଲୀ ଶୂଲପାତଵିଦାରିତାନ୍ ।

ଖଟ୍ଵାଙ୍ଗପୋଥିତାଂଶ୍ଚାରୀନ୍କୁର୍ଵନ୍ତୀ ଵ୍ଯଚରତ୍ତଦା

॥31॥

ଶ୍ଲୋକ 33

କମଣ୍ଡଲୁଜଲାକ୍ଷେପହତଵୀର୍ଯାନ୍ ହତୌଜସଃ ।

ବ୍ରହ୍ମାଣୀ ଚାକରୋଚ୍ଛତ୍ରୂନ୍ଯେନ ଯେନ ସ୍ମ ଧାଵତି

॥32॥

ଶ୍ଲୋକ 34

ମାହେଶ୍ଵରୀ ତ୍ରିଶୂଲେନ ତଥା ଚକ୍ରେଣ ଵୈଷ୍ଣଵୀ ।

ଦୈତ୍ଯାଙ୍ଜଘାନ କୌମାରୀ ତଥା ଶତ୍ଯାତି କୋପନା

॥33॥

ଶ୍ଲୋକ 35

ଐନ୍ଦ୍ରୀ କୁଲିଶପାତେନ ଶତଶୋ ଦୈତ୍ଯଦାନଵାଃ ।

ପେତୁର୍ଵିଦାରିତାଃ ପୃଥ୍ଵ୍ଯାଂ ରୁଧିରୌଘପ୍ରଵର୍ଷିଣଃ

॥34॥

ଶ୍ଲୋକ 36

ତୁଣ୍ଡପ୍ରହାରଵିଧ୍ଵସ୍ତା ଦଂଷ୍ଟ୍ରା ଗ୍ରକ୍ଷତ ଵକ୍ଷସଃ ।

ଵାରାହମୂର୍ତ୍ଯା ନ୍ଯପତଂଶ୍ଚକ୍ରେଣ ଚ ଵିଦାରିତାଃ

॥35॥

ଶ୍ଲୋକ 37

ନଖୈର୍ଵିଦାରିତାଂଶ୍ଚାନ୍ଯାନ୍ ଭକ୍ଷଯନ୍ତୀ ମହାସୁରାନ୍ ।

ନାରସିଂହୀ ଚଚାରାଜୌ ନାଦା ପୂର୍ଣଦିଗମ୍ବରା

॥36॥

ଶ୍ଲୋକ 38

ଚଣ୍ଡାଟ୍ଟହାସୈରସୁରାଃ ଶିଵଦୂତ୍ଯଭିଦୂଷିତାଃ ।

ପେତୁଃ ପୃଥିଵ୍ଯାଂ ପତିତାଂସ୍ତାଂଶ୍ଚଖାଦାଥ ସା ତଦା

॥37॥

ଶ୍ଲୋକ 39

ଇତି ମାତୃ ଗଣଂ କ୍ରୁଦ୍ଧଂ ମର୍ଦ ଯନ୍ତଂ ମହାସୁରାନ୍ ।

ଦୃଷ୍ଟ୍ଵାଭ୍ଯୁପାଯୈର୍ଵିଵିଧୈର୍ନେଶୁର୍ଦେଵାରିସୈନିକାଃ

॥38॥

ଶ୍ଲୋକ 40

ପଲାଯନପରାନ୍ଦୃଷ୍ଟ୍ଵା ଦୈତ୍ଯାନ୍ମାତୃଗଣାର୍ଦିତାନ୍ ।

ଯୋଦ୍ଧୁମଭ୍ଯାଯଯୌ କ୍ରୁଦ୍ଧୋ ରକ୍ତବୀଜୋ ମହାସୁରଃ

॥39॥

ଶ୍ଲୋକ 41

ରକ୍ତବିନ୍ଦୁର୍ଯଦା ଭୂମୌ ପତତ୍ଯସ୍ଯ ଶରୀରତଃ ।

ସମୁତ୍ପତତି ମେଦିନ୍ଯାଂ ତତ୍ପ୍ରମାଣୋ ମହାସୁରଃ

॥40॥

ଶ୍ଲୋକ 42

ଯୁଯୁଧେ ସ ଗଦାପାଣିରିନ୍ଦ୍ରଶକ୍ତ୍ଯା ମହାସୁରଃ ।

ତତଶ୍ଚୈନ୍ଦ୍ରୀ ସ୍ଵଵଜ୍ରେଣ ରକ୍ତବୀଜମତାଡଯତ୍

॥41॥

ଶ୍ଲୋକ 43

କୁଲିଶେନାହତସ୍ଯାଶୁ ବହୁ ସୁସ୍ରାଵ ଶୋଣିତମ୍ ।

