Devi Mahatmyam Durga Saptasati Chapter 2

දේවී මාහාත්ම්යං දුර්ගා සප්තශති ද්විතීයෝ(අ)ධ්යායඃ

ශ්ලොක 1

මහිෂාසුර සෛන්යවධෝ නාම ද්විතීයෝ(අ)ධ්යායඃ ..

අස්ය සප්ත සතීමධ්යම චරිත්රස්ය විෂ්ණුර් ඍෂිඃ . උෂ්ණික් ඡන්දඃ . ශ්රීමහාලක්ෂ්මීදේවතා. ශාකම්භරී ශක්තිඃ . දුර්ගා බීජම් . වායුස්තත්ත්වම් . යජුර්වේදඃ ස්වරූපම් . ශ්රී මහාලක්ෂ්මීප්රීත්යර්ථේ මධ්යම චරිත්ර ජපේ විනියෝගඃ ..

ධ්යානං

ඕං අක්ෂස්රක්පරශුං ගදේෂුකුලිශං පද්මං ධනුඃ කුණ්ඩිකාං

දණ්ඩං ශක්තිමසිං ච චර්ම ජලජං ඝණ්ටාං සුරාභාජනම් .

ශූලං පාශසුදර්ශනේ ච දධතීං හස්තෛඃ ප්රවාල ප්රභාං

සේවේ සෛරිභමර්දිනීමිහ මහලක්ෂ්මීං සරෝජස්ථිතාම් ..

ඍෂිරුවාච ..1..

දේවාසුරමභූද්යුද්ධං පූර්ණමබ්දශතං පුරා.

මහිෂේ(අ)සුරාණාං අධිපේ දේවානාඤ්ච පුරන්දරේ

තත්රාසුරෛර්මහාවීර්යිර්දේවසෛන්යං පරාජිතං.

ජිත්වා ච සකලාන් දේවාන් ඉන්ද්රෝ(අ)භූන්මහිෂාසුරඃ ..3..

තතඃ පරාජිතා දේවාඃ පද්මයෝනිං ප්රජාපතිම්.

පුරස්කෘත්යගතාස්තත්ර යත්රේශ ගරුඩධ්වජෞ ..4..

යථාවෘත්තං තයෝස්තද්වන් මහිෂාසුරචේෂ්ටිතම්.

ත්රිදශාඃ කථයාමාසුර්දේවාභිභවවිස්තරම් ..5..

සූර්යේන්ද්රාග්න්යනිලේන්දූනාං යමස්ය වරුණස්ය ච

අන්යේෂාං චාධිකාරාන්ස ස්වයමේවාධිතිෂ්ටති ..6..

ස්වර්ගාන්නිරාකෘතාඃ සර්වේ තේන දේව ගණා භුවිඃ.

විචරන්ති යථා මර්ත්යා මහිෂේණ දුරාත්මනා ..6..

ඒතද්වඃ කථිතං සර්වං අමරාරිවිචේෂ්ටිතම්.

ශරණං වඃ ප්රපන්නාඃ ස්මෝ වධස්තස්ය විචින්ත්යතාම් ..8..

ඉත්ථං නිශම්ය දේවානාං වචාංසි මධුසූධනඃ

චකාර කෝපං ශම්භුශ්ච භ්රුකුටීකුටිලානනෞ ..9..

තතෝ(අ)තිකෝපපූර්ණස්ය චක්රිණෝ වදනාත්තතඃ.

නිශ්චක්රාම මහත්තේජෝ බ්රහ්මණඃ ශඞ්කරස්ය ච ..10..

අන්යේෂාං චෛව දේවානාං ශක්රාදීනාං ශරීරතඃ.

නිර්ගතං සුමහත්තේජඃ ස්තච්චෛක්යං සමගච්ඡත ..11..

අතීව තේජසඃ කූටං ජ්වලන්තමිව පර්වතම්.

දදෘශුස්තේ සුරාස්තත්ර ජ්වාලාව්යාප්තදිගන්තරම් ..12..

අතුලං තත්ර තත්තේජඃ සර්වදේව ශරීරජම්.

ඒකස්ථං තදභූන්නාරී ව්යාප්තලෝකත්රයං ත්විෂා ..13..

යදභූච්ඡාම්භවං තේජඃ ස්තේනාජායත තන්මුඛම්.

යාම්යේන චාභවන් කේශා බාහවෝ විෂ්ණුතේජසා ..14..

සෞම්යේන ස්තනයෝර්යුග්මං මධ්යං චෛන්ද්රේණ චාභවත්.

