Devi Mahatmyam Durga Saptasati Chapter 2

devI mAhAtmyaM durgA saptazati dvitIyo'dhyAyaH

zloka 1

mahiSAsura sainyavadho nAma dvitIyo'dhyAyaH ||

asya sapta satImadhyama caritrasya viSNur RSiH | uSNik chandaH | zrImahAlakSmIdevatA| zAkambharI zaktiH | durgA bIjam | vAyustattvam | yajurvedaH svarUpam | zrI mahAlakSmIprItyarthe madhyama caritra jape viniyogaH ||

dhyAnaM

OM akSasrakparazuM gadeSukulizaM padmaM dhanuH kuNDikAM

daNDaM zaktimasiM ca carma jalajaM ghaNTAM surAbhAjanam |

zUlaM pAzasudarzane ca dadhatIM hastaiH pravAla prabhAM

seve sairibhamardinImiha mahalakSmIM sarojasthitAm ||

RSiruvAca ||1||

devAsuramabhUdyuddhaM pUrNamabdazataM purA|

mahiSe'surANAM adhipe devAnAJca purandare

tatrAsurairmahAvIryirdevasainyaM parAjitaM|

jitvA ca sakalAn devAn indro'bhUnmahiSAsuraH ||3||

tataH parAjitA devAH padmayoniM prajApatim|

puraskRtyagatAstatra yatreza garuDadhvajau ||4||

yathAvRttaM tayostadvan mahiSAsuraceSTitam|

tridazAH kathayAmAsurdevAbhibhavavistaram ||5||

sUryendrAgnyanilendUnAM yamasya varuNasya ca

anyeSAM cAdhikArAnsa svayamevAdhitiSTati ||6||

svargAnnirAkRtAH sarve tena deva gaNA bhuviH|

vicaranti yathA martyA mahiSeNa durAtmanA ||6||

etadvaH kathitaM sarvaM amarAriviceSTitam|

zaraNaM vaH prapannAH smo vadhastasya vicintyatAm ||8||

itthaM nizamya devAnAM vacAMsi madhusUdhanaH

cakAra kopaM zambhuzca bhrukuTIkuTilAnanau ||9||

tato'tikopapUrNasya cakriNo vadanAttataH|

nizcakrAma mahattejo brahmaNaH zaGkarasya ca ||10||

anyeSAM caiva devAnAM zakrAdInAM zarIrataH|

nirgataM sumahattejaH staccaikyaM samagacchata ||11||

atIva tejasaH kUTaM jvalantamiva parvatam|

dadRzuste surAstatra jvAlAvyAptadigantaram ||12||

atulaM tatra tattejaH sarvadeva zarIrajam|

ekasthaM tadabhUnnArI vyAptalokatrayaM tviSA ||13||

yadabhUcchAmbhavaM tejaH stenAjAyata tanmukham|

yAmyena cAbhavan kezA bAhavo viSNutejasA ||14||

saumyena stanayoryugmaM madhyaM caindreNa cAbhavat|

vAruNena ca jaGghorU nitambastejasA bhuvaH ||15||

brahmaNastejasA pAdau tadaGgulyo'rka tejasA|

vasUnAM ca karAGgulyaH kaubereNa ca nAsikA ||16||

tasyAstu dantAH sambhUtA prAjApatyena tejasA

nayanatritayaM jajJe tathA pAvakatejasA ||17||

bhruvau ca sandhyayostejaH zravaNAvanilasya ca

anyeSAM caiva devAnAM sambhavastejasAM ziva ||18||

tataH samasta devAnAM tejorAzisamudbhavAm|

tAM vilokya mudaM prApuH amarA mahiSArditAH ||19||

zUlaM zUlAdviniSkRSya dadau tasyai pinAkadhRk|

cakraM ca dattavAn kRSNaH samutpATya svacakrataH ||20||

zaGkhaM ca varuNaH zaktiM dadau tasyai hutAzanaH

