Devi Mahatmyam Durga Saptasati Chapter 5

ଦେଵୀ ମାହାତ୍ମ୍ଯଂ ଦୁର୍ଗା ସପ୍ତଶତି ପଞ୍ଚମୋଽଧ୍ଯାଯଃ

ଶ୍ଲୋକ 1

ଦେଵ୍ଯା ଦୂତ ସଂଵାଦୋ ନାମ ପଞ୍ଚମୋ ଧ୍ଯାଯଃ ॥

ଅସ୍ଯ ଶ୍ରୀ ଉତ୍ତରଚରିତ୍ରସ୍ଯ ରୁଦ୍ର ଋଷିଃ । ଶ୍ରୀ ମହାସରସ୍ଵତୀ ଦେଵତା । ଅନୁଷ୍ଟୁପ୍ଛନ୍ଧଃ ।ଭୀମା ଶକ୍ତିଃ । ଭ୍ରାମରୀ ବୀଜମ୍ । ସୂର୍ଯସ୍ତତ୍ଵମ୍ । ସାମଵେଦଃ । ସ୍ଵରୂପମ୍ । ଶ୍ରୀ ମହାସରସ୍ଵତିପ୍ରୀତ୍ଯର୍ଥେ । ଉତ୍ତରଚରିତ୍ରପାଠେ ଵିନିଯୋଗଃ ॥