ସମୁତ୍ତସ୍ଥୁସ୍ତତୋ ଯୋଧାସ୍ତଦ୍ରପାସ୍ତତ୍ପରାକ୍ରମାଃ

॥42॥

ଶ୍ଲୋକ 44

ଯାଵନ୍ତଃ ପତିତାସ୍ତସ୍ଯ ଶରୀରାଦ୍ରକ୍ତବିନ୍ଦଵଃ ।

ତାଵନ୍ତଃ ପୁରୁଷା ଜାତାଃ ସ୍ତଦ୍ଵୀର୍ଯବଲଵିକ୍ରମାଃ

॥43॥

ଶ୍ଲୋକ 45

ତେ ଚାପି ଯୁଯୁଧୁସ୍ତତ୍ର ପୁରୁଷା ରକ୍ତ ସମ୍ଭଵାଃ ।

ସମଂ ମାତୃଭିରତ୍ଯୁଗ୍ରଶସ୍ତ୍ରପାତାତିଭୀଷଣଂ

॥44॥

ଶ୍ଲୋକ 46

ପୁନଶ୍ଚ ଵଜ୍ର ପାତେନ କ୍ଷତ ମଶ୍ଯ ଶିରୋ ଯଦା ।

ଵଵାହ ରକ୍ତଂ ପୁରୁଷାସ୍ତତୋ ଜାତାଃ ସହସ୍ରଶଃ

॥45॥

ଶ୍ଲୋକ 47

ଵୈଷ୍ଣଵୀ ସମରେ ଚୈନଂ ଚକ୍ରେଣାଭିଜଘାନ ହ ।

ଗଦଯା ତାଡଯାମାସ ଐନ୍ଦ୍ରୀ ତମସୁରେଶ୍ଵରମ୍

॥46॥

ଶ୍ଲୋକ 48

ଵୈଷ୍ଣଵୀ ଚକ୍ରଭିନ୍ନସ୍ଯ ରୁଧିରସ୍ରାଵ ସମ୍ଭଵୈଃ ।

ସହସ୍ରଶୋ ଜଗଦ୍ଵ୍ଯାପ୍ତଂ ତତ୍ପ୍ରମାଣୈର୍ମହାସୁରୈଃ

॥47॥

ଶ୍ଲୋକ 49

ଶକ୍ତ୍ଯା ଜଘାନ କୌମାରୀ ଵାରାହୀ ଚ ତଥାସିନା ।

ମାହେଶ୍ଵରୀ ତ୍ରିଶୂଲେନ ରକ୍ତବୀଜଂ ମହାସୁରମ୍

॥48॥

ଶ୍ଲୋକ 50

ସ ଚାପି ଗଦଯା ଦୈତ୍ଯଃ ସର୍ଵା ଏଵାହନତ୍ ପୃଥକ୍ ।

ମାତୄଃ କୋପସମାଵିଷ୍ଟୋ ରକ୍ତବୀଜୋ ମହାସୁରଃ

॥49॥

ଶ୍ଲୋକ 51

ତସ୍ଯାହତସ୍ଯ ବହୁଧା ଶକ୍ତିଶୂଲାଦି ଭିର୍ଭୁଵିଃ ।

ପପାତ ଯୋ ଵୈ ରକ୍ତୌଘସ୍ତେନାସଞ୍ଚତଶୋଽସୁରାଃ

॥50॥

ଶ୍ଲୋକ 52

ତୈଶ୍ଚାସୁରାସୃକ୍ସମ୍ଭୂତୈରସୁରୈଃ ସକଲଂ ଜଗତ୍ ।

ଵ୍ଯାପ୍ତମାସୀତ୍ତତୋ ଦେଵା ଭଯମାଜଗ୍ମୁରୁତ୍ତମମ୍

॥51॥

ଶ୍ଲୋକ 53

ତାନ୍ ଵିଷଣ୍ଣା ନ୍ ସୁରାନ୍ ଦୃଷ୍ଟ୍ଵା ଚଣ୍ଡିକା ପ୍ରାହସତ୍ଵରମ୍ ।

ଉଵାଚ କାଲୀଂ ଚାମୁଣ୍ଡେ ଵିସ୍ତୀର୍ଣଂ ଵଦନଂ କୁରୁ

॥52॥

ଶ୍ଲୋକ 54

ମଚ୍ଛସ୍ତ୍ରପାତସମ୍ଭୂତାନ୍ ରକ୍ତବିନ୍ଦୂନ୍ ମହାସୁରାନ୍ ।

ରକ୍ତବିନ୍ଦୋଃ ପ୍ରତୀଚ୍ଛ ତ୍ଵଂ ଵକ୍ତ୍ରେଣାନେନ ଵେଗିନା