වාරුණේන ච ජඞ්ඝෝරූ නිතම්බස්තේජසා භුවඃ ..15..

බ්රහ්මණස්තේජසා පාදෞ තදඞ්ගුල්යෝ(අ)ර්ක තේජසා.

වසූනාං ච කරාඞ්ගුල්යඃ කෞබේරේණ ච නාසිකා ..16..

තස්යාස්තු දන්තාඃ සම්භූතා ප්රාජාපත්යේන තේජසා

නයනත්රිතයං ජජ්ඤේ තථා පාවකතේජසා ..17..

භ්රුවෞ ච සන්ධ්යයෝස්තේජඃ ශ්රවණාවනිලස්ය ච

අන්යේෂාං චෛව දේවානාං සම්භවස්තේජසාං ශිව ..18..

තතඃ සමස්ත දේවානාං තේජෝරාශිසමුද්භවාම්.

තාං විලෝක්ය මුදං ප්රාපුඃ අමරා මහිෂාර්දිතාඃ ..19..

ශූලං ශූලාද්විනිෂ්කෘෂ්ය දදෞ තස්යෛ පිනාකධෘක්.

චක්රං ච දත්තවාන් කෘෂ්ණඃ සමුත්පාට්ය ස්වචක්රතඃ ..20..

ශඞ්ඛං ච වරුණඃ ශක්තිං දදෞ තස්යෛ හුතාශනඃ

මාරුතෝ දත්තවාංශ්චාපං බාණපූර්ණේ තථේෂුධී ..21..

වජ්රමින්ද්රඃ සමුත්පාට්ය කුලිශාදමරාධිපඃ.

දදෞ තස්යෛ සහස්රාක්ෂෝ ඝණ්ටාමෛරාවතාද්ගජාත් ..22..

කාලදණ්ඩාද්යමෝ දණ්ඩං පාශං චාම්බුපතිර්දදෞ.

ප්රජාපතිශ්චාක්ෂමාලාං දදෞ බ්රහ්මා කමණ්ඩලං ..23..

සමස්තරෝමකූපේෂු නිජ රශ්මීන් දිවාකරඃ

කාලශ්ච දත්තවාන් ඛඩ්ගං තස්යාඃ ශ්චර්ම ච නිර්මලම් ..24..

ක්ෂීරෝදශ්චාමලං හාරං අජරේ ච තථාම්බරේ

චූඩාමණිං තථාදිව්යං කුණ්ඩලේ කටකානිච ..25..

අර්ධචන්ද්රං තධා ශුභ්රං කේයූරාන් සර්ව බාහුෂු

නූපුරෞ විමලෞ තද්ව ද්ග්රෛවේයකමනුත්තමම් ..26..

අඞ්ගුලීයකරත්නානි සමස්තාස්වඞ්ගුලීෂු ච

විශ්ව කර්මා දදෞ තස්යෛ පරශුං චාති නිර්මලං ..27..

අස්ත්රාණ්යනේකරූපාණි තථා(අ)භේද්යං ච දංශනම්.

අම්ලාන පඞ්කජාං මාලාං ශිරස්යු රසි චාපරාම්..28..

අදදජ්ජලධිස්තස්යෛ පඞ්කජං චාතිශෝභනම්.

හිමවාන් වාහනං සිංහං රත්නානි විවිධානිච..29..

දදාවශූන්යං සුරයා පානපාත්රං දනාධිපඃ.

ශේෂශ්ච සර්ව නාගේශෝ මහාමණි විභූෂිතම් ..30..

නාගහාරං දද(අ)උ තස්යෛ ධත්තේ යඃ පෘථිවීමිමාම්.

අන්යෛරපි සුරෛර්දේවී භූෂණෛඃ ආයුධෛස්තථාඃ ..31..

සම්මානිතා නනාදෝච්චෛඃ සාට්ටහාසං මුහුර්මුහු.

තස්යානාදේන ඝෝරේණ කෘත්ස්න මාපූරිතං නභඃ ..32..

අමායතාතිමහතා ප්රතිශබ්දෝ මහානභූත්.

චුක්ෂුභුඃ සකලාලෝකාඃ සමුද්රාශ්ච චකම්පිරේ ..33..

චචාල වසුධා චේලුඃ සකලාශ්ච මහීධරාඃ.

ජයේති දේවාශ්ච මුදා තාමූචුඃ සිංහවාහිනීම් ..34..

