Devi Mahatmyam Durga Saptasati Chapter 2

devI mAhAtmyaM durgA saptashati dvitIyo.adhyAyaH

shloka 1

mahiShAsura sainyavadho nAma dvitIyo.adhyAyaH ||

asya sapta satImadhyama charitrasya viShNur RRiShiH | uShNik ChandaH | shrImahAlakShmIdevatA| shAkambharI shaktiH | durgA bIjam | vAyustattvam | yajurvedaH svarUpam | shrI mahAlakShmIprItyarthe madhyama charitra jape viniyogaH ||

dhyAnaM

OM akShasrakparashuM gadeShukulishaM padmaM dhanuH kuNDikAM

daNDaM shaktimasiM cha charma jalajaM ghaNTAM surAbhAjanam |

shUlaM pAshasudarshane cha dadhatIM hastaiH pravAla prabhAM

seve sairibhamardinImiha mahalakShmIM sarojasthitAm ||

RRiShiruvAcha ||1||

devAsuramabhUdyuddhaM pUrNamabdashataM purA|

mahiShe.asurANAM adhipe devAnA~ncha purandare

tatrAsurairmahAvIryirdevasainyaM parAjitaM|

jitvA cha sakalAn devAn indro.abhUnmahiShAsuraH ||3||

tataH parAjitA devAH padmayoniM prajApatim|

puraskRRityagatAstatra yatresha garuDadhvajau ||4||

yathAvRRittaM tayostadvan mahiShAsuracheShTitam|

tridashAH kathayAmAsurdevAbhibhavavistaram ||5||

sUryendrAgnyanilendUnAM yamasya varuNasya cha

anyeShAM chAdhikArAnsa svayamevAdhitiShTati ||6||

svargAnnirAkRRitAH sarve tena deva gaNA bhuviH|

vicharanti yathA martyA mahiSheNa durAtmanA ||6||

etadvaH kathitaM sarvaM amarArivicheShTitam|

sharaNaM vaH prapannAH smo vadhastasya vichintyatAm ||8||

itthaM nishamya devAnAM vachAMsi madhusUdhanaH

chakAra kopaM shambhushcha bhrukuTIkuTilAnanau ||9||

tato.atikopapUrNasya chakriNo vadanAttataH|

nishchakrAma mahattejo brahmaNaH sha~Nkarasya cha ||10||

anyeShAM chaiva devAnAM shakrAdInAM sharIrataH|

nirgataM sumahattejaH stachchaikyaM samagachChata ||11||

atIva tejasaH kUTaM jvalantamiva parvatam|

dadRRishuste surAstatra jvAlAvyAptadigantaram ||12||

atulaM tatra tattejaH sarvadeva sharIrajam|

ekasthaM tadabhUnnArI vyAptalokatrayaM tviShA ||13||

yadabhUchChAmbhavaM tejaH stenAjAyata tanmukham|

yAmyena chAbhavan keshA bAhavo viShNutejasA ||14||

saumyena stanayoryugmaM madhyaM chaindreNa chAbhavat|

vAruNena cha ja~NghorU nitambastejasA bhuvaH ||15||

brahmaNastejasA pAdau tada~Ngulyo.arka tejasA|

vasUnAM cha karA~NgulyaH kaubereNa cha nAsikA ||16||

tasyAstu dantAH sambhUtA prAjApatyena tejasA

nayanatritayaM jaj~ne tathA pAvakatejasA ||17||

bhruvau cha sandhyayostejaH shravaNAvanilasya cha

anyeShAM chaiva devAnAM sambhavastejasAM shiva ||18||

tataH samasta devAnAM tejorAshisamudbhavAm|

tAM vilokya mudaM prApuH amarA mahiShArditAH ||19||

shUlaM shUlAdviniShkRRiShya dadau tasyai pinAkadhRRik|

chakraM cha dattavAn kRRiShNaH samutpATya svachakrataH ||20||

sha~NkhaM cha varuNaH shaktiM dadau tasyai hutAshanaH

