Devi Mahatmyam Durga Saptasati Chapter 4

দেবী মাহাত্ম্যং দুর্গা সপ্তশতি চতুর্থোঽধ্যাযঃ

শ্লোক 1

শক্রাদিস্তুতির্নাম চতুর্ধোঽধ্যাযঃ ॥

ধ্যানং

কালাভ্রাভাং কটাক্ষৈর্ অরি কুল ভযদাং মৌলি বদ্ধেন্দু রেখাং

শঙ্খ-চক্রং কৃপাণং ত্রিশিখমপি করৈ-রুদ্বহন্তীং ত্রিনের়্ত্রম্ ।

সিংহ স্কন্দাধিরূঢাং ত্রিভুবন-মখিলং তেজসা পূরযন্তীং

ধ্যাযে-দ্দুর্গাং জযাখ্যাং ত্রিদশ-পরিবৃতাং সেবিতাং সিদ্ধি কামৈঃ ॥

ঋষিরুবাচ

শ্লোক 2

শক্রাদযঃ সুরগণা নিহতেঽতিবীর্যে

তস্মিন্দুরাত্মনি সুরারিবলে চ দেব্যা ।

তাং তুষ্টুবুঃ প্রণতিনম্রশিরোধরাংসা

বাগ্ভিঃ প্রহর্ষপুলকোদ্গমচারুদেহাঃ

॥1॥

শ্লোক 3

দেব্যা যযা ততমিদং জগদাত্মশক্ত্যা

নিঃশেষদেবগণশক্তিসমূহমূর্ত্যা ।

তামম্বিকামখিলদেবমহর্ষিপূজ্যাং

ভক্ত্যা নতাঃ স্ম বিদধাতুশুভানি সা নঃ

॥ 2 ॥

শ্লোক 4

যস্যাঃ প্রভাবমতুলং ভগবাননন্তো

ব্রহ্মা হরশ্চ নহি বক্তুমলং বলং চ ।

সা চণ্ডিকাঽখিল জগত্পরিপালনায

নাশায চাশুভভযস্য মতিং করোতু

॥3॥

শ্লোক 5

যা শ্রীঃ স্বযং সুকৃতিনাং ভবনেষ্বলক্ষ্মীঃ

পাপাত্মনাং কৃতধিযাং হৃদযেষু বুদ্ধিঃ ।

শ্রদ্থা সতাং কুলজনপ্রভবস্য লজ্জা

তাং ত্বাং নতাঃ স্ম পরিপালয দেবি বিশ্বম্

॥4॥

শ্লোক 6

কিং বর্ণযাম তবরূপ মচিন্ত্যমেতত্

কিঞ্চাতিবীর্যমসুরক্ষযকারি ভূরি ।

কিং চাহবেষু চরিতানি তবাত্ভুতানি

সর্বেষু দেব্যসুরদেবগণাদিকেষু ।

॥5॥

শ্লোক 7

হেতুঃ সমস্তজগতাং ত্রিগুণাপি দোষৈঃ

ন জ্ঞাযসে হরিহরাদিভিরব্যপারা ।

সর্বাশ্রযাখিলমিদং জগদংশভূতং

অব্যাকৃতা হি পরমা প্রকৃতিস্ত্বমাদ্যা

॥6॥

শ্লোক 8

যস্যাঃ সমস্তসুরতা সমুদীরণেন

তৃপ্তিং প্রযাতি সকলেষু মখেষু দেবি ।

স্বাহাসি বৈ পিতৃ গণস্য চ তৃপ্তি হেতু

রুচ্চার্যসে ত্বমত এব জনৈঃ স্বধাচ

॥6॥

শ্লোক 9

যা মুক্তিহেতুরবিচিন্ত্য মহাব্রতা ত্বং

অভ্যস্যসে সুনিযতেন্দ্রিযতত্বসারৈঃ ।

মোক্ষার্থিভির্মুনিভিরস্তসমস্তদোষৈ

র্বিদ্যাঽসি সা ভগবতী পরমা হি দেবি

॥8॥

শ্লোক 10

শব্দাত্মিকা সুবিমলর্গ্যজুষাং নিধানং

মুদ্গীথরম্যপদপাঠবতাং চ সাম্নাম্ ।

দেবী ত্রযী ভগবতী ভবভাবনায

বার্তাসি সর্ব জগতাং পরমার্তিহন্ত্রী

॥9॥

শ্লোক 11

মেধাসি দেবি বিদিতাখিলশাস্ত্রসারা

দুর্গাঽসি দুর্গভবসাগরসনৌরসঙ্গা ।

