Devi Mahatmyam Durga Saptasati Chapter 8

দেবী মাহাত্ম্যং দুর্গা সপ্তশতি অষ্টমোঽধ্যাযঃ

শ্লোক 1

রক্তবীজবধো নাম অষ্টমোধ্যায ॥

ধ্যানং

অরুণাং করুণা তরঙ্গিতাক্ষীং ধৃতপাশাঙ্কুশ পুষ্পবাণচাপাম্ ।

অণিমাধিভিরাবৃতাং মযূখৈ রহমিত্যেব বিভাবযে ভবানীম্ ॥

ঋষিরুবাচ

শ্লোক 2

চণ্ডে চ নিহতে দৈত্যে মুণ্ডে চ বিনিপাতিতে ।

বহুলেষু চ সৈন্যেষু ক্ষযিতেষ্বসুরেশ্বরঃ

॥1॥

শ্লোক 3

ততঃ কোপপরাধীনচেতাঃ শুম্ভঃ প্রতাপবান্ ।

উদ্যোগং সর্ব সৈন্যানাং দৈত্যানামাদিদেশ হ

॥ 2 ॥

শ্লোক 4

অদ্য সর্ব বলৈর্দৈত্যাঃ ষডশীতিরুদাযুধাঃ ।

কম্বূনাং চতুরশীতির্নির্যান্তু স্ববলৈর্বৃতাঃ

॥3॥

শ্লোক 5

কোটিবীর্যাণি পঞ্চাশদসুরাণাং কুলানি বৈ ।

শতং কুলানি ধৌম্রাণাং নির্গচ্ছন্তু মমাজ্ঞযা

॥4॥

শ্লোক 6

কালকা দৌর্হৃদা মৌর্বাঃ কালিকেযাস্তথাসুরাঃ ।

যুদ্ধায সজ্জা নির্যান্তু আজ্ঞযা ত্বরিতা মম

॥5॥

শ্লোক 7

ইত্যাজ্ঞাপ্যাসুরাপতিঃ শুম্ভো ভৈরবশাসনঃ ।

নির্জগাম মহাসৈন্যসহস্ত্রৈর্ভহুভির্বৃতঃ

॥6॥

শ্লোক 8

আযান্তং চণ্ডিকা দৃষ্ট্বা তত্সৈন্যমতিভীষণম্ ।

জ্যাস্বনৈঃ পূরযামাস ধরণীগগনান্তরম্

॥7॥

শ্লোক 9

ততঃসিংহॊ মহানাদমতীব কৃতবান্নৃপ ।

ঘণ্টাস্বনেন তান্নাদানম্বিকা চোপবৃংহযত্

॥8॥

শ্লোক 10

ধনুর্জ্যাসিংহঘণ্টানাং নাদাপূরিতদিঙ্মুখা ।

নিনাদৈর্ভীষণৈঃ কালী জিগ্যে বিস্তারিতাননা

॥9॥

শ্লোক 11

তং নিনাদমুপশ্রুত্য দৈত্য সৈন্যৈশ্চতুর্দিশম্ ।

দেবী সিংহস্তথা কালী সরোষৈঃ পরিবারিতাঃ

॥10॥

শ্লোক 12

এতস্মিন্নন্তরে ভূপ বিনাশায সুরদ্বিষাম্ ।

ভবাযামরসিংহনামতিবীর্যবলান্বিতাঃ

॥11॥

শ্লোক 13

ব্রহ্মেশগুহবিষ্ণূনাং তথেন্দ্রস্য চ শক্তযঃ ।

শরীরেভ্যোবিনিষ্ক্রম্য তদ্রূপৈশ্চণ্ডিকাং যযুঃ

॥12॥

শ্লোক 14

যস্য দেবস্য যদ্রূপং যথা ভূষণবাহনম্ ।

তদ্বদেব হি তচ্চক্তিরসুরান্যোদ্ধুমাযমৌ

॥13॥

শ্লোক 15

হংসযুক্তবিমানাগ্রে সাক্ষসূত্রক মণ্ডলুঃ ।

আযাতা ব্রহ্মণঃ শক্তিব্রহ্মাণী ত্যভিধীযতে

॥14॥

শ্লোক 16

