Devi Mahatmyam Durga Saptasati Chapter 2

ଦେଵୀ ମାହାତ୍ମ୍ଯଂ ଦୁର୍ଗା ସପ୍ତଶତି ଦ୍ଵିତୀଯୋଽଧ୍ଯାଯଃ

ଶ୍ଲୋକ 1

ମହିଷାସୁର ସୈନ୍ଯଵଧୋ ନାମ ଦ୍ଵିତୀଯୋଽଧ୍ଯାଯଃ ॥

ଅସ୍ଯ ସପ୍ତ ସତୀମଧ୍ଯମ ଚରିତ୍ରସ୍ଯ ଵିଷ୍ଣୁର୍ ଋଷିଃ । ଉଷ୍ଣିକ୍ ଛନ୍ଦଃ । ଶ୍ରୀମହାଲକ୍ଷ୍ମୀଦେଵତା। ଶାକମ୍ଭରୀ ଶକ୍ତିଃ । ଦୁର୍ଗା ବୀଜମ୍ । ଵାଯୁସ୍ତତ୍ତ୍ଵମ୍ । ଯଜୁର୍ଵେଦଃ ସ୍ଵରୂପମ୍ । ଶ୍ରୀ ମହାଲକ୍ଷ୍ମୀପ୍ରୀତ୍ଯର୍ଥେ ମଧ୍ଯମ ଚରିତ୍ର ଜପେ ଵିନିଯୋଗଃ ॥

