Devi Mahatmyam Durga Saptasati Chapter 5
Devi Mahatmyam Durga Saptasati Chapter 5
devI mAhAtmyaM durgA saptazati paJcamo'dhyAyaH
devyA dUta saMvAdo nAma paJcamo dhyAyaH ||
asya zrI uttaracaritrasya rudra RSiH | zrI mahAsarasvatI devatA | anuSTupchandhaH |bhImA zaktiH | bhrAmarI bIjam | sUryastatvam | sAmavedaH | svarUpam | zrI mahAsarasvatiprItyarthe | uttaracaritrapAThe viniyogaH ||
dhyAnaM
ghaNTAzUlahalAni zaGkha musale cakraM dhanuH sAyakaM
hastAbjairdhadatIM ghanAntavilasacchItAMzutulyaprabhAM
gaurI deha samudbhavAM trijagatAM AdhArabhUtAM mahA
pUrvAmatra sarasvatI manubhaje zumbhAdidaityArdinIM||
||RSiruvAca|| || 1 ||
purA zumbhanizumbhAbhyAmasurAbhyAM zacIpateH
trailokyaM yajJya bhAgAzca hRtA madabalAzrayAt ||2||
tAveva sUryatAM tadvadadhikAraM tathaindavaM
kauberamatha yAmyaM cakrAnte varuNasya ca
tAveva pavanarddhi'M ca cakraturvahni karmaca
tato devA vinirdhUtA bhraSTarAjyAH parAjitAH ||3||
hRtAdhikArAstridazAstAbhyAM sarve nirAkRtA|
mahAsurAbhyAM tAM devIM saMsmarantyaparAjitAM ||4||
tayAsmAkaM varo datto yadhApatsu smRtAkhilAH|
bhavatAM nAzayiSyAmi tatkSaNAtparamApadaH ||5||
itikRtvA matiM devA himavantaM nagezvaraM|
jagmustatra tato devIM viSNumAyAM pratuSTuvuH ||6||
devA UcuH
namo devyai mahAdevyai zivAyai satataM namaH|
namaH prakRtyai bhadrAyai niyatAH praNatAH smatAM ||6||
raudrAya namo nityAyai gauryai dhAtryai namo namaH
jyotsnAyai cendurUpiNyai sukhAyai satataM namaH ||8||
kalyANyai praNatA vRddhyai siddhyai kurmo namo namaH|
nairRtyai bhUbhRtAM lakSmai zarvANyai te namo namaH ||9||
durgAyai durgapArAyai sArAyai sarvakAriNyai
khyAtyai tathaiva kRSNAyai dhUmrAyai satataM namaH ||10||
atisaumyatiraudrAyai natAstasyai namo namaH
namo jagatpratiSThAyai devyai kRtyai namo namaH ||11||
yAdevI sarvabhUteSU viSNumAyeti zabdhitA|
namastasyai, namastasyai,namastasyai namonamaH ||12
yAdevI sarvabhUteSU cetanetyabhidhIyate|
namastasyai, namastasyai,namastasyai namonamaH ||13||
yAdevI sarvabhUteSU buddhirUpeNa saMsthitA|
namastasyai, namastasyai,namastasyai namonamaH ||14||
yAdevI sarvabhUteSU nidrArUpeNa saMsthitA|
namastasyai, namastasyai,namastasyai namonamaH ||15||
yAdevI sarvabhUteSU kSudhArUpeNa saMsthitA
namastasyai, namastasyai,namastasyai namonamaH ||16||
yAdevI sarvabhUteSU chAyArUpeNa saMsthitA
namastasyai, namastasyai,namastasyai namonamaH ||17||
yAdevI sarvabhUteSU zaktirUpeNa saMsthitA
namastasyai, namastasyai,namastasyai namonamaH ||18||
yAdevI sarvabhUteSU tRSNArUpeNa saMsthitA
namastasyai, namastasyai,namastasyai namonamaH ||19||
yAdevI sarvabhUteSU kSAntirUpeNa saMsthitA
namastasyai, namastasyai,namastasyai namonamaH ||20||
yAdevI sarvabhUteSU jAtirUpeNa saMsthitA
