Devi Mahatmyam Durga Saptasati Chapter 3

দেবী মাহাত্ম্যং দুর্গা সপ্তশতি তৃতীযোঽধ্যাযঃ

শ্লোক 1

মহিষাসুরবধো নাম তৃতীযোঽধ্যাযঃ ॥

ধ্যানং

ওঁ উদ্যদ্ভানুসহস্রকান্তিং অরুণক্ষৌমাং শিরোমালিকাং

রক্তালিপ্ত পযোধরাং জপবটীং বিদ্যামভীতিং বরম্ ।

হস্তাব্জৈর্ধধতীং ত্রিনেত্রবক্ত্রারবিন্দশ্রিযং

দেবীং বদ্ধহিমাংশুরত্নমকুটাং বন্দেঽরবিন্দস্থিতাম্ ॥

ঋষিরুবাচ

শ্লোক 2

নিহন্যমানং তত্সৈন্যং অবলোক্য মহাসুরঃ।

সেনানীশ্চিক্ষুরঃ কোপাদ্ ধ্যযৌ যোদ্ধুমথাম্বিকাম্

॥1॥

শ্লোক 3

স দেবীং শরবর্ষেণ ববর্ষ সমরেঽসুরঃ।

যথা মেরুগিরেঃশৃঙ্গং তোযবর্ষেণ তোযদঃ

॥2॥

শ্লোক 4

তস্য ছিত্বা ততো দেবী লীলযৈব শরোত্করান্।

জঘান তুরগান্বাণৈর্যন্তারং চৈব বাজিনাম্

॥3॥

শ্লোক 5

চিচ্ছেদ চ ধনুঃসধ্যো ধ্বজং চাতিসমুচ্ছৃতম্।

বিব্যাধ চৈব গাত্রেষু চিন্নধন্বানমাশুগৈঃ

॥4॥

শ্লোক 6

সচ্ছিন্নধন্বা বিরথো হতাশ্বো হতসারথিঃ।

অভ্যধাবত তাং দেবীং খড্গচর্মধরোঽসুরঃ

॥5॥

শ্লোক 7

সিংহমাহত্য খড্গেন তীক্ষ্ণধারেণ মূর্ধনি।

আজঘান ভুজে সব্যে দেবীং অব্যতিবেগবান্

॥6॥

শ্লোক 8

তস্যাঃ খড্গো ভুজং প্রাপ্য পফাল নৃপনন্দন।

ততো জগ্রাহ শূলং স কোপাদ্ অরুণলোচনঃ

॥6॥

শ্লোক 9

চিক্ষেপ চ ততস্তত্তু ভদ্রকাল্যাং মহাসুরঃ।

জাজ্বল্যমানং তেজোভী রবিবিম্বমিবাম্বরাত্

॥8॥

শ্লোক 10

দৃষ্ট্বা তদাপতচ্ছূলং দেবী শূলমমুঞ্চত।

তচ্ছূলংশতধা তেন নীতং শূলং স চ মহাসুরঃ

॥9॥

শ্লোক 11

হতে তস্মিন্মহাবীর্যে মহিষস্য চমূপতৌ।

আজগাম গজারূডঃ শ্চামরস্ত্রিদশার্দনঃ

॥10॥

শ্লোক 12

সোঽপি শক্তিম্মুমোচাথ দেব্যাস্তাং অম্বিকা দ্রুতম্।

হুঙ্কারাভিহতাং ভূমৌ পাতযামাসনিষ্প্রভাম্

॥11॥

শ্লোক 13

ভগ্নাং শক্তিং নিপতিতাং দৃষ্ট্বা ক্রোধসমন্বিতঃ

চিক্ষেপ চামরঃ শূলং বাণৈস্তদপি সাচ্ছিনত্

॥12॥

শ্লোক 14

ততঃ সিংহঃসমুত্পত্য গজকুন্তরে ম্ভান্তরেস্থিতঃ।