ଧ୍ଯାନଂ

ଓଁ ଅକ୍ଷସ୍ରକ୍ପରଶୁଂ ଗଦେଷୁକୁଲିଶଂ ପଦ୍ମଂ ଧନୁଃ କୁଣ୍ଡିକାଂ

ଦଣ୍ଡଂ ଶକ୍ତିମସିଂ ଚ ଚର୍ମ ଜଲଜଂ ଘଣ୍ଟାଂ ସୁରାଭାଜନମ୍ ।

ଶୂଲଂ ପାଶସୁଦର୍ଶନେ ଚ ଦଧତୀଂ ହସ୍ତୈଃ ପ୍ରଵାଲ ପ୍ରଭାଂ

ସେଵେ ସୈରିଭମର୍ଦିନୀମିହ ମହଲକ୍ଷ୍ମୀଂ ସରୋଜସ୍ଥିତାମ୍ ॥

ଋଷିରୁଵାଚ

ଶ୍ଲୋକ 2

ଦେଵାସୁରମଭୂଦ୍ଯୁଦ୍ଧଂ ପୂର୍ଣମବ୍ଦଶତଂ ପୁରା।

ମହିଷେଽସୁରାଣାଂ ଅଧିପେ ଦେଵାନାଞ୍ଚ ପୁରନ୍ଦରେ

ତତ୍ରାସୁରୈର୍ମହାଵୀର୍ଯିର୍ଦେଵସୈନ୍ଯଂ ପରାଜିତଂ।

ଜିତ୍ଵା ଚ ସକଲାନ୍ ଦେଵାନ୍ ଇନ୍ଦ୍ରୋଽଭୂନ୍ମହିଷାସୁରଃ

॥1॥

ଶ୍ଲୋକ 3

ତତଃ ପରାଜିତା ଦେଵାଃ ପଦ୍ମଯୋନିଂ ପ୍ରଜାପତିମ୍।

ପୁରସ୍କୃତ୍ଯଗତାସ୍ତତ୍ର ଯତ୍ରେଶ ଗରୁଡଧ୍ଵଜୌ

॥3॥

ଶ୍ଲୋକ 4

ଯଥାଵୃତ୍ତଂ ତଯୋସ୍ତଦ୍ଵନ୍ ମହିଷାସୁରଚେଷ୍ଟିତମ୍।

ତ୍ରିଦଶାଃ କଥଯାମାସୁର୍ଦେଵାଭିଭଵଵିସ୍ତରମ୍

॥4॥

ଶ୍ଲୋକ 5

ସୂର୍ଯେନ୍ଦ୍ରାଗ୍ନ୍ଯନିଲେନ୍ଦୂନାଂ ଯମସ୍ଯ ଵରୁଣସ୍ଯ ଚ

ଅନ୍ଯେଷାଂ ଚାଧିକାରାନ୍ସ ସ୍ଵଯମେଵାଧିତିଷ୍ଟତି

॥5॥

ଶ୍ଲୋକ 6

ସ୍ଵର୍ଗାନ୍ନିରାକୃତାଃ ସର୍ଵେ ତେନ ଦେଵ ଗଣା ଭୁଵିଃ।

ଵିଚରନ୍ତି ଯଥା ମର୍ତ୍ଯା ମହିଷେଣ ଦୁରାତ୍ମନା

॥6॥

ଶ୍ଲୋକ 7

ଏତଦ୍ଵଃ କଥିତଂ ସର୍ଵଂ ଅମରାରିଵିଚେଷ୍ଟିତମ୍।

ଶରଣଂ ଵଃ ପ୍ରପନ୍ନାଃ ସ୍ମୋ ଵଧସ୍ତସ୍ଯ ଵିଚିନ୍ତ୍ଯତାମ୍

॥6॥

ଶ୍ଲୋକ 8

ଇତ୍ଥଂ ନିଶମ୍ଯ ଦେଵାନାଂ ଵଚାଂସି ମଧୁସୂଧନଃ

ଚକାର କୋପଂ ଶମ୍ଭୁଶ୍ଚ ଭ୍ରୁକୁଟୀକୁଟିଲାନନୌ

॥8॥

ଶ୍ଲୋକ 9

ତତୋଽତିକୋପପୂର୍ଣସ୍ଯ ଚକ୍ରିଣୋ ଵଦନାତ୍ତତଃ।