namastasyai, namastasyai,namastasyai namonamaH ||21||
yAdevI sarvabhUteSU lajjArUpeNa saMsthitA
namastasyai, namastasyai,namastasyai namonamaH ||22||
yAdevI sarvabhUteSU zAntirUpeNa saMsthitA
namastasyai, namastasyai,namastasyai namonamaH ||23||
yAdevI sarvabhUteSU zraddhArUpeNa saMsthitA
namastasyai, namastasyai,namastasyai namonamaH ||24||
yAdevI sarvabhUteSU kAntirUpeNa saMsthitA
namastasyai, namastasyai,namastasyai namonamaH ||25||
yAdevI sarvabhUteSU lakSmIrUpeNa saMsthitA
namastasyai, namastasyai,namastasyai namonamaH ||26||
yAdevI sarvabhUteSU vRttirUpeNa saMsthitA
namastasyai, namastasyai,namastasyai namonamaH ||27||
yAdevI sarvabhUteSU smRtirUpeNa saMsthitA
namastasyai, namastasyai,namastasyai namonamaH ||28||
yAdevI sarvabhUteSU dayArUpeNa saMsthitA
namastasyai, namastasyai,namastasyai namonamaH ||29||
yAdevI sarvabhUteSU tuSTirUpeNa saMsthitA
namastasyai, namastasyai,namastasyai namonamaH ||30||
yAdevI sarvabhUteSU mAtRrUpeNa saMsthitA
namastasyai, namastasyai,namastasyai namonamaH ||31||
yAdevI sarvabhUteSU bhrAntirUpeNa saMsthitA
namastasyai, namastasyai,namastasyai namonamaH ||32||
indriyANAmadhiSThAtrI bhUtAnAM cAkhileSu yA|
bhUteSu satataM tasyai vyApti devyai namo namaH ||33||
citirUpeNa yA kRtsnameta dvyApya sthitA jagat
namastasyai, namastasyai,namastasyai namonamaH ||34||
stutAsuraiH pUrvamabhISTa saMzrayAttathA
surendreNa dineSusevitA|
karotusA naH zubhaheturIzvarI
zubhAni bhadrANya bhihantu cApadaH ||35||
yA sAmprataM coddhatadaityatApitai
rasmAbhirIzAcasurairnamazyate|
yAca smatA tatkSaNa meva hanti naH
sarvA padobhaktivinamramUrtibhiH ||36||
RSiruvAca||
evaM stavAbhi yuktAnAM devAnAM tatra pArvatI|
snAtumabhyAyayau toye jAhnavyA nRpanandana ||37||
sAbravIttAn surAn subhrUrbhavadbhiH stUyate'tra kA
zarIrakozatazcAsyAH samudbhUtA' bravIcchivA ||38||
stotraM mamaitatkriyate zumbhadaitya nirAkRtaiH
devaiH sametaiH samare nizumbhena parAjitaiH ||39||
zarIrakozAdyattasyAH pArvatyA niHsRtAmbikA|
kauzikIti samasteSu tato lokeSu gIyate ||40||
tasyAMvinirgatAyAM tu kRSNAbhUtsApi pArvatI|
kAliketi samAkhyAtA himAcalakRtAzrayA ||41||
tato'mbikAM paraM rUpaM bibhrANAM sumanoharam |
dadarza caNdo muNdazca bhRtyau zumbhanizumbhayoH ||42||
tAbhyAM zumbhAya cAkhyAtA sAtIva sumanoharA|
kApyAste strI mahArAja bhAsa yantI himAcalam ||43||
naiva tAdRk kvacidrUpaM dRSTaM kenaciduttamam|
jJAyatAM kApyasau devI gRhyatAM cAsurezvara ||44||
strI ratna maticArvaJjgI dyotayantIdizastviSA|
sAtutiSTati daityendra tAM bhavAn draSTu marhati ||45||
yAni ratnAni maNayo gajAzvAdIni vai prabho|
trai lokyetu samastAni sAmprataM bhAntite gRhe ||46||
airAvataH samAnIto gajaratnaM punardarAt|
pArijAta taruzcAyaM tathaivoccaiH zravA hayaH ||47||