বাহুযুদ্ধেন যুযুধে তেনোচ্চৈস্ত্রিদশারিণা

॥13॥

শ্লোক 15

যুধ্যমানঽউ ততস্তঽউ তু তস্মান্নাগান্মহীং গতঽউ

যুযুধাতেঽতিসংরব্ধৌ প্রহারৈ অতিদারুণৈঃ

॥14॥

শ্লোক 16

ততো বেগাত্ খমুত্পত্য নিপত্য চ মৃগারিণা।

করপ্রহারেণ শিরশ্চামরস্য পৃথক্ কৃতম্

॥15॥

শ্লোক 17

উদগ্রশ্চ রণে দেব্যা শিলাবৃক্ষাদিভির্হতঃ।

দন্ত মুষ্টিতলৈশ্চৈব করালশ্চ নিপাতিতঃ

॥16॥

শ্লোক 18

দেবী কৃদ্ধা গদাপাতৈঃ শ্চূর্ণযামাস চোদ্ধতম্।

ভাষ্কলং ভিন্দিপালেন বাণৈস্তাম্রং তথান্ধকম্

॥17॥

শ্লোক 19

উগ্রাস্যমুগ্রবীর্যং চ তথৈব চ মহাহনুম্

ত্রিনেত্রা চ ত্রিশূলেন জঘান পরমেশ্বরী

॥18॥

শ্লোক 20

বিডালস্যাসিনা কাযাত্ পাতযামাস বৈ শিরঃ।

দুর্ধরং দুর্মুখং চোভৌ শরৈর্নিন্যে যমক্ষযম্

॥19॥

শ্লোক 21

এবং সঙ্ক্ষীযমাণে তু স্বসৈন্যে মহিষাসুরঃ।

মাহিষেণ স্বরূপেণ ত্রাসযামাসতান্ গণান্

॥20॥

শ্লোক 22

কাংশ্চিত্তুণ্ডপ্রহারেণ খুরক্ষেপৈস্তথাপরান্।

লাঙ্গূলতাডিতাংশ্চান্যান্ শৃঙ্গাভ্যাং চ বিদারিতা

॥21॥

শ্লোক 23

বেগেন কাংশ্চিদপরান্নাদেন ভ্রমণেন চ।

নিঃ শ্বাসপবনেনান্যান্ পাতযামাস ভূতলে

॥22॥

শ্লোক 24

নিপাত্য প্রমথানীকমভ্যধাবত সোঽসুরঃ

সিংহং হন্তুং মহাদেব্যাঃ কোপং চক্রে ততোঽম্ভিকা

॥23॥

শ্লোক 25

সোঽপি কোপান্মহাবীর্যঃ খুরক্ষুণ্ণমহীতলঃ।

শৃঙ্গাভ্যাং পর্বতানুচ্চাংশ্চিক্ষেপ চ ননাদ চ

॥24॥

শ্লোক 26

বেগ ভ্রমণ বিক্ষুণ্ণা মহী তস্য ব্যশীর্যত।

লাঙ্গূলেনাহতশ্চাব্ধিঃ প্লাবযামাস সর্বতঃ

॥25॥

শ্লোক 27

ধুতশৃঙ্গ্বিভিন্নাশ্চ খণ্ডং খণ্ডং যযুর্ঘনাঃ।

শ্বাসানিলাস্তাঃ শতশো নিপেতুর্নভসোঽচলাঃ

॥26॥

শ্লোক 28

ইতিক্রোধসমাধ্মাতমাপতন্তং মহাসুরম্।

দৃষ্ট্বা সা চণ্ডিকা কোপং তদ্বধায তদাঽকরোত্

॥27॥

শ্লোক 29

সা ক্ষিত্প্বা তস্য বৈপাশং তং ববন্ধ মহাসুরম্।

তত্যাজমাহিষং রূপং সোঽপি বদ্ধো মহামৃধে

॥28॥