ନିଶ୍ଚକ୍ରାମ ମହତ୍ତେଜୋ ବ୍ରହ୍ମଣଃ ଶଙ୍କରସ୍ଯ ଚ

॥9॥

ଶ୍ଲୋକ 10

ଅନ୍ଯେଷାଂ ଚୈଵ ଦେଵାନାଂ ଶକ୍ରାଦୀନାଂ ଶରୀରତଃ।

ନିର୍ଗତଂ ସୁମହତ୍ତେଜଃ ସ୍ତଚ୍ଚୈକ୍ଯଂ ସମଗଚ୍ଛତ

॥10॥

ଶ୍ଲୋକ 11

ଅତୀଵ ତେଜସଃ କୂଟଂ ଜ୍ଵଲନ୍ତମିଵ ପର୍ଵତମ୍।

ଦଦୃଶୁସ୍ତେ ସୁରାସ୍ତତ୍ର ଜ୍ଵାଲାଵ୍ଯାପ୍ତଦିଗନ୍ତରମ୍

॥11॥

ଶ୍ଲୋକ 12

ଅତୁଲଂ ତତ୍ର ତତ୍ତେଜଃ ସର୍ଵଦେଵ ଶରୀରଜମ୍।

ଏକସ୍ଥଂ ତଦଭୂନ୍ନାରୀ ଵ୍ଯାପ୍ତଲୋକତ୍ରଯଂ ତ୍ଵିଷା

॥12॥

ଶ୍ଲୋକ 13

ଯଦଭୂଚ୍ଛାମ୍ଭଵଂ ତେଜଃ ସ୍ତେନାଜାଯତ ତନ୍ମୁଖମ୍।

ଯାମ୍ଯେନ ଚାଭଵନ୍ କେଶା ବାହଵୋ ଵିଷ୍ଣୁତେଜସା

॥13॥

ଶ୍ଲୋକ 14

ସୌମ୍ଯେନ ସ୍ତନଯୋର୍ଯୁଗ୍ମଂ ମଧ୍ଯଂ ଚୈନ୍ଦ୍ରେଣ ଚାଭଵତ୍।

ଵାରୁଣେନ ଚ ଜଙ୍ଘୋରୂ ନିତମ୍ବସ୍ତେଜସା ଭୁଵଃ

॥14॥

ଶ୍ଲୋକ 15

ବ୍ରହ୍ମଣସ୍ତେଜସା ପାଦୌ ତଦଙ୍ଗୁଲ୍ଯୋଽର୍କ ତେଜସା।

ଵସୂନାଂ ଚ କରାଙ୍ଗୁଲ୍ଯଃ କୌବେରେଣ ଚ ନାସିକା

॥15॥

ଶ୍ଲୋକ 16

ତସ୍ଯାସ୍ତୁ ଦନ୍ତାଃ ସମ୍ଭୂତା ପ୍ରାଜାପତ୍ଯେନ ତେଜସା

ନଯନତ୍ରିତଯଂ ଜଜ୍ଞେ ତଥା ପାଵକତେଜସା

॥16॥

ଶ୍ଲୋକ 17

ଭ୍ରୁଵୌ ଚ ସନ୍ଧ୍ଯଯୋସ୍ତେଜଃ ଶ୍ରଵଣାଵନିଲସ୍ଯ ଚ

ଅନ୍ଯେଷାଂ ଚୈଵ ଦେଵାନାଂ ସମ୍ଭଵସ୍ତେଜସାଂ ଶିଵ

॥17॥

ଶ୍ଲୋକ 18

ତତଃ ସମସ୍ତ ଦେଵାନାଂ ତେଜୋରାଶିସମୁଦ୍ଭଵାମ୍।

ତାଂ ଵିଲୋକ୍ଯ ମୁଦଂ ପ୍ରାପୁଃ ଅମରା ମହିଷାର୍ଦିତାଃ

॥18॥

ଶ୍ଲୋକ 19

ଶୂଲଂ ଶୂଲାଦ୍ଵିନିଷ୍କୃଷ୍ଯ ଦଦୌ ତସ୍ଯୈ ପିନାକଧୃକ୍।

ଚକ୍ରଂ ଚ ଦତ୍ତଵାନ୍ କୃଷ୍ଣଃ ସମୁତ୍ପାଟ୍ଯ ସ୍ଵଚକ୍ରତଃ