মহেশ্বরী বৃষারূঢা ত্রিশূলবরধারিণী ।

মহাহিবলযা প্রাপ্তাচন্দ্ররেখাবিভূষণা

॥15॥

শ্লোক 17

কৌমারী শক্তিহস্তা চ মযূরবরবাহনা ।

যোদ্ধুমভ্যাযযৌ দৈত্যানম্বিকা গুহরূপিণী

॥16॥

শ্লোক 18

তথৈব বৈষ্ণবী শক্তির্গরুডোপরি সংস্থিতা ।

শঙ্খচক্রগধাশাঙ্খর্ খড্গহস্তাভ্যুপাযযৌ

॥17॥

শ্লোক 19

যজ্ঞবারাহমতুলং রূপং যা ভিভ্রতো হরেঃ ।

শক্তিঃ সাপ্যাযযৌ তত্র বারাহীং বিভ্রতী তনুম্

॥18॥

শ্লোক 20

নারসিংহী নৃসিংহস্য বিভ্রতী সদৃশং বপুঃ ।

প্রাপ্তা তত্র সটাক্ষেপক্ষিপ্তনক্ষত্র সংহতিঃ

॥19॥

শ্লোক 21

বজ্র হস্তা তথৈবৈন্দ্রী গজরাজো পরিস্থিতা ।

প্রাপ্তা সহস্র নযনা যথা শক্রস্তথৈব সা

॥20॥

শ্লোক 22

ততঃ পরিবৃত্তস্তাভিরীশানো দেব শক্তিভিঃ ।

হন্যন্তামসুরাঃ শীঘ্রং মম প্রীত্যাহ চণ্ডিকাং

॥21॥

শ্লোক 23

ততো দেবী শরীরাত্তু বিনিষ্ক্রান্তাতিভীষণা ।

চণ্ডিকা শক্তিরত্যুগ্রা শিবাশতনিনাদিনী

॥22॥

শ্লোক 24

সা চাহ ধূম্রজটিলং ঈশানমপরাজিতা ।

দূতত্বং গচ্ছ ভগবন্ পার্শ্বং শুম্ভনিশুম্ভযোঃ

॥23॥

শ্লোক 25

ব্রূহি শুম্ভং নিশুম্ভং চ দানবাবতিগর্বিতৌ ।

যে চান্যে দানবাস্তত্র যুদ্ধায সমুপস্থিতাঃ

॥24॥

শ্লোক 26

ত্রৈলোক্যমিন্দ্রো লভতাং দেবাঃ সন্তু হবির্ভুজঃ ।

যূযং প্রযাত পাতালং যদি জীবিতুমিচ্ছথ

॥25॥

শ্লোক 27

বলাবলেপাদথ চেদ্ভবন্তো যুদ্ধকাঙ্ক্ষিণঃ ।

তদা গচ্ছত তৃপ্যন্তু মচ্ছিবাঃ পিশিতেন বঃ

॥26॥

শ্লোক 28

যতো নিযুক্তো দৌত্যেন তযা দেব্যা শিবঃ স্বযম্ ।

শিবদূতীতি লোকেঽস্মিংস্ততঃ সা খ্যাতি মাগতা

॥27॥

শ্লোক 29

তেঽপি শ্রুত্বা বচো দেব্যাঃ শর্বাখ্যাতং মহাসুরাঃ ।

অমর্ষাপূরিতা জগ্মুর্যত্র কাত্যাযনী স্থিতা

॥28॥

শ্লোক 30

ততঃ প্রথমমেবাগ্রে শরশক্ত্যৃষ্টিবৃষ্টিভিঃ ।

ববর্ষুরুদ্ধতামর্ষাঃ স্তাং দেবীমমরারযঃ

॥29॥

শ্লোক 31

সা চ তান্ প্রহিতান্ বাণান্ ঞ্ছূলশক্তিপরশ্বধান্ ।

চিচ্ছেদ লীলযাধ্মাতধনুর্মুক্তৈর্মহেষুভিঃ

॥30॥

শ্লোক 32

তস্যাগ্রতস্তথা কালী শূলপাতবিদারিতান্ ।

খট্বাঙ্গপোথিতাংশ্চারীন্কুর্বন্তী ব্যচরত্তদা