mAruto dattavAMzcApaM bANapUrNe tatheSudhI ||21||

vajramindraH samutpATya kulizAdamarAdhipaH|

dadau tasyai sahasrAkSo ghaNTAmairAvatAdgajAt ||22||

kAladaNDAdyamo daNDaM pAzaM cAmbupatirdadau|

prajApatizcAkSamAlAM dadau brahmA kamaNDalaM ||23||

samastaromakUpeSu nija razmIn divAkaraH

kAlazca dattavAn khaDgaM tasyAH zcarma ca nirmalam ||24||

kSIrodazcAmalaM hAraM ajare ca tathAmbare

cUDAmaNiM tathAdivyaM kuNDale kaTakAnica ||25||

ardhacandraM tadhA zubhraM keyUrAn sarva bAhuSu

nUpurau vimalau tadva dgraiveyakamanuttamam ||26||

aGgulIyakaratnAni samastAsvaGgulISu ca

vizva karmA dadau tasyai parazuM cAti nirmalaM ||27||

astrANyanekarUpANi tathA'bhedyaM ca daMzanam|

amlAna paGkajAM mAlAM zirasyu rasi cAparAm||28||

adadajjaladhistasyai paGkajaM cAtizobhanam|

himavAn vAhanaM siMhaM ratnAni vividhAnica||29||

dadAvazUnyaM surayA pAnapAtraM danAdhipaH|

zeSazca sarva nAgezo mahAmaNi vibhUSitam ||30||

nAgahAraM dada'u tasyai dhatte yaH pRthivImimAm|

anyairapi surairdevI bhUSaNaiH AyudhaistathAH ||31||

sammAnitA nanAdoccaiH sATTahAsaM muhurmuhu|

tasyAnAdena ghoreNa kRtsna mApUritaM nabhaH ||32||

amAyatAtimahatA pratizabdo mahAnabhUt|

cukSubhuH sakalAlokAH samudrAzca cakampire ||33||

cacAla vasudhA celuH sakalAzca mahIdharAH|

jayeti devAzca mudA tAmUcuH siMhavAhinIm ||34||

tuSTuvurmunayazcainAM bhaktinamrAtmamUrtayaH|

dRSTvA samastaM saGkSubdhaM trailokyaM amarArayaH ||35||

sannaddhAkhilasainyAste samuttasthurudAyudAH|

AH kimetaditi krodhAdAbhASya mahiSAsuraH ||36||

abhyadhAvata taM zabdaM azeSairasurairvRtaH|

sa dadarSa tato devIM vyAptalokatrayAM tviSA||37||

pAdAkrAntyA natabhuvaM kirITollikhitAmbarAm|

kSobhitAzeSapAtAlAM dhanurjyAniHsvanena tAm ||38||

dizo bhujasahasreNa samantAdvyApya saMsthitAm|

tataH pravavRte yuddhaM tayA devyA suradviSAM ||39||

zastrAstrairbhahudhA muktairAdIpitadigantaram|

mahiSAsurasenAnIzcikSurAkhyo mahAsuraH ||40||

yuyudhe camarazcAnyaizcaturaGgabalAnvitaH|

rathAnAmayutaiH SaDbhiH rudagrAkhyo mahAsuraH ||41||

ayudhyatAyutAnAM ca sahasreNa mahAhanuH|

paJcAzadbhizca niyutairasilomA mahAsuraH ||42||

ayutAnAM zataiH SaDbhiHrbhASkalo yuyudhe raNe|

gajavAji sahasraughai ranekaiH parivAritaH ||43||

vRto rathAnAM koTyA ca yuddhe tasminnayudhyata|

biDAlAkhyo'yutAnAM ca paJcAzadbhirathAyutaiH ||44||

yuyudhe saMyuge tatra rathAnAM parivAritaH|

anye ca tatrAyutazo rathanAgahayairvRtAH ||45||

yuyudhuH saMyuge devyA saha tatra mahAsurAH|

koTikoTisahastraistu rathAnAM dantinAM tathA ||46||