॥19॥

ଶ୍ଲୋକ 20

ଶଙ୍ଖଂ ଚ ଵରୁଣଃ ଶକ୍ତିଂ ଦଦୌ ତସ୍ଯୈ ହୁତାଶନଃ

ମାରୁତୋ ଦତ୍ତଵାଂଶ୍ଚାପଂ ବାଣପୂର୍ଣେ ତଥେଷୁଧୀ

॥20॥

ଶ୍ଲୋକ 21

ଵଜ୍ରମିନ୍ଦ୍ରଃ ସମୁତ୍ପାଟ୍ଯ କୁଲିଶାଦମରାଧିପଃ।

ଦଦୌ ତସ୍ଯୈ ସହସ୍ରାକ୍ଷୋ ଘଣ୍ଟାମୈରାଵତାଦ୍ଗଜାତ୍

॥21॥

ଶ୍ଲୋକ 22

କାଲଦଣ୍ଡାଦ୍ଯମୋ ଦଣ୍ଡଂ ପାଶଂ ଚାମ୍ବୁପତିର୍ଦଦୌ।

ପ୍ରଜାପତିଶ୍ଚାକ୍ଷମାଲାଂ ଦଦୌ ବ୍ରହ୍ମା କମଣ୍ଡଲଂ

॥22॥

ଶ୍ଲୋକ 23

ସମସ୍ତରୋମକୂପେଷୁ ନିଜ ରଶ୍ମୀନ୍ ଦିଵାକରଃ

କାଲଶ୍ଚ ଦତ୍ତଵାନ୍ ଖଡ୍ଗଂ ତସ୍ଯାଃ ଶ୍ଚର୍ମ ଚ ନିର୍ମଲମ୍

॥23॥

ଶ୍ଲୋକ 24

କ୍ଷୀରୋଦଶ୍ଚାମଲଂ ହାରଂ ଅଜରେ ଚ ତଥାମ୍ବରେ

ଚୂଡାମଣିଂ ତଥାଦିଵ୍ଯଂ କୁଣ୍ଡଲେ କଟକାନିଚ

॥24॥

ଶ୍ଲୋକ 25

ଅର୍ଧଚନ୍ଦ୍ରଂ ତଧା ଶୁଭ୍ରଂ କେଯୂରାନ୍ ସର୍ଵ ବାହୁଷୁ

ନୂପୁରୌ ଵିମଲୌ ତଦ୍ଵ ଦ୍ଗ୍ରୈଵେଯକମନୁତ୍ତମମ୍

॥25॥

ଶ୍ଲୋକ 26

ଅଙ୍ଗୁଲୀଯକରତ୍ନାନି ସମସ୍ତାସ୍ଵଙ୍ଗୁଲୀଷୁ ଚ

ଵିଶ୍ଵ କର୍ମା ଦଦୌ ତସ୍ଯୈ ପରଶୁଂ ଚାତି ନିର୍ମଲଂ

॥26॥

ଶ୍ଲୋକ 27

ଅସ୍ତ୍ରାଣ୍ଯନେକରୂପାଣି ତଥାଽଭେଦ୍ଯଂ ଚ ଦଂଶନମ୍।

ଅମ୍ଲାନ ପଙ୍କଜାଂ ମାଲାଂ ଶିରସ୍ଯୁ ରସି ଚାପରାମ୍

॥27॥

ଶ୍ଲୋକ 28

ଅଦଦଜ୍ଜଲଧିସ୍ତସ୍ଯୈ ପଙ୍କଜଂ ଚାତିଶୋଭନମ୍।

ହିମଵାନ୍ ଵାହନଂ ସିଂହଂ ରତ୍ନାନି ଵିଵିଧାନିଚ

॥28॥

ଶ୍ଲୋକ 29

ଦଦାଵଶୂନ୍ଯଂ ସୁରଯା ପାନପାତ୍ରଂ ଦନାଧିପଃ।

ଶେଷଶ୍ଚ ସର୍ଵ ନାଗେଶୋ ମହାମଣି ଵିଭୂଷିତମ୍

॥29॥

ଶ୍ଲୋକ 30

ନାଗହାରଂ ଦଦଽଉ ତସ୍ଯୈ ଧତ୍ତେ ଯଃ ପୃଥିଵୀମିମାମ୍।