ଧ୍ଯାନଂ

ଘଣ୍ଟାଶୂଲହଲାନି ଶଙ୍ଖ ମୁସଲେ ଚକ୍ରଂ ଧନୁଃ ସାଯକଂ

ହସ୍ତାବ୍ଜୈର୍ଧଦତୀଂ ଘନାନ୍ତଵିଲସଚ୍ଛୀତାଂଶୁତୁଲ୍ଯପ୍ରଭାଂ

ଗୌରୀ ଦେହ ସମୁଦ୍ଭଵାଂ ତ୍ରିଜଗତାଂ ଆଧାରଭୂତାଂ ମହା

ପୂର୍ଵାମତ୍ର ସରସ୍ଵତୀ ମନୁଭଜେ ଶୁମ୍ଭାଦିଦୈତ୍ଯାର୍ଦିନୀଂ॥

॥ଋଷିରୁଵାଚ॥

ଶ୍ଲୋକ 2

ପୁରା ଶୁମ୍ଭନିଶୁମ୍ଭାଭ୍ଯାମସୁରାଭ୍ଯାଂ ଶଚୀପତେଃ

ତ୍ରୈଲୋକ୍ଯଂ ଯଜ୍ଞ୍ଯ ଭାଗାଶ୍ଚ ହୃତା ମଦବଲାଶ୍ରଯାତ୍

॥ 1 ॥

ଶ୍ଲୋକ 3

ତାଵେଵ ସୂର୍ଯତାଂ ତଦ୍ଵଦଧିକାରଂ ତଥୈନ୍ଦଵଂ

କୌବେରମଥ ଯାମ୍ଯଂ ଚକ୍ରାନ୍ତେ ଵରୁଣସ୍ଯ ଚ

ତାଵେଵ ପଵନର୍ଦ୍ଧିଽଂ ଚ ଚକ୍ରତୁର୍ଵହ୍ନି କର୍ମଚ

ତତୋ ଦେଵା ଵିନିର୍ଧୂତା ଭ୍ରଷ୍ଟରାଜ୍ଯାଃ ପରାଜିତାଃ

॥2॥

ଶ୍ଲୋକ 4

ହୃତାଧିକାରାସ୍ତ୍ରିଦଶାସ୍ତାଭ୍ଯାଂ ସର୍ଵେ ନିରାକୃତା।

ମହାସୁରାଭ୍ଯାଂ ତାଂ ଦେଵୀଂ ସଂସ୍ମରନ୍ତ୍ଯପରାଜିତାଂ

॥3॥

ଶ୍ଲୋକ 5

ତଯାସ୍ମାକଂ ଵରୋ ଦତ୍ତୋ ଯଧାପତ୍ସୁ ସ୍ମୃତାଖିଲାଃ।

ଭଵତାଂ ନାଶଯିଷ୍ଯାମି ତତ୍କ୍ଷଣାତ୍ପରମାପଦଃ

॥4॥

ଶ୍ଲୋକ 6

ଇତିକୃତ୍ଵା ମତିଂ ଦେଵା ହିମଵନ୍ତଂ ନଗେଶ୍ଵରଂ।

ଜଗ୍ମୁସ୍ତତ୍ର ତତୋ ଦେଵୀଂ ଵିଷ୍ଣୁମାଯାଂ ପ୍ରତୁଷ୍ଟୁଵୁଃ

॥5॥

ଶ୍ଲୋକ 7

ଦେଵା ଊଚୁଃ

ନମୋ ଦେଵ୍ଯୈ ମହାଦେଵ୍ଯୈ ଶିଵାଯୈ ସତତଂ ନମଃ।

ନମଃ ପ୍ରକୃତ୍ଯୈ ଭଦ୍ରାଯୈ ନିଯତାଃ ପ୍ରଣତାଃ ସ୍ମତାଂ

॥6॥

ଶ୍ଲୋକ 8

ରୌଦ୍ରାଯ ନମୋ ନିତ୍ଯାଯୈ ଗୌର୍ଯୈ ଧାତ୍ର୍ଯୈ ନମୋ ନମଃ

ଜ୍ଯୋତ୍ସ୍ନାଯୈ ଚେନ୍ଦୁରୂପିଣ୍ଯୈ ସୁଖାଯୈ ସତତଂ ନମଃ

॥6॥

ଶ୍ଲୋକ 9

କଲ୍ଯାଣ୍ଯୈ ପ୍ରଣତା ଵୃଦ୍ଧ୍ଯୈ ସିଦ୍ଧ୍ଯୈ କୁର୍ମୋ ନମୋ ନମଃ।

ନୈରୃତ୍ଯୈ ଭୂଭୃତାଂ ଲକ୍ଷ୍ମୈ ଶର୍ଵାଣ୍ଯୈ ତେ ନମୋ ନମଃ

॥8॥

ଶ୍ଲୋକ 10

ଦୁର୍ଗାଯୈ ଦୁର୍ଗପାରାଯୈ ସାରାଯୈ ସର୍ଵକାରିଣ୍ଯୈ

ଖ୍ଯାତ୍ଯୈ ତଥୈଵ କୃଷ୍ଣାଯୈ ଧୂମ୍ରାଯୈ ସତତଂ ନମଃ

॥9॥

ଶ୍ଲୋକ 11

ଅତିସୌମ୍ଯତିରୌଦ୍ରାଯୈ ନତାସ୍ତସ୍ଯୈ ନମୋ ନମଃ

ନମୋ ଜଗତ୍ପ୍ରତିଷ୍ଠାଯୈ ଦେଵ୍ଯୈ କୃତ୍ଯୈ ନମୋ ନମଃ

॥10॥

ଶ୍ଲୋକ 12

ଯାଦେଵୀ ସର୍ଵଭୂତେଷୂ ଵିଷ୍ଣୁମାଯେତି ଶବ୍ଧିତା।

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥12

ଯାଦେଵୀ ସର୍ଵଭୂତେଷୂ ଚେତନେତ୍ଯଭିଧୀଯତେ।

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥11॥

ଶ୍ଲୋକ 13

ଯାଦେଵୀ ସର୍ଵଭୂତେଷୂ ବୁଦ୍ଧିରୂପେଣ ସଂସ୍ଥିତା।

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥13॥

ଶ୍ଲୋକ 14

ଯାଦେଵୀ ସର୍ଵଭୂତେଷୂ ନିଦ୍ରାରୂପେଣ ସଂସ୍ଥିତା।

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥14॥

ଶ୍ଲୋକ 15

ଯାଦେଵୀ ସର୍ଵଭୂତେଷୂ କ୍ଷୁଧାରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥15॥

