Devi Mahatmyam Durga Saptasati Chapter 3

devI mAhAtmyaM durgA saptazati tRtIyo'dhyAyaH

zloka 1

mahiSAsuravadho nAma tRtIyo'dhyAyaH ||

dhyAnaM

OM udyadbhAnusahasrakAntiM aruNakSaumAM ziromAlikAM

raktAlipta payodharAM japavaTIM vidyAmabhItiM varam |

hastAbjairdhadhatIM trinetravaktrAravindazriyaM

devIM baddhahimAMzuratnamakuTAM vande'ravindasthitAm ||

RSiruvAca ||1||

nihanyamAnaM tatsainyaM avalokya mahAsuraH|

senAnIzcikSuraH kopAd dhyayau yoddhumathAmbikAm ||2||

sa devIM zaravarSeNa vavarSa samare'suraH|

yathA merugireHzRGgaM toyavarSeNa toyadaH ||3||

tasya chitvA tato devI lIlayaiva zarotkarAn|

jaghAna turagAnbANairyantAraM caiva vAjinAm ||4||

ciccheda ca dhanuHsadhyo dhvajaM cAtisamucchRtam|

vivyAdha caiva gAtreSu cinnadhanvAnamAzugaiH ||5||

sacchinnadhanvA viratho hatAzvo hatasArathiH|

abhyadhAvata tAM devIM khaDgacarmadharo'suraH ||6||

siMhamAhatya khaDgena tIkSNadhAreNa mUrdhani|

AjaghAna bhuje savye devIM avyativegavAn ||6||

tasyAH khaDgo bhujaM prApya paphAla nRpanandana|

tato jagrAha zUlaM sa kopAd aruNalocanaH ||8||

cikSepa ca tatastattu bhadrakAlyAM mahAsuraH|

jAjvalyamAnaM tejobhI ravibimbamivAmbarAt ||9||

dRSTvA tadApatacchUlaM devI zUlamamuJcata|

tacchUlaMzatadhA tena nItaM zUlaM sa ca mahAsuraH ||10||

hate tasminmahAvIrye mahiSasya camUpatau|

AjagAma gajArUDaH zcAmarastridazArdanaH ||11||

so'pi zaktimmumocAtha devyAstAM ambikA drutam|

huGkArAbhihatAM bhUmau pAtayAmAsaniSprabhAm ||12||

bhagnAM zaktiM nipatitAM dRSTvA krodhasamanvitaH

cikSepa cAmaraH zUlaM bANaistadapi sAcchinat ||13||

tataH siMhaHsamutpatya gajakuntare mbhAntaresthitaH|

bAhuyuddhena yuyudhe tenoccaistridazAriNA ||14||

yudhyamAna'u tatasta'u tu tasmAnnAgAnmahIM gata'u

yuyudhAte'tisaMrabdhau prahArai atidAruNaiH ||15||

tato vegAt khamutpatya nipatya ca mRgAriNA|

karaprahAreNa zirazcAmarasya pRthak kRtam ||16||

udagrazca raNe devyA zilAvRkSAdibhirhataH|

danta muSTitalaizcaiva karAlazca nipAtitaH ||17||

devI kRddhA gadApAtaiH zcUrNayAmAsa coddhatam|

bhASkalaM bhindipAlena bANaistAmraM tathAndhakam ||18||

ugrAsyamugravIryaM ca tathaiva ca mahAhanum

trinetrA ca trizUlena jaghAna paramezvarI ||19||

biDAlasyAsinA kAyAt pAtayAmAsa vai ziraH|

durdharaM durmukhaM cobhau zarairninye yamakSayam ||20||

evaM saGkSIyamANe tu svasainye mahiSAsuraH|

mAhiSeNa svarUpeNa trAsayAmAsatAn gaNAn ||21||

kAMzcittuNDaprahAreNa khurakSepaistathAparAn|

lAGgUlatADitAMzcAnyAn zRGgAbhyAM ca vidAritA ||22||

vegena kAMzcidaparAnnAdena bhramaNena ca|

niH zvAsapavanenAnyAn pAtayAmAsa bhUtale||23||

nipAtya pramathAnIkamabhyadhAvata so'suraH

siMhaM hantuM mahAdevyAH kopaM cakre tato'mbhikA ||24||

so'pi kopAnmahAvIryaH khurakSuNNamahItalaH|

zRGgAbhyAM parvatAnuccAMzcikSepa ca nanAda ca ||25||

vega bhramaNa vikSuNNA mahI tasya vyazIryata|

lAGgUlenAhatazcAbdhiH plAvayAmAsa sarvataH ||26||

dhutazRGgvibhinnAzca khaNDaM khaNDaM yayurghanAH|

zvAsAnilAstAH zatazo nipeturnabhaso'calAH ||27||

itikrodhasamAdhmAtamApatantaM mahAsuram|

dRSTvA sA caNDikA kopaM tadvadhAya tadA'karot ||28||

sA kSitpvA tasya vaipAzaM taM babandha mahAsuram|

tatyAjamAhiSaM rUpaM so'pi baddho mahAmRdhe ||29||

tataH siMho'bhavatsadhyo yAvattasyAmbikA ziraH|

chinatti tAvat puruSaH khaDgapANi radRzyata ||30||

tata evAzu puruSaM devI ciccheda sAyakaiH|

taM khaDgacarmaNA sArdhaM tataH so' bhUnmahA gajaH ||31||

kareNa ca mahAsiMhaM taM cakarSa jagarjaca |

karSatastu karaM devI khaDgena nirakRntata ||32||

tato mahAsuro bhUyo mAhiSaM vapurAsthitaH|

tathaiva kSobhayAmAsa trailokyaM sacarAcaram ||33||

tataH kruddhA jaganmAtA caNDikA pAna muttamam|

papau punaH punazcaiva jahAsAruNalocanA ||34||

nanarda cAsuraH so'pi balavIryamadoddhataH|

viSANAbhyAM ca cikSepa caNDikAM pratibhUdharAn||35||

sA ca tA nprahitAM stena cUrNayantI zarotkaraiH|

uvAca taM madoddhUtamukharAgAkulAkSaram ||36||

devyu​uvAca||

garja garja kSaNaM mUDha madhu yAvatpibAmyaham|

mayAtvayi hate'traiva garjiSyantyAzu devatAH ||37||

RSiruvAca||

evamuktvA samutpatya sArUDhA taM mahAsuram|

pAdenA kramya kaNThe ca zUlenaina matADayat ||38||

tataH so'pi padAkrAntastayA nijamukhAttataH|

ardha niSkrAnta evAsIddevyA vIryeNa saMvRtaH ||40||

ardha niSkrAnta evAsau yudhyamAno mahAsuraH |

tayA mahAsinA devyA zirazchittvA nipAtitaH ||41||

tato hAhAkRtaM sarvaM daityasainyaM nanAza tat|

praharSaM ca paraM jagmuH sakalA devatAgaNAH ||42||

tuSTu vustAM surA devIM sahadivyairmaharSibhiH|

jagurgundharvapatayo nanRtuzcApsarogaNAH ||43||

|| iti zrI mArkaNDeya purANe sAvarnike manvantare devi mahatmye mahiSAsuravadho nAma tRtIyo'dhyAyaM samAptam ||

Ahuti

hrIM jayantI sAGgAyai sAyudhAyai sazaktikAyai saparivArAyai savAhanAyai zrI mahAlakSmyai lakSmI bIjAdiSTAyai mahAhutiM samarpayAmi namaH svAhA ||