Devi Mahatmyam Durga Saptasati Chapter 3

දේවී මාහාත්ම්යං දුර්ගා සප්තශති තෘතීයෝ(අ)ධ්යායඃ

ශ්ලොක 1

මහිෂාසුරවධෝ නාම තෘතීයෝ(අ)ධ්යායඃ ..

ධ්යානං

ඕං උද්යද්භානුසහස්රකාන්තිං අරුණක්ෂෞමාං ශිරෝමාලිකාං

රක්තාලිප්ත පයෝධරාං ජපවටීං විද්යාමභීතිං වරම් .

හස්තාබ්ජෛර්ධධතීං ත්රිනේත්රවක්ත්රාරවින්දශ්රියං

දේවීං බද්ධහිමාංශුරත්නමකුටාං වන්දේ(අ)රවින්දස්ථිතාම් ..

ඍෂිරුවාච ..1..

නිහන්යමානං තත්සෛන්යං අවලෝක්ය මහාසුරඃ.

සේනානීශ්චික්ෂුරඃ කෝපාද් ධ්යයෞ යෝද්ධුමථාම්බිකාම් ..2..

ස දේවීං ශරවර්ෂේණ වවර්ෂ සමරේ(අ)සුරඃ.

යථා මේරුගිරේඃශෘඞ්ගං තෝයවර්ෂේණ තෝයදඃ ..3..

තස්ය ඡිත්වා තතෝ දේවී ලීලයෛව ශරෝත්කරාන්.

ජඝාන තුරගාන්බාණෛර්යන්තාරං චෛව වාජිනාම් ..4..

චිච්ඡේද ච ධනුඃසධ්යෝ ධ්වජං චාතිසමුච්ඡෘතම්.

විව්යාධ චෛව ගාත්රේෂු චින්නධන්වානමාශුගෛඃ ..5..

සච්ඡින්නධන්වා විරථෝ හතාශ්වෝ හතසාරථිඃ.

අභ්යධාවත තාං දේවීං ඛඩ්ගචර්මධරෝ(අ)සුරඃ ..6..

සිංහමාහත්ය ඛඩ්ගේන තීක්ෂ්ණධාරේණ මූර්ධනි.

ආජඝාන භුජේ සව්යේ දේවීං අව්යතිවේගවාන් ..6..

තස්යාඃ ඛඩ්ගෝ භුජං ප්රාප්ය පඵාල නෘපනන්දන.

තතෝ ජග්රාහ ශූලං ස කෝපාද් අරුණලෝචනඃ ..8..

චික්ෂේප ච තතස්තත්තු භද්රකාල්යාං මහාසුරඃ.

ජාජ්වල්යමානං තේජෝභී රවිබිම්බමිවාම්බරාත් ..9..

දෘෂ්ට්වා තදාපතච්ඡූලං දේවී ශූලමමුඤ්චත.

තච්ඡූලංශතධා තේන නීතං ශූලං ස ච මහාසුරඃ ..10..

හතේ තස්මින්මහාවීර්යේ මහිෂස්ය චමූපතෞ.

ආජගාම ගජාරූඩඃ ශ්චාමරස්ත්රිදශාර්දනඃ ..11..

සෝ(අ)පි ශක්තිම්මුමෝචාථ දේව්යාස්තාං අම්බිකා ද්රුතම්.

හුඞ්කාරාභිහතාං භූමෞ පාතයාමාසනිෂ්ප්රභාම් ..12..

භග්නාං ශක්තිං නිපතිතාං දෘෂ්ට්වා ක්රෝධසමන්විතඃ

චික්ෂේප චාමරඃ ශූලං බාණෛස්තදපි සාච්ඡිනත් ..13..

තතඃ සිංහඃසමුත්පත්ය ගජකුන්තරේ ම්භාන්තරේස්ථිතඃ.

බාහුයුද්ධේන යුයුධේ තේනෝච්චෛස්ත්රිදශාරිණා ..14..

යුධ්යමාන(අ)උ තතස්ත(අ)උ තු තස්මාන්නාගාන්මහීං ගත(අ)උ

යුයුධාතේ(අ)තිසංරබ්ධෞ ප්රහාරෛ අතිදාරුණෛඃ ..15..

තතෝ වේගාත් ඛමුත්පත්ය නිපත්ය ච මෘගාරිණා.

කරප්රහාරේණ ශිරශ්චාමරස්ය පෘථක් කෘතම් ..16..

උදග්රශ්ච රණේ දේව්යා ශිලාවෘක්ෂාදිභිර්හතඃ.

දන්ත මුෂ්ටිතලෛශ්චෛව කරාලශ්ච නිපාතිතඃ ..17..

දේවී කෘද්ධා ගදාපාතෛඃ ශ්චූර්ණයාමාස චෝද්ධතම්.

භාෂ්කලං භින්දිපාලේන බාණෛස්තාම්රං තථාන්ධකම් ..18..

උග්රාස්යමුග්රවීර්යං ච තථෛව ච මහාහනුම්

ත්රිනේත්රා ච ත්රිශූලේන ජඝාන පරමේශ්වරී ..19..

බිඩාලස්යාසිනා කායාත් පාතයාමාස වෛ ශිරඃ.

දුර්ධරං දුර්මුඛං චෝභෞ ශරෛර්නින්යේ යමක්ෂයම් ..20..

ඒවං සඞ්ක්ෂීයමාණේ තු ස්වසෛන්යේ මහිෂාසුරඃ.

මාහිෂේණ ස්වරූපේණ ත්රාසයාමාසතාන් ගණාන් ..21..

කාංශ්චිත්තුණ්ඩප්රහාරේණ ඛුරක්ෂේපෛස්තථාපරාන්.