শ্রীঃ কৈট ভারিহৃদযৈককৃতাধিবাসা

গৌরী ত্বমেব শশিমৌলিকৃত প্রতিষ্ঠা

॥10॥

শ্লোক 12

ঈষত্সহাসমমলং পরিপূর্ণ চন্দ্র

বিম্বানুকারি কনকোত্তমকান্তিকান্তম্ ।

অত্যদ্ভুতং প্রহৃতমাত্তরুষা তথাপি

বক্ত্রং বিলোক্য সহসা মহিষাসুরেণ

॥11॥

শ্লোক 13

দৃষ্ট্বাতু দেবি কুপিতং ভ্রুকুটীকরাল

মুদ্যচ্ছশাঙ্কসদৃশচ্ছবি যন্ন সদ্যঃ ।

প্রাণান্ মুমোচ মহিষস্তদতীব চিত্রং

কৈর্জীব্যতে হি কুপিতান্তকদর্শনেন ।

॥12॥

শ্লোক 14

দেবিপ্রসীদ পরমা ভবতী ভবায

সদ্যো বিনাশযসি কোপবতী কুলানি ।

বিজ্ঞাতমেতদধুনৈব যদস্তমেতত্

ন্নীতং বলং সুবিপুলং মহিষাসুরস্য

॥13॥

শ্লোক 15

তে সম্মতা জনপদেষু ধনানি তেষাং

তেষাং যশাংসি ন চ সীদতি ধর্মবর্গঃ ।

ধন্যাস্ত​এব নিভৃতাত্মজভৃত্যদারা

যেষাং সদাভ্যুদযদা ভবতী প্রসন্না

॥14॥

শ্লোক 16

ধর্ম্যাণি দেবি সকলানি সদৈব কর্মানি

ণ্যত্যাদৃতঃ প্রতিদিনং সুকৃতী করোতি ।

স্বর্গং প্রযাতি চ ততো ভবতী প্রসাদা

ল্লোকত্রযেঽপি ফলদা ননু দেবি তেন

॥15॥

শ্লোক 17

দুর্গে স্মৃতা হরসি ভীতি মশেশ জন্তোঃ

স্বস্থৈঃ স্মৃতা মতিমতীব শুভাং দদাসি ।

দারিদ্র্যদুঃখভযহারিণি কা ত্বদন্যা

সর্বোপকারকরণায সদার্দ্রচিত্তা

॥16॥

শ্লোক 18

এভির্হতৈর্জগদুপৈতি সুখং তথৈতে

কুর্বন্তু নাম নরকায চিরায পাপম্ ।

সঙ্গ্রামমৃত্যুমধিগম্য দিবম্প্রযান্তু

মত্বেতি নূনমহিতান্বিনিহংসি দেবি

॥17॥

শ্লোক 19

দৃষ্ট্বৈব কিং ন ভবতী প্রকরোতি ভস্ম

সর্বাসুরানরিষু যত্প্রহিণোষি শস্ত্রম্ ।

লোকান্প্রযান্তু রিপবোঽপি হি শস্ত্রপূতা

ইত্থং মতির্ভবতি তেষ্বহি তেঽষুসাধ্বী

॥18॥

শ্লোক 20

খড্গ প্রভানিকরবিস্ফুরণৈস্তধোগ্রৈঃ

শূলাগ্রকান্তিনিবহেন দৃশোঽসুরাণাম্ ।

যন্নাগতা বিলযমংশুমদিন্দুখণ্ড

যোগ্যাননং তব বিলোক যতাং তদেতত্

॥19॥

শ্লোক 21

দুর্বৃত্ত বৃত্ত শমনং তব দেবি শীলং

রূপং তথৈতদবিচিন্ত্যমতুল্যমন্যৈঃ ।

বীর্যং চ হন্তৃ হৃতদেবপরাক্রমাণাং

বৈরিষ্বপি প্রকটিতৈব দযা ত্বযেত্থম্

॥20॥

শ্লোক 22

কেনোপমা ভবতু তেঽস্য পরাক্রমস্য

রূপং চ শতৃভয কার্যতিহারি কুত্র ।

চিত্তেকৃপা সমরনিষ্টুরতা চ দৃষ্টা

ত্বয্যেব দেবি বরদে ভুবনত্রযেঽপি

॥21॥

শ্লোক 23

ত্রৈলোক্যমেতদখিলং রিপুনাশনেন

ত্রাতং ত্বযা সমরমূর্ধনি তেঽপি হত্বা ।

নীতা দিবং রিপুগণা ভযমপ্যপাস্তং