ଶ୍ଲୋକ 16

ଯାଦେଵୀ ସର୍ଵଭୂତେଷୂ ଛାଯାରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥16॥

ଶ୍ଲୋକ 17

ଯାଦେଵୀ ସର୍ଵଭୂତେଷୂ ଶକ୍ତିରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥17॥

ଶ୍ଲୋକ 18

ଯାଦେଵୀ ସର୍ଵଭୂତେଷୂ ତୃଷ୍ଣାରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥18॥

ଶ୍ଲୋକ 19

ଯାଦେଵୀ ସର୍ଵଭୂତେଷୂ କ୍ଷାନ୍ତିରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥19॥

ଶ୍ଲୋକ 20

ଯାଦେଵୀ ସର୍ଵଭୂତେଷୂ ଜାତିରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥20॥

ଶ୍ଲୋକ 21

ଯାଦେଵୀ ସର୍ଵଭୂତେଷୂ ଲଜ୍ଜାରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥21॥

ଶ୍ଲୋକ 22

ଯାଦେଵୀ ସର୍ଵଭୂତେଷୂ ଶାନ୍ତିରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥22॥

ଶ୍ଲୋକ 23

ଯାଦେଵୀ ସର୍ଵଭୂତେଷୂ ଶ୍ରଦ୍ଧାରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥23॥

ଶ୍ଲୋକ 24

ଯାଦେଵୀ ସର୍ଵଭୂତେଷୂ କାନ୍ତିରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥24॥

ଶ୍ଲୋକ 25

ଯାଦେଵୀ ସର୍ଵଭୂତେଷୂ ଲକ୍ଷ୍ମୀରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥25॥

ଶ୍ଲୋକ 26

ଯାଦେଵୀ ସର୍ଵଭୂତେଷୂ ଵୃତ୍ତିରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥26॥

ଶ୍ଲୋକ 27

ଯାଦେଵୀ ସର୍ଵଭୂତେଷୂ ସ୍ମୃତିରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥27॥

ଶ୍ଲୋକ 28

ଯାଦେଵୀ ସର୍ଵଭୂତେଷୂ ଦଯାରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥28॥

ଶ୍ଲୋକ 29

ଯାଦେଵୀ ସର୍ଵଭୂତେଷୂ ତୁଷ୍ଟିରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥29॥