॥53॥

ଶ୍ଲୋକ 55

ଭକ୍ଷଯନ୍ତୀ ଚର ରଣୋ ତଦୁତ୍ପନ୍ନାନ୍ମହାସୁରାନ୍ ।

ଏଵମେଷ କ୍ଷଯଂ ଦୈତ୍ଯଃ କ୍ଷେଣ ରକ୍ତୋ ଗମିଷ୍ଯତି

॥54॥

ଶ୍ଲୋକ 56

ଭକ୍ଷ୍ଯ ମାଣା ସ୍ତ୍ଵଯା ଚୋଗ୍ରା ନ ଚୋତ୍ପତ୍ସ୍ଯନ୍ତି ଚାପରେ ।

ଇତ୍ଯୁକ୍ତ୍ଵା ତାଂ ତତୋ ଦେଵୀ ଶୂଲେନାଭିଜଘାନ ତମ୍

॥55॥

ଶ୍ଲୋକ 57

ମୁଖେନ କାଲୀ ଜଗୃହେ ରକ୍ତବୀଜସ୍ଯ ଶୋଣିତମ୍ ।

ତତୋଽସାଵାଜଘାନାଥ ଗଦଯା ତତ୍ର ଚଣ୍ଡିକାଂ

॥56॥

ଶ୍ଲୋକ 58

ନ ଚାସ୍ଯା ଵେଦନାଂ ଚକ୍ରେ ଗଦାପାତୋଽଲ୍ପିକାମପି ।

ତସ୍ଯାହତସ୍ଯ ଦେହାତ୍ତୁ ବହୁ ସୁସ୍ରାଵ ଶୋଣିତମ୍

॥57॥

ଶ୍ଲୋକ 59

ଯତସ୍ତତସ୍ତଦ୍ଵକ୍ତ୍ରେଣ ଚାମୁଣ୍ଡା ସମ୍ପ୍ରତୀଚ୍ଛତି ।

ମୁଖେ ସମୁଦ୍ଗତା ଯେଽସ୍ଯା ରକ୍ତପାତାନ୍ମହାସୁରାଃ

॥58॥

ଶ୍ଲୋକ 60

ତାଂଶ୍ଚଖାଦାଥ ଚାମୁଣ୍ଡା ପପୌ ତସ୍ଯ ଚ ଶୋଣିତମ୍

॥59॥

ଶ୍ଲୋକ 61

ଦେଵୀ ଶୂଲେନ ଵଜ୍ରେଣ ବାଣୈରସିଭିର୍ ଋଷ୍ଟିଭିଃ ।

ଜଘାନ ରକ୍ତବୀଜଂ ତଂ ଚାମୁଣ୍ଡା ପୀତ ଶୋଣିତମ୍

॥60॥

ଶ୍ଲୋକ 62

ସ ପପାତ ମହୀପୃଷ୍ଠେ ଶସ୍ତ୍ରସଙ୍ଘସମାହତଃ ।

ନୀରକ୍ତଶ୍ଚ ମହୀପାଲ ରକ୍ତବୀଜୋ ମହାସୁରଃ

॥61॥

ଶ୍ଲୋକ 63

ତତସ୍ତେ ହର୍ଷ ମତୁଲଂ ଅଵାପୁସ୍ତ୍ରିଦଶା ନୃପ ।

ତେଷାଂ ମାତୃଗଣୋ ଜାତୋ ନନର୍ତାସୃଂଙ୍ଗମଦୋଦ୍ଧତଃ

॥62॥

ଶ୍ଲୋକ 64

॥ ସ୍ଵସ୍ତି ଶ୍ରୀ ମାର୍କଣ୍ଡେଯ ପୁରାଣେ ସାଵର୍ନିକେ ମନ୍ଵନ୍ତରେ ଦେଵି ମହତ୍ମ୍ଯେ ରକ୍ତବୀଜଵଧୋନାମ ଅଷ୍ଟମୋଧ୍ଯାଯ ସମାପ୍ତମ୍ ॥

ଆହୁତି

ଓଁ ଜଯନ୍ତୀ ସାଙ୍ଗାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ରକ୍ତାକ୍ଷ୍ଯୈ ଅଷ୍ଟମାତୃ ସହିତାଯୈ ମହାହୁତିଂ ସମର୍ପଯାମି ନମଃ ସ୍ଵାହା ॥