vimAnaM haMsasaMyuktametattiSThati te'GgaNe|
ratnabhUta mihAnItaM yadAsIdvedhaso'dbhutaM ||48||
nidhireSa mahA padmaH samAnIto dhanezvarAt|
kiJjalkinIM dadau cAbdhirmAlAmamlAnapajkajAM ||49||
chatraM tevAruNaM gehe kAJcanasrAvi tiSThati|
tathAyaM syandanavaro yaH purAsItprajApateH ||50||
mRtyorutkrAntidA nAma zaktirIza tvayA hRtA|
pAzaH salila rAjasya bhrAtustava parigrahe ||51||
nizumbhasyAbdhijAtAzca samastA ratna jAtayaH|
vahnizcApi dadau tubhya magnizauce ca vAsasI ||52||
evaM daityendra ratnAni samastAnyAhRtAni te
strrI ratna meSA kalyANI tvayA kasmAnna gRhyate ||53||
RSiruvAca|
nizamyeti vacaH zumbhaH sa tadA caNDamuNDayoH|
preSayAmAsa sugrIvaM dUtaM devyA mahAsuraM ||54||
iti ceti ca vaktavyA sA gatvA vacanAnmama|
yathA cAbhyeti samprItyA tathA kAryaM tvayA laghu ||55||
satatra gatvA yatrAste zailoddoze'tizobhane|
sAdevI tAM tataH prAha zlakSNaM madhurayA girA ||56||
dUta uvAca||
devi daityezvaraH zumbhastrèlokye paramezvaraH|
dUto'haM preSi tastena tvatsakAzamihAgataH ||57||
avyAhatAjJaH sarvAsu yaH sadA devayoniSu|
nirjitAkhila daityAriH sa yadAha zRNuSva tat ||58||
mamatrailokya makhilaM mamadevA vazAnugAH|
yajJabhAgAnahaM sarvAnupAznAmi pRthak pRthak ||59||
trailokyevararatnAni mama vazyAnyazeSataH|
tathaiva gajaratnaM ca hRtaM devendravAhanaM ||60||
kSIrodamathanodbhUta mazvaratnaM mamAmaraiH|
uccaiHzravasasaJjJaM tatpraNipatya samarpitaM ||61||
yAnicAnyAni deveSu gandharveSUrageSu ca |
ratnabhUtAni bhUtAni tAni mayyeva zobhane ||62||
strI ratnabhUtAM tAM devIM loke manyA mahe vayaM|
sA tvamasmAnupAgaccha yato ratnabhujo vayaM ||63||
mAMvA mamAnujaM vApi nizumbhamuruvikramam|
bhajatvaM caJcalApAjgi ratna bhUtAsi vai yataH ||64||
paramaizvarya matulaM prApsyase matparigrahAt|
etadbhudthyA samAlocya matparigrahatAM vraja ||65||
RSiruvAca||
ityuktA sA tadA devI gambhIrAntaHsmitA jagau|
durgA bhagavatI bhadrA yayedaM dhAryate jagat ||66||
devyuvAca||
satya muktaM tvayA nAtra mithyAkiJcittvayoditam|
trailokyAdhipatiH zumbho nizumbhazcApi tAdRzaH ||67||
kiM tvatra yatpratijJAtaM mithyA tatkriyate katham|
zrUyatAmalpabhuddhitvAt tpratijJA yA kRtA purA ||68||
yomAM jayati sajgrAme yo me darpaM vyapohati|
yome pratibalo loke sa me bhartA bhaviSyati ||69||
tadAgacchatu zumbho'tra nizumbho vA mahAsuraH|
mAM jitvA kiM cireNAtra pANiGgRhNAtumelaghu ||70||
dUta uvAca||
avaliptAsi maivaM tvaM devi brUhi mamAgrataH|
trailokyekaH pumAMstiSTed agre zumbhanizumbhayoH ||71||
anyeSAmapi daityAnAM sarve devA na vai yudhi|
kiM tiSThanti summukhe devi punaH strI tvamekikA ||72||
indrAdyAH sakalA devAstasthuryeSAM na saMyuge|
zumbhAdInAM kathaM teSAM strI prayAsyasi sammukham ||73||