ଶ୍ଲୋକ 30

ଯାଦେଵୀ ସର୍ଵଭୂତେଷୂ ମାତୃରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥30॥

ଶ୍ଲୋକ 31

ଯାଦେଵୀ ସର୍ଵଭୂତେଷୂ ଭ୍ରାନ୍ତିରୂପେଣ ସଂସ୍ଥିତା

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥31॥

ଶ୍ଲୋକ 32

ଇନ୍ଦ୍ରିଯାଣାମଧିଷ୍ଠାତ୍ରୀ ଭୂତାନାଂ ଚାଖିଲେଷୁ ଯା।

ଭୂତେଷୁ ସତତଂ ତସ୍ଯୈ ଵ୍ଯାପ୍ତି ଦେଵ୍ଯୈ ନମୋ ନମଃ

॥32॥

ଶ୍ଲୋକ 33

ଚିତିରୂପେଣ ଯା କୃତ୍ସ୍ନମେତ ଦ୍ଵ୍ଯାପ୍ଯ ସ୍ଥିତା ଜଗତ୍

ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ

॥33॥

ଶ୍ଲୋକ 34

ସ୍ତୁତାସୁରୈଃ ପୂର୍ଵମଭୀଷ୍ଟ ସଂଶ୍ରଯାତ୍ତଥା

ସୁରେନ୍ଦ୍ରେଣ ଦିନେଷୁସେଵିତା।

କରୋତୁସା ନଃ ଶୁଭହେତୁରୀଶ୍ଵରୀ

ଶୁଭାନି ଭଦ୍ରାଣ୍ଯ ଭିହନ୍ତୁ ଚାପଦଃ

॥34॥

ଶ୍ଲୋକ 35

ଯା ସାମ୍ପ୍ରତଂ ଚୋଦ୍ଧତଦୈତ୍ଯତାପିତୈ

ରସ୍ମାଭିରୀଶାଚସୁରୈର୍ନମଶ୍ଯତେ।

ଯାଚ ସ୍ମତା ତତ୍​କ୍ଷଣ ମେଵ ହନ୍ତି ନଃ

ସର୍ଵା ପଦୋଭକ୍ତିଵିନମ୍ରମୂର୍ତିଭିଃ

॥35॥

ଶ୍ଲୋକ 36

ଋଷିରୁଵାଚ॥

ଏଵଂ ସ୍ତଵାଭି ଯୁକ୍ତାନାଂ ଦେଵାନାଂ ତତ୍ର ପାର୍ଵତୀ।

ସ୍ନାତୁମଭ୍ଯାଯଯୌ ତୋଯେ ଜାହ୍ନଵ୍ଯା ନୃପନନ୍ଦନ

॥36॥

ଶ୍ଲୋକ 37

ସାବ୍ରଵୀତ୍ତାନ୍ ସୁରାନ୍ ସୁଭ୍ରୂର୍ଭଵଦ୍ଭିଃ ସ୍ତୂଯତେଽତ୍ର କା

ଶରୀରକୋଶତଶ୍ଚାସ୍ଯାଃ ସମୁଦ୍ଭୂତାଽ ବ୍ରଵୀଚ୍ଛିଵା

॥37॥

ଶ୍ଲୋକ 38

ସ୍ତୋତ୍ରଂ ମମୈତତ୍କ୍ରିଯତେ ଶୁମ୍ଭଦୈତ୍ଯ ନିରାକୃତୈଃ

ଦେଵୈଃ ସମେତୈଃ ସମରେ ନିଶୁମ୍ଭେନ ପରାଜିତୈଃ

॥38॥

ଶ୍ଲୋକ 39