ଅନ୍ଯୈରପି ସୁରୈର୍ଦେଵୀ ଭୂଷଣୈଃ ଆଯୁଧୈସ୍ତଥାଃ

॥30॥

ଶ୍ଲୋକ 31

ସମ୍ମାନିତା ନନାଦୋଚ୍ଚୈଃ ସାଟ୍ଟହାସଂ ମୁହୁର୍ମୁହୁ।

ତସ୍ଯାନାଦେନ ଘୋରେଣ କୃତ୍ସ୍ନ ମାପୂରିତଂ ନଭଃ

॥31॥

ଶ୍ଲୋକ 32

ଅମାଯତାତିମହତା ପ୍ରତିଶବ୍ଦୋ ମହାନଭୂତ୍।

ଚୁକ୍ଷୁଭୁଃ ସକଲାଲୋକାଃ ସମୁଦ୍ରାଶ୍ଚ ଚକମ୍ପିରେ

॥32॥

ଶ୍ଲୋକ 33

ଚଚାଲ ଵସୁଧା ଚେଲୁଃ ସକଲାଶ୍ଚ ମହୀଧରାଃ।

ଜଯେତି ଦେଵାଶ୍ଚ ମୁଦା ତାମୂଚୁଃ ସିଂହଵାହିନୀମ୍

॥33॥

ଶ୍ଲୋକ 34

ତୁଷ୍ଟୁଵୁର୍ମୁନଯଶ୍ଚୈନାଂ ଭକ୍ତିନମ୍ରାତ୍ମମୂର୍ତଯଃ।

ଦୃଷ୍ଟ୍ଵା ସମସ୍ତଂ ସଙ୍କ୍ଷୁବ୍ଧଂ ତ୍ରୈଲୋକ୍ଯଂ ଅମରାରଯଃ

॥34॥

ଶ୍ଲୋକ 35

ସନ୍ନଦ୍ଧାଖିଲସୈନ୍ଯାସ୍ତେ ସମୁତ୍ତସ୍ଥୁରୁଦାଯୁଦାଃ।

ଆଃ କିମେତଦିତି କ୍ରୋଧାଦାଭାଷ୍ଯ ମହିଷାସୁରଃ

॥35॥

ଶ୍ଲୋକ 36

ଅଭ୍ଯଧାଵତ ତଂ ଶବ୍ଦଂ ଅଶେଷୈରସୁରୈର୍ଵୃତଃ।

ସ ଦଦର୍ଷ ତତୋ ଦେଵୀଂ ଵ୍ଯାପ୍ତଲୋକତ୍ରଯାଂ ତ୍ଵିଷା

॥36॥

ଶ୍ଲୋକ 37

ପାଦାକ୍ରାନ୍ତ୍ଯା ନତଭୁଵଂ କିରୀଟୋଲ୍ଲିଖିତାମ୍ବରାମ୍।

କ୍ଷୋଭିତାଶେଷପାତାଲାଂ ଧନୁର୍ଜ୍ଯାନିଃସ୍ଵନେନ ତାମ୍

॥37॥

ଶ୍ଲୋକ 38

ଦିଶୋ ଭୁଜସହସ୍ରେଣ ସମନ୍ତାଦ୍ଵ୍ଯାପ୍ଯ ସଂସ୍ଥିତାମ୍।

ତତଃ ପ୍ରଵଵୃତେ ଯୁଦ୍ଧଂ ତଯା ଦେଵ୍ଯା ସୁରଦ୍ଵିଷାଂ

॥38॥

ଶ୍ଲୋକ 39

ଶସ୍ତ୍ରାସ୍ତ୍ରୈର୍ଭହୁଧା ମୁକ୍ତୈରାଦୀପିତଦିଗନ୍ତରମ୍।

ମହିଷାସୁରସେନାନୀଶ୍ଚିକ୍ଷୁରାଖ୍ଯୋ ମହାସୁରଃ

॥39॥

ଶ୍ଲୋକ 40

ଯୁଯୁଧେ ଚମରଶ୍ଚାନ୍ଯୈଶ୍ଚତୁରଙ୍ଗବଲାନ୍ଵିତଃ।

ରଥାନାମଯୁତୈଃ ଷଡ୍ଭିଃ ରୁଦଗ୍ରାଖ୍ଯୋ ମହାସୁରଃ

