Devi Mahatmyam Durga Saptasati Chapter 6

දේවී මාහාත්ම්යං දුර්ගා සප්තශති ෂෂ්ඨෝ(අ)ධ්යායඃ

ශ්ලොක 1

ශුම්භනිශුම්භසේනානීධූම්රලෝචනවධෝ නාම ෂෂ්ටෝ ධ්යායඃ ..

ධ්යානං

නගාධීශ්වර විෂ්ත්රාං ඵණි ඵණෝත්තංසෝරු රත්නාවලී

භාස්වද් දේහ ලතාං නිභ(අ)උ නේත්රයෝද්භාසිතාම් .

මාලා කුම්භ කපාල නීරජ කරාං චන්ද්රා අර්ධ චූඪාම්බරාං

සර්වේශ්වර භෛරවාඞ්ග නිලයාං පද්මාවතීචින්තයේ ..

ඍෂිරුවාච ..1..

ඉත්යාකර්ණ්ය වචෝ දේව්යාඃ ස දූතෝ(අ)මර්ෂපූරිතඃ .

සමාචෂ්ට සමාගම්ය දෛත්යරාජාය විස්තරාත් .. 2 ..

තස්ය දූතස්ය තද්වාක්යමාකර්ණ්යාසුරරාට් තතඃ .

ස ක්රෝධඃ ප්රාහ දෛත්යානාමධිපං ධූම්රලෝචනම් ..3..

හේ ධූම්රලෝචනාශු ත්වං ස්වසෛන්ය පරිවාරිතඃ.

තාමානය බල්ලාද්දුෂ්ටාං කේශාකර්ෂණ විහ්වලාම් ..4..

තත්පරිත්රාණදඃ කශ්චිද්යදි වෝත්තිෂ්ඨතේ(අ)පරඃ.

ස හන්තව්යෝ(අ)මරෝවාපි යක්ෂෝ ගන්ධර්ව ඒව වා ..5..

ඍෂිරුවාච ..6..

තේනාජ්ඤප්තස්තතඃ ශීඝ්රං ස දෛත්යෝ ධූම්රලෝචනඃ.

වෘතඃ ෂෂ්ට්යා සහස්රාණාං අසුරාණාන්ද්රුතංයමෞ ..6..

න දෘෂ්ට්වා තාං තතෝ දේවීං තුහිනාචල සංස්ථිතාං.

ජගාදෝච්චෛඃ ප්රයාහීති මූලං ශුම්බනිශුම්භයෝඃ ..8..

න චේත්ප්රීත්යාද්ය භවතී මද්භර්තාරමුපෛෂ්යති

තතෝ බලාන්නයාම්යේෂ කේශාකර්ෂණවිහ්වලාම් ..9..

දේව්යුවාච ..10..

දෛත්යේශ්වරේණ ප්රහිතෝ බලවාන්බලසංවෘතඃ.

බලාන්නයසි මාමේවං තතඃ කිං තේ කරෝම්යහම් ..11..

ඍෂිරුවාච ..12..

ඉත්යුක්තඃ සෝ(අ)භ්යධාවත්තාං අසුරෝ ධූම්රලෝචනඃ.

හූඞ්කාරේණෛව තං භස්ම සා චකාරාම්බිකා තදා..13..

අථ ක්රුද්ධං මහාසෛන්යං අසුරාණාං තථාම්බිකා.

වවර්ෂ සායුකෛස්තීක්ෂ්ණෛස්තථා ශක්තිපරශ්වධෛඃ ..14..

තතෝ ධුතසටඃ කෝපාත්කෘත්වා නාදං සුභෛරවම්.

පපාතාසුර සේනායාං සිංහෝ දේව්යාඃ ස්වවාහනඃ ..15..

කාංශ්චිත්කරප්රහාරේණ දෛත්යානාස්යේන චාපාරාන්.

ආක්රාන්ත්යා චාධරේණ්යාන් ජඝාන ස මහාසුරාන් ..16..

කේෂාඤ්චිත්පාටයාමාස නඛෛඃ කෝෂ්ඨානි කේසරී.

තථා තලප්රහාරේණ ශිරාංසි කෘතවාන් පෘථක් ..17..

විච්ඡින්නබාහුශිරසඃ කෘතාස්තේන තථාපරේ.

පපෞච රුධිරං කෝෂ්ඨාදන්යේෂාං ධුතකේසරඃ ..18..

ක්ෂණේන තද්බලං සර්වං ක්ෂයං නීතං මහාත්මනා.

තේන කේසරිණා දේව්යා වාහනේනාතිකෝපිනා ..19..

ශ්රුත්වා තමසුරං දේව්යා නිහතං ධූම්රලෝචනම්.

බලං ච ක්ෂයිතං කෘත්ස්නං දේවී කේසරිණා තතඃ..20..

චුකෝප දෛත්යාධිපතිඃ ශුම්භඃ ප්රස්ඵුරිතාධරඃ.

ආජ්ඤාපයාමාස ච තෞ චණ්ඩමුණ්ඩෞ මහාසුරෞ ..21..

හේචණ්ඩ හේ මුණ්ඩ බලෛර්බහුභිඃ පරිවාරිතෞ

තත්ර ගච්ඡත ගත්වා ච සා සමානීයතාං ලඝු ..22..

කේශේෂ්වාකෘෂ්ය බද්ධ්වා වා යදි වඃ සංශයෝ යුධි.

තදාශේෂා යුධෛඃ සර්වෛර් අසුරෛර්විනිහන්යතාං ..23..

තස්යාං හතායාං දුෂ්ටායාං සිංහේ ච විනිපාතිතේ.

ශීඝ්රමාගම්යතාං බද්වා ගෘහීත්වාතාමථාම්බිකාම් ..24..

.. ස්වස්ති ශ්රී මාර්කණ්ඩේය පුරාණේ සාවර්නිකේමන්වන්තරේ දේවි මහත්ම්යේ ශුම්භනිශුම්භසේනානීධූම්රලෝචනවධෝ නාම ෂෂ්ටෝ ධ්යායඃ ..

ආහුති

ඕං ක්ලීං ජයන්තී සාඞ්ගායෛ සශක්තිකායෛ සපරිවාරායෛ සවාහනායෛ මහාහුතිං සමර්පයාමි නමඃ ස්වාහා ..