ଶରୀରକୋଶାଦ୍ଯତ୍ତସ୍ଯାଃ ପାର୍ଵତ୍ଯା ନିଃସୃତାମ୍ବିକା।

କୌଶିକୀତି ସମସ୍ତେଷୁ ତତୋ ଲୋକେଷୁ ଗୀଯତେ

॥39॥

ଶ୍ଲୋକ 40

ତସ୍ଯାଂଵିନିର୍ଗତାଯାଂ ତୁ କୃଷ୍ଣାଭୂତ୍ସାପି ପାର୍ଵତୀ।

କାଲିକେତି ସମାଖ୍ଯାତା ହିମାଚଲକୃତାଶ୍ରଯା

॥40॥

ଶ୍ଲୋକ 41

ତତୋଽମ୍ବିକାଂ ପରଂ ରୂପଂ ବିଭ୍ରାଣାଂ ସୁମନୋହରମ୍ ।

ଦଦର୍ଶ ଚଣ୍ଦୋ ମୁଣ୍ଦଶ୍ଚ ଭୃତ୍ଯୌ ଶୁମ୍ଭନିଶୁମ୍ଭଯୋଃ

॥41॥

ଶ୍ଲୋକ 42

ତାଭ୍ଯାଂ ଶୁମ୍ଭାଯ ଚାଖ୍ଯାତା ସାତୀଵ ସୁମନୋହରା।

କାପ୍ଯାସ୍ତେ ସ୍ତ୍ରୀ ମହାରାଜ ଭାସ ଯନ୍ତୀ ହିମାଚଲମ୍

॥42॥

ଶ୍ଲୋକ 43

ନୈଵ ତାଦୃକ୍ କ୍ଵଚିଦ୍ରୂପଂ ଦୃଷ୍ଟଂ କେନଚିଦୁତ୍ତମମ୍।

ଜ୍ଞାଯତାଂ କାପ୍ଯସୌ ଦେଵୀ ଗୃହ୍ଯତାଂ ଚାସୁରେଶ୍ଵର

॥43॥

ଶ୍ଲୋକ 44

ସ୍ତ୍ରୀ ରତ୍ନ ମତିଚାର୍ଵଞ୍ଜ୍ଗୀ ଦ୍ଯୋତଯନ୍ତୀଦିଶସ୍ତ୍ଵିଷା।

ସାତୁତିଷ୍ଟତି ଦୈତ୍ଯେନ୍ଦ୍ର ତାଂ ଭଵାନ୍ ଦ୍ରଷ୍ଟୁ ମର୍ହତି

॥44॥

ଶ୍ଲୋକ 45

ଯାନି ରତ୍ନାନି ମଣଯୋ ଗଜାଶ୍ଵାଦୀନି ଵୈ ପ୍ରଭୋ।

ତ୍ରୈ ଲୋକ୍ଯେତୁ ସମସ୍ତାନି ସାମ୍ପ୍ରତଂ ଭାନ୍ତିତେ ଗୃହେ

॥45॥

ଶ୍ଲୋକ 46

ଐରାଵତଃ ସମାନୀତୋ ଗଜରତ୍ନଂ ପୁନର୍ଦରାତ୍।

ପାରିଜାତ ତରୁଶ୍ଚାଯଂ ତଥୈଵୋଚ୍ଚୈଃ ଶ୍ରଵା ହଯଃ

॥46॥

ଶ୍ଲୋକ 47

ଵିମାନଂ ହଂସସଂଯୁକ୍ତମେତତ୍ତିଷ୍ଠତି ତେଽଙ୍ଗଣେ।

ରତ୍ନଭୂତ ମିହାନୀତଂ ଯଦାସୀଦ୍ଵେଧସୋଽଦ୍ଭୁତଂ

॥47॥

ଶ୍ଲୋକ 48

ନିଧିରେଷ ମହା ପଦ୍ମଃ ସମାନୀତୋ ଧନେଶ୍ଵରାତ୍।

କିଞ୍ଜଲ୍କିନୀଂ ଦଦୌ ଚାବ୍ଧିର୍ମାଲାମମ୍ଲାନପଜ୍କଜାଂ

॥48॥

ଶ୍ଲୋକ 49