sAtvaM gaccha mayaivoktA pArzvaM zumbhanizumbhayoH|
kezAkarSaNa nirdhUta gauravA mA gamiSyasi||74||
devyuvAca|
evametad balI zumbho nizumbhazcAtivIryavAn|
kiM karomi pratijJA me yadanAlocitApurA ||75||
satvaM gaccha mayoktaM te yadetattsarva mAdRtaH|
tadAcakSvA surendrAya sa ca yuktaM karotu yat ||76||
|| iti zrI mArkaNDeya purANe sAvarnike manvantare devi mahatmye devyA dUta saMvAdo nAma paJcamo dhyAyaH samAptam ||
Ahuti
klIM jayantI sAGgAyai sAyudhAyai sazaktikAyai saparivArAyai savAhanAyai dhUmrAkSyai viSNumAyAdi caturviMzad devatAbhyo mahAhutiM samarpayAmi namaH svAhA ||
Related Scriptures
अर्जुन कृत श्री दुर्गा स्तोत्रम्
13 verses
दकारादि दुर्गा अष्टोत्तर शत नामावलि
108 verses
देवी माहात्म्यं दुर्गा सप्तशति प्रथमोऽध्यायः
101 verses
देवी माहात्म्यं दुर्गा सप्तशति एकादशोऽध्यायः
55 verses
देवी माहात्म्यं दुर्गा सप्तशति द्वादशोऽध्यायः
41 verses
देवी माहात्म्यं दुर्गा सप्तशति द्वितीयोऽध्यायः
68 verses
About This Stotram
Overview
Devi Mahatmyam Durga Saptasati Chapter 5, titled Devya Duta Samvado (The Dialogue of the Goddess's Messenger), is the fifth chapter of the Devi Mahatmyam from the Markandeya Purana. It contains 75 Sanskrit verses narrating the exchange between the Devi's messenger and the demons Shumbha and Nishumbha, opening the second major episode (uttara charitra) of the text. The chapter belongs to the Shakta tradition and is associated with the deity Mahasaraswati in its introductory invocation.
What are the benefits of chanting Devya Duta Samvado?
- Protection from enemies and negative forces
- Attainment of courage and inner strength
- Victory in difficult endeavors
- Removal of obstacles and fears
When is the best time to recite this?
This chapter is traditionally recited during Navaratri and Durga Puja as part of the sequential reading of the Devi Mahatmyam. It can also be recited on other days dedicated to Goddess Durga, in the morning or evening.
What is the historical and traditional background?
The Devi Mahatmyam is part of the Markandeya Purana, generally placed between the 4th and 6th centuries CE. Chapter 5 begins the third and final cycle (charitra) of the text's battle narrative, setting the stage for the confrontation with Shumbha and Nishumbha. The text is composed in classical Sanskrit meters including anushtubh. The author is unknown; the composition is attributed within tradition to the sage Markandeya.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Devi Mahatmyam Durga Saptasati Chapter 4 — the preceding chapter containing the Shakradi Stuti hymns
- Devi Mahatmyam Durga Saptasati Chapter 6 — the following chapter, narrating the killing of the demon Dhumralochana