শ্লোক 30

ততঃ সিংহোঽভবত্সধ্যো যাবত্তস্যাম্বিকা শিরঃ।

ছিনত্তি তাবত্ পুরুষঃ খড্গপাণি রদৃশ্যত

॥29॥

শ্লোক 31

তত এবাশু পুরুষং দেবী চিচ্ছেদ সাযকৈঃ।

তং খড্গচর্মণা সার্ধং ততঃ সোঽ ভূন্মহা গজঃ

॥30॥

শ্লোক 32

করেণ চ মহাসিংহং তং চকর্ষ জগর্জচ ।

কর্ষতস্তু করং দেবী খড্গেন নিরকৃন্তত

॥31॥

শ্লোক 33

ততো মহাসুরো ভূযো মাহিষং বপুরাস্থিতঃ।

তথৈব ক্ষোভযামাস ত্রৈলোক্যং সচরাচরম্

॥32॥

শ্লোক 34

ততঃ ক্রুদ্ধা জগন্মাতা চণ্ডিকা পান মুত্তমম্।

পপৌ পুনঃ পুনশ্চৈব জহাসারুণলোচনা

॥33॥

শ্লোক 35

ননর্দ চাসুরঃ সোঽপি বলবীর্যমদোদ্ধতঃ।

বিষাণাভ্যাং চ চিক্ষেপ চণ্ডিকাং প্রতিভূধরান্

॥34॥

শ্লোক 36

সা চ তা ন্প্রহিতাং স্তেন চূর্ণযন্তী শরোত্করৈঃ।

উবাচ তং মদোদ্ধূতমুখরাগাকুলাক্ষরম্

॥35॥

শ্লোক 37

দেব্যু​উবাচ॥

গর্জ গর্জ ক্ষণং মূঢ মধু যাবত্পিবাম্যহম্।

মযাত্বযি হতেঽত্রৈব গর্জিষ্যন্ত্যাশু দেবতাঃ

॥36॥

শ্লোক 38

ঋষিরুবাচ॥

এবমুক্ত্বা সমুত্পত্য সারূঢা তং মহাসুরম্।

পাদেনা ক্রম্য কণ্ঠে চ শূলেনৈন মতাডযত্

॥37॥

শ্লোক 39

ততঃ সোঽপি পদাক্রান্তস্তযা নিজমুখাত্ততঃ।

অর্ধ নিষ্ক্রান্ত এবাসীদ্দেব্যা বীর্যেণ সংবৃতঃ

॥38॥

শ্লোক 40

অর্ধ নিষ্ক্রান্ত এবাসৌ যুধ্যমানো মহাসুরঃ ।

তযা মহাসিনা দেব্যা শিরশ্ছিত্ত্বা নিপাতিতঃ

॥40॥

শ্লোক 41

ততো হাহাকৃতং সর্বং দৈত্যসৈন্যং ননাশ তত্।

প্রহর্ষং চ পরং জগ্মুঃ সকলা দেবতাগণাঃ

॥41॥

শ্লোক 42

তুষ্টু বুস্তাং সুরা দেবীং সহদিব্যৈর্মহর্ষিভিঃ।

জগুর্গুন্ধর্বপতযো ননৃতুশ্চাপ্সরোগণাঃ

॥42॥

শ্লোক 43

॥ ইতি শ্রী মার্কণ্ডেয পুরাণে সাবর্নিকে মন্বন্তরে দেবি মহত্ম্যে মহিষাসুরবধো নাম তৃতীযোঽধ্যাযং সমাপ্তম্ ॥

আহুতি

হ্রীং জযন্তী সাঙ্গাযৈ সাযুধাযৈ সশক্তিকাযৈ সপরিবারাযৈ সবাহনাযৈ শ্রী মহালক্ষ্ম্যৈ লক্ষ্মী বীজাদিষ্টাযৈ মহাহুতিং সমর্পযামি নমঃ স্বাহা ॥