॥40॥

ଶ୍ଲୋକ 41

ଅଯୁଧ୍ଯତାଯୁତାନାଂ ଚ ସହସ୍ରେଣ ମହାହନୁଃ।

ପଞ୍ଚାଶଦ୍ଭିଶ୍ଚ ନିଯୁତୈରସିଲୋମା ମହାସୁରଃ

॥41॥

ଶ୍ଲୋକ 42

ଅଯୁତାନାଂ ଶତୈଃ ଷଡ୍ଭିଃର୍ଭାଷ୍କଲୋ ଯୁଯୁଧେ ରଣେ।

ଗଜଵାଜି ସହସ୍ରୌଘୈ ରନେକୈଃ ପରିଵାରିତଃ

॥42॥

ଶ୍ଲୋକ 43

ଵୃତୋ ରଥାନାଂ କୋଟ୍ଯା ଚ ଯୁଦ୍ଧେ ତସ୍ମିନ୍ନଯୁଧ୍ଯତ।

ବିଡାଲାଖ୍ଯୋଽଯୁତାନାଂ ଚ ପଞ୍ଚାଶଦ୍ଭିରଥାଯୁତୈଃ

॥43॥

ଶ୍ଲୋକ 44

ଯୁଯୁଧେ ସଂଯୁଗେ ତତ୍ର ରଥାନାଂ ପରିଵାରିତଃ।

ଅନ୍ଯେ ଚ ତତ୍ରାଯୁତଶୋ ରଥନାଗହଯୈର୍ଵୃତାଃ

॥44॥

ଶ୍ଲୋକ 45

ଯୁଯୁଧୁଃ ସଂଯୁଗେ ଦେଵ୍ଯା ସହ ତତ୍ର ମହାସୁରାଃ।

କୋଟିକୋଟିସହସ୍ତ୍ରୈସ୍ତୁ ରଥାନାଂ ଦନ୍ତିନାଂ ତଥା

॥45॥

ଶ୍ଲୋକ 46

ହଯାନାଂ ଚ ଵୃତୋ ଯୁଦ୍ଧେ ତତ୍ରାଭୂନ୍ମହିଷାସୁରଃ।

ତୋମରୈର୍ଭିନ୍ଧିପାଲୈଶ୍ଚ ଶକ୍ତିଭିର୍ମୁସଲୈସ୍ତଥା

॥46॥

ଶ୍ଲୋକ 47

ଯୁଯୁଧୁଃ ସଂଯୁଗେ ଦେଵ୍ଯା ଖଡ୍ଗୈଃ ପରସୁପଟ୍ଟିସୈଃ।

କେଚିଚ୍ଛ ଚିକ୍ଷିପୁଃ ଶକ୍ତୀଃ କେଚିତ୍ ପାଶାଂସ୍ତଥାପରେ

॥47॥

ଶ୍ଲୋକ 48

ଦେଵୀଂ ଖଡ୍ଗପ୍ରହାରୈସ୍ତୁ ତେ ତାଂ ହନ୍ତୁଂ ପ୍ରଚକ୍ରମୁଃ।

ସାପି ଦେଵୀ ତତସ୍ତାନି ଶସ୍ତ୍ରାଣ୍ଯସ୍ତ୍ରାଣି ଚଣ୍ଡିକା

॥48॥

ଶ୍ଲୋକ 49

ଲୀଲ ଯୈଵ ପ୍ରଚିଚ୍ଛେଦ ନିଜଶସ୍ତ୍ରାସ୍ତ୍ରଵର୍ଷିଣୀ।

ଅନାଯସ୍ତାନନା ଦେଵୀ ସ୍ତୂଯମାନା ସୁରର୍ଷିଭିଃ

॥49॥

ଶ୍ଲୋକ 50

ମୁମୋଚାସୁରଦେହେଷୁ ଶସ୍ତ୍ରାଣ୍ଯସ୍ତ୍ରାଣି ଚେଶ୍ଵରୀ।

ସୋଽପି କ୍ରୁଦ୍ଧୋ ଧୁତସଟୋ ଦେଵ୍ଯା ଵାହନକେସରୀ

॥50॥