ଛତ୍ରଂ ତେଵାରୁଣଂ ଗେହେ କାଞ୍ଚନସ୍ରାଵି ତିଷ୍ଠତି।

ତଥାଯଂ ସ୍ଯନ୍ଦନଵରୋ ଯଃ ପୁରାସୀତ୍ପ୍ରଜାପତେଃ

॥49॥

ଶ୍ଲୋକ 50

ମୃତ୍ଯୋରୁତ୍କ୍ରାନ୍ତିଦା ନାମ ଶକ୍ତିରୀଶ ତ୍ଵଯା ହୃତା।

ପାଶଃ ସଲିଲ ରାଜସ୍ଯ ଭ୍ରାତୁସ୍ତଵ ପରିଗ୍ରହେ

॥50॥

ଶ୍ଲୋକ 51

ନିଶୁମ୍ଭସ୍ଯାବ୍ଧିଜାତାଶ୍ଚ ସମସ୍ତା ରତ୍ନ ଜାତଯଃ।

ଵହ୍ନିଶ୍ଚାପି ଦଦୌ ତୁଭ୍ଯ ମଗ୍ନିଶୌଚେ ଚ ଵାସସୀ

॥51॥

ଶ୍ଲୋକ 52

ଏଵଂ ଦୈତ୍ଯେନ୍ଦ୍ର ରତ୍ନାନି ସମସ୍ତାନ୍ଯାହୃତାନି ତେ

ସ୍ତ୍ର୍ରୀ ରତ୍ନ ମେଷା କଲ୍ଯାଣୀ ତ୍ଵଯା କସ୍ମାନ୍ନ ଗୃହ୍ଯତେ

॥52॥

ଶ୍ଲୋକ 53

ଋଷିରୁଵାଚ।

ନିଶମ୍ଯେତି ଵଚଃ ଶୁମ୍ଭଃ ସ ତଦା ଚଣ୍ଡମୁଣ୍ଡଯୋଃ।

ପ୍ରେଷଯାମାସ ସୁଗ୍ରୀଵଂ ଦୂତଂ ଦେଵ୍ଯା ମହାସୁରଂ

॥53॥

ଶ୍ଲୋକ 54

ଇତି ଚେତି ଚ ଵକ୍ତଵ୍ଯା ସା ଗତ୍ଵା ଵଚନାନ୍ମମ।

ଯଥା ଚାଭ୍ଯେତି ସମ୍ପ୍ରୀତ୍ଯା ତଥା କାର୍ଯଂ ତ୍ଵଯା ଲଘୁ

॥54॥

ଶ୍ଲୋକ 55

ସତତ୍ର ଗତ୍ଵା ଯତ୍ରାସ୍ତେ ଶୈଲୋଦ୍ଦୋଶେଽତିଶୋଭନେ।

ସାଦେଵୀ ତାଂ ତତଃ ପ୍ରାହ ଶ୍ଲକ୍ଷ୍ଣଂ ମଧୁରଯା ଗିରା

॥55॥

ଶ୍ଲୋକ 56

ଦୂତ ଉଵାଚ॥

ଦେଵି ଦୈତ୍ଯେଶ୍ଵରଃ ଶୁମ୍ଭସ୍ତ୍ରॆଲୋକ୍ଯେ ପରମେଶ୍ଵରଃ।

ଦୂତୋଽହଂ ପ୍ରେଷି ତସ୍ତେନ ତ୍ଵତ୍ସକାଶମିହାଗତଃ

॥56॥

ଶ୍ଲୋକ 57

ଅଵ୍ଯାହତାଜ୍ଞଃ ସର୍ଵାସୁ ଯଃ ସଦା ଦେଵଯୋନିଷୁ।

ନିର୍ଜିତାଖିଲ ଦୈତ୍ଯାରିଃ ସ ଯଦାହ ଶୃଣୁଷ୍ଵ ତତ୍

॥57॥

ଶ୍ଲୋକ 58

ମମତ୍ରୈଲୋକ୍ଯ ମଖିଲଂ ମମଦେଵା ଵଶାନୁଗାଃ।

ଯଜ୍ଞଭାଗାନହଂ ସର୍ଵାନୁପାଶ୍ନାମି ପୃଥକ୍ ପୃଥକ୍

॥58॥

ଶ୍ଲୋକ 59