mAruto dattavAMshchApaM bANapUrNe tatheShudhI ||21||

vajramindraH samutpATya kulishAdamarAdhipaH|

dadau tasyai sahasrAkSho ghaNTAmairAvatAdgajAt ||22||

kAladaNDAdyamo daNDaM pAshaM chAmbupatirdadau|

prajApatishchAkShamAlAM dadau brahmA kamaNDalaM ||23||

samastaromakUpeShu nija rashmIn divAkaraH

kAlashcha dattavAn khaDgaM tasyAH shcharma cha nirmalam ||24||

kShIrodashchAmalaM hAraM ajare cha tathAmbare

chUDAmaNiM tathAdivyaM kuNDale kaTakAnicha ||25||

ardhachandraM tadhA shubhraM keyUrAn sarva bAhuShu

nUpurau vimalau tadva dgraiveyakamanuttamam ||26||

aNgulIyakaratnAni samastAsvaNgulIShu cha

vishva karmA dadau tasyai parashuM chAti nirmalaM ||27||

astrANyanekarUpANi tathA.abhedyaM cha daMshanam|

amlAna pa~NkajAM mAlAM shirasyu rasi chAparAm||28||

adadajjaladhistasyai pa~NkajaM chAtishobhanam|

himavAn vAhanaM siMhaM ratnAni vividhAnicha||29||

dadAvashUnyaM surayA pAnapAtraM danAdhipaH|

sheShashcha sarva nAgesho mahAmaNi vibhUShitam ||30||

nAgahAraM dada.au tasyai dhatte yaH pRRithivImimAm|

anyairapi surairdevI bhUShaNaiH AyudhaistathAH ||31||

sammAnitA nanAdochchaiH sATTahAsaM muhurmuhu|

tasyAnAdena ghoreNa kRRitsna mApUritaM nabhaH ||32||

amAyatAtimahatA pratishabdo mahAnabhUt|

chukShubhuH sakalAlokAH samudrAshcha chakampire ||33||

chachAla vasudhA cheluH sakalAshcha mahIdharAH|

jayeti devAshcha mudA tAmUchuH siMhavAhinIm ||34||

tuShTuvurmunayashchainAM bhaktinamrAtmamUrtayaH|

dRRiShTvA samastaM sa~NkShubdhaM trailokyaM amarArayaH ||35||

sannaddhAkhilasainyAste samuttasthurudAyudAH|

AH kimetaditi krodhAdAbhAShya mahiShAsuraH ||36||

abhyadhAvata taM shabdaM asheShairasurairvRRitaH|

sa dadarSha tato devIM vyAptalokatrayAM tviShA||37||

pAdAkrAntyA natabhuvaM kirITollikhitAmbarAm|

kShobhitAsheShapAtAlAM dhanurjyAniHsvanena tAm ||38||

disho bhujasahasreNa samantAdvyApya saMsthitAm|

tataH pravavRRite yuddhaM tayA devyA suradviShAM ||39||

shastrAstrairbhahudhA muktairAdIpitadigantaram|

mahiShAsurasenAnIshchikShurAkhyo mahAsuraH ||40||

yuyudhe chamarashchAnyaishchatura~NgabalAnvitaH|

rathAnAmayutaiH ShaDbhiH rudagrAkhyo mahAsuraH ||41||

ayudhyatAyutAnAM cha sahasreNa mahAhanuH|

pa~nchAshadbhishcha niyutairasilomA mahAsuraH ||42||

ayutAnAM shataiH ShaDbhiHrbhAShkalo yuyudhe raNe|

gajavAji sahasraughai ranekaiH parivAritaH ||43||

vRRito rathAnAM koTyA cha yuddhe tasminnayudhyata|

biDAlAkhyo.ayutAnAM cha pa~nchAshadbhirathAyutaiH ||44||

yuyudhe saMyuge tatra rathAnAM parivAritaH|

anye cha tatrAyutasho rathanAgahayairvRRitAH ||45||

yuyudhuH saMyuge devyA saha tatra mahAsurAH|

koTikoTisahastraistu rathAnAM dantinAM tathA ||46||

