Devi Mahatmyam Durga Saptasati Chapter 2

দেবী মাহাত্ম্যং দুর্গা সপ্তশতি দ্বিতীযোঽধ্যাযঃ

শ্লোক 1

মহিষাসুর সৈন্যবধো নাম দ্বিতীযোঽধ্যাযঃ ॥

অস্য সপ্ত সতীমধ্যম চরিত্রস্য বিষ্ণুর্ ঋষিঃ । উষ্ণিক্ ছন্দঃ । শ্রীমহালক্ষ্মীদেবতা। শাকম্ভরী শক্তিঃ । দুর্গা বীজম্ । বাযুস্তত্ত্বম্ । যজুর্বেদঃ স্বরূপম্ । শ্রী মহালক্ষ্মীপ্রীত্যর্থে মধ্যম চরিত্র জপে বিনিযোগঃ ॥

ধ্যানং

ওঁ অক্ষস্রক্পরশুং গদেষুকুলিশং পদ্মং ধনুঃ কুণ্ডিকাং

দণ্ডং শক্তিমসিং চ চর্ম জলজং ঘণ্টাং সুরাভাজনম্ ।

শূলং পাশসুদর্শনে চ দধতীং হস্তৈঃ প্রবাল প্রভাং

সেবে সৈরিভমর্দিনীমিহ মহলক্ষ্মীং সরোজস্থিতাম্ ॥

ঋষিরুবাচ

শ্লোক 2

দেবাসুরমভূদ্যুদ্ধং পূর্ণমব্দশতং পুরা।

মহিষেঽসুরাণাং অধিপে দেবানাঞ্চ পুরন্দরে

তত্রাসুরৈর্মহাবীর্যির্দেবসৈন্যং পরাজিতং।

জিত্বা চ সকলান্ দেবান্ ইন্দ্রোঽভূন্মহিষাসুরঃ

॥1॥

শ্লোক 3

ততঃ পরাজিতা দেবাঃ পদ্মযোনিং প্রজাপতিম্।

পুরস্কৃত্যগতাস্তত্র যত্রেশ গরুডধ্বজৌ

॥3॥

শ্লোক 4

যথাবৃত্তং তযোস্তদ্বন্ মহিষাসুরচেষ্টিতম্।

ত্রিদশাঃ কথযামাসুর্দেবাভিভববিস্তরম্

॥4॥

শ্লোক 5

সূর্যেন্দ্রাগ্ন্যনিলেন্দূনাং যমস্য বরুণস্য চ

অন্যেষাং চাধিকারান্স স্বযমেবাধিতিষ্টতি

॥5॥

শ্লোক 6

স্বর্গান্নিরাকৃতাঃ সর্বে তেন দেব গণা ভুবিঃ।

বিচরন্তি যথা মর্ত্যা মহিষেণ দুরাত্মনা

॥6॥

শ্লোক 7

এতদ্বঃ কথিতং সর্বং অমরারিবিচেষ্টিতম্।

শরণং বঃ প্রপন্নাঃ স্মো বধস্তস্য বিচিন্ত্যতাম্

॥6॥

শ্লোক 8

ইত্থং নিশম্য দেবানাং বচাংসি মধুসূধনঃ

চকার কোপং শম্ভুশ্চ ভ্রুকুটীকুটিলাননৌ

॥8॥

শ্লোক 9

ততোঽতিকোপপূর্ণস্য চক্রিণো বদনাত্ততঃ।

নিশ্চক্রাম মহত্তেজো ব্রহ্মণঃ শঙ্করস্য চ

॥9॥

শ্লোক 10

অন্যেষাং চৈব দেবানাং শক্রাদীনাং শরীরতঃ।

নির্গতং সুমহত্তেজঃ স্তচ্চৈক্যং সমগচ্ছত

॥10॥

শ্লোক 11

অতীব তেজসঃ কূটং জ্বলন্তমিব পর্বতম্।

দদৃশুস্তে সুরাস্তত্র জ্বালাব্যাপ্তদিগন্তরম্

॥11॥

শ্লোক 12

অতুলং তত্র তত্তেজঃ সর্বদেব শরীরজম্।

একস্থং তদভূন্নারী ব্যাপ্তলোকত্রযং ত্বিষা

॥12॥

শ্লোক 13

যদভূচ্ছাম্ভবং তেজঃ স্তেনাজাযত তন্মুখম্।

যাম্যেন চাভবন্ কেশা বাহবো বিষ্ণুতেজসা

॥13॥

শ্লোক 14

সৌম্যেন স্তনযোর্যুগ্মং মধ্যং চৈন্দ্রেণ চাভবত্।