ତ୍ରୈଲୋକ୍ଯେଵରରତ୍ନାନି ମମ ଵଶ୍ଯାନ୍ଯଶେଷତଃ।

ତଥୈଵ ଗଜରତ୍ନଂ ଚ ହୃତଂ ଦେଵେନ୍ଦ୍ରଵାହନଂ

॥59॥

ଶ୍ଲୋକ 60

କ୍ଷୀରୋଦମଥନୋଦ୍ଭୂତ ମଶ୍ଵରତ୍ନଂ ମମାମରୈଃ।

ଉଚ୍ଚୈଃଶ୍ରଵସସଞ୍ଜ୍ଞଂ ତତ୍ପ୍ରଣିପତ୍ଯ ସମର୍ପିତଂ

॥60॥

ଶ୍ଲୋକ 61

ଯାନିଚାନ୍ଯାନି ଦେଵେଷୁ ଗନ୍ଧର୍ଵେଷୂରଗେଷୁ ଚ ।

ରତ୍ନଭୂତାନି ଭୂତାନି ତାନି ମଯ୍ଯେଵ ଶୋଭନେ

॥61॥

ଶ୍ଲୋକ 62

ସ୍ତ୍ରୀ ରତ୍ନଭୂତାଂ ତାଂ ଦେଵୀଂ ଲୋକେ ମନ୍ଯା ମହେ ଵଯଂ।

ସା ତ୍ଵମସ୍ମାନୁପାଗଚ୍ଛ ଯତୋ ରତ୍ନଭୁଜୋ ଵଯଂ

॥62॥

ଶ୍ଲୋକ 63

ମାଂଵା ମମାନୁଜଂ ଵାପି ନିଶୁମ୍ଭମୁରୁଵିକ୍ରମମ୍।

ଭଜତ୍ଵଂ ଚଞ୍ଚଲାପାଜ୍ଗି ରତ୍ନ ଭୂତାସି ଵୈ ଯତଃ

॥63॥

ଶ୍ଲୋକ 64

ପରମୈଶ୍ଵର୍ଯ ମତୁଲଂ ପ୍ରାପ୍ସ୍ଯସେ ମତ୍ପରିଗ୍ରହାତ୍।

ଏତଦ୍ଭୁଦ୍ଥ୍ଯା ସମାଲୋଚ୍ଯ ମତ୍ପରିଗ୍ରହତାଂ ଵ୍ରଜ

॥64॥

ଶ୍ଲୋକ 65

ଋଷିରୁଵାଚ॥

ଇତ୍ଯୁକ୍ତା ସା ତଦା ଦେଵୀ ଗମ୍ଭୀରାନ୍ତଃସ୍ମିତା ଜଗୌ।

ଦୁର୍ଗା ଭଗଵତୀ ଭଦ୍ରା ଯଯେଦଂ ଧାର୍ଯତେ ଜଗତ୍

॥65॥

ଶ୍ଲୋକ 66

ଦେଵ୍ଯୁଵାଚ॥

ସତ୍ଯ ମୁକ୍ତଂ ତ୍ଵଯା ନାତ୍ର ମିଥ୍ଯାକିଞ୍ଚିତ୍ତ୍ଵଯୋଦିତମ୍।

ତ୍ରୈଲୋକ୍ଯାଧିପତିଃ ଶୁମ୍ଭୋ ନିଶୁମ୍ଭଶ୍ଚାପି ତାଦୃଶଃ

॥66॥

ଶ୍ଲୋକ 67

କିଂ ତ୍ଵତ୍ର ଯତ୍ପ୍ରତିଜ୍ଞାତଂ ମିଥ୍ଯା ତତ୍କ୍ରିଯତେ କଥମ୍।

ଶ୍ରୂଯତାମଲ୍ପଭୁଦ୍ଧିତ୍ଵାତ୍ ତ୍ପ୍ରତିଜ୍ଞା ଯା କୃତା ପୁରା

॥67॥

ଶ୍ଲୋକ 68

ଯୋମାଂ ଜଯତି ସଜ୍ଗ୍ରାମେ ଯୋ ମେ ଦର୍ପଂ ଵ୍ଯପୋହତି।

ଯୋମେ ପ୍ରତିବଲୋ ଲୋକେ ସ ମେ ଭର୍ତା ଭଵିଷ୍ଯତି

॥68॥

ଶ୍ଲୋକ 69

