Devi Mahatmyam Durga Saptasati Chapter 3

ଦେଵୀ ମାହାତ୍ମ୍ଯଂ ଦୁର୍ଗା ସପ୍ତଶତି ତୃତୀଯୋଽଧ୍ଯାଯଃ

ଶ୍ଲୋକ 1

ମହିଷାସୁରଵଧୋ ନାମ ତୃତୀଯୋଽଧ୍ଯାଯଃ ॥

ଧ୍ଯାନଂ

ଓଁ ଉଦ୍ଯଦ୍ଭାନୁସହସ୍ରକାନ୍ତିଂ ଅରୁଣକ୍ଷୌମାଂ ଶିରୋମାଲିକାଂ

ରକ୍ତାଲିପ୍ତ ପଯୋଧରାଂ ଜପଵଟୀଂ ଵିଦ୍ଯାମଭୀତିଂ ଵରମ୍ ।

ହସ୍ତାବ୍ଜୈର୍ଧଧତୀଂ ତ୍ରିନେତ୍ରଵକ୍ତ୍ରାରଵିନ୍ଦଶ୍ରିଯଂ

ଦେଵୀଂ ବଦ୍ଧହିମାଂଶୁରତ୍ନମକୁଟାଂ ଵନ୍ଦେଽରଵିନ୍ଦସ୍ଥିତାମ୍ ॥

ଋଷିରୁଵାଚ

ଶ୍ଲୋକ 2

ନିହନ୍ଯମାନଂ ତତ୍ସୈନ୍ଯଂ ଅଵଲୋକ୍ଯ ମହାସୁରଃ।

ସେନାନୀଶ୍ଚିକ୍ଷୁରଃ କୋପାଦ୍ ଧ୍ଯଯୌ ଯୋଦ୍ଧୁମଥାମ୍ବିକାମ୍

॥1॥

ଶ୍ଲୋକ 3

ସ ଦେଵୀଂ ଶରଵର୍ଷେଣ ଵଵର୍ଷ ସମରେଽସୁରଃ।

ଯଥା ମେରୁଗିରେଃଶୃଙ୍ଗଂ ତୋଯଵର୍ଷେଣ ତୋଯଦଃ

॥2॥

ଶ୍ଲୋକ 4

ତସ୍ଯ ଛିତ୍ଵା ତତୋ ଦେଵୀ ଲୀଲଯୈଵ ଶରୋତ୍କରାନ୍।

ଜଘାନ ତୁରଗାନ୍ବାଣୈର୍ଯନ୍ତାରଂ ଚୈଵ ଵାଜିନାମ୍

॥3॥

ଶ୍ଲୋକ 5

ଚିଚ୍ଛେଦ ଚ ଧନୁଃସଧ୍ଯୋ ଧ୍ଵଜଂ ଚାତିସମୁଚ୍ଛୃତମ୍।

ଵିଵ୍ଯାଧ ଚୈଵ ଗାତ୍ରେଷୁ ଚିନ୍ନଧନ୍ଵାନମାଶୁଗୈଃ

॥4॥

ଶ୍ଲୋକ 6

ସଚ୍ଛିନ୍ନଧନ୍ଵା ଵିରଥୋ ହତାଶ୍ଵୋ ହତସାରଥିଃ।

ଅଭ୍ଯଧାଵତ ତାଂ ଦେଵୀଂ ଖଡ୍ଗଚର୍ମଧରୋଽସୁରଃ

॥5॥

ଶ୍ଲୋକ 7

ସିଂହମାହତ୍ଯ ଖଡ୍ଗେନ ତୀକ୍ଷ୍ଣଧାରେଣ ମୂର୍ଧନି।

ଆଜଘାନ ଭୁଜେ ସଵ୍ଯେ ଦେଵୀଂ ଅଵ୍ଯତିଵେଗଵାନ୍

॥6॥

ଶ୍ଲୋକ 8

ତସ୍ଯାଃ ଖଡ୍ଗୋ ଭୁଜଂ ପ୍ରାପ୍ଯ ପଫାଲ ନୃପନନ୍ଦନ।

ତତୋ ଜଗ୍ରାହ ଶୂଲଂ ସ କୋପାଦ୍ ଅରୁଣଲୋଚନଃ

॥6॥

ଶ୍ଲୋକ 9

ଚିକ୍ଷେପ ଚ ତତସ୍ତତ୍ତୁ ଭଦ୍ରକାଲ୍ଯାଂ ମହାସୁରଃ।

ଜାଜ୍ଵଲ୍ଯମାନଂ ତେଜୋଭୀ ରଵିବିମ୍ବମିଵାମ୍ବରାତ୍

॥8॥

ଶ୍ଲୋକ 10

ଦୃଷ୍ଟ୍ଵା ତଦାପତଚ୍ଛୂଲଂ ଦେଵୀ ଶୂଲମମୁଞ୍ଚତ।