hayAnAM cha vRRito yuddhe tatrAbhUnmahiShAsuraH|

tomarairbhindhipAlaishcha shaktibhirmusalaistathA ||47||

yuyudhuH saMyuge devyA khaDgaiH parasupaTTisaiH|

kechichCha chikShipuH shaktIH kechit pAshAMstathApare ||48||

devIM khaDgaprahAraistu te tAM hantuM prachakramuH|

sApi devI tatastAni shastrANyastrANi chaNDikA ||49||

lIla yaiva prachichCheda nijashastrAstravarShiNI|

anAyastAnanA devI stUyamAnA surarShibhiH ||50||

mumochAsuradeheShu shastrANyastrANi cheshvarI|

so.api kruddho dhutasaTo devyA vAhanakesarI ||51||

chachArAsura sainyeShu vaneShviva hutAshanaH|

niHshvAsAn mumucheyAMshcha yudhyamAnAraNe.ambikA||52||

ta eva sadhyasambhUtA gaNAH shatasahasrashaH|

yuyudhuste parashubhirbhindipAlAsipaTTishaiH ||53||

nAshayanto.aasuragaNAn devIshaktyupabRRiMhitAH|

avAdayantA paTahAn gaNAH sha~NAM stathApare||54||

mRRida~NgAMshcha tathaivAnye tasminyuddha mahotsave|

tatodevI trishUlena gadayA shaktivRRiShTibhiH||55||

khaDgAdibhishcha shatasho nijaghAna mahAsurAn|

pAtayAmAsa chaivAnyAn ghaNTAsvanavimohitAn ||56||

asurAn bhuvipAshena badhvAchAnyAnakarShayat|

kechid dvidhAkRRitA stIkShNaiH khaDgapAtaistathApare||57||

vipothitA nipAtena gadayA bhuvi sherate|

vemushcha kechidrudhiraM musalena bhRRishaM hatAH ||58||

kechinnipatitA bhUmau bhinnAH shUlena vakShasi|

nirantarAH sharaughena kRRitAH kechidraNAjire ||59||

shalyAnukAriNaH prANAn mamuchustridashArdanAH|

keShA~nchidbAhavashchinnAshchinnagrIvAstathApare ||60||

shirAMsi peturanyeShAM anye madhye vidAritAH|

vichChinnajajghAsvapare petururvyAM mahAsurAH ||61||

ekabAhvakShicharaNAH kechiddevyA dvidhAkRRitAH|

Chinnepi chAnye shirasi patitAH punarutthitAH ||62||

kabandhA yuyudhurdevyA gRRihItaparamAyudhAH|

nanRRitushchApare tatra yudde tUryalayAshritAH ||63||

kabandhAshchinnashirasaH khaDgashakytRRiShTipANayaH|

tiShTha tiShTheti bhAShanto devI manye mahAsurAH ||64||

pAtitai rathanAgAshvaiH Asuraishcha vasundharA|

agamyA sAbhavattatra yatrAbhUt sa mahAraNaH ||65||

shoNitaughA mahAnadyassadyastatra visusruvuH|

madhye chAsurasainyasya vAraNAsuravAjinAm ||66||

kShaNena tanmahAsainyamasurANAM tathA.ambikA|

ninye kShayaM yathA vahnistRRiNadAru mahAchayam ||67||

sacha siMho mahAnAdamutsRRijan dhutakesaraH|

sharIrebhyo.amarArINAmasUniva vichinvati ||68||

devyA gaNaishcha taistatra kRRitaM yuddhaM tathAsuraiH|

yathaiShAM tuShTuvurdevAH puShpavRRiShTimucho divi ||69||

jaya jaya shrI mArkaNDeya purANe sAvarnike manvantare devi mahatmye mahiShAsurasainyavadho nAma dvitIyo.adhyAyaH||

Ahuti

OM hrIM sA~NgAyai sAyudhAyai sashaktikAyai saparivArAyai savAhanAyai aShTAviMshati varNAtmikAyai lakshmI bIjAdiShTAyai mahAhutiM samarpayAmi namaH svAhA |