ලාඞ්ගූලතාඩිතාංශ්චාන්යාන් ශෘඞ්ගාභ්යාං ච විදාරිතා ..22..

වේගේන කාංශ්චිදපරාන්නාදේන භ්රමණේන ච.

නිඃ ශ්වාසපවනේනාන්යාන් පාතයාමාස භූතලේ..23..

නිපාත්ය ප්රමථානීකමභ්යධාවත සෝ(අ)සුරඃ

සිංහං හන්තුං මහාදේව්යාඃ කෝපං චක්රේ තතෝ(අ)ම්භිකා ..24..

සෝ(අ)පි කෝපාන්මහාවීර්යඃ ඛුරක්ෂුණ්ණමහීතලඃ.

ශෘඞ්ගාභ්යාං පර්වතානුච්චාංශ්චික්ෂේප ච නනාද ච ..25..

වේග භ්රමණ වික්ෂුණ්ණා මහී තස්ය ව්යශීර්යත.

ලාඞ්ගූලේනාහතශ්චාබ්ධිඃ ප්ලාවයාමාස සර්වතඃ ..26..

ධුතශෘඞ්ග්විභින්නාශ්ච ඛණ්ඩං ඛණ්ඩං යයුර්ඝනාඃ.

ශ්වාසානිලාස්තාඃ ශතශෝ නිපේතුර්නභසෝ(අ)චලාඃ ..27..

ඉතික්රෝධසමාධ්මාතමාපතන්තං මහාසුරම්.

දෘෂ්ට්වා සා චණ්ඩිකා කෝපං තද්වධාය තදා(අ)කරෝත් ..28..

සා ක්ෂිත්ප්වා තස්ය වෛපාශං තං බබන්ධ මහාසුරම්.

තත්යාජමාහිෂං රූපං සෝ(අ)පි බද්ධෝ මහාමෘධේ ..29..

තතඃ සිංහෝ(අ)භවත්සධ්යෝ යාවත්තස්යාම්බිකා ශිරඃ.

ඡිනත්ති තාවත් පුරුෂඃ ඛඩ්ගපාණි රදෘශ්යත ..30..

තත ඒවාශු පුරුෂං දේවී චිච්ඡේද සායකෛඃ.

තං ඛඩ්ගචර්මණා සාර්ධං තතඃ සෝ(අ) භූන්මහා ගජඃ ..31..

කරේණ ච මහාසිංහං තං චකර්ෂ ජගර්ජච .

කර්ෂතස්තු කරං දේවී ඛඩ්ගේන නිරකෘන්තත ..32..

තතෝ මහාසුරෝ භූයෝ මාහිෂං වපුරාස්ථිතඃ.

තථෛව ක්ෂෝභයාමාස ත්රෛලෝක්යං සචරාචරම් ..33..

තතඃ ක්රුද්ධා ජගන්මාතා චණ්ඩිකා පාන මුත්තමම්.

පපෞ පුනඃ පුනශ්චෛව ජහාසාරුණලෝචනා ..34..

නනර්ද චාසුරඃ සෝ(අ)පි බලවීර්යමදෝද්ධතඃ.

විෂාණාභ්යාං ච චික්ෂේප චණ්ඩිකාං ප්රතිභූධරාන්..35..

සා ච තා න්ප්රහිතාං ස්තේන චූර්ණයන්තී ශරෝත්කරෛඃ.

උවාච තං මදෝද්ධූතමුඛරාගාකුලාක්ෂරම් ..36..

දේව්යු​උවාච..

ගර්ජ ගර්ජ ක්ෂණං මූඪ මධු යාවත්පිබාම්යහම්.

මයාත්වයි හතේ(අ)ත්රෛව ගර්ජිෂ්යන්ත්යාශු දේවතාඃ ..37..

ඍෂිරුවාච..

ඒවමුක්ත්වා සමුත්පත්ය සාරූඪා තං මහාසුරම්.

පාදේනා ක්රම්ය කණ්ඨේ ච ශූලේනෛන මතාඩයත් ..38..

තතඃ සෝ(අ)පි පදාක්රාන්තස්තයා නිජමුඛාත්තතඃ.

අර්ධ නිෂ්ක්රාන්ත ඒවාසීද්දේව්යා වීර්යේණ සංවෘතඃ ..40..

අර්ධ නිෂ්ක්රාන්ත ඒවාසෞ යුධ්යමානෝ මහාසුරඃ .

තයා මහාසිනා දේව්යා ශිරශ්ඡිත්ත්වා නිපාතිතඃ ..41..

තතෝ හාහාකෘතං සර්වං දෛත්යසෛන්යං නනාශ තත්.

ප්රහර්ෂං ච පරං ජග්මුඃ සකලා දේවතාගණාඃ ..42..

තුෂ්ටු වුස්තාං සුරා දේවීං සහදිව්යෛර්මහර්ෂිභිඃ.

ජගුර්ගුන්ධර්වපතයෝ නනෘතුශ්චාප්සරෝගණාඃ ..43..

.. ඉති ශ්රී මාර්කණ්ඩේය පුරාණේ සාවර්නිකේ මන්වන්තරේ දේවි මහත්ම්යේ මහිෂාසුරවධෝ නාම තෘතීයෝ(අ)ධ්යායං සමාප්තම් ..

ආහුති

හ්රීං ජයන්තී සාඞ්ගායෛ සායුධායෛ සශක්තිකායෛ සපරිවාරායෛ සවාහනායෛ ශ්රී මහාලක්ෂ්ම්යෛ ලක්ෂ්මී බීජාදිෂ්ටායෛ මහාහුතිං සමර්පයාමි නමඃ ස්වාහා ..