ଶ୍ଲୋକ 51

ଚଚାରାସୁର ସୈନ୍ଯେଷୁ ଵନେଷ୍ଵିଵ ହୁତାଶନଃ।

ନିଃଶ୍ଵାସାନ୍ ମୁମୁଚେଯାଂଶ୍ଚ ଯୁଧ୍ଯମାନାରଣେଽମ୍ବିକା

॥51॥

ଶ୍ଲୋକ 52

ତ ଏଵ ସଧ୍ଯସମ୍ଭୂତା ଗଣାଃ ଶତସହସ୍ରଶଃ।

ଯୁଯୁଧୁସ୍ତେ ପରଶୁଭିର୍ଭିନ୍ଦିପାଲାସିପଟ୍ଟିଶୈଃ

॥52॥

ଶ୍ଲୋକ 53

ନାଶଯନ୍ତୋଽଅସୁରଗଣାନ୍ ଦେଵୀଶକ୍ତ୍ଯୁପବୃଂହିତାଃ।

ଅଵାଦଯନ୍ତା ପଟହାନ୍ ଗଣାଃ ଶଙାଂ ସ୍ତଥାପରେ

॥53॥

ଶ୍ଲୋକ 54

ମୃଦଙ୍ଗାଂଶ୍ଚ ତଥୈଵାନ୍ଯେ ତସ୍ମିନ୍ଯୁଦ୍ଧ ମହୋତ୍ସଵେ।

ତତୋଦେଵୀ ତ୍ରିଶୂଲେନ ଗଦଯା ଶକ୍ତିଵୃଷ୍ଟିଭିଃ

॥54॥

ଶ୍ଲୋକ 55

ଖଡ୍ଗାଦିଭିଶ୍ଚ ଶତଶୋ ନିଜଘାନ ମହାସୁରାନ୍।

ପାତଯାମାସ ଚୈଵାନ୍ଯାନ୍ ଘଣ୍ଟାସ୍ଵନଵିମୋହିତାନ୍

॥55॥

ଶ୍ଲୋକ 56

ଅସୁରାନ୍ ଭୁଵିପାଶେନ ବଧ୍ଵାଚାନ୍ଯାନକର୍ଷଯତ୍।

କେଚିଦ୍ ଦ୍ଵିଧାକୃତା ସ୍ତୀକ୍ଷ୍ଣୈଃ ଖଡ୍ଗପାତୈସ୍ତଥାପରେ

॥56॥

ଶ୍ଲୋକ 57

ଵିପୋଥିତା ନିପାତେନ ଗଦଯା ଭୁଵି ଶେରତେ।

ଵେମୁଶ୍ଚ କେଚିଦ୍ରୁଧିରଂ ମୁସଲେନ ଭୃଶଂ ହତାଃ

॥57॥

ଶ୍ଲୋକ 58

କେଚିନ୍ନିପତିତା ଭୂମୌ ଭିନ୍ନାଃ ଶୂଲେନ ଵକ୍ଷସି।

ନିରନ୍ତରାଃ ଶରୌଘେନ କୃତାଃ କେଚିଦ୍ରଣାଜିରେ

॥58॥

ଶ୍ଲୋକ 59

ଶଲ୍ଯାନୁକାରିଣଃ ପ୍ରାଣାନ୍ ମମୁଚୁସ୍ତ୍ରିଦଶାର୍ଦନାଃ।

କେଷାଞ୍ଚିଦ୍ବାହଵଶ୍ଚିନ୍ନାଶ୍ଚିନ୍ନଗ୍ରୀଵାସ୍ତଥାପରେ

॥59॥

ଶ୍ଲୋକ 60

ଶିରାଂସି ପେତୁରନ୍ଯେଷାଂ ଅନ୍ଯେ ମଧ୍ଯେ ଵିଦାରିତାଃ।

ଵିଚ୍ଛିନ୍ନଜଜ୍ଘାସ୍ଵପରେ ପେତୁରୁର୍ଵ୍ଯାଂ ମହାସୁରାଃ

॥60॥

ଶ୍ଲୋକ 61

ଏକବାହ୍ଵକ୍ଷିଚରଣାଃ କେଚିଦ୍ଦେଵ୍ଯା ଦ୍ଵିଧାକୃତାଃ।

