Devi Mahatmyam Durga Saptasati Chapter 4

devI mAhAtmyaM durgA saptazati caturtho'dhyAyaH

zloka 1

zakrAdistutirnAma caturdho'dhyAyaH ||

dhyAnaM

kAlAbhrAbhAM kaTAkSair ari kula bhayadAM mauli baddhendu rekhAM

zaGkha-cakraM kRpANaM trizikhamapi karai-rudvahantIM triner2tram |

siMha skandAdhirUDhAM tribhuvana-makhilaM tejasA pUrayantIM

dhyAye-ddurgAM jayAkhyAM tridaza-parivRtAM sevitAM siddhi kAmaiH ||

RSiruvAca ||1||

zakrAdayaH suragaNA nihate'tivIrye

tasmindurAtmani surAribale ca devyA |

tAM tuSTuvuH praNatinamrazirodharAMsA

vAgbhiH praharSapulakodgamacArudehAH || 2 ||

devyA yayA tatamidaM jagadAtmazaktyA

niHzeSadevagaNazaktisamUhamUrtyA |

tAmambikAmakhiladevamaharSipUjyAM

bhaktyA natAH sma vidadhAtuzubhAni sA naH ||3||

yasyAH prabhAvamatulaM bhagavAnananto

brahmA harazca nahi vaktumalaM balaM ca |

sA caNDikA'khila jagatparipAlanAya

nAzAya cAzubhabhayasya matiM karotu ||4||

yA zrIH svayaM sukRtinAM bhavaneSvalakSmIH

pApAtmanAM kRtadhiyAM hRdayeSu buddhiH |

zradthA satAM kulajanaprabhavasya lajjA

tAM tvAM natAH sma paripAlaya devi vizvam ||5||

kiM varNayAma tavarUpa macintyametat

kiJcAtivIryamasurakSayakAri bhUri |

kiM cAhaveSu caritAni tavAtbhutAni

sarveSu devyasuradevagaNAdikeSu | ||6||

hetuH samastajagatAM triguNApi doSaiH

na jJAyase hariharAdibhiravyapArA |

sarvAzrayAkhilamidaM jagadaMzabhUtaM

avyAkRtA hi paramA prakRtistvamAdyA ||6||

yasyAH samastasuratA samudIraNena

tRptiM prayAti sakaleSu makheSu devi |

svAhAsi vai pitR gaNasya ca tRpti hetu

ruccAryase tvamata eva janaiH svadhAca ||8||

yA muktiheturavicintya mahAvratA tvaM

abhyasyase suniyatendriyatatvasAraiH |

mokSArthibhirmunibhirastasamastadoSai

rvidyA'si sA bhagavatI paramA hi devi ||9||

zabdAtmikA suvimalargyajuSAM nidhAnaM

mudgItharamyapadapAThavatAM ca sAmnAm |

devI trayI bhagavatI bhavabhAvanAya

vArtAsi sarva jagatAM paramArtihantrI ||10||

medhAsi devi viditAkhilazAstrasArA

durgA'si durgabhavasAgarasanaurasaGgA |

zrIH kaiTa bhArihRdayaikakRtAdhivAsA

gaurI tvameva zazimaulikRta pratiSThA ||11||

ISatsahAsamamalaM paripUrNa candra

bimbAnukAri kanakottamakAntikAntam |

atyadbhutaM prahRtamAttaruSA tathApi

vaktraM vilokya sahasA mahiSAsureNa ||12||

dRSTvAtu devi kupitaM bhrukuTIkarAla

mudyacchazAGkasadRzacchavi yanna sadyaH |

prANAn mumoca mahiSastadatIva citraM

kairjIvyate hi kupitAntakadarzanena | ||13||

deviprasIda paramA bhavatI bhavAya

sadyo vinAzayasi kopavatI kulAni |

vijJAtametadadhunaiva yadastametat

nnItaM balaM suvipulaM mahiSAsurasya ||14||

te sammatA janapadeSu dhanAni teSAM

teSAM yazAMsi na ca sIdati dharmavargaH |

dhanyAsta​eva nibhRtAtmajabhRtyadArA

yeSAM sadAbhyudayadA bhavatI prasannA||15||

dharmyANi devi sakalAni sadaiva karmAni

NyatyAdRtaH pratidinaM sukRtI karoti |

svargaM prayAti ca tato bhavatI prasAdA

llokatraye'pi phaladA nanu devi tena ||16||

durge smRtA harasi bhIti mazeza jantoH