ତଦାଗଚ୍ଛତୁ ଶୁମ୍ଭୋଽତ୍ର ନିଶୁମ୍ଭୋ ଵା ମହାସୁରଃ।

ମାଂ ଜିତ୍ଵା କିଂ ଚିରେଣାତ୍ର ପାଣିଙ୍ଗୃହ୍ଣାତୁମେଲଘୁ

॥69॥

ଶ୍ଲୋକ 70

ଦୂତ ଉଵାଚ॥

ଅଵଲିପ୍ତାସି ମୈଵଂ ତ୍ଵଂ ଦେଵି ବ୍ରୂହି ମମାଗ୍ରତଃ।

ତ୍ରୈଲୋକ୍ଯେକଃ ପୁମାଂସ୍ତିଷ୍ଟେଦ୍ ଅଗ୍ରେ ଶୁମ୍ଭନିଶୁମ୍ଭଯୋଃ

॥70॥

ଶ୍ଲୋକ 71

ଅନ୍ଯେଷାମପି ଦୈତ୍ଯାନାଂ ସର୍ଵେ ଦେଵା ନ ଵୈ ଯୁଧି।

କିଂ ତିଷ୍ଠନ୍ତି ସୁମ୍ମୁଖେ ଦେଵି ପୁନଃ ସ୍ତ୍ରୀ ତ୍ଵମେକିକା

॥71॥

ଶ୍ଲୋକ 72

ଇନ୍ଦ୍ରାଦ୍ଯାଃ ସକଲା ଦେଵାସ୍ତସ୍ଥୁର୍ଯେଷାଂ ନ ସଂଯୁଗେ।

ଶୁମ୍ଭାଦୀନାଂ କଥଂ ତେଷାଂ ସ୍ତ୍ରୀ ପ୍ରଯାସ୍ଯସି ସମ୍ମୁଖମ୍

॥72॥

ଶ୍ଲୋକ 73

ସାତ୍ଵଂ ଗଚ୍ଛ ମଯୈଵୋକ୍ତା ପାର୍ଶ୍ଵଂ ଶୁମ୍ଭନିଶୁମ୍ଭଯୋଃ।

କେଶାକର୍ଷଣ ନିର୍ଧୂତ ଗୌରଵା ମା ଗମିଷ୍ଯସି

॥73॥

ଶ୍ଲୋକ 74

ଦେଵ୍ଯୁଵାଚ।

ଏଵମେତଦ୍ ବଲୀ ଶୁମ୍ଭୋ ନିଶୁମ୍ଭଶ୍ଚାତିଵୀର୍ଯଵାନ୍।

କିଂ କରୋମି ପ୍ରତିଜ୍ଞା ମେ ଯଦନାଲୋଚିତାପୁରା

॥74॥

ଶ୍ଲୋକ 75

ସତ୍ଵଂ ଗଚ୍ଛ ମଯୋକ୍ତଂ ତେ ଯଦେତତ୍ତ୍ସର୍ଵ ମାଦୃତଃ।

ତଦାଚକ୍ଷ୍ଵା ସୁରେନ୍ଦ୍ରାଯ ସ ଚ ଯୁକ୍ତଂ କରୋତୁ ଯତ୍

॥75॥

ଶ୍ଲୋକ 76

॥ ଇତି ଶ୍ରୀ ମାର୍କଣ୍ଡେଯ ପୁରାଣେ ସାଵର୍ନିକେ ମନ୍ଵନ୍ତରେ ଦେଵି ମହତ୍ମ୍ଯେ ଦେଵ୍ଯା ଦୂତ ସଂଵାଦୋ ନାମ ପଞ୍ଚମୋ ଧ୍ଯାଯଃ ସମାପ୍ତମ୍ ॥

ଆହୁତି

କ୍ଲୀଂ ଜଯନ୍ତୀ ସାଙ୍ଗାଯୈ ସାଯୁଧାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ଧୂମ୍ରାକ୍ଷ୍ଯୈ ଵିଷ୍ଣୁମାଯାଦି ଚତୁର୍ଵିଂଶଦ୍ ଦେଵତାଭ୍ଯୋ ମହାହୁତିଂ ସମର୍ପଯାମି ନମଃ ସ୍ଵାହା ॥