hayAnAM ca vRto yuddhe tatrAbhUnmahiSAsuraH|

tomarairbhindhipAlaizca zaktibhirmusalaistathA ||47||

yuyudhuH saMyuge devyA khaDgaiH parasupaTTisaiH|

keciccha cikSipuH zaktIH kecit pAzAMstathApare ||48||

devIM khaDgaprahAraistu te tAM hantuM pracakramuH|

sApi devI tatastAni zastrANyastrANi caNDikA ||49||

lIla yaiva praciccheda nijazastrAstravarSiNI|

anAyastAnanA devI stUyamAnA surarSibhiH ||50||

mumocAsuradeheSu zastrANyastrANi cezvarI|

so'pi kruddho dhutasaTo devyA vAhanakesarI ||51||

cacArAsura sainyeSu vaneSviva hutAzanaH|

niHzvAsAn mumuceyAMzca yudhyamAnAraNe'mbikA||52||

ta eva sadhyasambhUtA gaNAH zatasahasrazaH|

yuyudhuste parazubhirbhindipAlAsipaTTizaiH ||53||

nAzayanto'asuragaNAn devIzaktyupabRMhitAH|

avAdayantA paTahAn gaNAH zaGAM stathApare||54||

mRdaGgAMzca tathaivAnye tasminyuddha mahotsave|

tatodevI trizUlena gadayA zaktivRSTibhiH||55||

khaDgAdibhizca zatazo nijaghAna mahAsurAn|

pAtayAmAsa caivAnyAn ghaNTAsvanavimohitAn ||56||

asurAn bhuvipAzena badhvAcAnyAnakarSayat|

kecid dvidhAkRtA stIkSNaiH khaDgapAtaistathApare||57||

vipothitA nipAtena gadayA bhuvi zerate|

vemuzca kecidrudhiraM musalena bhRzaM hatAH ||58||

kecinnipatitA bhUmau bhinnAH zUlena vakSasi|

nirantarAH zaraughena kRtAH kecidraNAjire ||59||

zalyAnukAriNaH prANAn mamucustridazArdanAH|

keSAJcidbAhavazcinnAzcinnagrIvAstathApare ||60||

zirAMsi peturanyeSAM anye madhye vidAritAH|

vicchinnajajghAsvapare petururvyAM mahAsurAH ||61||

ekabAhvakSicaraNAH keciddevyA dvidhAkRtAH|

chinnepi cAnye zirasi patitAH punarutthitAH ||62||

kabandhA yuyudhurdevyA gRhItaparamAyudhAH|

nanRtuzcApare tatra yudde tUryalayAzritAH ||63||

kabandhAzcinnazirasaH khaDgazakytRSTipANayaH|

tiSTha tiSTheti bhASanto devI manye mahAsurAH ||64||

pAtitai rathanAgAzvaiH Asuraizca vasundharA|

agamyA sAbhavattatra yatrAbhUt sa mahAraNaH ||65||

zoNitaughA mahAnadyassadyastatra visusruvuH|

madhye cAsurasainyasya vAraNAsuravAjinAm ||66||

kSaNena tanmahAsainyamasurANAM tathA'mbikA|

ninye kSayaM yathA vahnistRNadAru mahAcayam ||67||

saca siMho mahAnAdamutsRjan dhutakesaraH|

zarIrebhyo'marArINAmasUniva vicinvati ||68||

devyA gaNaizca taistatra kRtaM yuddhaM tathAsuraiH|

yathaiSAM tuSTuvurdevAH puSpavRSTimuco divi ||69||

jaya jaya zrI mArkaNDeya purANe sAvarnike manvantare devi mahatmye mahiSAsurasainyavadho nAma dvitIyo'dhyAyaH||

Ahuti

OM hrIM sAGgAyai sAyudhAyai sazaktikAyai saparivArAyai savAhanAyai aSTAviMzati varNAtmikAyai lakzmI bIjAdiSTAyai mahAhutiM samarpayAmi namaH svAhA |