ତଚ୍ଛୂଲଂଶତଧା ତେନ ନୀତଂ ଶୂଲଂ ସ ଚ ମହାସୁରଃ

॥9॥

ଶ୍ଲୋକ 11

ହତେ ତସ୍ମିନ୍ମହାଵୀର୍ଯେ ମହିଷସ୍ଯ ଚମୂପତୌ।

ଆଜଗାମ ଗଜାରୂଡଃ ଶ୍ଚାମରସ୍ତ୍ରିଦଶାର୍ଦନଃ

॥10॥

ଶ୍ଲୋକ 12

ସୋଽପି ଶକ୍ତିମ୍ମୁମୋଚାଥ ଦେଵ୍ଯାସ୍ତାଂ ଅମ୍ବିକା ଦ୍ରୁତମ୍।

ହୁଙ୍କାରାଭିହତାଂ ଭୂମୌ ପାତଯାମାସନିଷ୍ପ୍ରଭାମ୍

॥11॥

ଶ୍ଲୋକ 13

ଭଗ୍ନାଂ ଶକ୍ତିଂ ନିପତିତାଂ ଦୃଷ୍ଟ୍ଵା କ୍ରୋଧସମନ୍ଵିତଃ

ଚିକ୍ଷେପ ଚାମରଃ ଶୂଲଂ ବାଣୈସ୍ତଦପି ସାଚ୍ଛିନତ୍

॥12॥

ଶ୍ଲୋକ 14

ତତଃ ସିଂହଃସମୁତ୍ପତ୍ଯ ଗଜକୁନ୍ତରେ ମ୍ଭାନ୍ତରେସ୍ଥିତଃ।

ବାହୁଯୁଦ୍ଧେନ ଯୁଯୁଧେ ତେନୋଚ୍ଚୈସ୍ତ୍ରିଦଶାରିଣା

॥13॥

ଶ୍ଲୋକ 15

ଯୁଧ୍ଯମାନଽଉ ତତସ୍ତଽଉ ତୁ ତସ୍ମାନ୍ନାଗାନ୍ମହୀଂ ଗତଽଉ

ଯୁଯୁଧାତେଽତିସଂରବ୍ଧୌ ପ୍ରହାରୈ ଅତିଦାରୁଣୈଃ

॥14॥

ଶ୍ଲୋକ 16

ତତୋ ଵେଗାତ୍ ଖମୁତ୍ପତ୍ଯ ନିପତ୍ଯ ଚ ମୃଗାରିଣା।

କରପ୍ରହାରେଣ ଶିରଶ୍ଚାମରସ୍ଯ ପୃଥକ୍ କୃତମ୍

॥15॥

ଶ୍ଲୋକ 17

ଉଦଗ୍ରଶ୍ଚ ରଣେ ଦେଵ୍ଯା ଶିଲାଵୃକ୍ଷାଦିଭିର୍ହତଃ।

ଦନ୍ତ ମୁଷ୍ଟିତଲୈଶ୍ଚୈଵ କରାଲଶ୍ଚ ନିପାତିତଃ

॥16॥

ଶ୍ଲୋକ 18

ଦେଵୀ କୃଦ୍ଧା ଗଦାପାତୈଃ ଶ୍ଚୂର୍ଣଯାମାସ ଚୋଦ୍ଧତମ୍।

ଭାଷ୍କଲଂ ଭିନ୍ଦିପାଲେନ ବାଣୈସ୍ତାମ୍ରଂ ତଥାନ୍ଧକମ୍

॥17॥

ଶ୍ଲୋକ 19

ଉଗ୍ରାସ୍ଯମୁଗ୍ରଵୀର୍ଯଂ ଚ ତଥୈଵ ଚ ମହାହନୁମ୍

ତ୍ରିନେତ୍ରା ଚ ତ୍ରିଶୂଲେନ ଜଘାନ ପରମେଶ୍ଵରୀ

॥18॥

ଶ୍ଲୋକ 20

ବିଡାଲସ୍ଯାସିନା କାଯାତ୍ ପାତଯାମାସ ଵୈ ଶିରଃ।

ଦୁର୍ଧରଂ ଦୁର୍ମୁଖଂ ଚୋଭୌ ଶରୈର୍ନିନ୍ଯେ ଯମକ୍ଷଯମ୍

॥19॥

ଶ୍ଲୋକ 21

ଏଵଂ ସଙ୍କ୍ଷୀଯମାଣେ ତୁ ସ୍ଵସୈନ୍ଯେ ମହିଷାସୁରଃ।

ମାହିଷେଣ ସ୍ଵରୂପେଣ ତ୍ରାସଯାମାସତାନ୍ ଗଣାନ୍

॥20॥

ଶ୍ଲୋକ 22

କାଂଶ୍ଚିତ୍ତୁଣ୍ଡପ୍ରହାରେଣ ଖୁରକ୍ଷେପୈସ୍ତଥାପରାନ୍।

