Devi Mahatmyam Durga Saptasati Chapter 6

devI mAhAtmyaM durgA saptazati SaSTho'dhyAyaH

zloka 1

zumbhanizumbhasenAnIdhUmralocanavadho nAma SaSTo dhyAyaH ||

dhyAnaM

nagAdhIzvara viStrAM phaNi phaNottaMsoru ratnAvalI

bhAsvad deha latAM nibha'u netrayodbhAsitAm |

mAlA kumbha kapAla nIraja karAM candrA ardha cUDhAmbarAM

sarvezvara bhairavAGga nilayAM padmAvatIcintaye ||

RSiruvAca ||1||

ityAkarNya vaco devyAH sa dUto'marSapUritaH |

samAcaSTa samAgamya daityarAjAya vistarAt || 2 ||

tasya dUtasya tadvAkyamAkarNyAsurarAT tataH |

sa krodhaH prAha daityAnAmadhipaM dhUmralocanam ||3||

he dhUmralocanAzu tvaM svasainya parivAritaH|

tAmAnaya ballAdduSTAM kezAkarSaNa vihvalAm ||4||

tatparitrANadaH kazcidyadi vottiSThate'paraH|

sa hantavyo'marovApi yakSo gandharva eva vA ||5||

RSiruvAca ||6||

tenAjJaptastataH zIghraM sa daityo dhUmralocanaH|

vRtaH SaSTyA sahasrANAM asurANAndrutaMyamau ||6||

na dRSTvA tAM tato devIM tuhinAcala saMsthitAM|

jagAdoccaiH prayAhIti mUlaM zumbanizumbhayoH ||8||

na cetprItyAdya bhavatI madbhartAramupaiSyati

tato balAnnayAmyeSa kezAkarSaNavihvalAm ||9||

devyuvAca ||10||

daityezvareNa prahito balavAnbalasaMvRtaH|

balAnnayasi mAmevaM tataH kiM te karomyaham ||11||

RSiruvAca ||12||

ityuktaH so'bhyadhAvattAM asuro dhUmralocanaH|

hUGkAreNaiva taM bhasma sA cakArAmbikA tadA||13||

atha kruddhaM mahAsainyaM asurANAM tathAmbikA|

vavarSa sAyukaistIkSNaistathA zaktiparazvadhaiH ||14||

tato dhutasaTaH kopAtkRtvA nAdaM subhairavam|

papAtAsura senAyAM siMho devyAH svavAhanaH ||15||

kAMzcitkaraprahAreNa daityAnAsyena cApArAn|

AkrAntyA cAdhareNyAn jaghAna sa mahAsurAn ||16||

keSAJcitpATayAmAsa nakhaiH koSThAni kesarI|

tathA talaprahAreNa zirAMsi kRtavAn pRthak ||17||

vicchinnabAhuzirasaH kRtAstena tathApare|

papauca rudhiraM koSThAdanyeSAM dhutakesaraH ||18||

kSaNena tadbalaM sarvaM kSayaM nItaM mahAtmanA|

tena kesariNA devyA vAhanenAtikopinA ||19||

zrutvA tamasuraM devyA nihataM dhUmralocanam|

balaM ca kSayitaM kRtsnaM devI kesariNA tataH||20||

cukopa daityAdhipatiH zumbhaH prasphuritAdharaH|

AjJApayAmAsa ca tau caNDamuNDau mahAsurau ||21||

hecaNDa he muNDa balairbahubhiH parivAritau

tatra gacchata gatvA ca sA samAnIyatAM laghu ||22||

kezeSvAkRSya baddhvA vA yadi vaH saMzayo yudhi|

tadAzeSA yudhaiH sarvair asurairvinihanyatAM ||23||

tasyAM hatAyAM duSTAyAM siMhe ca vinipAtite|

zIghramAgamyatAM badvA gRhItvAtAmathAmbikAm ||24||

|| svasti zrI mArkaNDeya purANe sAvarnikemanvantare devi mahatmye zumbhanizumbhasenAnIdhUmralocanavadho nAma SaSTo dhyAyaH ||

Ahuti

OM klIM jayantI sAGgAyai sazaktikAyai saparivArAyai savAhanAyai mahAhutiM samarpayAmi namaH svAhA ||