বারুণেন চ জঙ্ঘোরূ নিতম্বস্তেজসা ভুবঃ

॥14॥

শ্লোক 15

ব্রহ্মণস্তেজসা পাদৌ তদঙ্গুল্যোঽর্ক তেজসা।

বসূনাং চ করাঙ্গুল্যঃ কৌবেরেণ চ নাসিকা

॥15॥

শ্লোক 16

তস্যাস্তু দন্তাঃ সম্ভূতা প্রাজাপত্যেন তেজসা

নযনত্রিতযং জজ্ঞে তথা পাবকতেজসা

॥16॥

শ্লোক 17

ভ্রুবৌ চ সন্ধ্যযোস্তেজঃ শ্রবণাবনিলস্য চ

অন্যেষাং চৈব দেবানাং সম্ভবস্তেজসাং শিব

॥17॥

শ্লোক 18

ততঃ সমস্ত দেবানাং তেজোরাশিসমুদ্ভবাম্।

তাং বিলোক্য মুদং প্রাপুঃ অমরা মহিষার্দিতাঃ

॥18॥

শ্লোক 19

শূলং শূলাদ্বিনিষ্কৃষ্য দদৌ তস্যৈ পিনাকধৃক্।

চক্রং চ দত্তবান্ কৃষ্ণঃ সমুত্পাট্য স্বচক্রতঃ

॥19॥

শ্লোক 20

শঙ্খং চ বরুণঃ শক্তিং দদৌ তস্যৈ হুতাশনঃ

মারুতো দত্তবাংশ্চাপং বাণপূর্ণে তথেষুধী

॥20॥

শ্লোক 21

বজ্রমিন্দ্রঃ সমুত্পাট্য কুলিশাদমরাধিপঃ।

দদৌ তস্যৈ সহস্রাক্ষো ঘণ্টামৈরাবতাদ্গজাত্

॥21॥

শ্লোক 22

কালদণ্ডাদ্যমো দণ্ডং পাশং চাম্বুপতির্দদৌ।

প্রজাপতিশ্চাক্ষমালাং দদৌ ব্রহ্মা কমণ্ডলং

॥22॥

শ্লোক 23

সমস্তরোমকূপেষু নিজ রশ্মীন্ দিবাকরঃ

কালশ্চ দত্তবান্ খড্গং তস্যাঃ শ্চর্ম চ নির্মলম্

॥23॥

শ্লোক 24

ক্ষীরোদশ্চামলং হারং অজরে চ তথাম্বরে

চূডামণিং তথাদিব্যং কুণ্ডলে কটকানিচ

॥24॥

শ্লোক 25

অর্ধচন্দ্রং তধা শুভ্রং কেযূরান্ সর্ব বাহুষু

নূপুরৌ বিমলৌ তদ্ব দ্গ্রৈবেযকমনুত্তমম্

॥25॥

শ্লোক 26

অঙ্গুলীযকরত্নানি সমস্তাস্বঙ্গুলীষু চ

বিশ্ব কর্মা দদৌ তস্যৈ পরশুং চাতি নির্মলং

॥26॥

শ্লোক 27

অস্ত্রাণ্যনেকরূপাণি তথাঽভেদ্যং চ দংশনম্।

অম্লান পঙ্কজাং মালাং শিরস্যু রসি চাপরাম্

॥27॥

শ্লোক 28

অদদজ্জলধিস্তস্যৈ পঙ্কজং চাতিশোভনম্।

হিমবান্ বাহনং সিংহং রত্নানি বিবিধানিচ

॥28॥

শ্লোক 29

দদাবশূন্যং সুরযা পানপাত্রং দনাধিপঃ।

শেষশ্চ সর্ব নাগেশো মহামণি বিভূষিতম্

॥29॥

শ্লোক 30

নাগহারং দদঽউ তস্যৈ ধত্তে যঃ পৃথিবীমিমাম্।

অন্যৈরপি সুরৈর্দেবী ভূষণৈঃ আযুধৈস্তথাঃ

॥30॥

শ্লোক 31

সম্মানিতা ননাদোচ্চৈঃ সাট্টহাসং মুহুর্মুহু।

তস্যানাদেন ঘোরেণ কৃত্স্ন মাপূরিতং নভঃ

॥31॥

শ্লোক 32

অমাযতাতিমহতা প্রতিশব্দো মহানভূত্।

চুক্ষুভুঃ সকলালোকাঃ সমুদ্রাশ্চ চকম্পিরে

॥32॥

শ্লোক 33

চচাল বসুধা চেলুঃ সকলাশ্চ মহীধরাঃ।

জযেতি দেবাশ্চ মুদা তামূচুঃ সিংহবাহিনীম্