ଲାଙ୍ଗୂଲତାଡିତାଂଶ୍ଚାନ୍ଯାନ୍ ଶୃଙ୍ଗାଭ୍ଯାଂ ଚ ଵିଦାରିତା

॥21॥

ଶ୍ଲୋକ 23

ଵେଗେନ କାଂଶ୍ଚିଦପରାନ୍ନାଦେନ ଭ୍ରମଣେନ ଚ।

ନିଃ ଶ୍ଵାସପଵନେନାନ୍ଯାନ୍ ପାତଯାମାସ ଭୂତଲେ

॥22॥

ଶ୍ଲୋକ 24

ନିପାତ୍ଯ ପ୍ରମଥାନୀକମଭ୍ଯଧାଵତ ସୋଽସୁରଃ

ସିଂହଂ ହନ୍ତୁଂ ମହାଦେଵ୍ଯାଃ କୋପଂ ଚକ୍ରେ ତତୋଽମ୍ଭିକା

॥23॥

ଶ୍ଲୋକ 25

ସୋଽପି କୋପାନ୍ମହାଵୀର୍ଯଃ ଖୁରକ୍ଷୁଣ୍ଣମହୀତଲଃ।

ଶୃଙ୍ଗାଭ୍ଯାଂ ପର୍ଵତାନୁଚ୍ଚାଂଶ୍ଚିକ୍ଷେପ ଚ ନନାଦ ଚ

॥24॥

ଶ୍ଲୋକ 26

ଵେଗ ଭ୍ରମଣ ଵିକ୍ଷୁଣ୍ଣା ମହୀ ତସ୍ଯ ଵ୍ଯଶୀର୍ଯତ।

ଲାଙ୍ଗୂଲେନାହତଶ୍ଚାବ୍ଧିଃ ପ୍ଲାଵଯାମାସ ସର୍ଵତଃ

॥25॥

ଶ୍ଲୋକ 27

ଧୁତଶୃଙ୍ଗ୍ଵିଭିନ୍ନାଶ୍ଚ ଖଣ୍ଡଂ ଖଣ୍ଡଂ ଯଯୁର୍ଘନାଃ।

ଶ୍ଵାସାନିଲାସ୍ତାଃ ଶତଶୋ ନିପେତୁର୍ନଭସୋଽଚଲାଃ

॥26॥

ଶ୍ଲୋକ 28

ଇତିକ୍ରୋଧସମାଧ୍ମାତମାପତନ୍ତଂ ମହାସୁରମ୍।

ଦୃଷ୍ଟ୍ଵା ସା ଚଣ୍ଡିକା କୋପଂ ତଦ୍ଵଧାଯ ତଦାଽକରୋତ୍

॥27॥

ଶ୍ଲୋକ 29

ସା କ୍ଷିତ୍ପ୍ଵା ତସ୍ଯ ଵୈପାଶଂ ତଂ ବବନ୍ଧ ମହାସୁରମ୍।

ତତ୍ଯାଜମାହିଷଂ ରୂପଂ ସୋଽପି ବଦ୍ଧୋ ମହାମୃଧେ

॥28॥

ଶ୍ଲୋକ 30

ତତଃ ସିଂହୋଽଭଵତ୍ସଧ୍ଯୋ ଯାଵତ୍ତସ୍ଯାମ୍ବିକା ଶିରଃ।

ଛିନତ୍ତି ତାଵତ୍ ପୁରୁଷଃ ଖଡ୍ଗପାଣି ରଦୃଶ୍ଯତ

॥29॥

ଶ୍ଲୋକ 31

ତତ ଏଵାଶୁ ପୁରୁଷଂ ଦେଵୀ ଚିଚ୍ଛେଦ ସାଯକୈଃ।

ତଂ ଖଡ୍ଗଚର୍ମଣା ସାର୍ଧଂ ତତଃ ସୋଽ ଭୂନ୍ମହା ଗଜଃ

॥30॥

ଶ୍ଲୋକ 32

କରେଣ ଚ ମହାସିଂହଂ ତଂ ଚକର୍ଷ ଜଗର୍ଜଚ ।

କର୍ଷତସ୍ତୁ କରଂ ଦେଵୀ ଖଡ୍ଗେନ ନିରକୃନ୍ତତ

॥31॥

ଶ୍ଲୋକ 33

ତତୋ ମହାସୁରୋ ଭୂଯୋ ମାହିଷଂ ଵପୁରାସ୍ଥିତଃ।

ତଥୈଵ କ୍ଷୋଭଯାମାସ ତ୍ରୈଲୋକ୍ଯଂ ସଚରାଚରମ୍

॥32॥

ଶ୍ଲୋକ 34