অস্মাকমুন্মদসুরারিভবং নমস্তে

॥22॥

শ্লোক 24

শূলেন পাহি নো দেবি পাহি খড্গেন চাম্ভিকে ।

ঘণ্টাস্বনেন নঃ পাহি চাপজ্যানিস্বনেন চ

॥23॥

শ্লোক 25

প্রাচ্যাং রক্ষ প্রতীচ্যাং চ চণ্ডিকে রক্ষ দক্ষিণে ।

ভ্রামণেনাত্মশূলস্য উত্তরস্যাং তথেশ্বরী

॥24॥

শ্লোক 26

সৌম্যানি যানি রূপাণি ত্রৈলোক্যে বিচরন্তিতে ।

যানি চাত্যন্ত ঘোরাণি তৈরক্ষাস্মাংস্তথাভুবম্

॥25॥

শ্লোক 27

খড্গশূলগদাদীনি যানি চাস্ত্রাণি তেঽম্বিকে ।

করপল্লবসঙ্গীনি তৈরস্মান্রক্ষ সর্বতঃ

॥26॥

শ্লোক 28

ঋষিরুবাচ

॥27॥

শ্লোক 29

এবং স্তুতা সুরৈর্দিব্যৈঃ কুসুমৈর্নন্দনোদ্ভবৈঃ ।

অর্চিতা জগতাং ধাত্রী তথা গন্ধানু লেপনৈঃ

॥28॥

শ্লোক 30

ভক্ত্যা সমস্তৈস্রি শৈর্দিব্যৈর্ধূপৈঃ সুধূপিতা ।

প্রাহ প্রসাদসুমুখী সমস্তান্ প্রণতান্ সুরান্।

॥29॥

শ্লোক 31

দেব্যুবাচ

॥30॥

শ্লোক 32

ব্রিযতাং ত্রিদশাঃ সর্বে যদস্মত্তোঽভিবাঞ্ছিতম্

॥31॥

শ্লোক 33

দেবা ঊচু

॥32॥

শ্লোক 34

ভগবত্যা কৃতং সর্বং ন কিঞ্চিদবশিষ্যতে ।

যদযং নিহতঃ শত্রু রস্মাকং মহিষাসুরঃ

॥33॥

শ্লোক 35

যদিচাপি বরো দেয স্ত্বযাঽস্মাকং মহেশ্বরি ।

সংস্মৃতা সংস্মৃতা ত্বং নো হিং সেথাঃপরমাপদঃ

॥34॥

শ্লোক 36

যশ্চ মর্ত্যঃ স্তবৈরেভিস্ত্বাং স্তোষ্যত্যমলাননে ।

তস্য বিত্তর্দ্ধিবিভবৈর্ধনদারাদি সম্পদাম্

॥35॥

শ্লোক 37

বৃদ্দযেঽ স্মত্প্রসন্না ত্বং ভবেথাঃ সর্বদাম্ভিকে

॥36॥

শ্লোক 38

ঋষিরুবাচ

॥37॥

শ্লোক 39

ইতি প্রসাদিতা দেবৈর্জগতোঽর্থে তথাত্মনঃ ।

তথেত্যুক্ত্বা ভদ্রকালী বভূবান্তর্হিতা নৃপ

॥38॥

শ্লোক 40

ইত্যেতত্কথিতং ভূপ সম্ভূতা সা যথাপুরা ।

দেবী দেবশরীরেভ্যো জগত্প্রযহিতৈষিণী

॥39॥

শ্লোক 41

পুনশ্চ গৌরী দেহাত্সা সমুদ্ভূতা যথাভবত্ ।

বধায দুষ্ট দৈত্যানাং তথা শুম্ভনিশুম্ভযোঃ

॥40॥

শ্লোক 42

রক্ষণায চ লোকানাং দেবানামুপকারিণী ।

তচ্ছৃ ণুষ্ব মযাখ্যাতং যথাবত্কথযামিতে

হ্রীং ওঁ

॥41॥

শ্লোক 43

॥ জয জয শ্রী মার্কণ্ডেয পুরাণে সাবর্নিকে মন্বন্তরে দেবি মহত্ম্যে শক্রাদিস্তুতির্নাম চতুর্ধোঽধ্যাযঃ সমাপ্তম্ ॥

আহুতি

হ্রীং জযন্তী সাঙ্গাযৈ সাযুধাযৈ সশক্তিকাযৈ সপরিবারাযৈ সবাহনাযৈ শ্রী মহালক্ষ্ম্যৈ লক্ষ্মী বীজাদিষ্টাযৈ মহাহুতিং সমর্পযামি নমঃ স্বাহা ॥