॥33॥

শ্লোক 34

তুষ্টুবুর্মুনযশ্চৈনাং ভক্তিনম্রাত্মমূর্তযঃ।

দৃষ্ট্বা সমস্তং সঙ্ক্ষুব্ধং ত্রৈলোক্যং অমরারযঃ

॥34॥

শ্লোক 35

সন্নদ্ধাখিলসৈন্যাস্তে সমুত্তস্থুরুদাযুদাঃ।

আঃ কিমেতদিতি ক্রোধাদাভাষ্য মহিষাসুরঃ

॥35॥

শ্লোক 36

অভ্যধাবত তং শব্দং অশেষৈরসুরৈর্বৃতঃ।

স দদর্ষ ততো দেবীং ব্যাপ্তলোকত্রযাং ত্বিষা

॥36॥

শ্লোক 37

পাদাক্রান্ত্যা নতভুবং কিরীটোল্লিখিতাম্বরাম্।

ক্ষোভিতাশেষপাতালাং ধনুর্জ্যানিঃস্বনেন তাম্

॥37॥

শ্লোক 38

দিশো ভুজসহস্রেণ সমন্তাদ্ব্যাপ্য সংস্থিতাম্।

ততঃ প্রববৃতে যুদ্ধং তযা দেব্যা সুরদ্বিষাং

॥38॥

শ্লোক 39

শস্ত্রাস্ত্রৈর্ভহুধা মুক্তৈরাদীপিতদিগন্তরম্।

মহিষাসুরসেনানীশ্চিক্ষুরাখ্যো মহাসুরঃ

॥39॥

শ্লোক 40

যুযুধে চমরশ্চান্যৈশ্চতুরঙ্গবলান্বিতঃ।

রথানামযুতৈঃ ষড্ভিঃ রুদগ্রাখ্যো মহাসুরঃ

॥40॥

শ্লোক 41

অযুধ্যতাযুতানাং চ সহস্রেণ মহাহনুঃ।

পঞ্চাশদ্ভিশ্চ নিযুতৈরসিলোমা মহাসুরঃ

॥41॥

শ্লোক 42

অযুতানাং শতৈঃ ষড্ভিঃর্ভাষ্কলো যুযুধে রণে।

গজবাজি সহস্রৌঘৈ রনেকৈঃ পরিবারিতঃ

॥42॥

শ্লোক 43

বৃতো রথানাং কোট্যা চ যুদ্ধে তস্মিন্নযুধ্যত।

বিডালাখ্যোঽযুতানাং চ পঞ্চাশদ্ভিরথাযুতৈঃ

॥43॥

শ্লোক 44

যুযুধে সংযুগে তত্র রথানাং পরিবারিতঃ।

অন্যে চ তত্রাযুতশো রথনাগহযৈর্বৃতাঃ

॥44॥

শ্লোক 45

যুযুধুঃ সংযুগে দেব্যা সহ তত্র মহাসুরাঃ।

কোটিকোটিসহস্ত্রৈস্তু রথানাং দন্তিনাং তথা

॥45॥

শ্লোক 46

হযানাং চ বৃতো যুদ্ধে তত্রাভূন্মহিষাসুরঃ।

তোমরৈর্ভিন্ধিপালৈশ্চ শক্তিভির্মুসলৈস্তথা

॥46॥

শ্লোক 47

যুযুধুঃ সংযুগে দেব্যা খড্গৈঃ পরসুপট্টিসৈঃ।

কেচিচ্ছ চিক্ষিপুঃ শক্তীঃ কেচিত্ পাশাংস্তথাপরে

॥47॥

শ্লোক 48

দেবীং খড্গপ্রহারৈস্তু তে তাং হন্তুং প্রচক্রমুঃ।

সাপি দেবী ততস্তানি শস্ত্রাণ্যস্ত্রাণি চণ্ডিকা

॥48॥

শ্লোক 49

লীল যৈব প্রচিচ্ছেদ নিজশস্ত্রাস্ত্রবর্ষিণী।

অনাযস্তাননা দেবী স্তূযমানা সুরর্ষিভিঃ

॥49॥

শ্লোক 50

মুমোচাসুরদেহেষু শস্ত্রাণ্যস্ত্রাণি চেশ্বরী।

সোঽপি ক্রুদ্ধো ধুতসটো দেব্যা বাহনকেসরী

॥50॥

শ্লোক 51

চচারাসুর সৈন্যেষু বনেষ্বিব হুতাশনঃ।

নিঃশ্বাসান্ মুমুচেযাংশ্চ যুধ্যমানারণেঽম্বিকা

॥51॥

শ্লোক 52

ত এব সধ্যসম্ভূতা গণাঃ শতসহস্রশঃ।