ତତଃ କ୍ରୁଦ୍ଧା ଜଗନ୍ମାତା ଚଣ୍ଡିକା ପାନ ମୁତ୍ତମମ୍।

ପପୌ ପୁନଃ ପୁନଶ୍ଚୈଵ ଜହାସାରୁଣଲୋଚନା

॥33॥

ଶ୍ଲୋକ 35

ନନର୍ଦ ଚାସୁରଃ ସୋଽପି ବଲଵୀର୍ଯମଦୋଦ୍ଧତଃ।

ଵିଷାଣାଭ୍ଯାଂ ଚ ଚିକ୍ଷେପ ଚଣ୍ଡିକାଂ ପ୍ରତିଭୂଧରାନ୍

॥34॥

ଶ୍ଲୋକ 36

ସା ଚ ତା ନ୍ପ୍ରହିତାଂ ସ୍ତେନ ଚୂର୍ଣଯନ୍ତୀ ଶରୋତ୍କରୈଃ।

ଉଵାଚ ତଂ ମଦୋଦ୍ଧୂତମୁଖରାଗାକୁଲାକ୍ଷରମ୍

॥35॥

ଶ୍ଲୋକ 37

ଦେଵ୍ଯୁ​ଉଵାଚ॥

ଗର୍ଜ ଗର୍ଜ କ୍ଷଣଂ ମୂଢ ମଧୁ ଯାଵତ୍ପିବାମ୍ଯହମ୍।

ମଯାତ୍ଵଯି ହତେଽତ୍ରୈଵ ଗର୍ଜିଷ୍ଯନ୍ତ୍ଯାଶୁ ଦେଵତାଃ

॥36॥

ଶ୍ଲୋକ 38

ଋଷିରୁଵାଚ॥

ଏଵମୁକ୍ତ୍ଵା ସମୁତ୍ପତ୍ଯ ସାରୂଢା ତଂ ମହାସୁରମ୍।

ପାଦେନା କ୍ରମ୍ଯ କଣ୍ଠେ ଚ ଶୂଲେନୈନ ମତାଡଯତ୍

॥37॥

ଶ୍ଲୋକ 39

ତତଃ ସୋଽପି ପଦାକ୍ରାନ୍ତସ୍ତଯା ନିଜମୁଖାତ୍ତତଃ।

ଅର୍ଧ ନିଷ୍କ୍ରାନ୍ତ ଏଵାସୀଦ୍ଦେଵ୍ଯା ଵୀର୍ଯେଣ ସଂଵୃତଃ

॥38॥

ଶ୍ଲୋକ 40

ଅର୍ଧ ନିଷ୍କ୍ରାନ୍ତ ଏଵାସୌ ଯୁଧ୍ଯମାନୋ ମହାସୁରଃ ।

ତଯା ମହାସିନା ଦେଵ୍ଯା ଶିରଶ୍ଛିତ୍ତ୍ଵା ନିପାତିତଃ

॥40॥

ଶ୍ଲୋକ 41

ତତୋ ହାହାକୃତଂ ସର୍ଵଂ ଦୈତ୍ଯସୈନ୍ଯଂ ନନାଶ ତତ୍।

ପ୍ରହର୍ଷଂ ଚ ପରଂ ଜଗ୍ମୁଃ ସକଲା ଦେଵତାଗଣାଃ

॥41॥

ଶ୍ଲୋକ 42

ତୁଷ୍ଟୁ ଵୁସ୍ତାଂ ସୁରା ଦେଵୀଂ ସହଦିଵ୍ଯୈର୍ମହର୍ଷିଭିଃ।

ଜଗୁର୍ଗୁନ୍ଧର୍ଵପତଯୋ ନନୃତୁଶ୍ଚାପ୍ସରୋଗଣାଃ

॥42॥

ଶ୍ଲୋକ 43

॥ ଇତି ଶ୍ରୀ ମାର୍କଣ୍ଡେଯ ପୁରାଣେ ସାଵର୍ନିକେ ମନ୍ଵନ୍ତରେ ଦେଵି ମହତ୍ମ୍ଯେ ମହିଷାସୁରଵଧୋ ନାମ ତୃତୀଯୋଽଧ୍ଯାଯଂ ସମାପ୍ତମ୍ ॥

ଆହୁତି

ହ୍ରୀଂ ଜଯନ୍ତୀ ସାଙ୍ଗାଯୈ ସାଯୁଧାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ଶ୍ରୀ ମହାଲକ୍ଷ୍ମ୍ଯୈ ଲକ୍ଷ୍ମୀ ବୀଜାଦିଷ୍ଟାଯୈ ମହାହୁତିଂ ସମର୍ପଯାମି ନମଃ ସ୍ଵାହା ॥