svasthaiH smRtA matimatIva zubhAM dadAsi |

dAridryaduHkhabhayahAriNi kA tvadanyA

sarvopakArakaraNAya sadArdracittA ||17||

ebhirhatairjagadupaiti sukhaM tathaite

kurvantu nAma narakAya cirAya pApam |

saGgrAmamRtyumadhigamya divamprayAntu

matveti nUnamahitAnvinihaMsi devi ||18||

dRSTvaiva kiM na bhavatI prakaroti bhasma

sarvAsurAnariSu yatprahiNoSi zastram |

lokAnprayAntu ripavo'pi hi zastrapUtA

itthaM matirbhavati teSvahi te'SusAdhvI ||19||

khaDga prabhAnikaravisphuraNaistadhograiH

zUlAgrakAntinivahena dRzo'surANAm |

yannAgatA vilayamaMzumadindukhaNDa

yogyAnanaM tava viloka yatAM tadetat ||20||

durvRtta vRtta zamanaM tava devi zIlaM

rUpaM tathaitadavicintyamatulyamanyaiH |

vIryaM ca hantR hRtadevaparAkramANAM

vairiSvapi prakaTitaiva dayA tvayettham ||21||

kenopamA bhavatu te'sya parAkramasya

rUpaM ca zatRbhaya kAryatihAri kutra |

cittekRpA samaraniSTuratA ca dRSTA

tvayyeva devi varade bhuvanatraye'pi ||22||

trailokyametadakhilaM ripunAzanena

trAtaM tvayA samaramUrdhani te'pi hatvA |

nItA divaM ripugaNA bhayamapyapAstaM

asmAkamunmadasurAribhavaM namaste ||23||

zUlena pAhi no devi pAhi khaDgena cAmbhike |

ghaNTAsvanena naH pAhi cApajyAnisvanena ca ||24||

prAcyAM rakSa pratIcyAM ca caNDike rakSa dakSiNe |

bhrAmaNenAtmazUlasya uttarasyAM tathezvarI||25||

saumyAni yAni rUpANi trailokye vicarantite |

yAni cAtyanta ghorANi tairakSAsmAMstathAbhuvam ||26||

khaDgazUlagadAdIni yAni cAstrANi te'mbike |

karapallavasaGgIni tairasmAnrakSa sarvataH ||27||

RSiruvAca ||28||

evaM stutA surairdivyaiH kusumairnandanodbhavaiH |

arcitA jagatAM dhAtrI tathA gandhAnu lepanaiH ||29||

bhaktyA samastaisri zairdivyairdhUpaiH sudhUpitA |

prAha prasAdasumukhI samastAn praNatAn surAn| ||30||

devyuvAca ||31||

vriyatAM tridazAH sarve yadasmatto'bhivAJchitam ||32||

devA Ucu ||33||

bhagavatyA kRtaM sarvaM na kiJcidavaziSyate |

yadayaM nihataH zatru rasmAkaM mahiSAsuraH ||34||

yadicApi varo deya stvayA'smAkaM mahezvari |

saMsmRtA saMsmRtA tvaM no hiM sethAHparamApadaH||35||

yazca martyaH stavairebhistvAM stoSyatyamalAnane |

tasya vittarddhivibhavairdhanadArAdi sampadAm ||36||

vRddaye' smatprasannA tvaM bhavethAH sarvadAmbhike ||37||

RSiruvAca ||38||

iti prasAditA devairjagato'rthe tathAtmanaH |

tathetyuktvA bhadrakAlI babhUvAntarhitA nRpa ||39||

ityetatkathitaM bhUpa sambhUtA sA yathApurA |

devI devazarIrebhyo jagatprayahitaiSiNI ||40||

punazca gaurI dehAtsA samudbhUtA yathAbhavat |

vadhAya duSTa daityAnAM tathA zumbhanizumbhayoH ||41||

rakSaNAya ca lokAnAM devAnAmupakAriNI |

tacchR NuSva mayAkhyAtaM yathAvatkathayAmite

hrIM OM ||42||

|| jaya jaya zrI mArkaNDeya purANe sAvarnike manvantare devi mahatmye zakrAdistutirnAma caturdho'dhyAyaH samAptam ||

Ahuti

hrIM jayantI sAGgAyai sAyudhAyai sazaktikAyai saparivArAyai savAhanAyai zrI mahAlakSmyai lakSmI bIjAdiSTAyai mahAhutiM samarpayAmi namaH svAhA ||