තුෂ්ටුවුර්මුනයශ්චෛනාං භක්තිනම්රාත්මමූර්තයඃ.

දෘෂ්ට්වා සමස්තං සඞ්ක්ෂුබ්ධං ත්රෛලෝක්යං අමරාරයඃ ..35..

සන්නද්ධාඛිලසෛන්යාස්තේ සමුත්තස්ථුරුදායුදාඃ.

ආඃ කිමේතදිති ක්රෝධාදාභාෂ්ය මහිෂාසුරඃ ..36..

අභ්යධාවත තං ශබ්දං අශේෂෛරසුරෛර්වෘතඃ.

ස දදර්ෂ තතෝ දේවීං ව්යාප්තලෝකත්රයාං ත්විෂා..37..

පාදාක්රාන්ත්යා නතභුවං කිරීටෝල්ලිඛිතාම්බරාම්.

ක්ෂෝභිතාශේෂපාතාලාං ධනුර්ජ්යානිඃස්වනේන තාම් ..38..

දිශෝ භුජසහස්රේණ සමන්තාද්ව්යාප්ය සංස්ථිතාම්.

තතඃ ප්රවවෘතේ යුද්ධං තයා දේව්යා සුරද්විෂාං ..39..

ශස්ත්රාස්ත්රෛර්භහුධා මුක්තෛරාදීපිතදිගන්තරම්.

මහිෂාසුරසේනානීශ්චික්ෂුරාඛ්යෝ මහාසුරඃ ..40..

යුයුධේ චමරශ්චාන්යෛශ්චතුරඞ්ගබලාන්විතඃ.

රථානාමයුතෛඃ ෂඩ්භිඃ රුදග්රාඛ්යෝ මහාසුරඃ ..41..

අයුධ්යතායුතානාං ච සහස්රේණ මහාහනුඃ.

පඤ්චාශද්භිශ්ච නියුතෛරසිලෝමා මහාසුරඃ ..42..

අයුතානාං ශතෛඃ ෂඩ්භිඃර්භාෂ්කලෝ යුයුධේ රණේ.

ගජවාජි සහස්රෞඝෛ රනේකෛඃ පරිවාරිතඃ ..43..

වෘතෝ රථානාං කෝට්යා ච යුද්ධේ තස්මින්නයුධ්යත.

බිඩාලාඛ්යෝ(අ)යුතානාං ච පඤ්චාශද්භිරථායුතෛඃ ..44..

යුයුධේ සංයුගේ තත්ර රථානාං පරිවාරිතඃ.

අන්යේ ච තත්රායුතශෝ රථනාගහයෛර්වෘතාඃ ..45..

යුයුධුඃ සංයුගේ දේව්යා සහ තත්ර මහාසුරාඃ.

කෝටිකෝටිසහස්ත්රෛස්තු රථානාං දන්තිනාං තථා ..46..

හයානාං ච වෘතෝ යුද්ධේ තත්රාභූන්මහිෂාසුරඃ.

තෝමරෛර්භින්ධිපාලෛශ්ච ශක්තිභිර්මුසලෛස්තථා ..47..

යුයුධුඃ සංයුගේ දේව්යා ඛඩ්ගෛඃ පරසුපට්ටිසෛඃ.

කේචිච්ඡ චික්ෂිපුඃ ශක්තීඃ කේචිත් පාශාංස්තථාපරේ ..48..

දේවීං ඛඩ්ගප්රහාරෛස්තු තේ තාං හන්තුං ප්රචක්රමුඃ.

සාපි දේවී තතස්තානි ශස්ත්රාණ්යස්ත්රාණි චණ්ඩිකා ..49..

ලීල යෛව ප්රචිච්ඡේද නිජශස්ත්රාස්ත්රවර්ෂිණී.

අනායස්තානනා දේවී ස්තූයමානා සුරර්ෂිභිඃ ..50..

මුමෝචාසුරදේහේෂු ශස්ත්රාණ්යස්ත්රාණි චේශ්වරී.

සෝ(අ)පි ක්රුද්ධෝ ධුතසටෝ දේව්යා වාහනකේසරී ..51..

චචාරාසුර සෛන්යේෂු වනේෂ්විව හුතාශනඃ.

නිඃශ්වාසාන් මුමුචේයාංශ්ච යුධ්යමානාරණේ(අ)ම්බිකා..52..

ත ඒව සධ්යසම්භූතා ගණාඃ ශතසහස්රශඃ.

යුයුධුස්තේ පරශුභිර්භින්දිපාලාසිපට්ටිශෛඃ ..53..