যুযুধুস্তে পরশুভির্ভিন্দিপালাসিপট্টিশৈঃ

॥52॥

শ্লোক 53

নাশযন্তোঽঅসুরগণান্ দেবীশক্ত্যুপবৃংহিতাঃ।

অবাদযন্তা পটহান্ গণাঃ শঙাং স্তথাপরে

॥53॥

শ্লোক 54

মৃদঙ্গাংশ্চ তথৈবান্যে তস্মিন্যুদ্ধ মহোত্সবে।

ততোদেবী ত্রিশূলেন গদযা শক্তিবৃষ্টিভিঃ

॥54॥

শ্লোক 55

খড্গাদিভিশ্চ শতশো নিজঘান মহাসুরান্।

পাতযামাস চৈবান্যান্ ঘণ্টাস্বনবিমোহিতান্

॥55॥

শ্লোক 56

অসুরান্ ভুবিপাশেন বধ্বাচান্যানকর্ষযত্।

কেচিদ্ দ্বিধাকৃতা স্তীক্ষ্ণৈঃ খড্গপাতৈস্তথাপরে

॥56॥

শ্লোক 57

বিপোথিতা নিপাতেন গদযা ভুবি শেরতে।

বেমুশ্চ কেচিদ্রুধিরং মুসলেন ভৃশং হতাঃ

॥57॥

শ্লোক 58

কেচিন্নিপতিতা ভূমৌ ভিন্নাঃ শূলেন বক্ষসি।

নিরন্তরাঃ শরৌঘেন কৃতাঃ কেচিদ্রণাজিরে

॥58॥

শ্লোক 59

শল্যানুকারিণঃ প্রাণান্ মমুচুস্ত্রিদশার্দনাঃ।

কেষাঞ্চিদ্বাহবশ্চিন্নাশ্চিন্নগ্রীবাস্তথাপরে

॥59॥

শ্লোক 60

শিরাংসি পেতুরন্যেষাং অন্যে মধ্যে বিদারিতাঃ।

বিচ্ছিন্নজজ্ঘাস্বপরে পেতুরুর্ব্যাং মহাসুরাঃ

॥60॥

শ্লোক 61

একবাহ্বক্ষিচরণাঃ কেচিদ্দেব্যা দ্বিধাকৃতাঃ।

ছিন্নেপি চান্যে শিরসি পতিতাঃ পুনরুত্থিতাঃ

॥61॥

শ্লোক 62

কবন্ধা যুযুধুর্দেব্যা গৃহীতপরমাযুধাঃ।

ননৃতুশ্চাপরে তত্র যুদ্দে তূর্যলযাশ্রিতাঃ

॥62॥

শ্লোক 63

কবন্ধাশ্চিন্নশিরসঃ খড্গশক্য্তৃষ্টিপাণযঃ।

তিষ্ঠ তিষ্ঠেতি ভাষন্তো দেবী মন্যে মহাসুরাঃ

॥63॥

শ্লোক 64

পাতিতৈ রথনাগাশ্বৈঃ আসুরৈশ্চ বসুন্ধরা।

অগম্যা সাভবত্তত্র যত্রাভূত্ স মহারণঃ

॥64॥

শ্লোক 65

শোণিতৌঘা মহানদ্যস্সদ্যস্তত্র বিসুস্রুবুঃ।

মধ্যে চাসুরসৈন্যস্য বারণাসুরবাজিনাম্

॥65॥

শ্লোক 66

ক্ষণেন তন্মহাসৈন্যমসুরাণাং তথাঽম্বিকা।

নিন্যে ক্ষযং যথা বহ্নিস্তৃণদারু মহাচযম্

॥66॥

শ্লোক 67

সচ সিংহো মহানাদমুত্সৃজন্ ধুতকেসরঃ।

শরীরেভ্যোঽমরারীণামসূনিব বিচিন্বতি

॥67॥

শ্লোক 68

দেব্যা গণৈশ্চ তৈস্তত্র কৃতং যুদ্ধং তথাসুরৈঃ।

যথৈষাং তুষ্টুবুর্দেবাঃ পুষ্পবৃষ্টিমুচো দিবি

॥68॥

শ্লোক 69

জয জয শ্রী মার্কণ্ডেয পুরাণে সাবর্নিকে মন্বন্তরে দেবি মহত্ম্যে মহিষাসুরসৈন্যবধো নাম দ্বিতীযোঽধ্যাযঃ॥

আহুতি

ওঁ হ্রীং সাঙ্গাযৈ সাযুধাযৈ সশক্তিকাযৈ সপরিবারাযৈ সবাহনাযৈ অষ্টাবিংশতি বর্ণাত্মিকাযৈ লক্শ্মী বীজাদিষ্টাযৈ মহাহুতিং সমর্পযামি নমঃ স্বাহা ।