ଛିନ୍ନେପି ଚାନ୍ଯେ ଶିରସି ପତିତାଃ ପୁନରୁତ୍ଥିତାଃ

॥61॥

ଶ୍ଲୋକ 62

କବନ୍ଧା ଯୁଯୁଧୁର୍ଦେଵ୍ଯା ଗୃହୀତପରମାଯୁଧାଃ।

ନନୃତୁଶ୍ଚାପରେ ତତ୍ର ଯୁଦ୍ଦେ ତୂର୍ଯଲଯାଶ୍ରିତାଃ

॥62॥

ଶ୍ଲୋକ 63

କବନ୍ଧାଶ୍ଚିନ୍ନଶିରସଃ ଖଡ୍ଗଶକ୍ଯ୍ତୃଷ୍ଟିପାଣଯଃ।

ତିଷ୍ଠ ତିଷ୍ଠେତି ଭାଷନ୍ତୋ ଦେଵୀ ମନ୍ଯେ ମହାସୁରାଃ

॥63॥

ଶ୍ଲୋକ 64

ପାତିତୈ ରଥନାଗାଶ୍ଵୈଃ ଆସୁରୈଶ୍ଚ ଵସୁନ୍ଧରା।

ଅଗମ୍ଯା ସାଭଵତ୍ତତ୍ର ଯତ୍ରାଭୂତ୍ ସ ମହାରଣଃ

॥64॥

ଶ୍ଲୋକ 65

ଶୋଣିତୌଘା ମହାନଦ୍ଯସ୍ସଦ୍ଯସ୍ତତ୍ର ଵିସୁସ୍ରୁଵୁଃ।

ମଧ୍ଯେ ଚାସୁରସୈନ୍ଯସ୍ଯ ଵାରଣାସୁରଵାଜିନାମ୍

॥65॥

ଶ୍ଲୋକ 66

କ୍ଷଣେନ ତନ୍ମହାସୈନ୍ଯମସୁରାଣାଂ ତଥାଽମ୍ବିକା।

ନିନ୍ଯେ କ୍ଷଯଂ ଯଥା ଵହ୍ନିସ୍ତୃଣଦାରୁ ମହାଚଯମ୍

॥66॥

ଶ୍ଲୋକ 67

ସଚ ସିଂହୋ ମହାନାଦମୁତ୍ସୃଜନ୍ ଧୁତକେସରଃ।

ଶରୀରେଭ୍ଯୋଽମରାରୀଣାମସୂନିଵ ଵିଚିନ୍ଵତି

॥67॥

ଶ୍ଲୋକ 68

ଦେଵ୍ଯା ଗଣୈଶ୍ଚ ତୈସ୍ତତ୍ର କୃତଂ ଯୁଦ୍ଧଂ ତଥାସୁରୈଃ।

ଯଥୈଷାଂ ତୁଷ୍ଟୁଵୁର୍ଦେଵାଃ ପୁଷ୍ପଵୃଷ୍ଟିମୁଚୋ ଦିଵି

॥68॥

ଶ୍ଲୋକ 69

ଜଯ ଜଯ ଶ୍ରୀ ମାର୍କଣ୍ଡେଯ ପୁରାଣେ ସାଵର୍ନିକେ ମନ୍ଵନ୍ତରେ ଦେଵି ମହତ୍ମ୍ଯେ ମହିଷାସୁରସୈନ୍ଯଵଧୋ ନାମ ଦ୍ଵିତୀଯୋଽଧ୍ଯାଯଃ॥

ଆହୁତି

ଓଁ ହ୍ରୀଂ ସାଙ୍ଗାଯୈ ସାଯୁଧାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ଅଷ୍ଟାଵିଂଶତି ଵର୍ଣାତ୍ମିକାଯୈ ଲକ୍ଶ୍ମୀ ବୀଜାଦିଷ୍ଟାଯୈ ମହାହୁତିଂ ସମର୍ପଯାମି ନମଃ ସ୍ଵାହା ।