॥31॥

শ্লোক 33

কমণ্ডলুজলাক্ষেপহতবীর্যান্ হতৌজসঃ ।

ব্রহ্মাণী চাকরোচ্ছত্রূন্যেন যেন স্ম ধাবতি

॥32॥

শ্লোক 34

মাহেশ্বরী ত্রিশূলেন তথা চক্রেণ বৈষ্ণবী ।

দৈত্যাঙ্জঘান কৌমারী তথা শত্যাতি কোপনা

॥33॥

শ্লোক 35

ঐন্দ্রী কুলিশপাতেন শতশো দৈত্যদানবাঃ ।

পেতুর্বিদারিতাঃ পৃথ্ব্যাং রুধিরৌঘপ্রবর্ষিণঃ

॥34॥

শ্লোক 36

তুণ্ডপ্রহারবিধ্বস্তা দংষ্ট্রা গ্রক্ষত বক্ষসঃ ।

বারাহমূর্ত্যা ন্যপতংশ্চক্রেণ চ বিদারিতাঃ

॥35॥

শ্লোক 37

নখৈর্বিদারিতাংশ্চান্যান্ ভক্ষযন্তী মহাসুরান্ ।

নারসিংহী চচারাজৌ নাদা পূর্ণদিগম্বরা

॥36॥

শ্লোক 38

চণ্ডাট্টহাসৈরসুরাঃ শিবদূত্যভিদূষিতাঃ ।

পেতুঃ পৃথিব্যাং পতিতাংস্তাংশ্চখাদাথ সা তদা

॥37॥

শ্লোক 39

ইতি মাতৃ গণং ক্রুদ্ধং মর্দ যন্তং মহাসুরান্ ।

দৃষ্ট্বাভ্যুপাযৈর্বিবিধৈর্নেশুর্দেবারিসৈনিকাঃ

॥38॥

শ্লোক 40

পলাযনপরান্দৃষ্ট্বা দৈত্যান্মাতৃগণার্দিতান্ ।

যোদ্ধুমভ্যাযযৌ ক্রুদ্ধো রক্তবীজো মহাসুরঃ

॥39॥

শ্লোক 41

রক্তবিন্দুর্যদা ভূমৌ পতত্যস্য শরীরতঃ ।

সমুত্পততি মেদিন্যাং তত্প্রমাণো মহাসুরঃ

॥40॥

শ্লোক 42

যুযুধে স গদাপাণিরিন্দ্রশক্ত্যা মহাসুরঃ ।

ততশ্চৈন্দ্রী স্ববজ্রেণ রক্তবীজমতাডযত্

॥41॥

শ্লোক 43

কুলিশেনাহতস্যাশু বহু সুস্রাব শোণিতম্ ।

সমুত্তস্থুস্ততো যোধাস্তদ্রপাস্তত্পরাক্রমাঃ

॥42॥

শ্লোক 44

যাবন্তঃ পতিতাস্তস্য শরীরাদ্রক্তবিন্দবঃ ।

তাবন্তঃ পুরুষা জাতাঃ স্তদ্বীর্যবলবিক্রমাঃ

॥43॥

শ্লোক 45

তে চাপি যুযুধুস্তত্র পুরুষা রক্ত সম্ভবাঃ ।

সমং মাতৃভিরত্যুগ্রশস্ত্রপাতাতিভীষণং

॥44॥

শ্লোক 46

পুনশ্চ বজ্র পাতেন ক্ষত মশ্য শিরো যদা ।

ববাহ রক্তং পুরুষাস্ততো জাতাঃ সহস্রশঃ

॥45॥

শ্লোক 47

বৈষ্ণবী সমরে চৈনং চক্রেণাভিজঘান হ ।

গদযা তাডযামাস ঐন্দ্রী তমসুরেশ্বরম্

॥46॥

শ্লোক 48

বৈষ্ণবী চক্রভিন্নস্য রুধিরস্রাব সম্ভবৈঃ ।

সহস্রশো জগদ্ব্যাপ্তং তত্প্রমাণৈর্মহাসুরৈঃ

॥47॥

শ্লোক 49

শক্ত্যা জঘান কৌমারী বারাহী চ তথাসিনা ।