නාශයන්තෝ(අ)අසුරගණාන් දේවීශක්ත්යුපබෘංහිතාඃ.

අවාදයන්තා පටහාන් ගණාඃ ශඞාං ස්තථාපරේ..54..

මෘදඞ්ගාංශ්ච තථෛවාන්යේ තස්මින්යුද්ධ මහෝත්සවේ.

තතෝදේවී ත්රිශූලේන ගදයා ශක්තිවෘෂ්ටිභිඃ..55..

ඛඩ්ගාදිභිශ්ච ශතශෝ නිජඝාන මහාසුරාන්.

පාතයාමාස චෛවාන්යාන් ඝණ්ටාස්වනවිමෝහිතාන් ..56..

අසුරාන් භුවිපාශේන බධ්වාචාන්යානකර්ෂයත්.

කේචිද් ද්විධාකෘතා ස්තීක්ෂ්ණෛඃ ඛඩ්ගපාතෛස්තථාපරේ..57..

විපෝථිතා නිපාතේන ගදයා භුවි ශේරතේ.

වේමුශ්ච කේචිද්රුධිරං මුසලේන භෘශං හතාඃ ..58..

කේචින්නිපතිතා භූමෞ භින්නාඃ ශූලේන වක්ෂසි.

නිරන්තරාඃ ශරෞඝේන කෘතාඃ කේචිද්රණාජිරේ ..59..

ශල්යානුකාරිණඃ ප්රාණාන් මමුචුස්ත්රිදශාර්දනාඃ.

කේෂාඤ්චිද්බාහවශ්චින්නාශ්චින්නග්රීවාස්තථාපරේ ..60..

ශිරාංසි පේතුරන්යේෂාං අන්යේ මධ්යේ විදාරිතාඃ.

විච්ඡින්නජජ්ඝාස්වපරේ පේතුරුර්ව්යාං මහාසුරාඃ ..61..

ඒකබාහ්වක්ෂිචරණාඃ කේචිද්දේව්යා ද්විධාකෘතාඃ.

ඡින්නේපි චාන්යේ ශිරසි පතිතාඃ පුනරුත්ථිතාඃ ..62..

කබන්ධා යුයුධුර්දේව්යා ගෘහීතපරමායුධාඃ.

නනෘතුශ්චාපරේ තත්ර යුද්දේ තූර්යලයාශ්රිතාඃ ..63..

කබන්ධාශ්චින්නශිරසඃ ඛඩ්ගශක්ය්තෘෂ්ටිපාණයඃ.

තිෂ්ඨ තිෂ්ඨේති භාෂන්තෝ දේවී මන්යේ මහාසුරාඃ ..64..

පාතිතෛ රථනාගාශ්වෛඃ ආසුරෛශ්ච වසුන්ධරා.

අගම්යා සාභවත්තත්ර යත්රාභූත් ස මහාරණඃ ..65..

ශෝණිතෞඝා මහානද්යස්සද්යස්තත්ර විසුස්රුවුඃ.

මධ්යේ චාසුරසෛන්යස්ය වාරණාසුරවාජිනාම් ..66..

ක්ෂණේන තන්මහාසෛන්යමසුරාණාං තථා(අ)ම්බිකා.

නින්යේ ක්ෂයං යථා වහ්නිස්තෘණදාරු මහාචයම් ..67..

සච සිංහෝ මහානාදමුත්සෘජන් ධුතකේසරඃ.

ශරීරේභ්යෝ(අ)මරාරීණාමසූනිව විචින්වති ..68..

දේව්යා ගණෛශ්ච තෛස්තත්ර කෘතං යුද්ධං තථාසුරෛඃ.

යථෛෂාං තුෂ්ටුවුර්දේවාඃ පුෂ්පවෘෂ්ටිමුචෝ දිවි ..69..

ජය ජය ශ්රී මාර්කණ්ඩේය පුරාණේ සාවර්නිකේ මන්වන්තරේ දේවි මහත්ම්යේ මහිෂාසුරසෛන්යවධෝ නාම ද්විතීයෝ(අ)ධ්යායඃ..

ආහුති

ඕං හ්රීං සාඞ්ගායෛ සායුධායෛ සශක්තිකායෛ සපරිවාරායෛ සවාහනායෛ අෂ්ටාවිංශති වර්ණාත්මිකායෛ ලක්ශ්මී බීජාදිෂ්ටායෛ මහාහුතිං සමර්පයාමි නමඃ ස්වාහා .