মাহেশ্বরী ত্রিশূলেন রক্তবীজং মহাসুরম্

॥48॥

শ্লোক 50

স চাপি গদযা দৈত্যঃ সর্বা এবাহনত্ পৃথক্ ।

মাতৄঃ কোপসমাবিষ্টো রক্তবীজো মহাসুরঃ

॥49॥

শ্লোক 51

তস্যাহতস্য বহুধা শক্তিশূলাদি ভির্ভুবিঃ ।

পপাত যো বৈ রক্তৌঘস্তেনাসঞ্চতশোঽসুরাঃ

॥50॥

শ্লোক 52

তৈশ্চাসুরাসৃক্সম্ভূতৈরসুরৈঃ সকলং জগত্ ।

ব্যাপ্তমাসীত্ততো দেবা ভযমাজগ্মুরুত্তমম্

॥51॥

শ্লোক 53

তান্ বিষণ্ণা ন্ সুরান্ দৃষ্ট্বা চণ্ডিকা প্রাহসত্বরম্ ।

উবাচ কালীং চামুণ্ডে বিস্তীর্ণং বদনং কুরু

॥52॥

শ্লোক 54

মচ্ছস্ত্রপাতসম্ভূতান্ রক্তবিন্দূন্ মহাসুরান্ ।

রক্তবিন্দোঃ প্রতীচ্ছ ত্বং বক্ত্রেণানেন বেগিনা

॥53॥

শ্লোক 55

ভক্ষযন্তী চর রণো তদুত্পন্নান্মহাসুরান্ ।

এবমেষ ক্ষযং দৈত্যঃ ক্ষেণ রক্তো গমিষ্যতি

॥54॥

শ্লোক 56

ভক্ষ্য মাণা স্ত্বযা চোগ্রা ন চোত্পত্স্যন্তি চাপরে ।

ইত্যুক্ত্বা তাং ততো দেবী শূলেনাভিজঘান তম্

॥55॥

শ্লোক 57

মুখেন কালী জগৃহে রক্তবীজস্য শোণিতম্ ।

ততোঽসাবাজঘানাথ গদযা তত্র চণ্ডিকাং

॥56॥

শ্লোক 58

ন চাস্যা বেদনাং চক্রে গদাপাতোঽল্পিকামপি ।

তস্যাহতস্য দেহাত্তু বহু সুস্রাব শোণিতম্

॥57॥

শ্লোক 59

যতস্ততস্তদ্বক্ত্রেণ চামুণ্ডা সম্প্রতীচ্ছতি ।

মুখে সমুদ্গতা যেঽস্যা রক্তপাতান্মহাসুরাঃ

॥58॥

শ্লোক 60

তাংশ্চখাদাথ চামুণ্ডা পপৌ তস্য চ শোণিতম্

॥59॥

শ্লোক 61

দেবী শূলেন বজ্রেণ বাণৈরসিভির্ ঋষ্টিভিঃ ।

জঘান রক্তবীজং তং চামুণ্ডা পীত শোণিতম্

॥60॥

শ্লোক 62

স পপাত মহীপৃষ্ঠে শস্ত্রসঙ্ঘসমাহতঃ ।

নীরক্তশ্চ মহীপাল রক্তবীজো মহাসুরঃ

॥61॥

শ্লোক 63

ততস্তে হর্ষ মতুলং অবাপুস্ত্রিদশা নৃপ ।

তেষাং মাতৃগণো জাতো ননর্তাসৃংঙ্গমদোদ্ধতঃ

॥62॥

শ্লোক 64

॥ স্বস্তি শ্রী মার্কণ্ডেয পুরাণে সাবর্নিকে মন্বন্তরে দেবি মহত্ম্যে রক্তবীজবধোনাম অষ্টমোধ্যায সমাপ্তম্ ॥

আহুতি

ওঁ জযন্তী সাঙ্গাযৈ সশক্তিকাযৈ সপরিবারাযৈ সবাহনাযৈ রক্তাক্ষ্যৈ অষ্টমাতৃ সহিতাযৈ মহাহুতিং সমর্পযামি নমঃ স্বাহা ॥